تجمع امهات العالمية الامريكية

[mr000]

سلام أمهات أشلونكم شخباركم! يقولون في كلام عن تأجيل الدراسه حق الروضه لي شهر 12 والله هو زين ويريح الأمهات بس اللي بالخاص المفروض ماياخذون منكم رسوم سنه كامله!! ريمان أي والله هذا آنا قاعده أوصيه يطنشه وكل يوم أدعي أن الله يهدي هالصبي ويعقله مادري أعطي ولدي يوديله ماي مقري عليه جود يعقل ويطخ شوي ويفكنا من شره!!

 

[*Toota*]

السلام عليكم
انا ولدي داوم اليوم بالمدرسة العالمية بقريد 2 و الامور ممتازة الحمدالله
حاطين معقمات في كل مكان و يت السستر و عطتهم التعليمات

 

[ReeMaN]

مرووو ضحكتينى بسالفه الماي المقري عليه حطى له بخاخ صغير ماي مقري عليه ينحط بالمخبى لا قرب منه الولد يرش على ويهه عشان يطخ خخخخ اى حتى الحكومه احتمال في تاجيل حق كل المراحل من اسبوعين الى شهرين حسب المرحله .......

حياج الله توتا بالدوانيه تشرفنا بمعرفتج يقولون عندكم وايد غياب بالابتدائي لاحضتى هالشي والا الصف كله مداوم؟

 

[QUMAR]

caramella : ويحفظ لج ما عندج يا رب ويخليهم لج ان شاء الله
لا والله ما رحت قعدت وعلي طول المطبخ نسوي هالفطور

mr000 :وااااي صج احتريت علي هالياهل شنو مو قادرين
يخلي وليدج يتعسر والسبه هالأخ اللي ابوه دبلوماسي
صج ناس تخاف ما تختشيش

الله يعينكم يارب

 

[ملكة بيتها]

السلام عليكم .... مرووو أنا إنبطت جبدي والله حتى لو شنو دام وعدوج بأنهم يحطونه بصف ثاني لا تتنازلين حتى لو ولد الدبلوماسي صار دبلوماسي وسلس وتعامله يهبل ...

 

[mr000]

سلام امهات اشلونكم! آنا اليوم رحت المدرسه الصبح علشان أشتري ملابس رياضه حق ولدي واشوه ماكان زحمه وايد عالمخزن والاحد برد أروح لأن الأخ توه يقولي أبي برمودا حق الرياضه وآنا شاريه بنطلون وبالمره ودي أمر أسأل عن طريقة توزيع الصفوف لأن موبس عن سالفة الولد مجموعة الشياطين اللي العام طفشوا المدرسين كلها ألحين بصفه وثاني شي وايد منهم كسالى وآنا ولدي العام الحمدلله درجاته عاليه بالريبورت وباقي الشطار كلهم بصفوف ثانيه يعني موفاهمه شالسالفه أشلون موزعينهم واشهالحظ اللي قط ولدي بهالصف!!

 

[mr000]

بالوطن كاتبين أنه أحتمال الدراسه تتأجل شهرين للروضه والأبتدائي! ريمان والله شكلي بعطي الولد ماي مخلوط فيه ماي غريب وألا زيرتك مال الحساسيه خل يدوخ و ينثبر بمكانه مافيه حيل حتى يتشيطن! لاو لو تشوفين حركاته كلها تمثيل يبجي ويسوي نفسه متأثر لما يعاقبونه ويحلف كذب والناظر يصدقه وتالي يطلع يضحك أنه قص عليهم وخلاهم يعاقبون ولدي والله العام عذبنا وآنا كل يوم رايحه وراده المدرسه لي نهاية الكورس الأول وأحنا على هالحاله!!بس بس لوعة جبدكم بهالسالفه وآنا هم صارلي يومين متنكده ومالي خلق عمري من سمعت عن هالولد!!

 

[mr000]

سلام امهات ماكو اخبار عن التاجيل؟ناس تقول شهر وناس تقول شهرين!

 

[ReeMaN]

هلا والله امهات شخباركم قلايبي ؟؟
والله مروو احنا ضايعين بينهم مروو يقولون بياجلون شهرين ومره بس اسبوعين ومره بس شهر بس ماراح اتكلم لما يطلعون القرار الاخير بعدين اتفرق اتحلطم عليهم ههههه

اى عفيا عليج مروو روحي سالي عن توزيع الطلبه بالصفوف ومره وحده صيري المرأه الحديديه وواجهيهم ليش ولدج بصف ولد الدبلوماسي وقولى لهم ولدي ان صارفيه شي من هالشرير احملكم المسؤوليه لان قايلتكم من قبل فصلوهم عن بعض صدقيني المديره طيبه ماراح تقولج شي تفصلهم او انها راح تساعدج بهالمشكله

 

[ReeMaN]

سلام شخباركم حبايبي ؟؟؟

وينكم اليوم مالكم حس :0bee2e8d89:

 

[mr000]

سلام أمهات أشلونكم!شنو آخر الأخبار؟ آنا بصراحه قمت ماأحب الأماكن المزدحمه مثل المجمعات يعني أحنا ألحين نخاف من المدارس أنزين والأماكن الثانيه والله ازدحام وناس أشكال وألوان من كل الجنسيات ماتدرين منو فيهم راد من السفر وألا عنده أحد مريض بالبيت بس شنسوي بعد الواحد مضطر يطلع يقضي مشاويره!اليوم كنت أكلم صديقتي توها راده من لندن تقول هناك بدو يطعمون طلبة المدارس قبل لايبتدي الدوام بشهر 9!!

 

[lyale]

شلونج مرووو اي يقولون التطعيم بدا اول شي باستراليا وامريكا والحين لندن
متييييي يطعمون عيالنا وسمعت ان الي يحوشه المرض حتي لو تشافا يصير فيه سكر

 

[mr000]

أهلين ليالي أشلونج والله آنا مادري عن السكر بس سمعت أنه يأثر عالجسم من داخل يعني الكبد والرئه والله مومتأكده بس سمعت شي من هالنوع! مايندرى الله يحفظ الجميع!! والله آنا ناويه أدق أكلم بنت عمي دكتوره لأنها مديرة أدارة منع العدوى بالصباح وبسألها عن هالمرض وشنو سالفته علشان الواحد لايتشوش ويتدوده من كثر الكلام اللي يسمعه!!

 

[ReeMaN]

سلام امهات شخباركم ؟؟؟
خرعتوني بكلامكم يعنى يا يتخنزرون عيالنا لا سمح الله يا يصير فيهم سكر وامراض ثانيه الله يكافينا الشر

اى تكفين مروو سالي بنت عمج وعطينا الاخبار عفيا

 

[ملكة بيتها]

سلام مامات ...شلونكم حبايبي توه وصلني مسج يقولون إنه بيأجلون الدراسه لي بعد عوده الحجاج والله الإشعات كثرت وما قمنا ندري نصدق ولا نجذب أي خبر ...الله يحفظنا يارب ...

 

[mr000]

أي أن شاءالله ريمان والله كل يوم من بدا رمضان أقول بدق عليها وأنشغل أو أطلع أن شاءالله أذا حصلتها أقول لكم!! قبل يومين بمجلة سيدتي حاطين أنه بمصر والأردن بادي ينتشر عندهم أنفلونزا الخيول يعني أحنا ماافتكينا من انفلونزا الخنازير أيينا مال الخيول اللهم لاأعتراض استغفرالله شنوهذا اللي قاعد يصير يارب تحفظنا وتحفظ الجميع!!ألحين الواحد قام يوسوس من كل شي من أمس ولدي يقولي بلاعيمي تعورني وآنا كل شوي أجيس راسه وأسأله شتحس فيه!!

 

[mr000]

سلام اشلونكم أهلين ملكه والله آنا أسمع الكل يتكلم عن هالمسج مادري اشسالفته بس آنا أقول لو يوصل التطعيم مبكر جان يطعمون الطلبه ويخلون عالأقل الكبار يداومون يعني المتوسط والثانويه أحسن من يقعدون بالبيت كل هالمده يعني هالزحمه بالسوقه والجمعيات ماتعدي بس المدارس هي الخطره؟ بعدين المدارس الخاصه بالمناهج تمشي على موافقة بره يعني أمريكا وبريطانيا ويلزمونهم بعدد أيام دوام محدده للعام الدراسي ماأعتقد يرضون بطريقة الدمج وحذف نص المنهج مثل الحكومه ألا أذا بيعتبرونها حاله استثنائيه!! والله مادري شنو راح يسوون ان شاءالله يطبقون عليهم نفس الحكومه أذا صج أجلوا حق كل المراحل!

 

[lyale]

السلاام ريمان مروو كريملا فوز ملكه وكل امهات العالميه
مرووو اي والله ياريت يوصل التطعيم مبجر انا عيالي صار لهم فتره ما يطلعون واذا طلعو حدهم جمعيه او مركز سلطان
احاتي فيهم

 

[mr000]

سلام أمهات أشلونكم آنا والله توني كلمت بنت عمي تقول والله في أحتمال كبير تتأجل الدراسه أكثر من شهر 9 وبعدين التطعيمات ماوصلت أغلب الدول يعني حتى بريطانيا مو قاعد يطعمون عن أنفلونزا الخنازير قاعد يطعمون عن الأنفلونزا العاديه علشان يخففون من كثرت المرض وعلشان لايساعد على نشر العدوي لين يوصل تطعيم انفلونزا الخنازير بشهر 10!

 

[lyale]

واالله انا امس اكلم اختي اقولها لو نطعم اليهال الحين بتطعيم الانفلونزا العاديه علي ما يوصل التطعيم شويي نطمن عليهم لان حسب الاخبار ان بيزيد الموسم الياي ويتفاعل بسبب الانفلونزا العاديه