تجمع امهات العالمية الامريكية

[Fouz]

السلام عليكم أمهات شخباركم
ولهانة عليكم وايد بس الظروف مو مخليتني احك راسي عسى الله يعديها على خير
عمي وايد تعبان عسى الله يشافيه، ماكو تطور في الحالة و ما بيدنا الا الدعاء عسى ربي يعدي هالازمة على خير و يقوم بالسلامة
انا واصلة حدي من التعب، و بنتيأول أمس سخنت و نشلة و كحة و غيبتها يوم الاربعاء جان تقولي ليش اغيب عادي كل اليهال يكحون بالمدرسة!!!، رحت الاجتماع الخميس و قات حق مس مروة ليش ما تردون الاهل اذا مريض مو معقولة كل شهر بنتي مريضة تقول بعض الاهالي الله يهديهم يعطون اليهال ادول الصبح فلما يروحون النيرس حرارتهم زينة فتعطيهم بيرمشن انهم يحضرون الصف لان الاهل ما يقولون ان معطينهم دوا
الحمدلله المدرسة مدحت بنتي بس قالت لازم تركز لانها كله تبي تخلص بسرعة علشان تلعب، وورتني لعبة حلوة تساعد على التركيز و تطول بال الياهل من ايكيا بس عاد وين اللي فيها شدة تروح

مرو شخبارج، و سالفة تغيير المدرسين مو طبيعية

بيلا شلونج ولهت عليج والله بس ان شاءالله الظروف تتعدل و نشوفج بس عاد اذا ولدت بغط عن المدرسة شهر، الله يخلي لج عيالج و ان شاءالله دلال تتغير للاحسن يارب، عاد اسم الله عليها تهبل عسى الله يحفظها

ريمان شلونج و الحمدلله انهم مدحوا وليدج و اذا على الشطانة يكبر و يتغير، و ان شاءالله اشوفج هاليومين و نسولف لما نوصل صفوف

كاراميلا ان شاءالله توصلين بالسلامة و شحني كل اغراضج علشان تصير روحتج المطار خفيفة
نونا حياج الله ويانا و ان شاءالله ينقبل ولدج بالدرسة، بصراحة اشوف اهتمامهم باليهال اللي عندهم مشاكل حده روعة و يراعونهم و الله يكتب اللي فيه الخير
ام لولو مبروك القبول و نبيج أم نشيطة ويانا
جبسي كوين ان شاءالله ينقبل ولدج و تلاقين كل الايجابيات اللي تبينها

 

[Fouz]

بسألكم أمهات وين كانت اخر ولادة لكم و شنو كانت عيوب و مميزات المستشفى اللي ولدتوا فيها و مشكورين

 

[bella bambina]

السلام أمهات اشلونكم ؟
هلا والله فوز اليوم جمعه ادعو له الله يشافيه ويعافيه ودفعو عنه صدقه الله كريم
آن ولادتين لي كانو بالسلام اهتمام كبير من الدكاترة والممرضات وغرفة الولاده زينه ودخلو زوجي بس احتجت قيصريه لأن الحوض عندي صغير وكنت ماخذه بالولادتين ابرة ظهر ايبيديورل والدكتور ما كان يهدني
الهادي أسوء ولاده ودوني غرفة ولاده بروحي لأني جبانه وأبي أحد يمي الدكتور هدني ونزل العياده وماظل أحد ما دخل غرفة الولاده اللي المفروض تكون معقمه زوجي و أمي وخالتي ومرت حماي وحمواتي وآنا أطلق وريولي مشرعه فحاشني بعدها التهاب زين ماوصل للكلى لأن غرفة الولاده مو معقمه ماكو أي اهتمام من الممرضات جنه مستشفى حكومي وطول الليل والنهار ازعاج الزوار وحتى الغرفه ما كانو ينظفونها بس والله بالسلام ما شفت ولا شي ضايقني بس دكتوري طلع منهم مادري وين راح

 

[bella bambina]

اشلونكم مرو وريمان وكراميلا وأم لولو ؟
أغلى ما عند المؤمن بعد الله ورسوله أحباب كالشموع المضيئه
اللهم اني أشهدك أني أحبهم فيك
فاجمعني بهم في جناتك
واجعل تواصلنا دائما برضاك

 

[caramella]

السلام أمهات
ما يشوف شر عمج إنشالله
والله يقومه بالسىلامه أمس و آنا بصلاتي طرى على بالي و طلبت له الله يقومه بالسلامه
وإنشالله يا رب الله يقومج بالسلامه وتولدين بسهاله إنشالله يا رب
أول ولاده لي كانت في دار الشفا كانت وايد زينه
و ثاني مره إسمالله عليج اللي شهر 9 اللي فات برويال حياة بس إهم مالهم ذنب باللي صار لي آنا رحت كان كل شي خالص
وايد إهتمام وقت الولاده ووايد كانوا مراعين حالتي و نظافه و إزقرت
بس في شغله ما عجبتني وضايقتني حيل خربت عاللي قبل
إن دكتورة المناوبه ياتني الغرفه الساعه 1 بالليل آنا نايمه تخيلي دخلت الدار لا قاريه الملف ولا تدري شالطبخه جان تقولي مبروك ما إجاكي !!!!!!!!!!!!!!!!!!
آنا بلمت بويها و قمت ابجي ما قدرت ارد علليها عاد السستر فهمتها و بعدين تعذرت
ما عجبتني فكرة إن تدخل بدون ما تقرا الملف فلنفرض في شي كاتبته دكتورتي اللي مولدتني
هذا موقف بس ما يمنع إن المستشفى وايد زين و خدماته وايد عجبتني و كافي أكلهم اللي يشوق يمي يمي -----> يوعانه

 

[caramella]

هلا والله بيلا والله بخير عساج بخير
مشكوره عالكلام الطيب

 

[omlolo]

السلام عليكم أمهات شخباركم
ولهانة عليكم وايد بس الظروف مو مخليتني احك راسي عسى الله يعديها على خير
عمي وايد تعبان عسى الله يشافيه، ماكو تطور في الحالة و ما بيدنا الا الدعاء عسى ربي يعدي هالازمة على خير و يقوم بالسلامة
انا واصلة حدي من التعب، و بنتيأول أمس سخنت و نشلة و كحة و غيبتها يوم الاربعاء جان تقولي ليش اغيب عادي كل اليهال يكحون بالمدرسة!!!، رحت الاجتماع الخميس و قات حق مس مروة ليش ما تردون الاهل اذا مريض مو معقولة كل شهر بنتي مريضة تقول بعض الاهالي الله يهديهم يعطون اليهال ادول الصبح فلما يروحون النيرس حرارتهم زينة فتعطيهم بيرمشن انهم يحضرون الصف لان الاهل ما يقولون ان معطينهم دوا
الحمدلله المدرسة مدحت بنتي بس قالت لازم تركز لانها كله تبي تخلص بسرعة علشان تلعب، وورتني لعبة حلوة تساعد على التركيز و تطول بال الياهل من ايكيا بس عاد وين اللي فيها شدة تروح

مرو شخبارج، و سالفة تغيير المدرسين مو طبيعية

بيلا شلونج ولهت عليج والله بس ان شاءالله الظروف تتعدل و نشوفج بس عاد اذا ولدت بغط عن المدرسة شهر، الله يخلي لج عيالج و ان شاءالله دلال تتغير للاحسن يارب، عاد اسم الله عليها تهبل عسى الله يحفظها

ريمان شلونج و الحمدلله انهم مدحوا وليدج و اذا على الشطانة يكبر و يتغير، و ان شاءالله اشوفج هاليومين و نسولف لما نوصل صفوف

كاراميلا ان شاءالله توصلين بالسلامة و شحني كل اغراضج علشان تصير روحتج المطار خفيفة
نونا حياج الله ويانا و ان شاءالله ينقبل ولدج بالدرسة، بصراحة اشوف اهتمامهم باليهال اللي عندهم مشاكل حده روعة و يراعونهم و الله يكتب اللي فيه الخير
ام لولو مبروك القبول و نبيج أم نشيطة ويانا
جبسي كوين ان شاءالله ينقبل ولدج و تلاقين كل الايجابيات اللي تبينها

الله يبارك فيج ياقلبي
مايشوف شر عمج عسى الله يشفيه وجميع مرضى المسلمين

 

[omlolo]

اشلونكم مرو وريمان وكراميلا وأم لولو ؟
أغلى ما عند المؤمن بعد الله ورسوله أحباب كالشموع المضيئه
اللهم اني أشهدك أني أحبهم فيك
فاجمعني بهم في جناتك
واجعل تواصلنا دائما برضاك

هلا والله انتي شلونج ان شالله يارب تكونين بأحسن حال
الله يجمعنا على طاعته وعبادته
امين

 

[caramella]

فوز حبيبتي
نسيت ارد عليج إي إنشالله بشحن الأغراض على قولتج عشان اروح المطار خفيفه ولو إني أستبعد إني اكون خفيفه حتى لو شاحنه

 

[Fouz]

هلا والله بيلا تسلمين على الكلام الحلو
بالنسبة حق المستشفى انا ولدت بالشفا بس هالكلام 2005 و كانت زينة والخدمة و الغرفة هم وايد زينين بس اذكر مريت وحدة والدة من مدة الله لا يوريج المستشفى جنها سوق وااااايد زحمة و نماين استغفر الله فكلش مو متشجعة اولد فيه
السلام اهو البديل اللي قاعدة افكر فيه لانه هادي و قريب مو مثل المواساة بقلعة وادرين، و بالنسبة للغرفة انا اساسا ما كنت ناوية اسوي استقبال و بعد مع هالظروف شلت الفكرة بالمرة فباخذ لي من الاجنحة الحلوة السلام او الدانة لان محد بييني الا بيتنا و بيت زوجي عسى الله يشفي عمي يارب و يقومه بالسلامة
مستشفى هادي هذا اللي سوق صج، احسن ما فيهم انهم يكتبون مرضيات و الا لا مكانه و لا المواقف ملوته و لا الزحمة اللي فيه تشجع الواحد يروح له، و الحمدلله اللي الله عداج الشر و عسى الله يبعد عنا هالبلاوي

كاراميلا حبيبتي تسلمين على دعائج و عسى الله يتقبل و يتعافى عمي
تصدقين انا رويال حياة اذا دخلته ينقمت قلبي مادري ليش، اروح السبا مالهم و احس و انا بالاصنصير جني محكورة، يعني كلش ما فكرت فيه، و ياربي بهالجمعة الفضيلة ان الله يعوضج بأحلى ياهل بأقرب وقت
بقولج كاراميلا، اول امس و انا بالعيادة مودية بنتي شفت قصص حلوة، Lady bird و سعرهم جنيهين و نص و اكو كذا مستوى بس وااايد حلوين، ولد اخوي توه رايح لندن عاد كلمته و قلت له اذا شفتهم بأي مكتبة ييب منهم، اذا شفتي منهم اخذي لان بنتي استانست عليهم، شوفي هالصفحة تفيدج
http://books.ladybird.co.uk/nf/Sear...6164~~f2||332d35~~nf2||352b&sortBy=pubdateDsc

بالنسبة حق طلب الكتب من المدرسة خلاص طاف وقتهم ، اذا وصيت اختي راح ابلغج علشان اذا تبين اي قصة بس قوليلي و اخليها تييبهم مع اغراضي ان شاءالله

 

[Fouz]

أم لولو مشكورة و ما تقصرين و عسى الله يتقبل دعاءنا يارب

 

[Fouz]

بيلا تصدقين انا عندي رعب من ابرة الظهر مادري ليش، عاد بولادتي الاولى الدكتور قالي لازم تاخذينها لام ما عطوني كمام و قالي راح تحسين بكل شي بس هم ما رضيت اخذها، الله يعلم اني بغيت اموت من العوار يعني لا كمام و لا شي لان الضغط كان وايد عالي و بنتي وايد تعبانة فاذا عطوني كمام البنت بتتخدر و ما تساعدني انها تطلع، ما حسيتس ان لها اثار او شي بيلا؟؟ ودي احد يشجعني لان كل ما تذكرت ولادتي اموت من الخوف

 

[caramella]

تسلمين عالدعوه يا رب و إنشالله يبيلي أمر اشوف القصص و حتى ملوت المدرسه يمكن احصلهم إهني دام المده خلصت لطلب القصص من المدرسه يعني لازم اشد حيلي و أدورهم هني قبل لا أرجع إنشالله
مشكوره حبيبتي
و إذا ما لقى ولد إخوج أو ما عرف يلقى المكتبه آنا موجوده إهني أي شي تامرين عليه آنا حاضر
والله يسهل عليج ولادتج وين ما كانت يا رب و آنا اشجع على إبرة الظهر اللي آنا ما جربتها لأن بولادتي الأولى رحت لهم مستويه و بولادتي الثانيه كان فيني نزيف داخلي ما يصير آخذها و بولادتيني كمام بس هم مت من الألم
إنشالله لي الله رزقني المره اليايه إنشالله أول شي بفكر فيه إني آخذ إبرة ظهر ما ودي اتألم صراحه و آنا من النوع اللي ما يركد أحوس يربطون ريولي أسوي swing بحوضي من الألم أمبيي والله طفرت الدكتوره و أشقح فوق فيلم فيلم
بس لا تخترعين بس آنا اللي اسوي جذي ما سمعت احد يسوي نفسي
كل اللي اعرفهم لما جربوها وايد حسوا بفرق عن الولاده العاديه مع كمام كونج واعيه و تقدريت تتبعين كلام الدكتور بسرعه بدون الم غير لما تكونين تعبانه من الطلوق إنتي بوادي و الدكتور بوادي

 

[sara999]

قوة بنات شخباركم شالدنيا فيكم ؟؟؟؟؟

الله يعافيكم بنت باخذ رايكم .....

رحت سجلت سليمان بال عالميه ودقو علي عشان المقابله ومارحت كشت فيهم لأني متردده

والتردد سببه انه

قالولي يروح حضانه مو كي جي !!! والفرق اسبوع
يعني لو ميلاده قبل اسبوع من تاريخه جان حطوه كي جي
فالابو شنو يقول ؟؟ يقول حضانه ماراح ادفع الا حق حضانته الي فيها الحين اذا بدفع حق ولدي مدرسه بدفعه حق روضه
شرايكم؟؟؟؟

 

[mr000]

سلام أمهات اشلونكم شخباركم!! فوز الله يشافي عمج ويطمنكم عليه.. الله يهون عليج الولاده ولاتحاتين إن شاءالله سهاله..كراميلا ان شاءالله تردون بالسلامه..أنتوا تسولفون عن الولاده وىنا أقرا واحس بمغص ابطني وعوار بظهري.. واي تذكرت الطلق..جنتي ولدت بالمواساة بصراحه مانطروا عليها ولاشي ماامداها دشت المستشفى ودقوا على دكتورتها ناهده العلي.. جان يقولون حق امها الدكتوره تقول بتولدها بعمليه..حتى ماشافتها ولاوصلت المستشفى بس بالتلفون قررت.. والله مسافة الطريج من بيتنا لي المواساة ألا مولدينها خلاص ويايبين لنا البيبي..ولاعرفنا ليش هالعيله البنت حتى مامداها تطلق.. تقولي الدكتوره السسترات قالولي فيها طلق بس الرحم بعده مانفتح فخفت عليها..سكتنا قلنا المهم سلامتها..

 

[mr000]

سارا والله العالميه أسعارها موشويه ومادري على حضانه آنا أحسها ماتسوى.. يعني اليوم كنت أكلم مرت حماي بهالموضوع علشان بنت ولدي.. تقولي في حضانات زينه وتعلم الياهل نفس اللي يتعلمه بحضانة المدرسه.. فكافي تروح المدرسه من الكي جي!! قالتلي عن حضانه بجنوب السره أسمها العالميه الأنجليزيه تقول انها وايد زينه ودخلت كل عيالها فيها سنه حضانه وسنه روضه تالي حق كي جي 2 تدخلهم مدرسة الخليج وينقبلون على طول بالريسيبشن لأنهم متعلمين كلشي بالحضانه..بس حسافه هالحضانه مو قريبه على بيتي..

 

[caramella]

والله آنا من وجهة نظري سارا
إن تدخلينه عندهم بالعالميه
لأن آنا إلعام لما كان ولدي بالحضانه هم ترى مبلغها مو هين و قريب على مبلغ العالميه
إذا حضانة ولدج غاليه و مبلغها قريب عالعالميه لا والله العالميه أحسن على الأقل إسمها مدرسه
وإذا تحصلين له مدرسه ثانيه قويه يقبلونه كيجي 1 أحسن بعد حرام على إسبوع يتعطل سنه
ولج القرار
إنزين مروو والله مثل ما قلت لج هالأيام الحضانات غاليه و ما في فرق بينهم و بين العالميه
إهي الأم إشرايها؟؟مو حاطه إبالها مكان إتدخل بنتها فيه

 

[mr000]

السلام أمهات! لاوالله كراميلا أمها موحاطه في بالها مكان معين تقول ماعندي فكره عن الحضانات بس سامعه عن الانجلش بلي قروب بالعكس آنا ودي إنها تروح تشوف الحضانات وتسأل عنهم لأن الحضانه موبس بالشكل الخارجي والألعاب!بس هي علشان الدوام ماعندها مجال تروح! فبشوف بعد كم حضانه وبسأل عنهم!

 

[bella bambina]

السلام أمهات اشلونكم واشلون عيالكم ؟
فوز ان شاء الله تكون ولادتج سهله وأحسن من قبل ما صار عندي أي آثار جانبيه من ابرة الظهر وخواتي بعد خذوها بولاداتهم لأن ولاداتهم قيصريه الحمدلله ما لها أي آثار جانبيه
صاجه فوز كتب lady bird مناسبين حق اليهال والقراءه آنا أشتريهم من المكتبه اللي بالمثنى
كراميلا الله يعوضج خير وان شاء الله تحملين عن قريب
مرو بنتي تقول المعرض ليما 18 _ 2 وكان فيه كتب حق المدل سكول وعلى فكرة ناهده العلي على كثر ما يمدحونها آنا ما عجبتني تكون عندها أكثر من ولاده فتعتمد على التلفون مع الممرضات وما توصل الا حزة الولاده

 

[bella bambina]

هلا والله ساره آنا أفضل اذا تبين ولدج بهالمدرسه تدخلينه من الحضانه عشان ياخذ على طريقة المدرسه واليهال ما يحبون التغيير ولدج الله يحفظه مواليده أي شهر ؟