تجمع الامل

[ذكريات]

شلونكم بنات

انا صار لي سنتين متزوجة

حملت قبل سنة وشهرين لكن كان حمل خارج الرحم وسويت عملية بغيت امووت فيها لكن الحمدلله

وللحين الله ما كتب اني احمل مرة ثانية

و الله اكثر شي يضايق لما اشوف امي و ابوي يلعبون مع عيال اللي تزوجوا بعدي و اهما ودهم يكون ولدي اللي يلعبون معاه خصوصا ابوي يموووت على اليهال وايد كاسر خاطري

و اللي يقهر لما تتزوج وحدة تصير لج وحيل قريبة منج ويقولون لج يلى سباق منو تحمل قبل

و مشكورة بنت الكويت و الله كنا محتاجين موضوع مثل هذا

 

[جارة القمر]

هلا ذكريات


الله يرزقج حبيبتي


كلنا علي هالحال

لم نسمع أن أحد تزوج

ويقولولنا من تحمل قبل

الله يرزقنا جميعا

 

[Q8tya_GirL]

الله يرزقج حبيبتي ذكريات ويرزقنا معاج

وكلنا نفس الحاله ودنا بالذريه الصالحه

بس ماكو شي بيدنا خليها علي الله

وانشالله الله يرزقنا

 

[-Bello-]

واااااي حياتي ذكرياات عيل انا شيصير فيني لما اشوفهم مو بس جذي الا ماشاءالله الحين حمل بالياهل الثاني وانا كلش ليلحين ما اتخيلين شيصير فيني بروحي والله اقعد وابجي اشوي وتطلع روحي ... الله كريم ويرزقنا انشاءالله لا ولما يسألونج باستغراب انتي شسالفتج ليش ليلحين ما حملتي قبل كنت اقولهم لين اخلص دراستي والحين خلصت بالله شنو حجتي وايد اتضايق الله كريم

 

[جارة القمر]

حبيباتي

عليكم بالدعاء

وحاولوا لا أضايقون نفسكم

علشان النفسية

بعد عمري

ما كو علينا الا الصبر والدعاء

والله كريم

 

[ذكريات]

بنوتة اييي ما شا الله انا توه لي سنتين يعني اللي بعدي اقل من سنتين و الحمدلله الحين عندهم 2

انا ما احسدهم بس واحد منهم قايل حق ريلي اشكره انا بيصير عمر ولدي 18 و انت للحين ما عندك عيال

و مرته لما حملت بالثاني و الاول ماكان مكمل السنة كان حجتها انه ملت منه تبي شكل يديد ...... الله يهديهم

انا كرهته من يومها حسيتهم صج تافهيييييييييييين و للعلم لما قال حق ريلي هالكلام كنت توني مسويه العملية

يعني لا احترام حق مشاعرنا و لا شي

 

[-Bello-]

اي والله ذكريات هالناس ... كلش مايحسوون االا اذا ربهم بلاهم الحمدالله والشكر على كل حال .. ومرات اشوووف ناس كلش مو منسجمين مع بعض ولا يحبون بعض وربج عطاهم ... وانا وريلي والله نموت اب بعض الحمدالله وحارمنه كل شي له حكمه مرات اقووول بتفسي اكيد رب العالمين له حكمه يبي يخلينه نتعلق اب بعض اكثر واكثر والله يرزق الجمييع

 

[-Bello-]

وذكريات مره ثانيه اذا جذي حاولوا يضايقونج قولوليهم الحمدالله والشكر ترى حتى القطاوه يحملوووون :> واحنا ليلحين مو مستعيلين... كيفنه... والله انا الحين وايييد ناس ضايقوني وقمت اوخر عنهم مع اني قبل ماكنت اعرف اني ازعل على احد اذا اح قطلي كلمه ما اتكلم واسكت و اول ما اقعد بروحي اقعد وابجي الحين الله وكيلج وحده اب وحده عشان لا امووووت من القهر بعدين ليش مارديت واللله اخذيها مني عشان تريحين نفسج عمري

 

[bnt_kwt]

Cute_GrL
العفو حبيبتي ما سويت شي كنا محتاجين مثل هالموضوع عندنا بالمنتدى خاصه انه مافي ولا موضوع انطرح حقنا احنا اللي ننتظر الحمل
فقلت فرصه علشان نتعرف على بعض ونواسب بعضنا والوحده منا تطلع اللي بقلبها
الله يعوضج حبيبتي ويفرح قلبي وقلبج وقلب كل وحده محرومه معانا
ونشوف عيالنا حوالينا بأكمل صحه قولي امين

 

[bnt_kwt]

moorjan
اي جيكي لا تسكتين على روحج انا رد الدكتور كتبهم لي حبوب الجلوكوفاج بس لي الحين ما خذيتهم ياختج يتعبوني مالي قلب اخذهم
يالله طمنيني عن اخبارج


جارة القمر
يا عمري ولا تضايقين عمرج انا بعد وايد انغث من هالاشكال بس صار عندي رد فعل عادي واللي تقول وما تقول اقولها كل شي بيد رب العالمين وكله بيد الله اذا اراد يرزقني راح يرزقني من غير اي شي بس هذا اختبار وانا مؤمنه وراضيه بكتبه ربي

 

[bnt_kwt]

nwera
اي والله صاجه الشي بينج وبين ريلج ياربي اهما شكو
كله اقول حق ريلي يعني لا حملت انا الناس اهما اللي بيتعبون عني ؟؟

 

[bnt_kwt]

البنوته
يا حياتي قولي امين عسا ربي ما يضيع التعب
وربي يكتب لج اللي فيه الخير ونفرح بخبر حمالج ياااااارب
وانا بعد حولت الحين مستشفى الصباح والحمدلله وايد مرتاحه عليهم

وبالنسبه حق سالفه رفيجتج انا بعد رفيجتي سوت فيني العن من هالموقف تخيلي هذا لها الحمال الثالث وولدت بس يوم حملت تخيلي قايه حق كل البنات الا انا عاد انا وحده من رفيجاتي قالت لي دريتي انه فلانه حمال قلت لا والله ما ادري جان تقول لي وي صار لها 3 اشهر
قلت لها لا والله كل ما احاجيها ما اتييب طاري عاد سائلتها رفيجتي الثانيه وشنو كان ردها انها ما قالت لي خايفه اني افز عليها خاصه انها حامل بالثالث وانا ما حملت ولا مره تخيلي شنو احتقرتها

بس عادي والله ولا يبت لها طاري خل تولي بس اهي حاسه اني انا متغيره عليها الله يوفقها ويخلي لها عيالها بس ماكان لها داعي هالحركه البايخه منها

 

[bnt_kwt]

ألطاف
حبيبتي ما عليه تفائلي بالخير وربي يعوضج انشالله بالقريب العاجل
والامل الحلو والتفاؤل احلى

 

[bnt_kwt]

أسيل
انشالله يارب تكونين حامل وما تحتاجين تسافرين بره

والتحليل انا صار عادي عندي من كثر ما اندقرت صرت اتقبل النتيجه وانا اضحك مليت من البجي والصياح :/ كل ما حللت طلعت النتيجه نيجاااااااااااااتيف الحمدلله على كل حال
عسانا ما نشوف هاالنيجاتيف كلش كلش كله ايجابي

 

[bnt_kwt]

ذكريات
الله يعوضح باحسن من اللي راح والحمدلله على كل حال
وصاجه العن العن شي عندي هالمقارنه
وي فرنه متزوجه عقبج وحملت وانتي لي الحين
انزين فلانه ما عندها نفس مشكلتي والحمدلله بسرعه حملت والله الشاهد علي اني ما احسد احد بعد شي طبيعي انه اللي عندها ريلي تحمل مادري اشلون صايرين الناس استغفر الله يغثون
انا اقول ما علينا من احد احنا بروحنا اللي فينا مكفينا يالله نعابل باعمارنا

والعفو حبيبتي ما سويت شي مثل ما انا بقلبي في كلام اكيد غيري بعد عندهم وايدد كلام و هالموضوع يجمعنا

 

[bnt_kwt]

بعد يا بنات شخباركم واشلونكم انشالله بخير
انا اخباري الحمدلله كلها زينه
ودكتوري قلل لي جرعه الابر لانه جسمي ضعف وبدا يستجيب للعلاج اسرع
الحمدلله هذا من فضل ربي علي وانتوا طمنوني عنكم وعن اخباركم ؟؟

 

[Q8tya_GirL]

اهلين bnt__kwt والله احنا بخير الله يسلج

انا بالنسبه لي صارلي شهر ونص من سويت تنظيفات فا من اسبوعين كان عندي موعد ورحت فقال سوي تحليل حق هرمون التبويض وهرمون الحليب من بعد الاجهاض والحمدالله التبويض عندي عالي و الحليب عندي هم اوكي

ويالله ياربي ارزقنا الذريه الصالحه

 

[¤§ زيتونة §¤]

فديتكم والله
تذكرت روحي كنت مثلكم لكن الف الف الحمدلله يتني بنوتة نستني الدنيا والدموع والقهر والالم........

تصوروا انا حتى لما اسافر من اشوف بيبي ويااهله اقعد ابجي لا شعوريا

وريلي مسكين كله يراضيني بهدايا ويخفف عني بكلامه وصبره وياي لمدة 8 سنوات

والحمدلله سويت عملية حقن مجهري في مستشفى خاص ونجحت



اهم شي الصلاة والدعاء انا من سويتها ما قطعت صلاتي والله كنت اصلي عادي اقوم واقعد واتكالي عليه وما قصر ربي وياي رزقني وفرح قلبي


والله ادعي حق كل وحدة محرومة ان الله يرزقها ويخفف المها ويسهل علاجها

ربي لا تذرني وحيدا وانت خير الوارثين




الله يرزقكم ويبرد قلوبكم بياهل .........

 

[-Bello-]

وااااااااي زيتووووونه مشكووووره وايد على هالدعوه وانشاءالله ربي يخليلج بنتج وتتربى بعزكم انتي وابوها انشاءالله.... انا اكثر مني انا قبل جني ياهل استغفر انقث من ازعاج اليهال ومالي خلقهم ومزاجيه واحس اليهال ما يحبوني سبحان الله الحين صارلي فتره وين ما اروووح واشوووف يهال يبتسمونلي ويحبوني وبروحهم ايوووني سبحان الله مادري ربج حط فيني حنان حق الاطفال ولا ويهي تغير :> مادري وناسه استانس لما اشوفهم يحبوني لووووووووووووول مو مصدقه كثر ماكنت دلوووعه ومليقه ما اتحمل يهال وشوفي شنو صار فيني الحمدالله على كل حال... وانا بالنسبه لي يوم الثلاثا موعد دورتي من بعد الابر ملوت التبويض والتفجير والله كريم اذا يتني الدوره عندي موعد على 23\8 عشان يحولوني حقن مجهري واذا مايتني انشاءالله ما اتيني واكون حامل بس ما اعتقد لانه ماكو عوارض حمال كلش بس ماكو شي غريب على رب العالمين ....ادعووووولي.... انا امهيئه نفسي عادي حق الدوره يعني لاتحطوون ابالكم اني راح اندقر لانه واي اندقرت ههههه جني قرقت وايد

 

[-Bello-]

بنت الكويت انتي عند منو اب مستشفى الصباح قاعده اتعالجين عند قنديـل؟؟ ولا منو..؟