تجمع امهات العالمية الامريكية

[ReeMaN]

والله مروو الفراشات يبردوون القلب صج امس واليوم اشوفهم يفركون بضمير مو اى كلام تشمين ريحه نظافه بالمدرسه ماشالله الله يتمم عليهم ولا نسمع اخبار اصابات بالانفلونزا

 

[mr000]

سلام أشلونكم أمهات والله ريمان هالفراشات من فتحت المدرسه وآنا أشوفهم يمسحون الأرض والطوف ومسكات البيبان كذا مره رحت هم على هالحاله وللأمانه حتى الحمامات تكرمون نظيفه من أول حتى قبل سالفة المرض وآنا لما أختار المدرسه الناس تشوف الصفوف وآنا أول شي أروح أطالع الحمامات من كثر ماولدي عقدني مايرضى يستخدم حمام المدرسه من كان صغير!

 

[caramella]

السلام أمهات
إشلونكم ؟
ريمان إشلون وليدج مع اليوم الثاني الله يحفظه
والله اليوم دقيت عالمدرسه البداله ما ترد يرن يرن بعدين ينقطع واييي لوعه مو رقمهم 1822827
أبي أسألهم عن دوام الكي جي 1
لأن عيال خواتي بدسمان و التكامل قالولهم 6/12 كلمه وحده بسبة قرار الوزاره مو إحنا معلقينه لازم يعطونه كلمه عدله وايد أفضل و أريح لنا و لهم من حنة أولياء متى الدوام و متى الدوام
إي صاجه مرووو أهم شي و إنتي بكرامه الحمامات تكون نظيفه لأن هم ولد العز اللي عندي ما يرضا يستخدم حمام وسخ و يقولج راحت ما فيني شي خلاص

 

[ReeMaN]

هلا امهات شخباركم ...

والله اليوم احسن شوي امس شوي كان مستانس وهم خايف مكان يديد عليه وطبيعي خوفه اليوم اشوي احسن بس ماكان شبعان نوم لان امس وايد نايم الظهر يمكن ثلاث ساعات بالليل مانام الا بال 11 ... واليوم قررت انى احارب معاه عشان ماينام الظهر وانومه على السبع عشان يقعدنا حق صلاه الفجر هههه

كاراميلا انشالله باجر راح ادفع القسط الاول وراح اسال لج متى دوام الكي جي 1 ان شاء الله ....

 

[mr000]

هلا والله كراميلا سكتي والله هذا غير أخوانه وعليه درسوا بأسوأ الأماكن وين مايروح أبوهم ينقلهم معاه وهذا عشتو يتحمق على كل شي كانوا يدقون علي من المدرسه لما كان بالغانم تصوري استأذن علشان أوديه حمام البيت تكرمين أو بيت أختي وأرده! بالنسبه حق رقم المدرسه آنا عمري مادقيت على هالرقم مادري عندي أرقام غير جربيهم22629556/22629529/22629858

 

[bella bambina]

هاي أمهات اشلونكم ؟ ريمان آنا ولدي اللي بأولى ابتدائي أمس نام بالصف من التعب وقعدته الأبلة لأن اليوم اللي قبله ما نامو مبجر بس ما خليتهم ينامون الظهر فنامو الساعة 9 لأن خلصو واجباتهم الساعة 7:30 حرام ما يمديهم يطالعون تلفزيون أو يلعبون وهم ما شبعو نوم اليوم بدزهم دورهم على 8:30

 

[caramella]

هلا والله أمهات
ريمان ما قصرتي يا قلبي عسى ربي يسخر لج وين ما تكونين
مرووو يعطيج العافيه حبيبتي خل أسيفهم عندي هالأرقام أحسن من البداله
بيلا و ريمان نومة اليهال حق المدارس مبجر عشان يشبعون نوم هذي مشكلة كل أم والله ترى مو زين الياهل يروح دايخ تخيلي نفسج مداومه و دايخه إطقين روووووس يماااااااااااااااااا حده متعب فما بالج الياهل والله يعور القلب إنشالله يا ربي نومتهم تتعدل و يروحون نشيطين عشان ما يتعبون

 

[bella bambina]

هاي أمهات كارميلا اليوم زودها ولدي وبدع نام بالطريج حق المدرسة و10 دقايق أقعد فيه وأغسل ويهه وبعدين قال ليش يما اشفيج؟ كل ما أتذكر شكله وآنا بالدوام أموت من الضحك:dddds:

 

[mr000]

سلام أمهات أشلونكم!والله مشكلة النوم هذي أزمه عندنا يعني ولدي كبير ويعاند ألا بيشوف التلفزيون ويقول آنا حياتي بس مدرسه ونوم ولما نخليه على كيفه يتأخر لي 10 ونص و11 تالي الصبح يروح المدرسه تعبان وماله خلق ويقولون لي المدرسين أنه قاعد بالصف مايشارك أو ماينتبه للدرس آنا أدري أنه بعالم ثاني من قلة النوم ودوامه طويل يرجع البيت الساعه 3!

 

[ReeMaN]

قوه امهات
مروو ياحليله وليدج حده وسواسي نظافه وايد ناس فيهم هالوسواس مايبون يروحون اى حمام تكرمون الا حمام بيوت شالحكمه ماادري
مشكوووووره كاراميلا على الدعوه اجمعين انشالله ... اليوم تاخر ولدي على النوم لان ودينا اليهال حديقه الشعب مع عيال خواتى اشوه ماكو احد قليل جدا جدا اللي يايين الحديقه لان اليوم الاثنين والجو رووعه ماردينا الا على الثمان ونص بسرعه سبحت ولدي ونومته وانشالله باجر ابجر من اليوم
بيلا ياحليله ولدج قعدتيه من احلامه

 

[mr000]

سلام أمهات اشلونكم! معقوله ماكو أحد عياله بالميدل سكول غيري؟؟؟ جنه كان في أحد بس ناسيه أسمائهم المهم عفيه ضروري قولولي البلوزه الpolo البيضا مالت الpe بس حق الهاي سكول؟؟ ولدي يقول عادي الميدل سكول يلبسون منها والصبح عند الستور شفت ولد لابس سألته قال أنه من الميدل سكول بس الهنديه مالت الستور مصره أنه ممنوع الميدل سكول يلبسونها قصدها مايداوم فيها ييبها معاه بجنطة الرياضه ويبدل بالمدرسه وولدي يقول أمس كذا واحد مداومين فيها عادي!!! ودي أشتريله علشان لايضطر يبدل بالمدرسه ويلبس الV neck مالت السبورت!!

 

[mr000]

أمهات شوروا علي أسافر وألا لأ؟ ولدي بيروح اسكتلندا 10 أيام بشهر 1 ويقولي ليش ماتيين معاي بس المشكله أنه السفره بأول يوم دوام بعد أجازة الكريسمس 4/1 ومتردده مره أقول ماراح يكون فيه امتحانات ولابروجكتات بأول أسبوع بس راح يكون فيه امتحان الفصل الأول حق العربي والدين بس!والله محتاره مادري متى نرتاح من هم العيال ومسؤوليتهم أشوف ناس عادي يسافرون ويهدون صغار أو بفترة امتحانات!!

 

[QUMAR]

سلاااام أمهااات

واااااااااااي بدت الدوامات ويتنا الواجبات اللي ما تخلص
الله يعيييييننا عليييييها
الحين معطين عيالي يسوون شجرة العايله عشتووو وباجر التسليم


mr000 : حبوبه روحي غيري جو لا تطوفج السفره وناسه
تروحين وتردين سالمه مقدماااا

( ;

 

[mr000]

qumarعندج أحد بميدل سكوول؟

 

[caramella]

السلام أمهات إشلونكم
اليوم دقيت عالمدرسه سأتهم عن دوام الكيجي1 أشوهردوا علي من الأرقام اللي عطيتيني إياهم مروو ما قصرتي
المهم قالت إحنا لي الحين على قرار الوزاره إن ممنوع كي جي 1 إداومون بس الأهالي إنجنوا بدهن إولادهن إداوموا على قولتها ما ندري مني لي الإسبوع الياي يمكن يبين معانه قلت لها بس المدارس الثانيه خلاص قالولهم كلمه وحده إن بعد عيد الأضحى إلا مدرستكم إمعلقينه ماني قادره أتخذ قرار قالت شنو بعد عيدالأضحى بيداوموا كم يوم و بعدين إجازة كرسمس وايد بعيد إنشالله الوزاره تغير قرارها لأن هم المدرسات ملوا من القعده !!!!!!!!!!!!!!!!!!!!!!!!!!!!!!!!!!!!!
قلت لها مشكوره
مو مهم صحة العيال و قرار الوزاره المهم إن المدرسات ملوا !!!!!!!!!!
ما يندرى اليوم إشبدعوا عليج يا ريمان لما سألتيهم عن دوام الكيجي 1
شكلي والله بعطيهم طاف و ببني قرار سفرتي على قرار الوزاره إذا بس السالفه على إن المدرسات ملوا ما في سبب وجيه إخلي الوزاره تتنازل عن قرارها و تخليهم يداومون غير إنها تبي تحافظ على صحة هالأطفال
مرووو حبيبتي والله ودي أفيدج بس ما أعرف أحدبالميدل إشتريله بلوزه وحده غصبا عالهنديه و خل إجرب يلبسها إذا محد كلمه ذيك الساعه إشتريله غيرها
قمر الله يساعدج عالواجبات وحلوه شجرة العايله يونس خوش بروجكت الله يوفقهم

 

[bella bambina]

هاي أمهات اشلونكم ؟ مروو والله آنا عمري ماسافرت وهديت اليهال بس ما شاء الله ولدج كبير سافري غيري جو وخليه يتحمل المسؤولية المدة مو وايد طويلة عشان تحاتين

 

[bella bambina]

قمر آنا بعد ولدي سوى شجرة العائلة(طبعا آنا اللي سويتها )بس كل يوم أسأله قدمت الموضوع يقول لأ مادري متى يقدمونه؟

 

[bella bambina]

مروو آنا عيالي بالابتدائي وكل يوم يلبسون بلايز البولو لأنهم مايحبون القمصان ولا مرة أحد قال لهم شي لا وبعد مو على طول آخذ لهم من المخزن ساعات أشتري من ماركس آند سبنسر

 

[ReeMaN]

مساء الخير امهات شخباركم عساكم بخير؟؟؟
مروو شخبارج حبيبتى اشتريله وحده عن خاطره وخل يلبسها جم يوم واذا محد قاله شي اخذي له ثانيه ... وصج خوووش فتره تسافرين فيها مروو وانشالله ماتكون فتره امتحانات اسملله عليه ولدج كبير شايل عمره و خلي خواتج واخوانج يديرون بالهم علييه خو كلها جم يوم وراده بالسلامه ان شاء الله

الله يعينج على الواجبات قمووره
سوري حياتى كاراميلا اليوم مامريت الاداره وايد تاخرت على دوامي ان شاء الله باجر اطلع بكير واروح لان متاخرين بالدفع

 

[caramella]

حياتي والله ريمان ما قصرتي لا عادي كله واحد آنا دقيت و سألت أكيد بيقولون لج نفس الكلام اللي كتبته فوق
مرووو والله آنا من رايي ولدج كبير إسمالله عليه وعادي خليه يم إخوه أو إخته ينبهونه يدرس حق إمتحان العربي و الدين وإنتي راجعيله قبل لا تسافرين إذا تحاتينه