تجمع امهات العالمية الامريكية

[bella bambina]

مرو قبل دخلت بنتي ال play group بال summer camp ما عجبتني كلش بس يمكن ما كان فيه اهتمام لأنه صيف فحاطين المدرسات فلبينيات والمكان ما كان نظيف فما قمت أوديها مع اني كنت دافعه المبلغ

 

[sara999]

قوه بنات شلونكم ؟؟؟

مرو حبيبتي تصدقين انا بعد البعض من اهلنا يودونهم هالحضانه وتأسيس احس عيالهم يعرفون كل شي
وبعد قريبه علي
كراميلا الي قاعدين ندفعه للحضانه الحين 1300 سنه كامله طبعا
بيلا ولدي مواليد 8-1-2007
تهقون اوديه العلميه الانجليزيه ؟؟؟؟والا انطر المدارس الثانيه يتصلون علي لن الباجي بيقبلونه كي جي واااي عساااااااااره عساااااره

 

[mr000]

سلام أمهات اشلونكم .. اذا جذي سارا عيل نطري المدارس الثانيه يدقون عليج اذا بياخذونه كي جي بدال ماتروح عليه سنه بالحضانه..أحنا بعكسج مانبيها تروح الابتدائي صغيره علشان جذي مترددين ودنا بالخليج بس نخاف تروح غريد1 وهي أقل من 6 سنين.. !! بيلا آنا هم مثلج من زمان أذكر بقيت أودي ولدي عندهم بالصيف بس ماحبيتها كانت زحمه ويهال وايد وقمته يمكن آنا رحت اللي بسلوى كانوا مو فاتحين اللي بالرميثيه.. انتي تدرين ليش جذي زحمه لأنه اللي يسجل عياله بالحضانه أو الروضه حق السنه اليايه يخلونه يدخل النادي الصيفي ابلاش.. آنا قالتلي جذي السكرتيره لما رحت أشوفها قبل فتره!!

 

[mr000]

سارا انتي ولدج اسم الله عليه مواليد شهر 3؟ يعني الظاهر نفس سالفة بنت ولدي 26/3 تكون ناقصه شويه عن العمر اللي يبونه... آنا سألت بالعالميه عندنا قالتلي وديها السنه اليايه حضانه بره تالي السنه اللي وراها ييبيها عندنا بس هم تدخل حضانه!!مادري كم رسومهم بالحضانه؟

 

[mr000]

سارا أنتي أهم شي قرري تبينه يدرس نظام انجليزي وألا أمريكي وعلى أساسه اختاري المدرسه علشان لايتلعوز تالي وتردين تنقلينه وينزلونه صف اذا انتقل من بريطاني لي أمريكي..

 

[caramella]

مرووو إي والله يذمون بلاي قروب ما يمدحونها
ودام الأم ما عندها وقت مالج إلا إنتي تفرين عالحضانات و تشوفين الأنسب لها
سارا نطري مدارس الكيجي أحسن حرام على إسبوع واحد لأن لو مواليد شهر 3 آنا معاج خليه حضانه بس شهر 1 حرام يصير كبير عاللي بعمره
وترى مبلغ 1300 قريب على سعر العالميه أتوقع العالميه بالحصانه حروة ال 1500 بس مو متأكده من السعر تأكدي إنتي بعد عاد ما ادري بعد الزياده إشكثر صارت
بيلا مشكوره عالدعوه حبيبتي و ما تقصرين وآنا أأيد كلامج على ناهده العلي حرام إهي ما قصرت معاي بالولاده بس مراجعاتي بالثامن كانت كل 3 أسابيع أقولها وايد بعيد أبي كل إسبوعين تقول لا ماله داعي وايد تخلي المواعيد بين المرضى بعيده عشان تلحق تشوف اكبر عدد ممكن هذا عيب يعني لو على كلامي و رايحت لها قبل بسبوع جان يمكن بين معاها شي و لحقت علي بس لا تقل لو فإنها تفتح عمل الشيطان هذي كانت قسمه
وثاني شي وايد تنسى حالاتها ما تتذكر خصوصا آنا حالتي خاصه و ما تنسي أول ما رحت أفج الغرز بعد الولاده تقول حق ولدي وين خليتوا البيبي و يتوا يعني هم مو طاله بالملف ولا تدري شالطبخه اللي تدري عنه إنها بتفتح الغرز وخلاص
يعني بالعربي مستحيل أفكر اروح لها بعد

 

[mr000]

مادري آنا قالتلي مرت حماي ان الحضانه باللي بالسره في( السلام) ب1150 هالكلام العام يمكن ألحين زادوها ماتدري! وهم قالولي عن الحضانه الانجليزيه بالرميثيه..وعطيت جنتي العنوان من زمان بس ماراحت... بروح أشوفها هالأسبوع!!

 

[Fouz]

شلونكم أمهات و شخباركم
مرو شلونج، سالفة الفرارة على الحضانات يبيلها صج طولة بال و الله يعينج
اذا تبين تجربتي انا وديت بنتي حضانة الراشد بالعديلية و كنت وايد مرتاحة بس حسب المدرسات، اللي درسوها اول سنة كانوا روعة اما السنة الثانية حسيت بنتي متغيرة و على طول غيرت الصف و اسم الله عليها ردت على طبيعتها، الحضانة ياخذون800 دينار بالسنة بس للامانة المبنى روعة و الانشطة و الرحلات مكثفة، و بالنسبة خق حضانة السرة 1150 ترى العالمية 1300 يعني كلش ما تفرق
بالنسبة للولادة عند الحريم انا تعقدت منهم، الرياييل وايد أفهم و أحسن من واقع تجربة، و يا شين الدكتورة اذا صار عليها ضغط تصير عيولة و تبي تفتك منج هذا اذا ما دخلتج على المساعدة اللي عندها اذا حالتج مستقرة

بيلا مشكورة حبيبتي و الله شجعتيني اخذ هالابرة مع اني كنت شايلتها من الحسبة، مراجعتي الياية يوم الاثنين بكلم دكتوري عنها علشان اقتنع مرة وحدة، زين والله اذا القصص موجودة بالمثنى بروح علشان اتحرك شوية، المفروض الحين امشي بس ما عندي احد الكل لاهي ماشاءالله و ريلي يكسر خاطري اذا رجع بالليل من عمي يكون تعبان فما اتجرأ اقوله بمشي


كاراميلا شخبارج مع البرد، توني مكلمة اخوي يقول موووووووت، تسلمين حبيبتي انا وصيت اخوي وولده و بشوف المثنى مثل ما قالت بيلا و ان شاءالله الاقي لو وحدة والا 2 علشان تتعلم بهالفترة
على طاري مراجعات الثامن، والله انا من السابع خلاني اراجعه كل اسبوعين لان من حمالي اللي فات حاشني تسمم حمل و ضعط عالي الله يبعده عنكم، و من اخر اسبوع من السابع و انا كل اسبوع اراجعه، ان شاءالله يا ربي ما يسافر بعد و يقعد لما اولد بالسلامة


سارة والله الفرق اسبوع يعني ما تنلامين تترددين، بس مثل ما قالولج الخوات القرتر بيدج و اذا دخلتيه بريطاني خليه يستمر لان اذا فكرتي تنقلينه ينزلونه سنة، و الله يعينج على اتخاذ القرار لانه فعلا يحير

 

[mr000]

فوز اشلونج شخبارج..آنا فتحت السايت مال المدرسه بس ماشوف الرسوم.. صج والله الحضانه 1300..إذا جذي زين.. آنا قلت يمكن مع الزياده صاروا أكثر..

 

[Fouz]

هلا والله مرو
شوفي رسومهم هالسنة 1227 قبل الزيادة و عقب ال 5% ماراح يعدون 1300 ، كاني حسبتها لج 1290
هذي رسوم السنة من الويب سايت
http://uas.edu.kw/index.aspx?id=22&Root=no

 

[caramella]

فوز صاجه والله الرياييل أحسن و بالهم أطول و أخف زحمه عليهم
والبرد إسلم عليكم اليوم آنا و ريفيجتي الصبح بشبربوش طق علينا سنو اللي يبرد قلبج والله تجمدنا إلا ربع
مرووو حاولي تزورين الحضانات عالظهاري لأن تطلع الزراوه نهاية الدوام
والله فوز زين سعر الحضانه بالعالميه مقارنه بالحضانه اللي دششت ولدي فيها صراحه احسن على الأقل الواحد يضمن إن الياهل يتعود عالمدرسه و أحسن بدال لا تنقلينه منمكان لي مكان
بس مشكلتهم إن جنه ما عندهم إلا صفين فا شكله بسرعه تسكر الصفوف

 

[sara999]

بنات انا محتاره انا كنت مستقره على الأمريكي بس بنات خالاتي وااااااي قالولي مسوتى الأمريكي هابط موشي كشيشيوني منه وهذيل مدرسات كي جي برياض الصالحين تخيلو يعني معاي حق لي صدقتهم
انتو قولولي ميزات هذا وهذا شرايكم ؟؟؟؟(( البريطاني والاأمريكي ))
يمكن اشوف واعرف منكم شي ما اعرفه
بالنسه للولاده بصراحه ما اراجع الا عند الدكتور أحمد الشاذلي كان فتره كبيره بالسلام وتوه ما صارله شهرين من فتح عيادته يعني مافي وحده قتلها عنه وراحتله ما ارتاحتله دكتور شااااااطر وعارف الي له والي عليه وراعي ضمير ويهتم بالمريضه كأنه بنته وجدا راقي بمعاملته
ولدني وولد اختي وبنات عماتي كلهم وطبعا للولاده شاطر تحسين بين ايدي امينه من بعد الله طبعا
والخياط ويييييي مشالله عليييييه مضبوووط بصراحه انا ما كنت احاتي الولاده كثر الخياط ابيه يطون مضبوط الي تسأل عن دكتور او دكتوره شاطر تروووحله وتدعيلي
والاهم انه يعطيج من الخر شنو تسوين ما تسوين ماعنده حاور زارو يعطيج دوا وال ا يقولج شي ويصير شي ثاني الا بكتبت ربج
يعني انا قالي يوم ولادتي لا تطلعين دشي راح تييني الساعه 12 انتي موصله وقتله لا بروح ارتب وجذي واشوف الي لي والي علي قالي خلاص بس راح تيين 12 انتي موصله اولدج على طول قتله يصير خير مع انه موذاك الطلق وااي وفعلا رحت 12 وبس ساعتين الا انا والده
اختي قالها الياهل بالعرض احتمال قيصريه بس قالها امشي وعطاها طريقه تسويها طول ماهي قاعده مثل مساج على بطنها وراحت دخلها وقالها الياهل تغير وضعه بس مو مال طبيعي ننطر ساعه اذا ما يحتمل اسويلج قيصري بس والله جابلها ويحليله وقت يولدنا يقرى علينا ويلقنا ادعيه والله يريح والحمدالله ولدها طبيعي بدون تشقق زايد وتعب

بنت خالي قالها رحمج ما يتحمل لي الثامن وما سمعت الكلام وولدت فجأه بنص السابع
يعني دكتور عنده خبره
<<<< بس بس سارا شالقرقه ؟؟؟ عيب عاد سكتي

 

[mr000]

السلام عليكم..اشلونكم أمهات..سارا والله بالنسبه لي ولدي من صغره بنظام أمريكي يعني ماجربت البريطاني علشان أعرف الفرق بس أسمع أنه النظام البريطاني تأسيسهم أقوى بس اللي آنا شفته من أهلنا أنه أكثرهم ينقلون عيالهم نظام أمريكي لما يوصلون المتوسط لأن النظام البريطاني يصير صعب أكثر.!! اليوم كان الميتنج مال الميدل سكول رحت مبجر من ال8 ألا ربع وخلصت عال11.. وطبعا ماأحد يعطيج جواب عن تغيير المدرسين كلهم يقولون ظروف..وشفت مدرسة الماث اللي راح تدرس ولدي من باجر.. شكلها زينه.. بس ولدي يقول هذي تدرس دراما اشلون بتدرس ماث!!!وتوني اشتكي حق مدرس الساينس من تغيير المدرسين واشلون مؤثر على درجات ولدي وإلا يقولي ترى هم آنا راح أترك الصف أسبوع الياي....شالسالفه ليش ..عاد ولدي يحبه ويمدحه وهو وايد ممتاز بالتدريس ..قالي مادري الاداره بتعيد توزيع المجموعات عالمدرسين..رحت كلمت الناظر قلتله ليش بعد هالتغيير بالساينس قال علشان نسوي بالانس بين المجموعات مايصير مدرس يدرس مجموعه كبيره بالصف ومدرس عنده عدد قليل بصفوفه.....بس للأمانه المدرسين زينين ويقابلونج بأسلوب حلو ويذكرون ايجابيات الطالب قبل سلبياته.. وكلهم اتفقوا بالراي أن تغيير المدرسين وايد لخبط الطلبه وأثر على درجاتهم..وكل مدرس يقول ان شاءالله راح يستقرون معاي وتشوفونهم بمستوى أحسن!!!!!!!! تالي عقب اسبوعين يشيل شلايله ويقب!!

 

[sara999]

ويييي صج !!!!!!!!!!!!!! ويييي شالقصه الله يعينج مروووو

 

[bella bambina]

السلام أمهات اشلونكم ؟
مرو الله يعين ولدج على تغيير المدرسين
آنا أستغرب لما يقولون النظام البريطاني أصعب رفيجتي عيالها بالضبط كبر عيالي بال bsk عيالي الكبار بدو القراءة قبلهم من الكي جي 2 وبهالوقت كانو عيالها ياخذون الحروف وأصواتهم وخذو الرياضيات قبلهم الجمع والطرح خذوهم بكي جي 2 و منهج عيالي أصعب من عيالها !!!!!!!

 

[caramella]

السلام أمهات
إشلونكم و شخباركم
والله آنا ما اقدر ابدي رايي بالأمريكي و البريطاني لأني ما جربت البريطاني ولا اعرف أحد جرب البريطاني بس عموما البريطانيين ناشفين بالمعامله و ما يعجبني إسلوبهم بس فيهم ميزه الإلتزام و ما يجاملون و ما يجاملون ساعات تنفعج و ساعات تضرج هذا من واقع عيشتي البسيطه معاهم
وفيهم برووود مو طبيعي يعني لي يقولون لج نطري يلطعونج بالساعات زي الورد
فا طبعهم نهائي ما يعجبني فا عشان جذي ما فكرت حتى بنظام تدريسهم
وولدي لما دخلته حضانه عندهم كره حياته
إهو ولدي عنيد ولا أحد يساحله ولا شي تقولي خلاص خليه ما يبي يشارك اليهال و يبي يقعد يم الباب إنشالله لو يوم كامل نحقره محد يكلمه لما يرضخ و ينضم للمجموعه حاله حال باجي اليهال!!!!!!!!!!!!!!!!!!!!!!!!!!!!!!!!!!!!
وفعلا قعد يم الباب يوم كامل محد يكلمه ولا احد يجذبه بالله آنا شستفدت يايبته عندكم اخليه بالبيت عندي احسن و اشرف
إسلوبهم خايس ما يحببون اليهال بالمدرسه
الله يساعدج مرووو يالله تعدي هالسنه على خير وإنشالله ما يواجه هالشي بالثانويه اللي إهي المرحله الأهم

 

[mr000]

بيلا هي صعوبة البريطانيه في طريقة امتحاناتهم.. يعني يبون كتابه وايد ومو مثل الأمريكي الملتيبل جويس أو الأوبن بوك تست أو كويز وبعدين من المتوسط الامتحانات توصل من بريطانيا ويطرشونها تتصلح هناك وتيي النتيجه.. هالكلام شرحه لي مساعد ناظر الخليج لما كنت بنقل ولدي بغريد 6.. قالي يعني لادرجات البروجكت ولا البوستر ولا الكويزات طول الشهر هذا كله ماينحسب حق الريبورت.. وبعدين باختبار القبول مع انه نجح بالخليج وانقبل بس قالي واضح انه متعود على طريقة النظام الامريكي.. وهو بيروح غريد7 يعني ثانويه بالنظام البريطاني فلو يجاوب بهالطريقه بالاختبارات مايحصل درجات كامله..فهونت مابي أخسبق الولد لو كان توه بالأبتدائي يمكن يمشي معاهم.. شالفايده تالي يتخرج بنسبه ضعيفه.. وعندنا ناس من اهلنا اضطروا يودونهم بره على حسابهم حق الجامعه لانه مايابوا نسبه عاليه.. هي طبعا مو قاعده عامه كا بنت أخوي ماشاءالله متفوقه بمدرسة الكويت الانجليزيه.. وعندنا بنات تخرجوا بتفوق من الخليج ومن الانجليزيه بالجابريه ودشوا طب وهندسه..يعتمد عالطالب أذا يجابل الدراسه وألا لا لأنها مو سهله...

 

[mr000]

فوز اشلونج اشلون بنيتج.. طمنينا عليج.. واشلون عمج ألحين..ريمان وينج من زمان .. شخبارج واشلون وليدج.. كراميلا ..شموديج شوبربوش أكيد رايحه تاكلين فلافل قبل لاتردين الكويت.. عليج بالعافيه.. وشبعي برد ترى أحنا خلاص بيخلص الشتا عندنا علما اتيين!! والله كراميلا آنا أذكر ناظرة مدرستي كانت تقول نفس كلامج عن تعامل المدرسات مع اليهال في بريطانيا لأن عيالها درسوا هناك علما زوجها يخلص الدكتوراه فتقول ماكانوا يحبون المدرسه هناك!!

 

[caramella]

هاهاها إي والله كليت فلافل بس والله مو نفس إلعام هالسنه ما رحت إلا مرتين بس
لا والله رايحه أشتري شغله حق أمي موصيتني عليها و بالمره آكل فلافل و أدلي ريفيجتي المطعم
عاد بس وصلنا المطعم ولا اللي يبيعون يا هلا و يا مرحبا وينج زين شفناج لوووول إنحرجت جدام ريفيجتي تقول مشهوره مشهوره لأن حتى اللي يبيعون بالمحلات يسلمون علي فشله جان وين مكان كشخه ولا يحيي الشوف كله شبربوش لوووول
إي لوعه لوعه التعامل عندهم بس ترى مو كل المدارس آنا والله بنت عمتي بسكوتلندا تدرس وعيالها معاها تقول عيالها إسمالله عليهم إحبون المدرسه

 

[mr000]

سلام أمهات اشلونكم..أي صج انتوا رحتوا المعرض؟آنا ولدي راح الخميس بنهاية الدوام شرا قصص.. وباجر بعد بيروح يشتري لأنه اليوم ماعنده مجال بالبريك يخاف يتأخر عالدرس اللي بعده وعقب الدوام عنده تيوترينج..يقول والله خوش معرض وفيه شغلات وايد عاجبته.. قلتله يلا اشتر اللي تبيه عالأقل أحسن من أشرطة البلي ستيشن.. خساير عالفاضي..!! صج كراميلا اشلون الفالانتاين عندكم؟؟.. أمس بالجابريه مريت بالشارع اللي فيه مكتبة الشناكل ولدي بيشتريله مجله..إلا زحمه زحمه الشارع مسكر قلت يمكن علشان مدارس الحكومه داوموا فيايين المكتبه..أشوف ألا الزحمه على محلات الورد ومحل الألعاب قاط الألعاب مناك وكله حاط أشيا حمره دببه قطاوه مادري شنو...بس ماتتصورون الزحمه اشلون كانت بأغلب الشوارع اللي فيها محلات ورود وهدايا...