تجمع امهات العالمية الامريكية

[سيدة الكويت]

هلا حلم الطفوله شخبارج وشلون العيال

شلون بنتج النونو مع الروضه ...ان شاء استفادت

 

[mr000]

أهلين حيا الله من يانا..وينكم من زمان ماطليتوا علينا..حلومه لاتقلبين المواجع..آنا ليلحين ضايق خلقي على ريبورت ولدي وكل مدرسه تقول آنا مالي شغل موآنا اللي حاطه الدرجات خبري هالسالفه بالحكومه شبعنا منها قبل على ايام عيالي الكبار..احنا مشكلتنا من كثر تغيير المدرسين ضاعت الدرجات..اسم الله عليها بنتج يمكن توها ب6 او 7 بعد 8 شي ثاني.. والمدرسات يقولون لي 9 شقي ثوبج..طبعا قالوا بالانجليزي شي بمامعناه شقي ثوبج..يعني ملخص كلامهم عن كثافة المواد وتركيزها والامتحانات أصعب!!آنا اول مادشيت تجمعنا وشفت سيده وحلومه يسولفون علبالي مضيعه داشه تجمع الابداع.. بس تمونون البيت بيتكم.. والعين أوسع لكم من المكان!!

 

[ReeMaN]

الله حياااااااااااااالله من زارنا حلومه عندنا يالله وين البخوووووووور والقهوه والحلوووووو استولت عليهم فوز حق زوارها ههههههه

مسكينه قطيت براسها السالفه ههههه خو مو فاضيتلنا الحين كل شي قولوه عادي تبلو عليها هههههههه ........

والله امس من العص وانا حيل بالقهوه التركيه رايحه وراده عليها وبين مفعولها بالليل طووووووول الليل والفير مانمت صار الصبح الا انا

خلااااااااااص خلص بانزينى ماقدرت اوديه ولا حصلت احد يوديه واهو اصلا ماكان وده يروح من امس يقول ابي اغيب تذكر عيال اختى

اللي بمدرسة الحياه غابو بيوم السبورت دي من شهر ونص يبي يسوي مثلهم جان اغيبه .......

حلومه اشفيها بنيتج لاعبين بدرجاتها ؟؟؟ يعنى كانت مقدمه زين بالامتحانات ومن كيفهم هالدرجات والا شناو؟

 

[caramella]

السلام أمهات
حيالله من يانا آنا نفسج مروو من شفت حلومه و سيده جان أطالع عنوان الموضوع قلت يمكن مضيعه
عامر عامر التجمع بوجودكم حبيباتي
وييييييييييي ريمان قميضه ما رحتي
ولدي وديته اليوم بيت أهلي و راح ويا خاله النادي يقول إخوي آنا ما ادري إن فيه مصافط داخل صفط بره و مشى في ولدي يمكن 10 دقايق على ما وصل إلا ولدي سايح من الحر
قعد وياهم لي ال 9 و مشى صور ولدي شكلهم مستانسن بس من كلام إخوي إن ما يسوى وايد حر المكان مو مناسب مكشوف و اليهال كلهم سايحين من الحر من يلعبون لعبه يلهثون يبون ماي و غير جذي زحمه كل المدرسه هناك و لويه
آنا من رايي حق ال كيجي عالأقل يسوونه بقاعه مسكره أو يأجرووون قاعه مسكره كل يوم حق مرحله معينه لأن اكيد القاعات ما راح تكفي المدرسه كلها أو يجدمووون تاريخه في شهر فبراير عالأقل شوي بريد
وأهم شي بالموضوع إن شكله ولدي إستانس بهالساعه

 

[lyale]

مبرووووووووووك فوز ريم
وحمد الله علي سلامتج يالغاليه

 

[mr000]

سلام أمهات اشلونكم! حياالله ليالي منوره التجمع بس اشفي دوامج كله خفاره مانشوفج إلا من ال 1 وفوق

 

[bella bambina]

صباح الخير أمهات اشلونكم واشلون عيالكم ؟
حيا الله من يانا :aha:
أمس أمي ودتهم السبورت دي وقعدت مسكينه معاهم ليما الساعه 10 تقول متنا من الحر فراحت قالت حق الادارة مرة ثانيه سووه بصاله مسكرة أو خلوه بشهر 2 أبرد حرام اليهال انشوو وتقول بنتي فيه مدرسه طاحت عليهم من الشمس فخذوها بالاسعاف ردتهم أمي ما عدا بنتي الكبيره ما رظت ترد فرديت لها الساعه وحده اهيه ورفيجتها وبنت عمتي الا منشوين بس والله كانو مستانسين مادام معاهم ربعهم
كراميلا سنين أول كانو الكي جي بالمدرسه بصالة الألعاب بس الظاهر الناس اللي عندهم عيال أكبر اشتكو يروحون أكثر من مكان

 

[bella bambina]

أنار الله عيونكم بالقرآن
و زادكم عافية واطمئنان
و وهبكم شفاعة حبيب الرحمن
و بارك لكم في جمعتكم وباقي الأيام
جمعه مباركه:yaaaaaarb:

 

[bella bambina]

لا تنسون تقرون سورة الكهف ( اليوم صايره دينه )

 

[mr000]

السلام أمهات اشلونكم...بيلا أشوه إني ماوديت ولدي بالحر جان زادت عليه الحساسيه ليلحين ماخفت!بس صج لو يجدمون موعده أحسن!

 

[ReeMaN]

مساء الخير امهات العالميه شلونكم ؟؟؟

مسكينه فوز شكلها مو ملحقه تدش تطل علينا اشوي

بيلا شخبارج ماشالله عليج مشكوره على التذكير بقراءه سوره الكهف شرايج نصلي جماعه صلاة الظهر ههههه ... مسكينه امج انشوت

بهالجو زين قالت لهم يسوونه بصاله مصكره او بوقت ابرد من جذي ....عاد صاجه امس فعلا كان حر الظهر عاد امس تقريبا بال قبل

ال 12 الظهر رحنا سوق شرق مع ولدي ماشالله جنى اليوم الرياضي بسوق شرق وايد يهال يايين السوق مع اهاليهم

مروو شلون وليدج اشقالو له عن الحساسيه ... يمكن يكون ماكل له شي يسوي له حساسيه

 

[mr000]

السلام أمهات.. ريمان والله الطبيبه قالت لو من أكل جان طلع بجسمه كله هذا بس بويهه.. وبالبيت يخف شويه علشان التكييف بس من يتسبح بماي دافي أو يطلع بره يرد يصير ويهه أحمر حيل..يلا نشوفكم الليله على خير ..بطلع العيال..

 

[mr000]

السلام أمهات اشلونكم شخباركم.. قبل لاأنسى كراميلا عفيه دزيلي رقم شركة الشحن اللي تعاملتوا معاها هالسنه..تعالوا أمهات جنه الروضه والأبتدائي عندهم شي هالأسبوع مادري جني شفت ورقه لازقينها عند الأسنسير يعني يلبسون لبس عن شخصيه أو شي.. نسيت شنو مكتوب.. والميدل سكول عندهم بآخر أسبوع من شهر 3 spirit week ولدي يقول بس حق غريد 8 يلبسون على كيفهم بس يدفع كل يوم نص دينار.. والفلوس حق حفلة تخرج غريد 8...

 

[mr000]

اشلونكم أمهات...اشلون عيالكم

 

[caramella]

السلام عليكم أمهات إشلونكم
و شعلومكم؟
شلون ولدج مروو عسى خفت إشوي الله يساعده عالدوام باجر و الحر جان ما يزيد عليه
ريمان شكلها فوووز في عالم آخر مع بناتها إسمالله عليهم وحده نتفه يبيلها عنايه ووحده ذابحتها الغيره بس الحمدلله فوز بنتج تداوم المدرسه عالأقل تفج عنج شوي وكلمي المس عن الوضع اليديد بالبيت عشان إذا لاحظت عليها أي تغيير تعذرها
مرووو دزيت لج الرقم
إي عندهم إسبوع القراءه الإسبوع الياي كل يوم عندهم نشاط وباجر جنه عندهم مسرحية العرايس إسمها puppet show في يوم من الأيام لازم يلبسون لبس كاركتر القصه المفضله لهم
ويوم يتبادلون قصص مع ربعهم ويوم يروحون مع اهاليهم المكتبه العصر وفي بعد يوم ما ادري شنو نسيت
دازين لنا ورقه فيها الأنشطه و إن شجعوا عيالكم عالقراءه من الصغر و إن راح يتشجعون يقرون لما يشوفنكم إنتو تقرون

 

[Fouz]

السلام عليكم أمهات
شخباركم ان شاءالله بخير
انا الحمدلله بخير بس حايسة بعمري و باليهال الله يحفظهم
الصغيرة تبي مجابل و الكبيرة هم لازقة فيني و الحمدلله امس رحت الطبيب يشوف الجرح لاني ولدت سيزيريان لان ماي البيبي وايد قليل و عنق الرحم مسكر و ما عندي بوادر طلق بالمرة، الجرح يعور لان تحسين ان شاد بس قال الدكتور فترة بسيطة و يروح العوار

ريمان عمرة مقبولة و شفتي شلون سميناها ريومة عاد انا احب هالاسم و الحمدلله ربي عطاني اللي اتمناه، بس ليش تتحرشين!!! انا مستولية على القهوة و البخور يا كونان عاد تدرين اني صاكة بابي و كل ما الوا بنييها قلت تعبانة و يسئلون متى استقبالها قلت ماكو استقبال لان عمي تعبان و مو اصول اسوي استقبال و الريال بالعناية، استغفر الله على هالاوادم ما يخلونج ابد

مرو شلونج حبيبتي، لا والله ما يبت ممرضة مع اني حصلت و اتفقت معاها بس قلبي انقبض من قبل لا اشوفها جان ادق عليها و اكنسل السالفة، عندي خدم امي الله يخليها هم مو مقصرين و بنتي العودة عند اختي تنام عندها و توديها المدرسة الصبح مع خدامتها، و طلبت لي خدامة يديدة لاني ماراح اقدر عليهم بروحيو بخلي الخدامة اليديدة تنام عند خدم بيت عمي لان شقتي ما فيها مكان، انا بعد دفعت فلوس السبورت داي مع اني ما وديتها مادري شنو هالقانون المصري نصب اشكره ليش ادفع و انا ماني رايحة مو غصب، بس الشكوى لله ان تحجيتي بيقولون كلها 5 دنانير بس المبدأ حده تعبان شكو ينفرض علينا هالشي خاصة اللي عنده ظروف و ما يقدر ايي، و على كلام بيلا و كاراميلا يقولون حر و خيسة

 

[Fouz]

ليالي و حضارة الله يبارك فيكم تسلمون يالغالين و منورينا

بيلا شخبارج ، و الحمدلله اللي عيالج استانسوا بالسبورت داي و الله يخلي لج الوالدة، تصدقين قاعدة احاول مع بنتي انها تتأقلم بس الحمدلله هاليومين اشوفها وايد أهدى الفترة اللي فاتت صارت عصبية حتى قالت لي ابي لنام يمج و رفست بطني اللي بغيت اذبحها بس تعوذت من ابليس، بس الحيين جنها بدت تتعود و مثل ما قلتي اهي قامت تساعدني لان تشوفني اتألم مرات، الحين اختي موديتها السينما الله يعافيها علشان جذي قدرت اشبك و اسولف شوية

كاراميلا شلونج الحمدلله اللي وليدج استانس و الله لا يحرمه من اللي يحبونه ماشاءالله، انا مكلمة المدرسة و عطتني موبايلها و شرحت لها كل السالفة، بس شنو سالفة اسبوع الكتاب ترى انا الاسبوع اللي فات مادري عن شي، ممكن توضحين لي اليوم اللي يبون فيه لبس كاركتر و شسالفة القصص لان ما عندي فكرة ابد، بيلا يالج شي عن هالموضوع؟؟
انا عطوني ورقة عن افتر سكوا اكتيفيتي وودي اشركها فيهم هم تستانس و تتعلم شي يديد و يبتدون 1 وربع بس بعرف لازم اروح المدرسة اوديها صف الاكتيفيتي والا المدرسات ياخ>ونهم من الصف، لان ا>ا فيها روحة وردة ماني مشركتها، اختي باجر بتنزل ويا بنتي و بتسأل المس عن التفاصيل، محد عنده فكرة عن الموضوع؟؟

مرو ما يشوف شر ولدج و حفيدتج، بشري شلونهم الحين؟؟

 

[caramella]

فوز حبيبتي ميخالف وقت الولاده يضطرون يولدونج سيزيريان عشان سلامتج و سلامت البيبي الحمدلله ربي حفظها لأن ترى سالفة الماي القليل كلش مو هينه و الحمدلله إنها ما صارت إلا بالأخير لأن آنا مرت حماي إضطروا يولدونها وولدوها سيزيريان بنص الثامن والبيبي كان صغير حيل كيلو ونص تخيلي بس عشان سلامة الأم و البيبي لا يضيق خلقج حبيبتي وإنشالله يخف كل هالعوار ويهون عشان ريومه إسمالله عليها \
حبيبتي فوززز آنا الحين بنوم ولدي وبمر خالتي شوي بسير عليها بسويلج scan حق ورقة إسبوع القراءه إنشالله يا ربي اعرف جيكي اليوم بالليل إنشالله تلقينها
و النشاط آنا قطيتها لأن ما افكر ادشش ولدي بالأنشطه احس يتعب كافي عليه لي ال 1 بس حاولس تسألين عشان شوي تصد عنج و تجابل الصغيره
في رقم بالورقه جنه مالت الأنشطه دقي عليها وإذا مو موجود دقي عالبداله قسم الأنشطه سأليهم
و على باجر
يبون اغراض بحرف ال F

 

[mr000]

السلام أمهات.. اشلونكم .. فوز الله يعينج على هالفتره عقب العمليه.. وتقومين بالسلامه ان شاءالله.. ميخالف شتسوين هالأيام اللي يولدون بعمليه أكثر من اللي يولدون طبيعي.. ميخالف علشان صحة الأم والبيبي..كراميلا مشكوره عالرقم وصلني.. وولدي الحمدلله بدت تخف الحساسيه شويه بس خدوده وتحت عيونه كله حبوب حمر مادري شنو هالحساسيه...والله على قولتج فوز سالفة اليوم الرياضي والفلوس محد قالهم يسوون حق المدرسه كلها تي شيرتات ويطلبون لهم وجبات وتالي غصب دفعوا هذا ألحين ولدي العام وهالسنه مايروح بس ندفع..العام المصري اللي بصف ولدي استغرب يقوله دافع 5 وماتبي اتيي قاله ولدي أي مالي خلق قاله عيل ميخالف آكل وجبتك؟ هههههه

 

[mr000]

يوم الأربعا لما كنت بدفع حق ولدي حق السبورت داي مريت سألت جيهان متى بالضبط يبتدي تسجيل الحضانه علشان السنه اليايه ان شاءالله لما بنسجل الصغيره قالت أحسن شي من نرجع من إجازة الكريسمس بشهر 1...