تجمع امهات العالمية الامريكية

[ReeMaN]

صباح الخير امهات ....

شخباركم انشالله بخير ..؟؟ باجر ان شاء الله تبي حياة الجد من عقب هالحزه اللي صج غميييييضه الواحد ماسافر فيها والا اهى فعلا اجازه حلوه مااذكر مره صادف اجازه العيد 9 ايام ...

مروو سامحيني انا اقصد بنت ولدج بس مادري ليش اصابعي اكتبو بنت اخوج والله ضحكت على هالبدليه

 

[بسكوتة]

اشلونكم بنات وعيدكم بارك ولو انها متاخره
بسالكم ال كي جي 1 راح يداومون الاحد ولا لأ

 

[ReeMaN]

هلا والله بسكوته كل سنه وانتى بخير وتقبل الله طاعتج لا حبيبتى باجر ان شاء الله بس الكي جي 2

الكى جى 1 بعد الى لحين مااعلنو متى يداومون اتوقع اول نوفمبر او اخره مادري ... لاتحاتين راح يشتغلون عليج الاداره مسجات ويبلغونج

 

[bella bambina]

هاي أمهات اشلونكم؟اي والله خوش عطلة بس ما قدرنا نستغلها من الخوف .باجر الأحد يعتبر day 2 ؟ لأنهم ما داومو الأربعا والخميس

 

[mr000]

سلام أمهات اشلونكم! بيلا منو ماداوم الأربعا والخميس آنا ولدي داوم لي الخميس حتى كان عنده امتحان! بس من ناحية الجدول مادري بالضبط أي يوم يعتبر بس أشوف ولدي موعارف أذا يلبس رياضه او لأ يقولي لما اداوم باجر اعرف! هالسنه شويه لخبطه لان غيروا طريقة الجداول هذي نفس طريقة التكامل لما كان ولدي فيها قبل العام كان نفس الجدول تقريبا يوميا!

 

[bella bambina]

مروو قصدي هالأربعا والخميس اللي عقب العيد كان المفروض انه دوام على أساس تقويم المدرسة بس بعدين لغوهم مع اجازة الحكومة وطريقة المدرسة تعودنا عليها تقريبا من قبل سنتين انها على أساس 6 أيام فالجدول اللي عندي ان الأربعا اللي طافت دي 6 و الخميس دي 1 بس عقب ما كنسلوهم وصارو اجازة باجر راح يصير دي 2 ولا دي 6 ؟ بس أتوقع ما يلخبطون تقويمهم كله عشان العطلة فيمكن يستمرون عليه ويصير باجر دي 2

 

[mr000]

والله مادري بيلا عن الجدول بالضبط! آنا لي قبل سنه يعنى يير6 كنت أجيك على جدوله وكتبه ومقلمته وأسطرله الدفاتر تالي من العام قلت بس خلاص خل يعتمد على نفسه خلاص كبر وصار اتكالي كلشي اسويله وأقعد ادرسه كل يوم حتى لما ياخذ درجه موزينه يقولي أنتي مدرستني وأحس بالذنب ألحين خلاص أساعده في البروجكتات والبوستر وبشرح النحو وبس الباقي بروحه و اتاكد انه خلص الهوم ووركات كلها كل ليله وأسمع له العربي والقرآن!الله يعينا باجر على قعدة الصبح مبكر والدوام لي 2ونص!

 

[bella bambina]

إي ما شاء الله ولدج كبير لازم يعتمد على نفسه بس يكفي اتابعينه الله يرحم أيامنا والله أهلنا ما درو عنا وتفوقنا بس عيالنا اتكاليين واحنا عودناهم على جذي اي والله الله يعينا على قعدة الصبح آنا ما أيوز كل عطلة أخرب موعد نومتي

 

[mr000]

السلام أمهات اشلونكم! والله مثل ماقلتي بيلا العطله خربت موعد نومنا البارحه ماقدرت أنام ألا الساعه 3 والصبح غصب قمت حق ولدي علشان أوصله بس مادري ماحسيت الشوارع زحمه أخاف الثانويه كشتوا وماداوموا اللي بالحكومه بس هم المفروض في مدارس خاصه وايد توهم يداومون اليوم!! ريمان وديتي ولدج اليوم شخباره مع المدرسه أول ماوديتيه؟؟

 

[bella bambina]

هاي أمهات هلا مروو آنا بالعطل أصلي الفجر بعدين أنام عشان جذي اختربت نومتي صج الطريج مو زحمة وايد بس هم برمضان كانت الزحمة أخف

 

[ReeMaN]

هلالالالالالا امهات شخباركم

اليوم داوم ولدي والحمدلله وديته عقب ماقريت عليه وحصنته عدل مدل ماخليت مكان فيه ماتفلت عليه هههههههه

بالطريج قعدت احرصه على نظافة ايده وطبعا حطيت بجنطته معقم الايد وكلينكس الديتول اغراض التعقيم اكثر من اغراض الاكل

الحمدلله ماكو زحمه وايد بالشارع يمكن عشان ابتدائي الحكومه ماداومو بس والله وااااااااااايد اللي مداومين بالروضه وصف ولدي ماشالله في مداومين وحتى وايد في اهالى يايبين عيال كي جي 1 بس الاداره ردتهم ومساكين يتحلطمون وين يودون عيالهم بيروحون دواماتهم حدهم متوهقين ..... وبس اخذته الظهر سالته شلون المدرسه شنو سويتوو ماااااااااااايسولف هالولد يبط الجبد يقول صيحنا لعبنا كلينا

 

[ReeMaN]

اليوم من بعد ما بغدى ولدي قلتله روح غسل ايدك جان يطالعنى معصب قال وايد غسلت ايدي بالمدرسه وايد وايد بعد اغسل ايدي بالبيت شنو هذا

 

[bella bambina]

اي والله صاج ولدج ايدينه تشققت من كثر الغسيل والتعقيم

 

[caramella]

السلام عليكم أمهات
إشلونكم ؟
زين سويتي ريمان وديتي وليدج يحليله
أشوه علموهم على غسيل الإيدين أول شي بيرفض يغسل إيده بالبيت تالي بيتعود و تصير عاده عنده
ريمان ما دريتي متى دوام الكي جي 1 ياليت إقولون لنا لأن أحس معلقينه ودي أضبط سفره و آخذ ولدي معاي بس ماني قادره أتخذ قرار

 

[mr000]

سلام أمهات اشلونكم شخباركم ريمان خوش خبر دوام ولدج عسى الله يحفظه ويخليه لج! والله آنا أقول اليهال يمكن يحتاجون كريم مرطب حق أيدهم لما يرجعون البيت مساكين من كثر مايغسلون أيدهم ويستخدمون المعقم! آنا والله من بديت أستخدم هالمعقم وكلينكس الديتول صار معاي جفاف بأيدي وجلدي متقشر مابقى كريم ماشريته من الصيدليه مونافع! صاج وعليه وليدج ريمان 24 ساعه غسل أيدك تلاقينهم هناك بالمدرسه كل شوي مغسلين أيدهم لي طقت جبده بس أحسن يعودونهم على جذي ولا هالفوضى بالحكومه كلش مايحرصون على هالشغلات المهمه!

 

[ReeMaN]

هلا امهاتنا شخباركم والله مس غاده فكتنى من طلبااااااات المدرسه يالهويييي وش هالطلبات اللي يبونها عاد كلش مالى خلق واهى خيرت يا احنا نييب هالطلبات يانعطيها مبلغ معين واهى اتييب كل شي ....

هلا كاراميلا والله زيين تسوين تسافرين تغيرين جو عفيه عليج انا أايدج بهالشي سافري الحين قبل لايصير عندج التزام بدوام ولدج بالمدرسه و مادري متى كي جي 1 يداومون تقدرين تتصلين على الاداره تسالينهم يمكن يفيدوونج اكثر

 

[mr000]

كراميلا اشلونج ألحين ان شاءالله أحسن وماتحسين بدوخه وتعب عسى بس تاكلين عدل وأهم شي الفواكه والسلطه علشان الفيتامينات!آنا أقول لي عزمتي على سفره توكلي على الله ولاتحاتين دوام ولدج كلها روضه ماراح يفوته شي!

 

[mr000]

ريمان آنا أقول أشفيهم اليوم بالمدرسه وايد قاعد يمسحون الأرض بالديتول الظاهر شايفينج متفله بكل مكان!! لا أتغشمر معاج

 

[Fouz]

السلام عليكم
شلونكم ريمان، مرو، بيلا و كاراميلا
ريمان ماشاءالله زين سويتي وديتيه و حبيبي معترض على كثر الغسيل ، بس الحمدلله شي يطمن بس مت من الضحك على صيحنا و بجينا و لعبنا يعني عطاج التقرير باختصار الله يحفظه لج
مرو انا اقول يكبرون علشان نرتاح بس اذا بندرسهم جذيه عزة الله هلكنا
بيلا صاجة عمرنا محد درسنا و ماشاءالله تفوقنا و اذا نزلت درجاتنا احنا اللي نتكدر مو الحين يسقط و يقول ليش ما يبتولي مدرس!!
كاراميلا شلونج؟ حاولي تدقين لان أغلب المدارس الخاصة مأجلين الى نوفمبر خاصة كي جي 1 و الحضانة و اذا معزمة على السفر توكلي على الله و بلغي الادارة ان ولدج بيغيب له جم يوم

 

[ReeMaN]

هلا مروو صاجه وايد نشفت ايدي الله يعين اليهال علي هالتعقيمات والله يكسرون الخاطر .... بس شنسوي انشالله ازمه وتعدي على خير وباقرب وقت يارب