تجمع امهات العالمية الامريكية

[QUMAR]

والله يا قلبي الأخبار ما تسر
كلام من ناس ثقه ...
مديرة المدرسه ما تبي تأجل حتي لو تأجلت مدارس الحكومه
تقول انها مآخذه جميع الأحتياطات
والله مادري شنسوي
شكلي باجر بودي عيالي وبشوف شنو صاير

 

[mr000]

قمر أن شاءالله ماعليهم ألا العافيه توني مكلمه صديقتي تقول بنتها ودت عيالها عادي بالأبتدائي بالعالميه وما غيبتهم! وعموما أذا فيه تأجيل آنا أتوقع بس حق الروضه والأبتدائي وراح يبين على يوم الثلاثا اجتماع المجلس!! يقولون باجر أتحاد المدارس الخاصه بيجتمعون وبيناقشون الخساير اللي راح تترتب على تأجيل الدراسه كورس كامل الظاهر خايفين أنه الأهالي مايدفعون كل الرسوم انزين هم خايفين على فلوسهم وموخايفين على عيال الناس!!

 

[ReeMaN]

هلا امهات شخباركم .... والله احنا ضعنا مع هالاشاعات مره يقولون 10 9 ومره عقب شهر وره عقب شهرين واخر كلام بشهر يناير انا بسكت وماراح اصدق شي الين يطلع اى قرار وموثوق منه لان صج ضععععععععععععععععت ...............

ليالي شخبارج حبوبه سالي اللي اعرفه ان تطعيم الانفلونزا العاديه مهي زينه حق اليهال لان ماتقوي مناعتهم بس بهالوضع اللي صاير الحين لازم تسالين فيها اذا انتى بتطعمين عيالج تطعيم الانفلونزا العاديه وفوقه بجم شهر تطعيم ضد الوباء اخاف مو زين لهم .......

 

[ReeMaN]

اى مرووو خساره جايده مو شويه عليهم اكيد مايهمهم ارواح عيالنا انا بالنسبه لى الى الحين مادفعت شي حق الكورس اللاول اللهم الا اللي طلبوه منى يوم نجح بالاختبار جنى 400 مادري 450 ناسيه والله ... فوز وكاراميلا وامهات الروضه دفعتو حق الكورس الاول والا بعدكم ؟

 

[QUMAR]

mr000 : ايه حبوبه أن شاء الله ماكو الا العافيه
توني مجيلتلهم من الجمعيه كلينكس ديتول
وموصيتهم كل شوي نظفو ايدكم منه

وفعلا انا هذا اللي احسه انهم يخافون يخسرون فلوسهم هالفصل الدراسي
بس بالمره مو حاسبين حساب العالم وعيالهم
الله خير حافظ يارب

 

[*Toota*]

حياج الله توتا بالدوانيه تشرفنا بمعرفتج يقولون عندكم وايد غياب بالابتدائي لاحضتى هالشي والا الصف كله مداوم؟

الله يحييج حبيبتي و انا اكثر .... لا و الله اكثر من نص الصف مداومين

 

[ReeMaN]

صباح الخيير امهات شخباركم حبيباتي ؟؟؟

سمعتو الخبر الاكيد والاخير ويمكن مو الاخير لان كل ماله ويطلع لنا خبر يديد الله يسلمكم قالو الروضه دوامهم الى اخر نوفمبر بس ماادري اذا بس دوام الحكومه والا الخاص بعد نفس الشي....

 

[حلم الطفولة]

ريمان

 

[ReeMaN]

هلا مولاتي شخبارج حلومه

حصتج بالسحور موجوده تعبت وانا اتنقص لج كل يوم من كاكاو وحلاو وبطاط كل نجره فوز وكاراميلا عليهم

 

[Fouz]

شلونكم أمهات ريمان كاراميلا مرو ليالي ملكة قمر توتا و باجي الامهات
يا جماعة ضعنا الحين اعيالنا يداومون والا لأ؟ امس بالتلفزيون قالوا الروضة يداومون اخر 11 بس مادري بس الحكومة والا الكل؟
مرو الله يعينج حبيبتي بس لا تسكتين روحي المدرسة واذا ماصار شي مالج الا المديرة و اذا ما حصلتيها كتبي ورقة و حطي تلفونج و شرحي لها كل شي قطيعة حتى بديرتنا مناشبينا
ريمان انا ما دفعت لما الحين الا 450 اللي عقب ما نجحت بالمقابلة
بس صج الله يسامحهم اذا همهم الفلوس و اليوم خامس حالة وفاة، الله يحفظنا

 

[mr000]

سلام أمهات أشلونكم اليوم الصبح الطلبه شكلهم بالساحه أكثر من اليومين اللي طافوا حتى اليوم كان زحمه عالستور مال الملابس رحت أشتري حق ولدي برمودا حق الرياضه وايد توهم يشترون ملابس واللي يبدلون!بالنسبه حق الرسوم أعتقد ألحين لازم تدفعون رسوم الكورس الأول تقريبا أول أسبوع من 9 آنا دفعتهم قبل لايعطل وافتكيت! اليوم كان في أمهات يسألون عن القرقيعان فقالتلهم مدرسه أو أداريه مادري وحده لبنانيه أنه الأبتدائي حفلتهم القرقيعان الخميس بس الروضه والحضانه مأجلينها لما يداومون! وفي شغله بس حبيت أنبهكم لها أذا اليهال بيداومون 10/9 أن الصبح مايبون اليهال قبل 8و40 دقيقه لأنه مافيه أشراف قبل هالوقت!

 

[توتا وحب الكويت]

سلام أمهات أشلونكم اليوم الصبح الطلبه شكلهم بالساحه أكثر من اليومين اللي طافوا حتى اليوم كان زحمه عالستور مال الملابس رحت أشتري حق ولدي برمودا حق الرياضه وايد توهم يشترون ملابس واللي يبدلون!بالنسبه حق الرسوم أعتقد ألحين لازم تدفعون رسوم الكورس الأول تقريبا أول أسبوع من 9 آنا دفعتهم قبل لايعطل وافتكيت! اليوم كان في أمهات يسألون عن القرقيعان فقالتلهم مدرسه أو أداريه مادري وحده لبنانيه أنه الأبتدائي حفلتهم القرقيعان الخميس بس الروضه والحضانه مأجلينها لما يداومون! وفي شغله بس حبيت أنبهكم لها أذا اليهال بيداومون 10/9 أن الصبح مايبون اليهال قبل 8و40 دقيقه لأنه مافيه أشراف قبل هالوقت!

عفوا
اختى حفل قرقيعان شنو الحين بهالوباء الله يحفظنا
:0bee2e8d89:

 

[mr000]

والله هذا اللي سمعته آنا بطلع كلش عند باب الأداره بس كنت قاطه أذني عندهم قلت جود أسمع شي عن التأجيل!

 

[Rosedale]

مرحبا بنات

انا بنتي اسم الله عليها عمرها 3 سنوات

ومن الحين حاطه العين على العالميه الامريكيه ان أدخل بنتي هناك من الروضه

بس في جم سؤال عندي

انا ماقريت كل الصفحات لان أغلبها سوالف عاديه سوري يعني بس شسوي:dddds:

المهم انا سمعت في غير اللي بحولي بالمنقف بعد صج هالكلام؟؟؟؟

انزين الامريكي له مميزات خاصه بالمدرسه اللي أقصده من ناحية المبلغ ولا عادي نفس باجي الجنسيات الثانيه؟؟؟؟

بالنسبه للروضه شنو تقيمكم لهم وجم المبلغ؟؟؟؟ واذا استحت بنتي وماردت عليهم بالاختبار مايسجلونها؟؟؟؟؟

 

[mr000]

أختي روزديل حياج الله معانا!آنا راح أجاوبج على بعض الأسئله والباقي اللي تتعلق بالروضه أن شاءالله الخوات مايقصرون لأن ولدي بالمتوسط فماعندي فكره عن الروضه أول شي المدرسه بس بحولي مافيها منها بالمنقف وبالنسبه حق الرسوم ماأعتقد أنها تختلف أذا أمريكي أنتي هم تأكدي! وأنا ولدي مادرس فيها بالروضه والأبتدائي بس اللي يتأسسون فيها من الروضه لغتهم وايد قويه وتأسيسهم قوي!!

 

[mr000]

رفيقات الدرب بعطيكم آخر تطورات سالفة ولدي وتغيير الصف اليوم كلمت السكرتيره صفاء مالت الميدل سكول وقالت أنها كانت متأكده أنه الأخصائي فصلهم عن بعض لأنها أكدت عليه وتفاجأت لما قلتلها أنه معاه بالصف المهم قبل شوي رجع ولدي وقال أنه غيروا صفه الحمدلله بس باقي نرد نشتري طلبات من يديد لأنه المدرسين تغيروا وتغيرت طلباتهم مومشكله كله يهون بس نفتك من المشاكل وان شاءالله مايطلع لنا أحد ثاني بهالصف!

 

[mr000]

قمر يابوا لج عيالج اليوم ورقه أنه المدرسه سكروا مشارب المياه بالمدرسه نتيجة التلوث في محطة مشرف فلازم تعطونهم ماي تكتبون الأسم والصف على المطاره أو بطل الماي! وطبعا هذا عالمراحل كلها بس لأن الكبار صايمين بس الظاهر بعد رمضان لازم ياخذون ماي آنا من العام أعطيه مطارة ماي مايحب يشرب من البراده!!

 

[ReeMaN]

هلالالالالالالالالالالا امهات شخباركم عساكم بخير

مرووو شخبارج حبيبتى بصراحه احلى خبر سمعته ان فصلو وليدج عن الشرير المليق بس عسى ماكان ضايق خلقه ان فصلوه عن ربعه بالصف المفروض يشيلون الشرير مو ولدج بس الحمدللله على كل حال اهم شي نفسيه الولد

هلا روزديل انا ولدي جديد على المدرسه مااقدر اقييم من الحين ساليني هالسؤال السنه اليايه انشاءالله ان الله عطانا عمر

 

[ReeMaN]

والله زين ماشالله في اولياء امور مهتمين بيوم القرقيعان جنى الوضع مايسمح يختلطون اليهال الحذر واااااااجب ..عن نفسي اذا داومو بالوقت المقرر لهم الدوام ......مو لزوم يوم القرقيعان ولا راح اخليه يفتر بالفريج والا انتو شرايكم شايفينى مبالغه بالسالفه والا عادي

 

[mr000]

سلام أمهات أشلونكم!ريمان تروالي أذا طاف أسبوع عالقرقيعان مااعتقد بعد راح يسوون حفله حق الروضه مادري عنهم ! عاد تصدقين ريمان السكرتيره قالتلي أنهم راح ينقلون الولد مو ولدي بس ميخالف تدرين ليش لأنه الصف مازال فيه مجموعة شوي حركيين ومزعجين و دايما يطفرون المدرسين فأحسن له أنه انتقل من هالصف!!