تجمع امهات العالمية الامريكية

[QUMAR]

mr000 :
الف مبروك نقلو ولدج ما بغووو
يالله الحمدالله يا معوده

أنا اليوم وديتهم وصراحه الحضور ممتاز اتوقع ماكو غياب
ايه عطوهم الورقه مالت التلوث
وانا متعوده أحط لهم بطول ماي بجناط الأكل
وعطوهم لستة طلبات رحت العصر قبل الفطور جرير وشريت لهم

 

[mr000]

سلام أمهات أشلونكم! قمر ماتشوف شر الوالده الله يشافيها ويقومها بالسلامه ويخليها لكم!! زين سويتي رحتي قبل الفطور آنا طلعت بالليل والشوارح زحممممممه وأول شي وديت بنتي الرايه تالي رحت اشتريله اللي يبي وفي شغله مالقيتها ورحت مكتبه ثانيه يعني ماوصلت البيت ألا الساعه 1!!آخر اخبار التأجيل بالجرايد بس حق الحضانه والروضه لي آخر 11!!

 

[umhomood]

السلام عليكم انا من وقت لى وقت ادش اقرا ردودكم بس توى اشارك وانظم للديوانية 00 عندى اولاد 2 فى العالمية واحد فى الرابع ابتدئى والثانى فى السابع يعنى فى المرحلة المتوسطة عيالى من النيرسرى فى المدرسة يعنى من تسع سنين اليوم اول يوم لهم كانوا غايبين لانى كنت مترددة ومترقبة الوضع ووديتهم متاخرين ولما يرجعون البيت بالسلامة اعرف منهم الاخبار ويارب خير 00000

 

[mr000]

السلام أمهات أشلونكم هلا فيج أم حمود أن شاءالله ماكو ألا العافيه والله الطلاب من أمس مداومين وايد أكثر من أول يومين! بس أذا ولدج الصغير بعده مايصوم عطيه ماي لأنه مسكرين ماي الشرب عندهم!! بس والله حرام لو مخلينهم مثل الأبداع يداومون عقب رمضان جان أحسن الجو حار وصايمين ولدي مسكين يرجع ناشف ريجه ودايخ!!

 

[Fouz]

السلام عليكم
شلونكم أمهات
مروو الف مبروك والله فرحتيني و أشوة اللي ولدج افتك من هالدعلة
ألا بسأل الحين التأجيل مال الروضة يشملنا والا بس الحكومة؟
و بالنسبة للرسوم انا أمس قريت بالجرايد ان المدارس الخاصة مستنفرة لان التأجيل بيكون 3 شهور و اكيد راح يواجهون مشاكل مع أولياء الامور بخصوص دفع الرسوم كاملة مع ان اليهال ما حضروا 3 شهور و يبون تسوية من وزارة التربية تمنع المشكلة، و اعتقد اذا بغوا فلوسهم بيكسرون التلفونات

 

[ReeMaN]

هلا امهات شخباركم ؟؟؟

حياج الله ام حمود معانا بالدوانيه .... انا مثلج فوز قرار التاجيل ماادري اذا يشمل المدارس الخاصه والا بس الحكومه ؟

وين كاراميلا من زمان عنا لايكون ولدت وحنا ماندري الله يقومها بالسلامه يارب ....بس جنى خابره توا لناس على ولادتها

 

[Fouz]

ريمان نفس حالتي بس اظن ان التأجيل للكل علىشان جذي امس اشوف المدارس الخاصة مستنفرين و يبون يجتمعون لدراسة الخسائر المترتبة على التأجيل، ننطر و نشوف بالجرايد و كلش كلش ندق نهاية الاسبوع الياي ان شاءالله
صاجة والله كاراميلا مالها حس بس جنها قالت تولد شهر 10؟ ان شاءالله المانع خير

 

[Rosedale]

انزين بنات وكل المدرسين أمريكيين؟؟؟؟؟؟


لما تصادفكم مشكله وكنتو بالانجلش مو ذاك الزود شتسوون


وسؤال ثالث أمبي والله سوري أسألتي كثرت

الحين مافي تسجيل حق الحضانه صح؟ وجم تسجيل الحضانه؟؟؟؟؟؟؟؟؟

 

[mr000]

سلام أمهات أشلونكم شخباركم ! فوز أشلونج ماتقصرين بعد عمري وان شاءالله هالسنه تكون أبرك من العام علشان يركز عالدراسه بدال هالمشكل اللي تشتت أنتباهه! ريمان شخبارج! اشلون عيالكم مع قعدت البيت والله لوما صارت سالفة هالمرض جان راحوا المدرسه واستفادوا بس يالله توهم صغار والسنين جدامهم ان شاءالله! بس صاجه فوز اكيد الناس بيقولون لهم خصموا من الرسوم فلوس هال3 أشهر بعد هم ليش يزعلون الحق حق!!والتأجيل مثل ماكتبوا بالجرايد يشمل الخاص والحكومه!! أختي روزاديل بالنسبه حق جنسيات المدرسين آنا أتكلم عن المتوسطه بس مادري عن الروضه فيهم أمريكان وبريطانيين وكنديين وبالنسبه حق مقابلتج للمدرسين أو الأداره أعتقد الأفضل تاخذين معاج أحد يعرف أنجليزي يساعدج يعني مثلا باجتماع الأمهات أو عندج ملاحظه بتبلغينهم ويمكن فيه سكرتيرات عرب يساعدونج بس مودايما!!بس أختي أنتي راح اتابعينه بالدراسه من يدخل الأبتدائي واتدرسينه حق الأمتحانات فلازم تقوين نفسج بالأنجليزي لأن المناهج تبتدي تصعب كلما ارتفع مرحله لما يبتدي يعتمد على نفسه بالدراسه ويقدر يدرس حق الأمتحانات بروحه وياخذ درجات زينه!!

 

[mr000]

كراميلا وينج عسى ماشر طمنينا عليج!! الله يعينج عالثقل مع الصيام! خو ألحين النوم فيلم بالثامن والتاسع الله يعينج ويهون عليج أهم شي أنج افتكيتي من توصيل المدرسه لي تولدين بالسلامه ان شاءالله!!

 

[mr000]

ودي مره أكتب بدون بدليات ماكو فايده! مشكل= مشاكل تصويب الخطأ لازم كل مره

 

[Fouz]

rosedale حياج الله ويانا والله ودي أفيدج بس انا توني مسجلة بنتي باولى روضة و المدرسة اللي كلمتني امريكية او كندية بس ما ادري اذا الشي بالنسبة حق كل المراحل والا لأ و مثل ما قالت مرو الانجليزي ضروري لام المدرسات ياخذون رقمج و اذا دقوا عليج لازم تعرفين لغتهم و بالنسبة لرسوم الحضانة حسب موقعهم 1227 دينار
دشي سايتهم و شوفي المعلومات اللي تبينها
http://www.uas.edu.kw/

مرو عسى الله يوفق ولدج و يسهل أموره يارب، يعني مرو أكيد التأجيل خاص و حكومة لأن التصريح ما كان واضح، و أكيد أكو أهالي ما تطوف عليهم سالفة الرسوم، والله بالنسبة لي أهم شي سلامة بنتي لأن المبلغ انا شايلته من أول ما اقبلوها بس كل شخص له ظروفه ووجهة نظره و اذا على الحق المفرروض يخصمون ولو اني ادري ان ماكو خصم لان بالكويت كل من ياخذ حقه وزياده الا المستهلك سواء جمعية والا موبايلات والا مدارس كلها تجارة

 

[ملكة بيتها]

شلونكم ....مروو ..ريمان ..فوز ..ليال ...كارميلا والأمهات الجدد
مروو...خوش خبر إفتك وليدج من الشرير ..وربي يوفقه

 

[mr000]

سلام أمهات أشلونكم!فوز بعد عمري الله يوفق عيالكم ويحفظهم من كل شر بصراحه هذي الميزه اللي شفتها بالمدرسه أنه تجاوبهم حلو مع الأهالي حتى اليوم مر الأخصائي على ولدي وسأله أذا مرتاح من الصف اليديد يعني الحمدلله فيه اهتمام ماتلاقينه في بعض المدارس!!ملكه اشلونج اشلون بنتج خلصتي شغلج بالخليج شريتي لها ملابس؟أي صف تروح غريد 1؟والله على حسب كلام مرت حماي أن تأسيسهم قوي وتمدحهم وايد!!

 

[Rosedale]

مشكورين بنات على ردودكم وانشالله بنتي تصير مع عيالكم :eh_s(6):

 

[caramella]

السلالالالالالالالالالالالالالالالالالالالالالالالالالالالالالالالالالام
آنا هنا
حبيباتي عسى ما تفقدون غالي بس والله لهيت ذيك الأيام شوي
و أمس كان عيد ميلادي المجيد و إحتفلت فيه مع كرشتي
لالالا ما وولدت تو الناس
بس والله لهيت مع إستقبالات الولاده حريم حمواني ولدوا ورا بعض على ما رحت طلبتلهم ورد وكاكاو
مرووووو مبروووك نقلة وليدج إنشالله يا ربي يرتاح بهالصف إفتك من هالشرير
ريمان و فوز و ملكه و ليالي و قمر إشلونكم و إشلون عيالكم إنشالله بخير
روزديل حياج الله و إنشالله تنقبل بنيتج
و أم حمود حياج الله بالتجمع

 

[mr000]

Happy birthday to you,Happy birthday to you, Happy birthday to caramella,كل عام وأنتي بخير كراميلا وعقبال 100 سنه وزود وان شاءالله تحتفلين فيه سنه اليايه مع فريخاتج!!

 

[caramella]

merciii mr000
ما قصرتي حبيبتي
إشلونج و شلون وليدج مع الصف اليديد إنشالله ماشي حاله
و حصلتي القفل مال اللوكر ولا لأ؟

 

[mr000]

caramellaالحمدلله كلنا بخير وولدي ماشي حاله بصفه اليديد وتوه أمس استلم اللوكر لما وده القفل ابوه وداه النصف بالشويخ وحصل النوع اللي يبيه!!

 

[ReeMaN]

اهليييييييييييين امهات شخباركم ؟؟

كاراميلا كل عام وانتى بالف الف الف خير وصحه وسلامه عسى سويتى بارتى انشالله مع وليدج والنيو بيبي اللي ياي بالطريج وتصورين شكلج تخلينه ذكرى عندج


شللون عيالكم مع قعده البيت ؟؟ انا ولدي كل يوم يسال متى نروح المدرسه اليديده ومتى اعطيهم كاكاو ومتى متى ؟؟ امس عطيته درس بسيط عن انفلونزا الخنازير وان لازم يصير نظيف ومايجيس ولا يسلم على اليهال ولا تسوي جذي ولا لا لا جان يقول يما خنزير الخنازير ليش يسوي جذي فينا هههههههه