تجمع امهات العالمية الامريكية

[omlolo]

هلا والله أم لولو ألف مبروك قبول وليدج الله يخليه وحياج الله معانا حبيبتي

الله يبارك فيج ياحبيبتي

 

[omlolo]

بنات شلون طريقه الملف الصحي يعني اروح المستوصف او الصحة المدرسيه؟؟
والصحة المدرسية بالضاحية ولا بالسالمية

انا باجر ماخذه اجازه قلت بغيبه عن الحضانه واروح لأن ولدي اسم الله عليه كله مريض معاه ربو قلت خل اروح اخلص اوراقه دامه زين هالايام قبل لايطيح علي

 

[mr000]

سلام أمهات اشلونكم!! أم لولو ان شاءالله الأمهات اللي عيالهم بالكي جي يجاوبونج ىنا ولدي كبير ناسيه سالفة الملف الصحي!!اليوم ولدي ماقدر يمر المعرض لأن مدرسهم الpe معطي الصف كله ديتينشن اليوم وباجر فمايقدر يطلع بالبريك وبالهده كان عنده تيوترينج يمكن باجر يروح بالهده!والله حرام يعني طول اليوم قاعدين بالصف مايصدقون متى ايي هالبريك يتنفسون شوي.. المهم آنا اليوم ولدي قالي خبر كلش مو شي ضاق خلقي حيل يعني صج فرحه ماتمت آنا قلت لكم خايفه أفرح أن يتهم مدرسة الرياضيات مالت العام تدرسهم وترد تروح وصج صار هالشي اليوم قالتلهم خلاص باجر آخر يوم دوام لي بالمدرسه.. آنا استقلت...مادري شالسالفه.. عاد تصدقون أنها بس درستهم هالأسبوعين ولدي أخذ A بالأمتحانين اللي عطتهم... ألحين الله يستر ماعندهم غير الهنديه الدايخه!! وتوني فتحت أيميلاتي ألا دازتلنا الخبر أنها خلاص تركت المدرسه!! سكتوا صاكه فيني الدنيا..

 

[bella bambina]

لألألألألألألألألأ شنو هذا من صجج مرو شالسالفه السنه ما ظل أحد ما استقال ما تقدرين تدزين لها ايميل تسالينها عن السبب؟ من حق أولياء الأمور يعرفون سبب استقالة المدرسين ولا ترضون بالمدرسه الهنديه لو شنو يقولون لكم
أم لولو آنا أمي اللي توديهم هالأماكن أذكر بالصيف توديهم المستوصف يعطونهم تطعيم الروضه مع ان عيالي يكونون مو كاملين 3 سنين بس يقولون بما انها مدرستهم الدائمه فلازم ياخذون تطعيم الروضه ودكتور المستوصف يختم الورقه الله يشافي ولدج الربو مشكله

 

[mr000]

والله بيلا آنا طرشتلها قلتلها ليش هالسنه المدرسين وايد قاعد يستقيلون وبالذات لاحظنا المدرسين الزينين.. وقلتلها أن وايد أمهات متضايقين من هالموضوع والكل قلق من اللي قاعد يصير هالسنه ومن مستوى المدرسين!! مادري أذا راح ترد وألا لا! بس بالنسبه لها قايله حق الطلبه أسباب شخصيه.. وبالأيميل كاتبه انها حاولت تستمر بالعالميه بس ماقدرت وكان قرار صعب عليها لأنها تحب تدريس طلبتها.. عاد توها العام يايه ووايد متحمسه حق الشغل ووايد ووايد متمكنه من مادتها.. بس شنقول الشكوى لله.. وان شاءالله يوم الأحد اجتماع الميدل سكول وبحاول أكلم الناظر.. عاد هي ريلها الناظر مال الميدل سكول!!

 

[mr000]

أصلا مادري من راح يدرسهم مو معقوله الهنديه بيعطونها كل صفوف ثامن تدرين هم الصف مقسوم شعبتين يعني 8 مجموعات 4 عند الهنديه و4 عند هذي اللي ماتهنينا فيها!!والله بحاول أشوف بيبي الغانم بنت نوره الغانم اللي حطوها بدال الكاونسلر..والله لو أقولكم أني حتى مانمت العصر شويه مع اني قاعده من صلاة الفير... لان صج ضاق خلقي.. قلنا شوي يتعدل الوضع هال4 أشهر الباقيه.. بس مومبين جذي!!

 

[N0oNa]

هلا اختي بيلا
اي ولدي زراعه قوقعه سويتها حقه من عمره سنه و 8 اشهر و هالشهر يكمل 3 سنوات انشالله
انشالله يقبلونه و يتاقلم فيها

 

[caramella]

السلام أمهات
مرووو إشهالخبر اللي يضيق الخلق والله
الله يهداهم المدرسه ما راح يظل فيها إلا الطلبه
أم لولو مبرووك قبول وليدج والله يشفيه من الربو
والله آنا ولدي سويت له الملف الصحي بالعديليه لأن إحنا بطاقتنا عالعديليه و اتوقع كل سكان منطقة العاصمه تبع العديليه
إذا إنتي من سكان العاصمه خير و بركه و إذا لأ طلعي رقمهم من البداله وقوليلهم يحولونج الصحه المدرسيه سإليهم وين تسوينه بدال لا تتعنين لهم
بيلا مشكوره عالمعلومات عن الكيجي صراحه وايد وايد تفيديني إنتي و فوز ما تقصرون
أما ولدي إمينني مو راضي يكتب خلاص ذبحني بين معاه متى أرد و أفتك إسوي أوراقه بالمدرسه والله شكله بالمدرسه يكتب لا إي ولا لأ
يستحي
أما آنا هني مستسبع علي
حايسه هاليومين أخلص مشوايري التسويقيه قبل لا أمشي ما تامرووون على شي من إهني قبل لا أرجع؟

 

[mr000]

سلام أمهات اشلونكم.. بسألكم معرض الكتاب كم يوم؟؟ ولدي مو محصل مجال يروح يشوفه..ناطره الاحد الإجتماع وبروح أكلمهم نشوف شنو سالفة هالمدرسين ومنو راح يحطون لهم حق الماث!!

 

[mr000]

كراميلا ان شاءالله تردون بالسلامه.. ومشكوره ماتقصرين..لو بالصيف جان قلنالج ييبيلنا شوية ثلج.. بس ألحين مانبي.. فوز اشلونج واشلون عمج طمنينا عليكم..بيلا.. ريمان شخباركم.. أم لولو ونونا اشلونكم.. ان شاءالله ولدج ينقبل لاتحاتين!!

 

[omlolo]

caramella انا تبع العاصمة انا بقرطبة بس رحت اليوم مستوصف قرطبه قالتلي روحي الصحة المدرسية بالضاحية رحتلهم وعطوني ملف وقالولي ردي حق مستوصف قرطبه عشان الدكتور يخلص الاجراءات ورحت خلصت وختمت ورديت الملف حق المدرسه كلمت ريم قلتلها خلاص قالتلي خلاص وعطتي السكجول متى تبدي الدراسة وخلصت على خير

واي هلكت مشاوير اليوم بس لو ادري ان ماراح يفحصون ولدي جان ماغيبته عن الحضانه

بس الحمدلله افتكيت

والله مبجر الدراسة 24 -8

 

[mr000]

أم لولو الله يوفق وليدج بالمدرسه وحطي في بالج أحنا أول مدرسه بالكويت تداوم كل سنه.. والحمدلله افتكيتي من الأوراق.. بس يبقالج الملابس لاتشترين ألا على شهر 6 قبل لايسكرون أو روحي أول ماتفتح بشهر 8... آنا عادة أشتري بشهر 6 لما يستلم الشهاده لأن بداية السنه يصير زحمه شوي عالمخزن يعني تاخذين رقم وتنطرين جدامج ناس!!بس أشوه السنه اليايه أذا الله أحيانا راح يصومون تقريبا نص رمضان بالعطله مو مثل رمضان اللي طاف صادف كله بالدوام وحر ودوام طويل وايد تعبوا!!

 

[ReeMaN]

سلاااااااااام امهات العالميه شخباركم عساكم بخير الحمدلله هالحزه يشبك معاي ب مو كل يوم قاعده فاضيه هالحزه

شخبارج مروو انشالله تفرحين بولييدج بالاجتماع و لج الحق تسالين عن اسباب استقاله الاساتذه لا اللي قاعد يصير شي مو معقول الطلبه افتر راسهم بتنقلات الاساتذه ......

فوز بشرينا عن عميمج انشالله صار احسن وبشرينا عنج حصلتى الدكتور موجود بالكويت انشالله ؟؟

بيلا اخبارك ايه من زماااااااااااااااان عنج @@

الللللللللله يردج بالسلامه انشالله كاراميلا وانشالله عن قريب اصيدج باي سفاره عند باب المدرسه

الله يسلمكم التييشر تمدح الولد من ناحيه الانجاز ولااااااااااااكن الشطانه مخربه عليه وهذا الشي انا اشوفه عادي لان يمر بمرحله الشقاوه ما

قبل الركاده واخذو الحكمه من افواه المجانين .... وانتو وش قالو عن عيالكم؟؟؟

ام لولو الف مبروك قبول وليدج بس شلون مامنه فايده خابره لازم تطعيم يطعمونه قبل لاتودين الملف الصحي

شلون االكونفرينس وش قالو عن عيالكم انشالله اخبار تبشر بالخير

 

[omlolo]

سلاااااااااام امهات العالميه شخباركم عساكم بخير الحمدلله هالحزه يشبك معاي ب مو كل يوم قاعده فاضيه هالحزه

شخبارج مروو انشالله تفرحين بولييدج بالاجتماع و لج الحق تسالين عن اسباب استقاله الاساتذه لا اللي قاعد يصير شي مو معقول الطلبه افتر راسهم بتنقلات الاساتذه ......

فوز بشرينا عن عميمج انشالله صار احسن وبشرينا عنج حصلتى الدكتور موجود بالكويت انشالله ؟؟

بيلا اخبارك ايه من زماااااااااااااااان عنج @@

الللللللللله يردج بالسلامه انشالله كاراميلا وانشالله عن قريب اصيدج باي سفاره عند باب المدرسه

الله يسلمكم التييشر تمدح الولد من ناحيه الانجاز ولااااااااااااكن الشطانه مخربه عليه وهذا الشي انا اشوفه عادي لان يمر بمرحله الشقاوه ما

قبل الركاده واخذو الحكمه من افواه المجانين .... وانتو وش قالو عن عيالكم؟؟؟

ام لولو الف مبروك قبول وليدج بس شلون مامنه فايده خابره لازم تطعيم يطعمونه قبل لاتودين الملف الصحي

شلون االكونفرينس وش قالو عن عيالكم انشالله اخبار تبشر بالخير

هلا والله

ولدي قبل شهر مطعمينه مال 3 ونص فلما سألتها قالتلي التطعيم اللي يبونه ماخذه ولدج (هذا كلام السستر) حتى انا من اليوم اسولف انا ورفيجتي بهالموضوع تقولي عنده تطعيم مال 4 سنين لازم ياخذه قلتلها ورقه التطعيمات شافتها سستر المستوصف وسستر الصحة المدرسيه وماقالولي محتاج تطعيم، مادري بعد جان صار تعديل على التطعيمات؟؟ اهو على شهر 7 يكمل 4 ان شالله (العمر كله يارب) قلت منيه لين 7 اشوف

نسيت اقولكم التيشر اللي سوت المقابلة مع ولدي استانست عليه لان عيد ميلاده 4\7 (اليوم الوطني لامريكا) واسطه_03ba:

 

[Gipsy Queen]

hlawalaah fouz
iltakamul kant zaina bs il7een wayd footha o zadw mudreseen ilm9arwaa
o mashoof ilnithaam
o il9ra7a wajebathum wayed yhroon ilyahil bilhomeworkes

ilmuqablaa kant ams wel7mdelaa jawb o qraa
o nshalah he will pass wekmil 3la garede 2

 

[bella bambina]

السلام أمهات اشلونكم واشلون عيالكم ؟
العفو كراميلا ومشكوره حبيبتي ما تقصرين بس نبيكم تردون بالسلامه
مرو اليوم رحت حق معرضهم بنتي الكبيرة شرت كتب كانت تبيهم وشريت قصص حق ولدي المستوى الثاني للقراءة ما سألت ليمتى المعرض بس سمعته يقول حق أم الأحد مرينا
ريمان زين اذا على الشطانه بس باجر يكبر ويهدى المهم يكون ماشي بالدراسه
المدرسات قالو عن عيالي:
1/ دلول الأبله تقول وايد عنيده وما تسمع الكلام بس ذكيه ولغتها زينه بس ما تكتب وليلحين ما تكتب اسمها ودتها قبل يومين عند مس سارة تحاول تقنعها تسمع الكلام وتكتب ما قدرت عليها وتقول لي بنتج قويه الله يعينج عليها
2/ ولدي أبلاته مستانسين عليه وايد وما عليه أي ملاحظات بس يبونه يبتسم وما ياخذ الأمور على طول جد وتقول ودي مرة يتشيطن حاله حال الباجين
3/ بنتي الكبيرة الحمدلله زينه بس تقدر تشد حيلها زياده وساعات تاخذ الأمور بعدم اهتمام بس ما تعطي زياده وتحب السوالف بالحصة فالأبله حطت درجها بعيد

 

[mr000]

سلام أمهات اشلونكم.. بيلا الله يوفق عيالج وتسمعين عنهم دايما ملاحظات زينه.. وميخالف دلول بعدها صغيره ..تتغير ان شاءالله..بس كسر خاطري ولدج حبيبي هذا كلش لاتفكرين تودينه حكومه.. مايقايش شطانتهم..ريمان اشلونج شخبارج.. ميخالف خل هالسنه ولدج يطلع الشطانه والحركه اللي فيه علشان سنه اليايه يقعد وينتبه بالصف..والله يقولون لاتعطون الياهل سكريات وايد لأنها تعطيه طاقه زايده يقوم يتحرك وايد ويتشيطن..فوز طمنينا عليج..كراميلا اشلونج مع الاستعداد للرده الله يعينج على ترتيب الأغراض والجناط!!

 

[mr000]

جبسي كوين ان شاءالله ولدج ينقبل.. نقليه من التكامل أحسن له ولاتتحسفين وشفتي اللي قلتيه هذا مثله دبلات بالمتوسط.. وفوقه شطانه شطانه عند الصبيان جنهم بمدرسة حكومه.. والمدرسين المصاروه تعاملهم زفت.. والأجانب مو كلهم زينين كمستوى تدريس..أسأل مجرب ولاتسأل طبيب.. وأحسن شي أنج اكتشفتي السلبيات وقررتي تنقلين ولدج مبجر أحسن مني اللي خليته لي غريد6.. ان شاءالله راح يتأسس هني عدل ويمشي معاهم عادي لاتحاتينه.. وبصراحه أهم شي المعامله..يعني تغيير المدرسين أو نقص المدرسين هذي موجوده بأغلب المدارس حتى بالتكامل حاشنا جذيه بس أهم شي أن ولدي مرتاح من معاملة المدرسين.. وإلا احنا اشحقه حاطينهم بخاصه وندفع دم قلبنا!!ولما تصير فيه مشكله لاسمح الله عالأقل تلاقين إداره تستجيب وتسمعج مو أداره تسمع حق ناس وتطنش ناس..ولدي ألحين يلاقي ربعه اللي كانوا بالتكامل ساعات بالمجمعات يقولون له زين سويت انتقلت!!

 

[caramella]

السلام أمهات
إشلونكم و شخباركم
الله يسلمكم كلكم حبيباتي ما قصرتوا
إي والله مروووو تعب والله تصفيف الجناط لأن كثر ما تقدرين لازم تلبقين الشي عشان توفرين مساحه بالجنطه

 

[mr000]

السلام أمهات اشلونكم...طمنونا عليكم