تجمع الامل

[جارة القمر]

الله يرزقج جميعا

ويفرح قلوبنا


زيتونه

الله يخليه لج يارب

وتشوفينه عروسه

يارب

 

[bnt_kwt]

هلا بنات
هلا زيتونه حبيبتي ربي يخلي لج بنتج وتتربى بعزج والله يرزقج باخوان حقها

بنوته حبيبتي انا عند الدكتور اشرف طلعت بالعياده التخصصيه

 

[-Bello-]

امبيه ماكنت ادري دشيت الحمل والولاده ادور موضوعنه لوووووووووووول ولا انصدم ماكوووووووووو قمت افكر وافكر:eh_s(10): معقوله شالوووووووووووه :eh_s(13): قمت اتحلف وضاق خلقي وماكو احد مادزيتله خاص ليش شالوووه لوووووووووووووول واخر شي استوعبت انه فتحوو مكان كامل حقنا ومشكووووووووووورين وايد :eh_s(17): وهاذي وردة شكر للكل

 

[ذكريات]

بنوتة انتي حالتج مثل ريلي كان بالبداية ما يحب اليهال

و عندي اخو صغير كان عمره ثلاث سنين يوم تزوجت و اهو عنده اخو عمره سنتين

و الله كان ما يشتهيهم و ينزعج منهم مع انه اخوي يحبه و كله لازق فيه

و الحين كل شوي خل نشتري لهم لعبة و لازم نشتري لهم اهم شي اهمه

و كل ما شاف ياهل بره عينه كله عليه و يسرح لدرجة اني انا قاعدة اسولف و اهو ما يدري عني يخليني اعصب

و صار يبتسم لهم بعد

 

[¤§ زيتونة §¤]

الله يرزقكم يا رب

وبنتي ترى يمي بعد سهرانة وياي وكل ما طلع توقيع في بيبي تصارخ ماما بيبي هلوو>>> يعني حلو

ان شاءالله تذوقون حلاوتهم يا رب ولا يخيب املكم ولا تنسون الدعاء والقران تراهم بعد شفاء


انا كل يوم بمر عليكم وادعي لكم ومن كل قلبي وما بينا معرفة لكن الصبر والدعاء بيجمعوني وياكم
ربي يفرحكم يا رب

 

[-Bello-]

وااااي زيتونه حبي مشكووووره وااااايد والله هذا من طيب اصلج


# ذكريات اي والله حبيبتي سبحان الله اللي يزرع الحنان بقلوبنه

 

[-Bello-]

يتني الدوره :eh_s(2): بس استغفر الله نفسيتي ميـــــــــــــــــــح راسي صوداع وعوار اب بطني وظهري حيـــــــــــــــــــــــــــــــــــــــــــــل شكلي بوقف كل شي ومابي علاج خلاص تعبت استغفر الله العظيم انا اليوم حست وايد وطالعه من صباح الله خير وفوقها لابسه كعب وحايشني عوار مو طبيعي ... يارب يصبرني وانشاءالله يرزقني ... ودي اعيش من غير لا افكر بالحمال ... ماودي اشوووف عيون زوجي حزة ما القوله انها يتني مسكين يحاول مايبنلي بس احس انا باللي بقلبه ...الله كريم

 

[moorjan]

هونيها وتهون حبيبتي ربج مو كاتب الحمدلله على كل حال
اذكر مرة قزيت ابرة تفجير عند د سميرة العوضي وبعد 36 ساعه لازم يكون فيه جماع المهم قعدت انطر يوم دخل الا حددده تعبان حايشته سخووونه حرارته 39 كان توه راجع من عند الطبيب وماخذ ابرة الانفلونزه ضاق خلقي وضاق خلقه عشاني مسكين بس حمدت ربي على كل حال .
والحيين انا بعد بوقت التبويض وهم مسكيين تعبان فيه سخونه وياخذ ادويه :eh_s(2): الحمدلله على كل حااال صابرة وقانعه بالمكتوب لي
ومثل ما قالو البنات حلو التفاؤل والأمل موجود مادام رب العباد موجود ..والله كريم
ربي لا تذرني فردا وانت خير الوارثين .أجمعين ان شاء الله

 

[-Bello-]

مورجان حبيبتي مو انا نفس المشكله مادري ليش الحظ جذي استغفر الله انا هم من بعد ابرة التفجير على بو انه الجماع ولا انا حايشني التهاب تكرمين بالمسالك البوليه شكو ومن وين مادري وبعدها حاشتني الانفلونزا والحين اهو ... ربج مو كاتب والله قعدت ابجي شي وطلعت اللي بقلبي مع اني كنت مهيئه نفسي انه مايصير حمل وعادي ماتوقعت نفسي اني راح اتضايق لهل الدرجه

 

[¤§ زيتونة §¤]

الله يرزقكم يا رب

قلبي معاكم



البنوتة لا تياسين حبيبتي ولا يضيق خلقج

ليش ما تسوين تحليل خامس يوم وتطمني على روحج والهومونات جيكي عليهم لا تفكرين وايد ترى التفكير بعد يهد الحيل




يا رب يرزقكم يا بنات
والله قلبي معاكم وحاسة فيكم

 

[-Bello-]

مشكووووره وايد زيتووونه .... وين البنات بنت الكويت ومورجان وذكريات وجارة القمر .... وينكم من زمان ماكو تعليق كلش منكم .. عسى المانع خيــــر(وعلى فكره اليوم رحت حق ام فيصل اللي بجابر العلي .. وايد ارتحت قالتلي انسدحي وشافت رحمي قالتلي ترى انتي مافيج شي وعطتني اشياء اعشاب وقالتلي اردلها يوم اليمعه تبي اتدهني ومادري الله كريم بس وايد وايد ارتحتلها )

 

[رند]

عسى الله يرزقكم الذرية الصالحه

ويرزق كل محرووووووووووم

 

[bnt_kwt]

زيتونه حياتي مشكووووووووره والله يعطيج العافيه وربي يرزقج ويعطيج على قد نيتج

بنوووته عادي حبيبتي مو نهايه العالم انها اتييلج الدوره هذي خيره وكل وحده فينا تتضايق لما اتييها لانه انكون حاطين ابالنا انه انكون حوامل هالشهر بس الله مو كاتب ولا تعترضين على حكمه رب العالمين
والصبر زين حبيبتي ولا تكدرين عمرج ترا النفسيه اهم شي

مورجان سالفه الحظ العوي لاحقتنا كلنا سبحان الله حتى انا بفتره التبويض كله يصير الشي عكس ما ابي يا نتناجر انا وريلي
يا اهو تعبان وما يقدر يا انا فيني عله استغفر الله ما تتسلط علينا هالسوالف الا حزه التطبيق بس يالله هم نصبر ونتأمل برحمه رب العالمين

 

[bnt_kwt]

مشكوره حبيبتي الفاتنه
والله يعطيج الصحه والعافيه

 

[bnt_kwt]

البنوته حبيبتي اشلونج وشخبارج انشالله طيبه وبخير
والله انا لاهيه بالسوق احوس وافتر اعندنا عرس اول تسعه وما مو مجهزه شي حدي على الراحه لووووووول

وبالنسبه حق الدهان ترا وايد زين
انا رحت حق يدت رفيجتي ادهنتني مشالله عليها وقالت لي انه رحمي كان مايل شوي
وقالت لي مع الدهان يتعدل يرد مكانه عادي
وعطتني ادويه اعشاب ولهوماااااااااااات استغفر الله
وادهنتني 3 ايام من ثاني يوم من الدوره الي طافت
بس ياربي دورتي ما ادري اشفيها ثاني شهر تتأخر علي شوي وتنزل تجاديم دم خفيف الشهر اللي طاف جذي قبلها باسبوع نزل علي دم خفيف وردي
يومين او ثلاث ووقف وتالي عقب باسبوع نزلت عدل
وهالشهر شكله جذي
دم خفيف قاعد ينزل علي وانقطع وناطره الحلوه تشرف

 

[أم الطيب]

بنت الكويت
يا الله يا رباه يا سيداه
ما يجي رمضان الكريم الا انا وانتي وجارة القمر وكل محرومة حوااااااااااااااااااامل
واسويلكم كفرات عندي بعد
قولي آآآآآآآآآآآآآآآآآآآآآآآآآآآآآآآآآآآمين يا رب العالمين

وصلي على محمد وآل محمد

 

[bambena]

بنت الكويت تتاخر الدوره تبي الحمال اذا تاخرت يقولون زين

الله يرزقكم يارب انا قايمه قاعده اطلب لكم انتي وجارونه وكل البنات الله يعطيهم الخلفه الصالحه

انا يبت عبود عقب 5 سنين

كنت اتعور بالخامس والرابع وكانت نفسيتي زفت

الحمدالله الله رزقني ومثل مارزقني يرزقكم ان شاءالله

 

[-Bello-]

اي بنت الكويت معناته انها تبي حمال انا قبل صار فيني جذي وقالتلي ام رفيجتي اذا الدوره قامت تلعب يعني تبي حمال يالله انشاءالله يرزقج ويرز الكل انشاءالله :>

 

[moorjan]

اهليين بنوته موجوده وناطريييين الدوامات ملللللللل قطيعة من تيي العطله تبدا الأفكار المأساويه ماكو شغل
بنت الكويت أخاف هالأعشاب مو زينه يمكن تأثر على الدورة ،،
عاد والله أمي تحن علي هالأيام بتوديني لدهانه بس ريلي وابوي مو راضين ما ادري والله .. انا مرة يتني دهانه اول ما تزوجت وقالت ما فيج شي بس الرحم مايل يبيلج 3 جلسات وتحملين صدقتها عاد انا ما دريت انه الأمر كله بيد الله سبحانه ونزلت عقبها الدوره وتعالي شوفي الصياح والبجي عقب،،،
وأمس اخترعت دخلت تكرمون الحمام ولا القى نقط دم وانا لي تقريبا 8ايام من غسلت عنهاواليوم ماكو شي!!! ما ادري هذا من شنو اول مره يصير معاي جذيه وريلي قام يحن روحي للطبيب :eh_s(2): الله كريم
يارب ارزقنا الذريه الصالحة ولا تحرمنا يارب عاجلا غير اجل ان شاءالله

 

[جارة القمر]

السلام عليكم

شخباركم حبايب قلبي

صج حلو التفاؤل والأمل

وربي نما ينسي عبده


أول بشكر بنت الكويت مديرة المنتدى علي تخصيص قسم خاص فينا

ويارب توفقه وتعطيه علي قد نيته قولوا آآآآآآآآآآآآآآآآآآمين


هلا حبايب قلبي

وربي شاهد قاعده أكتب وعيوني كله دموع

علي كل بنت أدخلت الموضوع ودعتلنا جميعا إن ربي يرزقنا

صج ماشاء الله تبارك الرحمن حلو
جذية


والله يرزقنا يارب

وعلي سالفة الدهان أشكثر جربنا وشربنا عاد ولا وحده رحتله 5 أيام ما تسبحين وتشربين هالأدوية كل نص ساعة دواء طعمه مو شي

ولا تربطلج البطن بشماغ وتحط فيه زنوبه

وعلاجه غالي الشهرين ب240 وتأخذ مقدما

بس صج تكرهين نفسج

أم الطيب

الله كريم حبيبتي

الله يرزقنا جميعا


يارب


بنت الكويت أخذ التحويل من المستوصف إلي تنظيم السرة ولا شلون حبيبتي ممكن الطريقة