تجمع امهات العالمية الامريكية

[mr000]

السلام أمهات اشلونكم!!

 

[caramella]

السلام عليكم
إشلونكم
فوزز الله يهون عليج ويقوم عمج بالسلامه يارب
بيلا عور قلبي ولدج حرام آنا جذي و آنا كنت صغيره مضطهده وأخاف اشتكي انزف
كلش مو شي هالطبع يحس انه مظلوم بس ما يقدر يتكلم
بيلا ما عطوا بنتج أوراق مالت هالأسبوع ؟ بس كتبيلي الحرف مع الرقم اللي بياخذونه هالإسبوع بليزززز إذا تقدريين
فووز حبيبتي ما تقصرين كل إسبوع تحطين لي وإنتي الحين لاهيه إنشالله يا ربي امورج تعدي على خير يا رب

 

[mr000]

كراميلا شخبارج.. اشلونكم مع البرد.. احنا هالسنه تعودنا عالدفى وبس يانا البرد هاليومين اخترعنا وانخشينا في بيوتنا.. مع أنه فرصه نطلع الملابس الشتويه اللي شريناها ولالبسناها.!!آنا والله طلعت اليوم المغرب لما كان الأنترنت بعده مو شغال وديت ولدي ستاربكس مشرف راح شبك باللاب توب سوى بحثه وطبعناه بالمره بمركز الطالب وافتكينا ..عسي مايرده باجر يطلع فيه تعديل!كراميلا سالفتج وانتي صغيره هذي وايد تصير بين العيال الاهل ماينتبهون أنهم ساعات يقوون واحد من العيال يعني إذا طبعه عصبي وألا هو الكبيرأو بالعكس الصغير ومدللينه وتشوفينهم مايخانقونه حتى لو يغلط ويستجيبون حق طلباته والياهل الثاني مأكول حقه وهو اللي عسى مايسوي شي ألا ينزف وتالي يقولون هذا شخصيته قويه وهذا مادري اشفيه انطوائي وخواف ومايدافع عن نفسه..وهو كله من تربية الأهل..صج التربيه مسؤوليه والياهل مثل العجينه بأيدج تشكلينه... ولو بتشوفين بالدين واجب عليج أنج تعدلين بين عيالج حتى بالنظره والأبتسامه.... لاتييبون يهال وايد حدكم 2 علشان تعدلون بينهم!!

 

[bella bambina]

صباح الخير أمهات اشلونكم ؟
مرو حلوه سالفة لا تييبون الا ياهلين ما قلتي لي من زمان الحين يبت 3 يهال اشلون :eh_s(10):
هلا والله كراميلا هالأسبوع راح يعطونهم :
رقم 9 وحرف h
literature focus : Rainbow Fish by Eric Carle

 

[mr000]

سلام أمهات اشلونكم.. بيلا الله يخليهم لج ويحفظهم.. والله حتى آنا ماأكتشفت هالشغله أى عقب مايبت 4 الله يخليهم..يعني حتى آنا شربت المقلب..فوز شخبارج طمنينا عليج وعلى عمج... ريمان وكراميلا اشلونكم.. مو جنه أول كنا أكثر بالتجمع.. وايد أمهات فاقدتهم.. ماظلينا ألا أحنا

 

[caramella]

السلام أمهات
أمس كتبت رد شطوله و إنمسح حدي إنقهرت و قررت وقتها إني ما اكتبه مره ثانيه لأنه صج كان طويل
إي والله صاجه مروو التجمع صاير صخههههه
بيلا مشكوره صج إنتبهت امس لما فجيت الورقه إنها حق إسبوعين
مشكوره ما قصرتي
حاولت ادور بالنت هالقصه رينبو فيش ما لقيتها
يبيلي ادور عدل مره ثانيه

 

[mr000]

سلام أمهات اشلونكم!! أي ياكره هالحركه البايخه بالمنتدى لما تكتبين وينمسح.. خلاص عقبها بس أكتب سلام مالي خلق أعيد اللي كتبته!! كراميلا ليلحين عندكم تنزيلات؟؟في مكتبه ناسيه شنو أسمها شريت منها كتب حق ولدي من برايتون كان موصيني عليهم تالي طلع عندهم فرع بأكسفورد إذا مو غلطانه بالجهه اللي قبال سيلفريدجز بس شويه بعد تمشين جدام.. كانت خوش مكتبه شريت منها بعد قصص حق بنت ولدي.. يمكن تحصلين فيها القصص مالوت المدرسه ومايحتاج تدورين لأنه الموظف يشوفهم لج بالكمبيوتر أذا عندهم وألا لأ!!

 

[bella bambina]

السلام عليكم أمهات
اليوم عطو عيال الابتدائي ورقه اللي يتبرع حق هاييتي بأقل شي دينار يوم الأربعا يلبس اللي يبيه والصف اللي يجمع أكبر مبلغ من التبرعات الخميس الأسبوع اللي وراه يلبسون بعد ملابس طلعه
كراميلا أبلة العربي عطتهم حرف العين
اليوم شفت فوز عمها ليلحين تعبان الله يشافيه ويقومه بالسلامه

 

[mr000]

خل أسأل ولدي ماقال لي عن التبرع عاد بنت أخوي من زمان مدرستهم سوولهم رحله واللي بيروح من الأهالي يدفع 10 والصغار 5 والفلوس حق هاييتي! بس جنهم تأخروا توهم يطلبون تبرع

 

[mr000]

الله يشافي عم فوز ويقومه بالسلامه! اليوم انبطت جبدي مدرس الpeعطا ولدي ديتنشن يومين علشان راح تكرمون الحمام وتأخر شويه عالصف يقولي إذا استأذنت مايخليني أروح وفرصتهم متأخره 11ونص ماقدر ينطر

 

[ملكة بيتها]

سلام مامات شلونكم مع البرد
إحنا بمدرستنا بعد سووا جمع تبرع لهاييتي بس إحنا أقل شي نص دينار واللي بيتبرع يلبس اللي يبيه بس صارلها تقريبا قبل 3 أسابيع

 

[Fouz]

السلام عليكم، شلونكم أمهات
مشكورين وايد على الدعاء بس عمي مسكين واايد تعبان و حالته مو قاعدة تتحسن أبد، عسى ربي يشافيه ان شاالله
اليوم رحت الطبيب، حايشني عوار و تقلصات عاد عطاني ورقة حق المستشفى يمكن اتييني الولادة بأي وقت، الله يعين زوجي مسكين والله ما اشوفه، لي الحين بالمستشفى ما يندرى شبيسوي اذا يتني الولادة هاليومين
مرو بيلا كاراميلا ريمان ولهت عليكم و ان شاءالله الاوضاع تتعدل و التجمع يظل عامر
ملكة حياج الله تنورين تجمعنا بطلتج
بيلا دقيتي على أم فوزية؟؟ اليوم لقيت ورقة بجنطة بنتي حاطة رقمها، دقيت عليها شحليلها خوش وحدة و تبي تسوي عزيمة حق اليهال، عاد اعتذرت منها و قلت لها ان شاءالله مرة ثانية تكون ظروفي تسمح
أخليكم الحين بروح انسدح، اليوم ماشاءالله وايد لوية و يبي لي راحة، تصبحون على خير

 

[mr000]

السلام عليكم.. عيزت وآنا أكتب وينمسح ان شاءالله هالمره ماينمسح.. فوز الله يشافي عمج ويهون عليج يارب وتولدين بسهاله وتقومين بالسلامه وترى عادة الوحده من تدش شهرها يبتدي اييها طلق ويروح لي تصير الصجيه..!! آنا سألت ولدي يقول ماقالولنا عن التبرع ولاعطوه ورقه يمكن باجر..ملكه حياج الله شخبار بنتج!!

 

[mr000]

السلام أمهات اشلونكم..

 

[omlolo]

قوة بنات شلونكم وشخباركم ويا البرد؟
اليوم ولدي كان عنده مقابله الساعه 8 ونص حق ال كي جي 1

تصدقون يابنات بغيت انتفه دش وتنح
قبل لاينزل من السيارة عد من 1 ال 10 ويوم دش عفس الدنيا ماعرف صدمني

بس كان بالباجي زين يعني كلهم كتبتله yes ماعدا الcountiong كتبتله no
سألت الtecher قلتلها شلونه قالت اشوفه اوكي بس الراي للادارة؟؟؟

تهقون يقبلونه؟؟؟؟

 

[omlolo]

teacher

 

[N0oNa]

هاي بنات شلونكم
رحت سجلت ولدي الشهر الي طاف على ان يدش الكيجي 1 بس قالولي مواليد 2007 لازم حضانه على النظام الامريكي
قلت احسن بعد
و مقابلته 21-2
ووايد احاتي عاد حق الحضانه شنو يسؤلونهم بنات الي عندها فكره لان توه صغير اهوا يعرف يعد بالعربي و الانجليزي
و هاليومين بديت اعلمه الالوان بس بالعربي

الله يسلمكم ولدي يعاني من اعاقه بس الحمدلله رضوا ياخذونه بس الي احاتيه الحين المقابله
و اذا راح يمشي و لا لا
ما ادريي شلون طريقتهم يهتمون باليهال و لا عادي؟؟
و خايفه من اليهال يضايقونه و ياذونه حبيبي بس الله يسهل عليه
بقيت اسال اذا الحضانه و الروضه فاصلينهم عن الباجي و لا كلهم مع بعض و لا كل مستوى فاصلينه عن الثاني؟؟؟

 

[bella bambina]

صباح الخير أمهات
هلا والله فوز اي دقيت على أم فوزيه وقلت لها نتفق على الويك اند طلع ولدها الكبير بصف بنتي أتوقع اهيه مرة وحده يشوفون شطانتها ويهونون ان شاء الله الله يهون عليج وتولدين بالسلامه ويقوم عمج بالسلامه اللهم آمين
مرو بنتي تقول ان هالتبرع منظمينه مجلس طلبة الابتدائي
مو تنسون باجر يبتدي معرض الكتاب بالمدرسه
هلا والله ملكه نورتينا

 

[bella bambina]

هلا والله أم لولو ان شاء الله يقبلونه لأن الغرض من المقابله انهم يتأكدون ان الطفل سليم ذهنيا ومو لازم يكون عارف كل شي آنا عيالي بهالعمر اذا شفت نفسي فاضيه أعلمهم كزيادة معرفه ومردهم بياخذونه بالمدرسه وأدخلهم سمر كامب بالصيف قبل الحضانه عشان لا يستغربون بعدين روحتهم للمدرسه

 

[bella bambina]

هلا والله نونه الله يسهل على ولدج الله يسلمج العام كان مع ولدي بالصف ولد عنده اعاقة حركيه كانو وايد مهتمين فيه وحاطين له مساعده خاصة طول الوقت معاه تساعده وفيه بالمدرسه كذا طالب عندهم اعاقات حركيه وما أشوف اليهال يضايقونهم لأنهم تعودو على وجودهم وبالعكس يساعدونهم لأن المدرسين عودوهم على جذي من الروضه كان ولدي يقول لي ساعدته أوعطيته أغراضه فلا تحاتين هالشي والروضه والحضانه مبنى ثاني بس الساحه مشتركه بس أوقات الفرص مختلفه ومثل ما قلت حق أم لولو الغرض من المقابله يشوفون ان الطفل مخه سليم والله يوفق ولدج