تجمع الامل

[bambena]

موورجان اخاف انتي حامل روحي الطبيب

 

[bambena]

جارونه ترى النفسيه اهم شي للحمال

والحمدالله على كل حال

 

[bambena]

احب اقولكم عن دكتور محمد صلاح بطيبه كلينيك انا اهو الوحيد اللي عرفلي ممتاز وايد زين كانوا قايلينلي اروحله بلندن ماشوف الا ياي هني بطيبه كلينيك ورحتله وايد ارتحت عنده والحمدالله بفضل الله ثم هو يبت عبودي

طيبه كلينيك بصباح السالم ت 808088

 

[moorjan]

الله يسمع منج بامينا بس ما اظن :eh_s(11): الله كريم عورتي قلبي الحمدلله على كل حال ...
والدكتور محمد صلاح يمدحونه انا رفيجتي هم طولت على ما حملت تمت 4 سنين وراجعت عنده وارتاحت له وايد وسوالها يمكن مرتين تلقيح صناعي وما نجحت العمليه وبالأخير حملت من الله تقول اهو الوحيد اللي عرفلي من بعد ماكانت تراجع عند حريم حولت عند ريال قالها بعد الجماع نامي على بطنج لأن وضعيه الرحم عندها ما ادري شلون طريقته وسبحان الله حملت على هالوضعيه والحين تقوولي تركي عنج الحريم وروحي لريال اهم اشطر .
يا رب عساك لا تحوجنا حق هالدكتاتره ولا تحرمنا من نعمة الأمومه :eh_s(2): عاجلا غير آجل يا كريم .

 

[جارة القمر]

bambena

هلا حبيبتي


الله يخليلج عبود وتشوفين معرس يارب

صح النفسيه أهم شي

بس يربي يتسلط بفترة العلاج ويصير عصبي ويهكرهج بنفسج

الله يهديه يارب

ويصلحه يارب

وأنا رحت لطيبه كلينك وقعدت مع الدكتور محمد صلاح علاج 6 شهور وما صار نصيب أني أحمل

moorjan


أن شاء الله تطلعين حامل

وساعات حبيبتي مع التبويض ينزل دم

أن شاء الله فاتحة خير يارب

 

[moorjan]

اهلين جارة القمر
قلتله نفس كلامج يمكن تبويض ؟؟؟
الله كريم :eh_s(2):

 

[bnt_kwt]

ام الطيب حبيبتي وربي يرزقج انشالله ويفرح قلبج
واللهم صلي على سيدنا محمد وعلى اله وصحبه اجمعين

واااااي بنااااااااات اللهم يسمع منكم يارب بمرت ملك ويستجيب ربي لدعاويكم
ونحمل كلنا مع بعض

بامبينا حبيبتي الله يخلي لج ولدج ويفرحج فيه ويرزقج ربي باخوان حقه

وبالنسبه للدهان هذي ثاني مره اروح اول مره قبل سنه رحت حق ام عبدالله اللي بالمنقف وعورتني وانهبتني نصابه طلعت على حظي وبيتها وصخ يلوع الجبد

وثاني مره الشهر اللي طاف رحت حق يدت رفيجتي والله كريم انشالله

جارونه طريقه التحويل
اذا مستوصفكم في عيادات حوامل وامراض نسا تروحين تقولين حق الدكتور ابي تحويل حق الصباح
راح يقولج اوكي بس اول شي راح يطلب عليج تحاليل ومن تطلع نتيجه التحاليل راح يوقع لج على التحويل وتروحين انتي المستشفى تفتحين ملف وويعطونج موعد علشان يشوفج الدكتور

 

[جارة القمر]

moorjan


يارب


يا حبيبتي

أتحملين هالشهر

يارب يرزقج

ويرزقنا معاج

اللهم آآآآآآآآآآآآآآآآآآمين

ربي لا تذرني فردا وأنت خير الوارثين


بنت الكويت


هلا حبيبتي


صج ام عبدالله قطيعه بيته وصخ

وصج نصابه


وأن شاء الله بروح المستوصف واشوف

 

[moorjan]

آآآآميييين الله يسمع منج بعد عمري ما قصرتي جارة القمر يا ربي أجمعيين ان شاء الله .... بس ما اعتقد هالشهر عندي احساس انه لا الله كريم :eh_s(2): ربي لا تذرني فردا وأنت خير الوارثين أجمعين يا ربي

 

[¤§ زيتونة §¤]

قلبي معاكم


احب امر على التجمع لاني عانيت مثلكم وربي رزقني الحمدلله
واحب اشارككم هالتجمع الحلو اللي اتمنى انه يكون محفوف بالملائكة وتبعث بالاعمال لله عز وجل ويسعدكم مثل ما قلوبكم على بعض يا رب
والله يرزقكم يا رب ويفرح قلوبكم

اللهم امين

 

[ذكريات]

السلام عليكم

شلونكم بنات

انا قاعدة اهني بامريكا و لايعة جبدي ودي ادق على الكويت اكلمهم بس اخاف اتضايق

اول سؤال يسالوونه : ها ماكو شي بالطريج

و على بالهم مني انا وريلي ما نبي احلف لهم و الله العظيم من الله و شكلهم مو مصدقين

و على طاري ايام التبويض انا بعد مثلكم يا متهاوشين يا ريلي تعبان من الشغل يا واحد فينا مريض ,,,, سبحان الله مادري ليش جذيه

 

[¤§ زيتونة §¤]

الله يرزقج يا ذكريات

ويفرح قلبج انتي وباقي البنات يا رب


والله اتمنى من كل قلبي لكم الرزق

الانتظار صج صعب لكن حلاوة الفرج احلى من الشهد

الصبر الصبر الصبر والدعاء والتقرب لله هو انجح علاج

 

[ذكريات]

مشكورة زيتونة على التشجيع و الله قاعدة ترفعين معنوياتنا

:eh_s(17): :eh_s(17):

 

[-Bello-]

السلام .. عليكم ها بنات اشلونكم شخباركم كلكم زيتونه اتفاءل لما اشووفج كل يوم اتدشين واتواسينه الله يعطيج العافيه ويعطيج على قد نيتج انتي وبامينا وامس رحت حق ام فيصل والله بنات حدي ارتحت عندها ادهنتني وقالتلي هم اليوم ارحلها عشان تدهني .. او وايد بنت حلال وتراعي من غير حجي والله اتمنى انكم تروحولها كافي انها تريحكم وانشاءالله تحملون على ايدينها من بعد رب العالمين والله يرزقنا كلنا

 

[bnt_kwt]

السلام عليكم
اشلونكم بنات وشخباركم انشالله بخير وطيبين
انا عن نفسي الحمدلله يارب بخير بس ناطره الحلوه تشرف
وقاعده تنزل علي تجاديم
البني الغامج يعني على هاليومين شكلها بتشرف انا ادعي اتييني لانه بعد اسبوعين عندنا عرس مالي خلق اتييني بذيج الحزه وخرب علي

ها شكو وماكو اشصار ماصار يالله سمعونا سوالفكم

ذكريات حبيبتي عادي خل يسئلون ولا يصدقون اهم شي انتي وريلج

بنوته الله يتمم عليج وانشالله ايدها خير عليج والشهر الياي نلقى لج مشاركات بقسم الحوامل
بس هاااااا مو تحملين وتنسينا

الله يتمم على الكل انشالله بالخير

 

[bambena]

شلونكم بنات

جارونه ترى العلاج يبيله صبر 6 اشهر مو وايد

الله يحقق لكل كويتيه امنيتها

 

[¤§ زيتونة §¤]

والله انا حاسة فيكم وربي شاهد علي

وقلبي وياكم ادعي لكل وحدة انها تفرح وتشوف ضناها

ولا تياسون ترى رحمة الله واسعة ماكو على اللي نطرو 15 و 20 والله في وحدة اليوم سمعت عنها بعد 27 سنة تصوروا؟؟؟؟

سبحان الله كله له حكمة وهذا كله اختبار وبعدين تذكروا الاية الكريمة :" المال والبنون زينة الحياة الدنيا " .

يعني ربج بيعوض صبرج باي طريقة هو شايفها لج احسن والعيال حلوين لكن هم قوة الايمان والصبر على الشدائد احلى ولا تنسين ان البلاء يحل على العبد المؤمن اكثر عشان ربج يزيد ايمانج ويخليج واثقة من كرمه ........



الله يرزقكم وتفرحون يا رب وقلوبنا كلنا وياكم


وانا راح امر كل يوم هني لاني كنت بيوم من الايام مثلكم .......

 

[جارة القمر]

زيتونة و bambena


الله يوفقكم حبايب قلبي

ويرزقكم علي قد نيتكم يارب

ويخليلكم عيالكم وريايلكم وأطول بعمرهم

bambena

حبيبتي


صح 6 أشهر مو وايد


بس عقب ما خليت شي ما سويته قالي خلاص مالج شي عندي مع أنه يدي أن ما في شي

بس حبيبتي الله كريم

وأن صابره وكلي أمل بري أن ما ينسنا


ذكريات

حبيبتي

خلي بالج طويل

ولا تضايقين دقي وسألي

وسولفي عادي

وإذا أسألوا قوليلهم أدعولي



البنوته

أن شاء الله الشهر الياي تطلعين حامل قولي آآآآآآآآآآآآمين ولا تنسينا حبيبتي


bnt_kwt


حبيبتي

أن شاء الله تطلعين حامل

ما أدري أنا الوحيده اللي بينكم جربت الحمل لي الشهر الثامن ولا في غيري


تري بنات أحساس حلو

صج كنت وايد تعبانه والحركه صعبه

بس أحساس حلو


بس ربي ما أراد أني أفرح فيه

 

[moorjan]

زيتونه المفروض اسمج البلسم ... كلامج صراحه جدد الأمل فينا ... يا عسى ربي يخليلج ما عطاج ويرزقج من خييره وفضله قولي آمييين .
الله كريم

 

[Q8tya_GirL]

واي بنات ضايق خلقي حييل واحس نفسيتي حيل تعبانه
يتني الدوره مع اني توقعت انها ماتييني بس كل شي بارادة الله واحس صاكه فيني الدنيا وما ودي اضايق ريلي مع انه ريلي عادي يقول اذا الله كاتبه يصير يصير انا معاه بهالشي بس شي غصبن علي اني اتضايق فاهوه اذا شافني جذيه قاعده ابجي ومتضايقه فاحس هم اهوه يتضايق
مع انه هالشهر الدكتور قالي كل شي اوكي عندج وتبويضج ممتاز بس سبحان الله ماصار حمل بس الله كريم
ويالله يارب يرزقنا الذريه الصالحه