تجمع امهات العالمية الامريكية

[ReeMaN]

كاراميلا بتيين باجر اليوم الرياضي :tomato2: عشان نسوي سباق :eh_s(6):

 

[bella bambina]

كراميلا ما يشوف شر ولدج
ريمان عمرة مقبوله ان شاء الله وحمدلله على السلامه
فوز الله يشافي عمج ويروحون ويردون بالسلامه ان شاء الله وحاولي تشركين بنتج الكبيرة بكل شي عشان لا تغار دايما قولي لها ساعيني نلبسها أو نسبحها أو نقي لها ملابس

 

[caramella]

للأسف ريمان لا والله ما راح ايي عندي موعد ضروري يومها ما اقدر أأجله وقلبي معوني اخاف ينكسر خاطره
فا قام ريلي كلم حماي عشان يودي ولدي قوم يا ولدي العزيز عنصص و قال لا ما ابي عمي ما أدري شفيه قالب على عمه هالأيام معنه وايد يحبه
قال يبي حجيه اللي هي أمي
كلمت امي قالت لي ميخالف اوديه
عاد اليوم اقول حق ولدي حجيه باجر بتوديك النادي حق السبورت دي جان يقول لا ما ابي حجيه ابي خالي علي لووووووووول اللي إهو إخوي العزيز عاد قلت بقلبي ولي إنت حاصلك احد يوديك قاعد تتشرط عاد انشوف اليوم القرعه تستقر على منو و مساكين كلهم قالو ميخالف نوديه بس خل يستقر له على احد يوديه
عاد لي شفته سوالي افلام بغيبه و ماني موديته بكبره ولا هاللويه رقصنا ويا ويهه

 

[omlolo]

قوه امهات شلونكم وشخباركم ؟ من زمااان عنكم

 

[حضاره]

السلام عليكم امهات العالميه 00صبحكم الله بالخير00

سلامتهم عيالكم الف لاباس عليهم يارب مايشوفون شر ان شاءالله00


فوز00

الف الف الف حمدلله ع السلامه ومبروك البنوته00تتربى بعز اهلها ان شاءالله



مرووو00وينها شخبارها00سجلوا عليها غياب ماحضرت اليوم00

 

[mr000]

سلام أمهات اشلونكم !! أول شي خل استلم حضاره..ألحين بدال ماتتوسطين لي قاعده تشيشينهم علي يسجلون غياب..زين هين.. اشلونكم كلكم.. ألف مبروك تعديل المنتدى.. فوز اشلونج مع الصغيره.. واشلون صحتج ألحين .. والله يعينج عالغيره..والله يودي ريلي وعمج واييبهم بالسلامه ويشافي عمج.. ريمان الحمدلله عالسلامه وعمره مقبوله.. جان يبتيلي علج إلبان..يقولون مال السعوديه زين..كراميلا وبيلا مايشوفون شر عيالكم..آنا اليوم رحت دفعت حق ولدي حق السبورت داي لأن السكرتيره قالت حتى لو مايروح لازم يدفع لأن مسوين لهم كلهم تيشيرتات وحاسبينهم بالوجبات..ألحين ولدي اسم الله عليكم صارله يومين جنه فيه حصبه ويهه متفخ أحمر وكله حبوب صغار حمر دار مدار عيونه وويهه كله ورقبته شي غريب موعارفين من شنو حتى البارحه الطبيبه بالمستوصف موعارفه السبب تقول لو من أكل جان صار بجسمه كله اشمعنى بس بويهه ورقبته.. وعطته حبوب حساسيه وكريم وقالت إذا زاد ودوه مستشفى مبارك.. اليوم ماخف بس مازاد وطبعا ماغيبته كلش عنده امتحانات..بس عن اليوم الرياضي اشدعوه السكرتيره تقولي إذا غاب ييبي طبيه لأنه محسوب غياب.. العام ماراح وعادي ماقالوا شي.. تقولي لو صار غبار وتكنسل راح يكون يوم دراسي ويفوته.. بشوف اشلون الوضع باجر..السكرتيره تقول هي صار فيها نفسه قبل اسبوعين وبالخاص قالولها هذا فيروس من الجو ... أمس قطيت مخداته وكفره وشريتله يدد مع أني على طول أوديهم المصبغه ونغير الشراشف..وغرفته سيراميك يعني مو شي بالزوليه...

 

[mr000]

أي صج أمهات مو جنه إحنا نوديهم اليوم الرياضي مو الباصات؟ ولدي ماخلانا حتى نقرا الورقه قطها من عطوه علبو مايبي يروح.. بيبني وبينكم آنا ودي يقعد يدرس لأن الأسبوع الياي عنده امتحانات والساينس صاير وايد صعب هالفصل كيمستري.. آنا شفته اخترعت يبيله حفظ وايد أمس رحت قابلت مدرسات الساينس والماث لأنهم يدد بالإجتماع كلمت مدرسات غيرهم وتغيروا... ريمان هالشهر المصيبه بالساينس مو الماث بالاجتماع المدرس يقولي شاطر وذكي بس مستواه متذبذب تالي ياب الريبورت fوأمس أقول حق المدرسه وين درجة البروجكت ووين الدرجات اللي راواني المدرس تقولي آنا مادري لاتسأليني مو آنا اللي حاطه درجة الريبورت..واللي خرعني أمس زياده كلهم يقولون ترى الهاي سكول أصعب وايد..وإحنا بالميدل سكول قاعد ندلعهم بالتدريس يعني نسهل لهم ونلخص لهم ونطول بالدرس بس هذا كله ماكو بالهاي سكول.. واي قمت أحاتي من ألحين..ضاق خلقي..

 

[ReeMaN]

منا ومنكم مشكورين بيلا ومروو الله يسلمكم حبايبي ....

مروو ماطلبتى شي يالغاليه اشوف منو بيروح على اول دفعه بتروح االعمره واوصيه على اللي تبينه بس اهو زين حق شنو؟؟ومايشوف شر

وليدج بس ماتوقع الحصبه لان الحصبه اتيي معاها صخونه جايده وديه حق الجلديه ولا توديه باجر اليوم الرياضي حتى لو ينحسب عليه

غياب خل يغيب مرضي حرام يلعب بعز الحر خاصه انهم يبدون من الساعه عشر ونص الى الوحده وايد عليه الفقير

كاراميلا مو خووووووووش خبر بصراحه يالله خيرها بغيرها انشاءالله

 

[ReeMaN]

مروو اهو معروف ان الثانويه اصعب من المتوسط بس انشالله المدرسين يكونون متفهمين ويرحمون الطلبه بالتقارير

 

[caramella]

هلا أم لولو حياج الله و كلنا إنقطعنا الفتره اللي فاتت لأن المنتدى كان معلق
إي والله ريمان بعد شسوي ساعات الظروف تحكمج
إنشالله نلتقي فيكم عن قريب
حضاره إشلونج و شخبارج ما امداج تسجلين غياب على مروو ماشالله ملتزمه
مرووو ما يشوف شر ولدج مسكين
و شكو يغصبون الناس تدفع اللي يبي يشتري البلوزه يدفع واللي ما يبي مو ملزوم فيها مدام ما يبي يروووح عاد لي تكنسل و صار دوام عادي يرووح المدرسه بس ما تلزمزنه بالنادي

 

[mr000]

ريمان مشكوره حبيبتي لاوالله أتغشمر معاج آنا أصلا ماأتعلج بالمره..بس كنت أسمع من أمي الله يرحمها تقول علج اللبان مالهم زين حق الجبد..بس آنا مو من ربع العلج...والله كراميلا حتى العام عقب اليوم الرياضي قالوا حق ولدي لازم تدفع مع أنه ماراح ودفعنا.. وشكلي والله بغيبه.. ولي شفت الجو غبار بدق عالمدرسه أتأكد إذا ألغوه وصار دراسه أوديه المدرسه.. خل يقعد يدرس أحسن ..!! ريمان لا آنا أدري مو حصبه.. آنا أذكر ولدي العود صار فيه حصبه بعمر السنتين كان فيه صخونه وايد وجسمه كله أحمر.. هذا بس ويهه!!

 

[mr000]

سلام أمهات! توني أشوف البدليه اللي كاتبتها حق فوز ريلي=ريلج! ولدي رجع من التقويه الحساسيه زايده بويهه بنوديه بالليل مستشفى مبارك أبوه يقول خل نودي خاص وباجر بغيبه

 

[mr000]

سلام أمهات اشلونكم.. فوز شخبارج ..حصلتي ممرضه أو وحده تساعدج حق البيبي؟؟بيلا شخبارج اشلون ولدج الحين.. احنا اليوم ماودينا ولدي المستشفى قال أخوه صبروا لي باجر يمكن يخف.. وأشوفه ألحين مازال ويهه كله حبوب بس خف شوي اللون الأحمر.. باجر بغيبه..بس بقيت أسألكم ألحين موسم جديري الماي؟؟ الله يستر قاعد أشوف بنت ولدي بأيدها وريولها كم نفره حمر شكلهم جنه بداية جديري ماي... الله يهدي أبوها مارضى نطعمها من قبل..ريمان شخبارج.. كراميلا اشصار على باجر ولدج منو اختار آخر شي؟؟

 

[bella bambina]

صباح الخير أمهات
اشلونكم واشلون عيالكم ؟
منو راح اليوم الرياضي آنا أمي ودتهم وقاعده معاهم 10 بترد بنتي وبنت اختي وماأدري منو بييب الكبار
مرو اشلون صار ولدج ما أظن حصبه أتوقع من الجو جدري الماي الحبوب ما أظن تكون حمره

 

[mr000]

السلام أمهات اشلونكم.. أهلين بيلا اشلونج.. والله هو اليوم غاب قعد يدرس.. وويهه ليلحين نفسه بس جنه قاعد يخف شوي مو وايد.. بنت ولدي ودتها أمها قبل شوي المستوصف قالولها جنه مو جدري ماي يمكن قرص من بعوض عادي.. آنا قلتلها يبين الليله إذا صار فيها حراره وانتشر أكثر بجسمها يعني جديري ماي...آنا دقيت عالمدرسه بال9 قلت خل أتأكد إذا كملوا السبورت داي وإلا أودي ولدي المدرسه بس قالولي انهم كملوا السبورت داي..

 

[mr000]

سلام أمهات اشلونكم! منو راح السبورت داي؟ اشلون كان عسى استانسوا عيالكم! ولدي أمس ياب التي شيرت وحذفه بالكبت يقول شنو معطينا لون وردي جنه بنات! قلتله إنت من الأول متسبب ماتبي تروح

 

[حلم الطفولة]

السلام عليكم حبيباتنا شلونكم // آآه .. آآه .. ثم آآآآه !!!
وصلت تقارير المواد لبنيتي اللي بالمتوسط .. وووووووووووووه عليهم هالأمريكان عسرين وبخله بالدرجات ..
والله من الحرّه دزيت رساله شطولها للمدرسه الأساسيه ,, ختمتها بجملة : لديكم طرق لتضييع الدرجات على الطلبه بسهوله ,, ......// ونحن الأمهات مقهورات !!

 

[حلم الطفولة]

ريمان عليج غياب شهرين عن الشات .. والطلّات العشوائيه غير محسوبه .. كثري من طلاتج علينا ياجميل ياغالي ..
مرووو فيج الخير والبركه ,, تم إعطاء حضاره إنذار غياب بأمر منج // سيدة الشات .. حوبّي

 

[سيدة الكويت]

السلام عليكم شخبارج مرو شمسويه شلون ولدج

وى بنتى ما تبى تروح سبورت دى ...الجو سار حار اليوم استانسو ودوهم صالة التزلج بنتى تقول ابلة الأنجليزى بدعت كخخخخخ باللعب...يأخذون رايهم بالرحله الى تونسهم خذوهم من الصف الخامس لى الثامن

ما تدرين الحين الوردى موضه الصبيان الظاهر يمشون على الموضه ههههههههههههههههههههه السوق كله وردى للصبيان

 

[حلم الطفولة]

سوسو شلونج ,, شرايج نحتل تجمعهم ؟؟