تجمع الامل

[bnt_kwt]

Om Khaloody
حبيبتي ما قصرتي الله يجزاج كل خير يارب

أم الطيب
الله يعطيج على قد نيتج يارب
والله يفرح قلوبنا بالقريب العاجل اللهم امين

 

[جارة القمر]

bnt_kwt

حبيبتي

تقدرين تحطين صورة الحبوب
يمكن أعرفه

صرت خبيرة

حبيبتي أنا أعرف السمنة والزقاير تأثر وحتي كثرت القهوة

هذي آخر شي قالوه لي الدكاتره

والله يرزقنا جميعا حبايب قلبي

 

[bnt_kwt]

جارونه
الله وكيلج من قالي الدكتور وقفيهم اذا حيل متعبينج
وانا ما صدقت على الله وقمت وقطيتهم
العلبه مالتهم ابيض بأخضر واسمهم جلوكوفاج
واهي اصلا ياخذونها مرضى السكر
ويصرفونها حق اللي يتعالجون حق الانجاب الاصحاء اللي مافيهم سكر مثلي
عرفتي
يعني انا مافيني سكر بس يصرفون لي هالدوا لانه يساعدني بالعلاج

 

[Cute_GrL]

يعطيج الف عافيه bnt_kwt علي هالتجمع وعسي الله يرزق كل محرومه الذريه الصالحه
وبالنسبه لي تقريبا صار لي سنتين الحين من تزوجت بس من صار لي سنه وماحملت رحت اعالج مع اني الحمدالله تحاليلي وتحاليل ريلي كلها اوكي مافيها اي شي .. بس رحت سويت تلقيح صناعي 4 مرات ولا اي مره تم حمل بعدين تركت العلاج شهر اريح ورحت مع ريلي العمره وطلبت من ربي انه يرزقني والحمدالله الشهر اللي وراه والا انا حامل بس ماتم الحمل في الشهر الثالث رحت اراجع والا يقولي الدكتور مافيه نبض و بس سويت تنظيفات والحمدالله على كل حال ويمكن يكون خيره لي بس والله يا بنات الحمل نفسيه والله كل شهر كان لما تييني الدوره اتضايق وافكر بالحمل بس والله هالشهر الوحيد اللي مافكرت فيه كلش ويالله يارب يرزقنا بالذريه الصالحه

 

[moorjan]

لا الحمدلله ان شاءالله مو يائسة من رحمة الله عندي أمل ومتفائلة خييير ان شاءالله لكم ولي بس والله شككتيني بهالحبوب اخاف احتاجهم لأني اراجع عند دكتورة تغذيه وسوتلي مرة تحليل حق هرمون الأنسولين وطلع مرتفع مع انه مافيني سكر سوتلي التحليل العصر كنت وقتها توني طالعه من فدركرز يعني مطلعه الحررره قبل لا اسوي ريجيم وعطتني حبوب ما ادري شنو اهما وكلت منهم جم وحده وقطيتهم الحين قاعده ادور عليهم مولاقيتهم والله مالي خلق لمراجعه هالأطبة استغفر الله
الحمدلله على كل حاال ،،، يا عسى ربي لا يخيب رجانا ويرزقنا بالذريه الصالحه اللهم امين

 

[جارة القمر]

bnt_kwt


بعد عمري


الله يكون بالعون حبيبتي


وصج بنات

نسيت أشكر بنت الكويت الغاليييه علي تثبيت الموضوع علشان كل وحده تقول اللي في قلبه

خصوصا اليوم أنا قاعده مع وحده وكل دقيقه قاطه علي نغزه ما صارت روحي تعالجي

هالشغله بيني وبين ريلي

ومحد له شغل فيه

صح ولا لأ

بس يحبون يضايقونج

مع أنه أقعدت 14 سنة لين أنجبت طفله الأول

بس ناس تحب أضايق غيره

 

[Q8tya_GirL]

اهلين بناات انا cute_GrL
لانه صار لي شهر وشي ماشبكت فنسيت كلمه السر مال nwera
امس ما ادري اشلون قاعده اشير ولا يطلع لي صح فرديت علي نكي السابق

وبعدين جارة القمر هذا الشي بينج وبين ريلي مالج شغل من كلام الناس
سمعي من هنيه وطلعيه من الصوب الثاني لانه لو بنسمع كلام الناس بنتعب

 

[-Bello-]

هاااااي بنات ... خوش موضوع والله بنت الكويت ويعطيج العافيه... صج يه بوقت.. انا بالنسبه لي صارلي سنتين من تزوجت وليلحين ماعني بيبي الله كريم يمكن من بعد جم شهر ممن زواجي بلشت على طول حنه على الدكاتره لانه حاشتني التهابات وبعدها رحت حق معصومه مخصيد سوتلي تحاليل ومافيني شي والحمدالله لا انا ولا ريلي بس قالتلي بعطيج كلوميد عطتني يمكن مرتين واتجيكلي بسونار داخلي عشان تشوف شلون التبويض تلاقيه تمام في تبويض وحجمهم واي زين وكل شي واتوقتلي الجماع بس مايصير حمل بعدها هم سوتلي جلسه ثانيه وعاها تفجير بعد الكلوميد وهم سونار داخلي وكل شي طبيعي بس سبحان الله مايصير حمل بعدها كشت مليت وقفت وبعدعا رحت عند دكتوور اسمه زياد مراد واي خووش دكتور شاف تحاليلي وقالي كل شي طبيعي والحمدالله بس اهم شي انتي وزوجج لا تفكروون ريحني بكلامه وهم عطاني كلوميد وهم مافاد معاي اخر شي اختي قالتلي اشمي خلنجرب الصباح اول شي كنت متردده اخر شي قتلها اوكي رحت هم ردوا عادولي التحاليل وهم ماكان فيني شي ولا اب ريلي شي اخر شي جان يقولولي بنسويلج منظار حق قناة فالوب نبي انجيك عليها اذا فيها شي انه يمنع الحمل ولا لأ وبعدها نعطيج العلاج وسويت العمليه والحمدالله هم طلع مافيني شي ورب الكعبه اني صرت جني مينونه ماكو دكتور قبل ماكنت اروحله وايد اتضايق لما اتيني الدوره من بعد اي علاج والله ادش الحمام واقعد ابجي ... الله كريم والحين وايد مرتاحه معاهم مستشفى الصباح هم عطوني كلوميد بس هالمره مادري ليش مافاد معاي لم سوولي السونار كان حجم البويضات وايد صغير حق الحمل وبعدين الحين بلشت معاي ابر حق التبويض وهم قزيت ابرة التفجير والحين ناططره الموعد الياي اذا صار حمل صا (ادعولي) واذا ما صار راح يسوولي حقن مجهري ...والله نفسيتي تعبنانه استغفر الله والله ماكو شي ما سويته... والمشكله انه قبل يومين عندي رفيجتي كنت عادتها اب حسبة اختي واعرفها من كنا اب اولى ابتدائي وحيل احبها كنت الله يسامحها انا كل شي كنت اقولها وكنت قايلتلها اني سويت المنظار عشان بجيك اذا فيني شي ولا لأ المهم اهي الحين صارلها ثلاث اشهر حامل وانا اللي اكتشفت انها حامل اهي ماقالتلي الله يسامحها والله العالم اشكثر انا استانستلها لانها اختي مو رفيجتي اقولها ليش ماتكلمتي انا رفيجتج تقولي شنو يعني والله انا مابي اقوول خايفه من العيين ولين الياهل يثبت قلت اقولج بعين وانا طول هالفتره قبلها ادق عليها وماترد علي واذا تبي تكلمني اتدززلي مسجات وبس ولما ادق ماترد واااااااايد صكت فيني الدنيا احسها وايد جرحتني انا والله اتمنالها كل الخير وموحاطه شي ابالي طلعت اهي جذي والله حرام صداقتنا مادري انا وايد حساسه ولا إهي صج اغلظة ابحقي.. لا وقولها انشاءالله اذا صارت بنت سميها على اسمي (اسم صديقتي نفس اسمي)تقولي شكو انا كنت قاعده اضحك بس جذي بلطف الجوو وطالع اهي شنو ردها ما اقووول الا الله يسامحها ويرزقنا ويرزق كل محرووم يارب العالمين

 

[جارة القمر]

nwera


حبيبتي

كلمي بنت الكويت علي مشكلة النك نيم
البنوته


الله كريم حبايب قلبي

وسعوا صدوركم

وصج هالناس ما أدري ليش خايفين أنهم يقولون أنهم حوامل

أنا هالشي أضايقني وتقولج أخاف من العين

يبي ربي الله أرزقج ماراح ينسانا

ربي لا تذرني فردا وأنت خير الوارثنين

 

[ألطاف]

شلونكم حبيباتي

انا اختكم صارلي 3 سنين زواااج حملت شهر 6 اللي طاف بعد علاج لكن رب العالمين موقاسم يتم الحمل واجهضت والحمدلله على كل حال

كلنا تحت رحمت الله سبحانه وتعالى
يارب لا تحرمنا من رحمتك ورزقك وعاطئك يارب ترزقني وترزق كل اخواتي في المنتدى المحرومات من الذرية وكل محرومه من امة محمد اللهم امين
رب لا تذرنا فردا وانت خير الوارثين
رب هب لنا من الصالحين
رب هب لنا من لدنك ذرية طيبة صالحه انك سميع الدعاء

 

[جارة القمر]

ألطاف

بعد عمري

والله يرزقج حبيبتي

بس ممكن سؤال

عندي منو عالجتي علشان الحمل

 

[أسيل]

خوووووش موضوع الوحده منا تنفس عن نفسها وتفش خلقها شوي.......
انا عن نفسي صار لي عشر سنين ونص من بديت اعالج والحمدلله على كل حال مالي غير الصبر...............
سويت عند ماجده اليتامى تلقيح صناعي ومانحجت ذبحتني بالابر وكلش موعاجبتني لانها ماديه وجربت تلقيح صناعي عند الصباح 4 مرات ومانجحت بس كان تعاملهم مع المرضى جدا جدا راقي وهادي بس تعرفون الحكومه يماطلون على مايحولونج لدور الانابيب ياله ياله ويا واسطه ولا ماتمشين بس صج كنت مرتاحه عندهم بعدهم قررت اسوي انابيب عند الدكتور باترك بمستشفى لندن وجربتها عنده مرتين ومانجحت والصراحه المستشفى مادي حيييييل من قلب ما اعجبوني.......
والحين افكر اروح اعالج في بلجيكا شكثر ناس اعرفهم راحوا والحين ماشاءالله بيولدون قبل الرمضان الله يتم عليهم.......
بس مادري والله الحين انا اروح حق الشيخ ابو عبدالله لرقيه الشرعيه ماشاءالله عليه والله يجعله في ميزان اعماله فعلا متبع الرقيه الشرعيه بحذافيرها من السنه النبويه مو مثل هالمشايخ اللي طالعين لنا هالايام ماخذينها تجاره انصحكم تروحون له.
والحين متاخره علي الدوره وخايفه احلل من كثر ما احلل وانصدم ماودي احلل كلش
جربت تحليل البيت مرتين وماطلع شي يمكن تكيس تهقون بنات .......

 

[Q8tya_GirL]

اهلين حبيبتي اسيل

يالله يارب يرزقج الذريه الصالحه ويرزقنا معاج

اذا الله كاتب لج الحمل راح يصير باذن الله وانشالله تكونين حامل بس خلي ايمانج بالله قوي

بس بقيت اسالج ابو عبدالله وين صاير هذا ممكن تعطينه عنوانه ؟؟

 

[أسيل]

الشيخ ابو عبدالله محترم حييييييييل وباله وسيع ويسمع من كل مرضاه اللي يزورونه واذا انت تحلمين باحلام مزعجه يقدر يفسرها لج وحييييييل يراعي النفسيه ويقدر الحاله الماديه الرقيه عنده خاصه لج انت بس لازم يكون معاج محرم وجلسته ب 3د.ك وتجينه قد ما تقدرين واذا تبين تدفعين بشكل شهري هم تقدرين الماده مو مهمه عنده اهو واحد يبي الاجر وبي وهذا اللي ياخذه ثمن وقته وانا الصراحه حييييل مرتاحه له وهذا رقمه (9501872 ) وهذا رقم اعتقد مساعد له يمكن يكون اخوه ( 9592933) ادقين او ترسلين رساله تحجزين فيها باسمج والساعه اللي تبين تجين فيها لانه يبلش الرقيه من بعد صلاة العصر الى مابعد المغرب واحيانا للعشا وبشكل يومي الحجز يكون على الرقم الاول فقط اما الثاني انا كتبته احتياط بس علشان اذا مارد عليج ادقين على الثاني اللي هو المساعد ماله على ما اعتقد لاني مره بغيت احجز ومارد علي بوعبدالله ودقيت ع الثاني ورد وحجزت ولما مايرد الشيخ يكون مثلا وقت رقيه مايقدر يرد موانه يطنش لا اهو خلووووووق بمعنى الكلمه...........................................
وهذا عنوانه
جابر العلي.......ق 1 ......ش13......م5

 

[Q8tya_GirL]

مشكوووره اسيل وماقصرتي

بس اشلوون الناس عنده زحمه والا بمواعييد ؟؟

 

[أسيل]

لاوالله الحمدلله لحد الحين ماكو زحمه بس مايضر حتى لو زحمه كل واحد بالساعه والوقت اللي حاجز فيه يدخل على طول بس اذا احد اتاخر اكيد راح ياثر وياخر اللي وراه بس مو اكثر من ربع ساعه هذا اذا تاخرتي انا هذا اللي عاجبني فيه ما تلوع جبدج من الانتظار..............روحي بدون تردد صدقيني عن تجربه انا الحمدلله ارتحت عقب الله عليه وقالي استمري عندي انت يكن مومحتاجه طبيب لان الاعراض اللي فيج والاحلام اللي تحلمين فيها من اثار العين والعياذ بالله مو مخلين احد في حاله هالحريم .....

 

[ورد وردي]

يارب يا أسيل انج تكونين حامل وما تحتاجين لبلجيكا وغيرها يارب يااااااارب احسني الظن بلله انا بقولكم قصة والله فيها العبرة : واحد صار له شي خلاه ينشل مايمشي والدكتور كان خايف اشلون بيصارحة بالموضوع خصوصا ان الدكتور يعرفة شخصيا ،، المهم قاله الدكتور تتوقعون شقال الريال ؟ قال اي انا مقصر بحفظ القرآن الكريم وربي يبيني اقعد عشان احفظة ،، وسبحان الله فعلا حفظ القران الكريم وبعد سنة من شلله وبعد ماحفظ القران الكريم بهالفترة شافه مادري منو سامحوني القصة مو ذاكرتها عدل المهم شافوه طالع من المسجد يمشي وفوق هذا حافظ للقرآن الكريم ربي قال في حديث قدسي انا عند ظن عبدي بي وسبحان الله الله سبحانه عطاه على ظنة وزادة فوق القدرة عالمشي حفظة للقران الكريم ....... يارب نكون من الناس الي تحسن الظن بلله

 

[جارة القمر]

أسيل حبيبتي

فديت هالأسم

أحبه هالأسم

والله يرد صاحبته بالسلامة للكويت

أن شاء الله يارب تطلعين حامل

وتبشرينا



ربي لا تذرني فردا وأنت خير الوارثين

 

[أسيل]

جزاكم الله خيييييير على هالدعاوي الحلوه الله يتقبل منكم.............. وييييين الخنساء موشايفتها ويانا عسى المانع خييييير

 

[-Bello-]

الخنساء جنها مسافره لانها حاطه انها تبي اتريح نفسيتها الله يرزقها ويرزقنا