تجمع امهات العالمية الامريكية

[caramella]

يا حرام وليدج مسيكين عور قلبي إنشالله ما ترتفع حرارته يا رب ولا يحتاج تحليل و أشعه
الله يبارك فيج يا قلبي
آنا اذيتج بالأسئله نودي عيالنا بروحنا النادي ولا يروحون بباص المدرسه
اليوم عطتني المس البلوزه مقاس 6 لونها برتقالي عاد ما ادري مقاسه ولا لأ

 

[ملكة بيتها]

شلونكم حبايبي إحنا باجر عندنا السبورت داي ووأول مره بحضر مع بنتي الله كريم
كارميلا ..الحمد الله ولدج داوم ولازم سوالف الدلع على الماما ...وكسر خاطري ولدج على سالفه النجتس ذكرني بنتي بالصيف حبيبتي شركتها مع عيال إختي بنادي الحياة هم جذي يايبين وجبات وأنا دافعتلها الفلوس وبنتي مو عارفه المهم معطينها وجبه وتقول توني أبي آكل النجتس جان تيي وحده تاخذه مني تقولها إنتي مو دافعه ومنكسر خاطرها وبنت إختي هم تقول أنا قتلهم ما أبي والله هي مو سالفه أكل ولا شي بس ساعات الياهل يحس إنه غير اليهال الباجين ..
بيلا ..ما يشوف شر وليدج ترى الجو جو أمراض

 

[bella bambina]

صباح الخير أمهات
هلا والله كراميلا البلوزه اذا مو قياسه عادي رديها وقولي لهم أبي قياس ثاني لأ انتي تودين وتييبين ولدج الباص بس حق اليهال اللي يروحون ويردون بالباص كراميلا اذا عندج أي سؤال ما يردج الا الكي بورد
هلا والله ملكه ان شاء الله تستانسون باليوم الرياضي الحمدلله اليوم الجو حلو

 

[mr000]

السلام أمهات اشلونكم..بيلا اشلون ولدج اليوم؟ مسكين كسر خاطري..عسى صار أحسن؟ استغفرالله الجو جو أمراض..فوز شخبارج..بالله نطري شوي لاتولدين بهالغبار..وارتاحي هاليومين بعد الجو غبار مومال طلعه كلش.. ملكه اشلون يومكم الرياضي.. الصبح الجو حلو وألحين فجأه قلب غبار والدنيا صفره..ان شاءالله حق اليوم الرياضي مال مدرستنا يتعدل الجو لايخترب يومهم..ريمان وينج شخبارج اشلون ولدج...كراميلا هذي سالفة المدارس مع الوجبات أو الهدايا صارت بولدي لما كان بالكي جي بالغانم ودوهم مره حديقة الشعب وآنا دافعتله فلوس متأكده عطيتهم المساعده.. اشوفه يوم الرحله لما أخذته شكله ضايق خلقه واليهال كلهم معاهم أكياس ملونه فيها دفتر تلوين وألوان وستكرز إلا ولدي قالي المس تقول إنت مودافع.. حتى ماعطوني وجبه إلا تالي شافوه قاعد مسكين يطالع اليهال ياكلون وهو ماعنده وجبه قامت المدرسه وعطته شويه من سندويشتها بس لاشبس ولاعصير..ولما كلمت المدرسه تقولي ها آسفه يمكن المساعده نست تسجل أسمه.. يعني مايسوى خربوا عليه وناسته..

 

[bella bambina]

السلام أمهات
حسافه الجو اعتفس فوق تحت
مرو ولدي ما نام أمس من الكحه اليوم حرارته مرتفعه بس شويه وزوجي يقول مادام بس درجه لا نطلعه بالغبار

 

[mr000]

وي مسكين .. انزين بيلا ماتعطونه كمام..آنا عيالي بصغرهم نفس ولدج ..بس كنا نعطيهم كمام شارين الجهاز بالبيت..وألحين لما كبروا شوي خفوا بس عالأدويه..

 

[bella bambina]

هلا مرو لا والله ما نعطيه كمام لأن دكتور عبدالله الرشيد كان دكتوره وهو بيبي قال لي اللي بولدج حساسيه مو ربو مو يقصون عليج ويعطونه كمام وداه أبوه قبل شوي المستشفى ان شاء الله خير

 

[mr000]

ان شاءالله ماكو إلا العافيه... اليوم وزعوا الريبورتات..وريبورت ولدي زفت والحمدلله...صكني راسي بروح آخذ بنادول وأنام..

 

[mr000]

وتلفون المدرسه على طول مشغول ولما فتح حولتني عالميدل سكول مايردون ..يعني لازم أدش المدرسه وأطلبهم وآنا عند الريسيبشن ذيك الساعه يردون.. وإلا من البيت لأ.. كل مره جذيه... خلاص ماكو إلا الأحد

 

[caramella]

السلام أمهات
هلا والله ملكه وشكله لي الحين بقلبه السالفه اليوم بالسياره بعطبه عصير جان يقوللي ما احب هالعصير ثلت له أمس إشربت قال عصير برتقال مال هارديز قلت له مو تقول ما عطوك قال إي ما عطوني قلت من وين شربت عصير برتقال مال هارديز قال لا ما شربت وعليه شكله كان متشوق يشرب
عاد آنا و ابوه مدليلينه زياده عمره ما قال ابي شي خصوصا بالأكل رديناه لأن ولدي عصاقيل حده بس نبيه ياكل
يالله خيرها بغيرها إنشالله
مرووو لازم الياهل تحوشه هالمقالب بالمدارس بس والله حره جافع و ما عطوه حرام
عيل آنا كله يتراوالي إن الأهالي المهملين اللي ما يدفعون حق عيالهم يعطونهم المدرسه ولا يكسرون خاطرهم
مرووو سالفة التلفون هذي تشلع القلب شي مو طبيعي و ساعات الواحد من الصبح متكسر خصوصا ولدج كبير سمالله عليه ينزل بروحه و الواحد ماله خلق ينزل
بيلا مشكوره حبيبتي إي إنشالله بروح معاه و البسه جينز مع التيشيرت ؟؟ولا كيفه يلبس اللي يبي ؟؟
ما يشوف شر وليدج حبيبي إنشالله ما عليه إلا العافيه

 

[mr000]

كراميلا اعتقد بالسبورت داي يلبسون بنطلون الرياضه أو الشورت مو جينز لأنهم بيلعبون ويتحركون يسوون لهم مسابقات مادري العام ولدي قال جذي بس هو طبعا ماراح فتأكدي أحسن

 

[bella bambina]

هلا والله كراميلا الشر ما ييج حبيبتي سوو له أشعه الحمدلله ما فيها شي بس ننطر نتايج تحليل الدم
مرو الذنب مو ذنب ولدج ما وفرو لهم جو دراسي مستقر السنه روحي كلمي الكونسلر ولا تضيقين خلقج بنتي دقت من المدرسه قالت بتروح بيت رفيجتها ما أدري اشلون الريبورت أخاف مزفته وانحاشت
كراميلا تقدرين تلبسينه شورت ال pe اذا تبين أو أي شورت فيه سير أسهل له حق الحركه ان شاء الله الجو ما يغبر يومها آنا بنتي ما تحب هارديز بس دفعت لها عشان لا تحس انها غير

 

[mr000]

فوز وينج طمنينا عليج! بيلا اشلون ولدج ألحين ماصار أحسن... الله يعينه مسكين على جونا عيل بالصيف سافروا فيه شويه خل يرتاح من الغبار وترد صحته!

 

[bella bambina]

مرو ولدي شاف الابر بالمستشفى واخترع رد شرب المضاد الحيوي ان شاء الله بالصيف بنروح ألمانيا والنمسا بس مردنا بنرجع للغبار

 

[mr000]

اشلونكم أمهات..سكتوا والله آنا اليوم مالي خلق عمري ومتكدره من سالفة الريبورت.. وحتى لو عارفه انه السبب مو كله من ولدي بس هم لازم أزفه مااقدر احس هم هو مايدرس عدل وهو يقولي والله قاعد ادرس .. وطبعا لما يصير مزاجي جذي علاجي هو السوق ..عاد ياريت اشتري حق روحي..لا رحت بشتري هديه اليوم كان عيد ميلاد حفيدة أختي جان اشتري العاب حق اليهال كلهم أحفاد اخوي وحفيدات أختي كلهم اللي عيد ميلاده واللي مو عيد ميلاده.. مادري جذي بس طق ابالي..وحق بنت ولدي ماخليت العاب وجواتي تكرمون..بس بلهي نفسي لااتذكر درجاته .. عاد باجر اقعد الصبح وأشوفه جدامي وارد اتذكر الريبورت ويضيق خلقي..واليوم ياب ورقه ردوا حطولهم مدرسه هنديه حق الماث بس وحده قديمه مو هذيك اليديده..وبنشوف تاليتها ..يعني لاكلمناها بالاجتماع ولاتعرف مستوى عيالنا.. وكل اسبوع لهم مدرسه وبنقزرها على هالحاله لي آخر السنه..

 

[mr000]

سلام امهات اشلونكم..وينكم محد بين اليوم؟؟ طمنونا عليكم.. فوز اشلونج بشري عنج ماكو اي بوادر ولاده؟؟ بيلا اشلون ولدج الحين؟؟ كراميلا وريمان اشلونكم شخباركم..بسألج كراميلا فندق هيلتون متروبول مو بعيد؟؟ جنه عنوانه أجوررود- ماربل آرتش شي جذي..مادري هو اللي يطل على اجوررود وإلا اللي في بادنجتون وألآ نفس الشي؟؟

 

[bella bambina]

السلام أمهات
هلا والله مرو نتيجة تحليل دم ولدي مو زينه خلايا الدم البيضا وايد نازله عنده يمكن بسبة المرض والأدوية الدكتور قال اذا اليوم صخن لازم ندخله المستشفى الحمدلله اليوم ما صخن ويوم الأحد لازم نعيد التحاليل عشان نشوف ارتفع عدد الخلايا البيضا ولا لأ الله كريم

 

[mr000]

لا سلامته حبيبي اسم الله عليه مايشوف شر الله يطمنكم عليه ان شاءالله ولاتحاتين ان شاءالله ماعليه إلا العافيه...بس تصدقين هالشي مو غريب علي مره كنا مسوين تحاليل حق بنتي وهي بالثانويه كانت كله تشتكي من عوار بطنها.. وأذكر قالنا الطبيب شي عن كريات الدم البيضا يانازله او مرتفعه ..مااذكر بالضبط..بس ماشفت الطبيب اهتم وايد بس قال خل تعيد التحليل بعد فتره.. والله وكيلج توني أتذكر السالفه.. يبيلها تعيد التحليل..

 

[caramella]

السلام أمهات
بيلا ما يشوف شر وليدج و الله يقومه بالسلامه و تصير تحاليله زينه
مرووو هيلتون متربول اللي بجوروود اللي مقابل ماركس سبنسر اللي بنص الإجورروود
غير عن هيلتون بادنجتون هذا اللي قبال محطة بادنجتون مالت الأندرجراوند هذا اللي شوي بعيد
باجر يبون أغراض تبدي بحرف الm حق ال كيجي 1

 

[mr000]

كراميلا أول مره أدري إن أكو ماركس سبنسر بأجوررود مو عارفته وين بالضبط..اللي أعرفه بس اللي بأكسفورد..أنزين دشي قسم الدول الأجنبيه تجمع المسافرات إلى لندن 2010..وشوفي الخيبه اللي آنا فيها كاتبه سالفتي اليوم مالي خلق أكتبها مره ثانيه بروحي قاعده أحاتي.. المهم ...ألحين لما يطلبون على عيالكم أغراض عن حرف معين تحطون لهم صور وإلا ألعاب بلاستك؟؟ انزين كل مره لازم تروحون تشترون الأغراض؟ مايصير صور؟؟يبيلي تالي أتابع هالشغله حق بنت ولدي.. أمها نسايه. و ماعندها فكره عن المدارس الخاصه عبالها مثل مدارس الحكومه الياهل يداوم وخلاص..أخاف مسكينه ينكسر خاطرها إذا ماحطتلها أغراض..!! بيلا اشلون ولدج طمنينا على تحليله الثاني إذا سويتوه.. بس لاتحاتين ان شاءالله ماكو شي.. فوز شخبارج طمنينا عليج..ريمان وينج