تجمع الامل

[LaSt WoMeN]

مشاركة: تجمع الامل

اللهم انك انت الوهاب الرزاق الكريم الرحمن الرحيم مالك الملك اذا اردت شيئا فإنما تقول كن فيكون ..

ارزق اختي الملقبة ب bnt kwt و nono78 بالذرية الطيبة الصالحة انت العلي القدير السميع المجيب سبحانك لا اله الا انت ..

آمين يا رب العالمين

 

[ورد وردي]

مشاركة: تجمع الامل

سبحان الله الله يكافينا شر الحسد والعين وصح كلام الي قالت لا يقص علينا الشيطان ويخلينا نمل او نتهيون لازم انشد حيلنا ونبعد بليس عنا وحسبي الله ونعم الوكيل على كل حاسد وحاقد

 

[bnt_kwt]

مشاركة: تجمع الامل

b6o6a
رونه
مشكورين حبايب قلبي وما قصرتوا
والله يعطيكم العافيه

flana
يا عمري يا قلبي مشكوووره ويزاج الله الف خير على دعوتج الطيبه وربي يسهل عليج كل دروبج وما تشوفين بطريجج الا كل خير يارب

ورد وردي
اي حبيبتي دايما شغلي نفسج بالاذكار والاستغفار علشان ما يدش اليأس بقلبج وقوي ايمانج بالله
وحطي الامل فيه وماراح يقصر

يعني انا كنت وين وصرت وين وكله بفضل رب العالمين حبيبي ربي ما ينسى عباده الضعفاااء

اشكر الكل بدون استثناء على الدخول والمشاركه بالموضوع هذا

 

[شمس و قمر]

مشاركة: تجمع الامل

الله يرزقج ياعمري

صدقيني النفسيه لها دور كبيييييييييييييييير

انا من تسع شهور كنت اول وحده تحط موضوع اسمه ((حلو التفاؤل)) بحواء

والحمدلله حملت بنفس الشهر وبدون علاج ماشالله

بس صج صج كنت متفاءله وحاطه املي كله بالله تعالى


ونصيحه ثانيه

شكثر سمعت عن عصير الاناناس
قصص كثيره اثبتت انه يقوي التبويض ويساعد على الحمل

جربيه وشوفي

 

[moorjan]

مشاركة: تجمع الامل

الحمدلله على كل حاال
اهو اختبار من رب العالمين يختبر فيه المؤمن ويا عسانا نكون من الفايزين في هذا الاختبار ... الله كريم
أما بالنسبة لي فصار لي 4 سنين تقريبا وما حملت ... (بصراحة ماكان ودي إني اكتب عن هالسالفه لأنها حيييل مأثره فيني وقاعدة أحاول كثر ما أقدر اني انسى سالفه الحمل وما افكر فيها نهائيا... وبدون مبالغه شعري شاااب من كثر التفكير والهم والبجي من بعد ماكان فيني ولا شيبه الحمدلله ) و أملي بالله كبيير انه يرزقني ويرزق كل محروومه ان شاء الله بالذرية الصالحة .
طبعاً رحت لأكثر من دكتور و دكتورة وما خليت تحليل ما سويته وفحوصات والحمدلله رب العالمين كلها سليمه وهذا من فضل ربي وكلهم أجمعوا على حل واحد اللي اهو التلقيح الصناعي ... وأهلي يقولولي بسج ثبتي على دكتور واحد لا تشتتين عمرج قلت بروح حق هدى الناصر وان شاء الله الله يهديني وتكون الأخيرة .
وما يقتلني بهالسالفه الا نظرة الشفقة اللي اشوفها حواليي وكثرة الأسئلة عن سالفتي صرت حييل اتضايق ولا احب اشيل ياهل جدام احد مع اني امووت باليهال وشيلتهم ونفسيتي تغيرت من بعد ما كنت بارده صرت عصبية وبسرعه اتنرفز حتا ريلي حس بهالشي
أشكرج bnt _kwt على هالموضوع وفرحتلج يوم شفت الشريط على توقيعج ويا عساه يكون حقيقه يا ربي
لا تنسونا بدعواتكم ...

 

[دناديش]

مشاركة: تجمع الامل

الله يرزقم يارب ويرزق كل محروم
اختي عليج بسورة مريم مره قريت في كتاب انه العفو قبل الجماع تتوضين وتقرينها تكونين حاطه ايدج اليمين على بطنج وتقرينها ناس وايد من معارفي جربوها وسبحان الله فادتهم هذا بالاضافه للرقيه الشرعيه وصلي صلاة الحاجه بنيه طلب الذريه الصالحه وكرري " ربي لاتذرني فردا وانت خير الوارثين "
اسأل الله العلي القدير اللذي رفع السموات بدون عمد ان يرزقج بالذريه الصالحه ويرزق كل محروم

 

[جارة القمر]

مشاركة: تجمع الامل

bnt_kwt



بعد عمري

الله يرزقج ويرزق كل محروم



مشكوووووووووووووووووووووره حبيبتي علي هالموضوع وصج حلو التفاؤل
أنا صارلي متزوجه 7 سنوات

وأنا ووجي ما عندنا مشاكل بالحمل

بس ربي مو قاسم انه يرزقني

أنا حملت مره وحده فقط لي الشهر الثامن وتوفي البيبي انفصلت عنه المشيمة كان باقيلي يومين وأدخل التاسع


أن شاء الله ربي حبيبتي يرقنا جميعا


ربي لا تذرني فردا وأنت خير الوارثين


بنوته

أشلون الطريقة اذا براجع بمستشفي الصباح


وصج أنا شخصيا النفسية مو شي وكله عصبية وصار يضايقني لم أزور أي شي ويسألني عن الحمل

حتي صرت ما أحب أروح للناس

من كثر ما يسئلون

 

[جارة القمر]

مشاركة: تجمع الامل

bnt_kwt


في دكتوره قايلتي عن قهوة الشعير
بس اللي تأخذينه من أرض الطبيعة اللي بسوق شرق أو مجمع الأيوب

أسمه قوة السدو الشعير

طعمه حلو ما فيه شي



جربيه

تقول حق الحمل زينه مسوين عليه أبحاث


والله يرزقنا جميعا

يارب

 

[أغصان]

مشاركة: تجمع الامل

قوه بنات
الله يرزقنا واياكم بالذريه الصالحه اللهم آمييين

بنات بغيت أسأل عن مستشفى الصباح شلون نسجل عندهم علشان اطفال الانابيب ؟
ومتى يجينا الدور علشان يسوون لنا العمليه ؟ سمعت ان الدور يجينا بعد 4 الى 5 سنين !! صج هالكلام ؟
عفيه بنات قولولي والله هلكتنا الديون علشان عمليات اطفال الانابيب بالمستشفيات الخاصه

والله يرزقنا ويرزق كل محرومه يارب

 

[ورد وردي]

مشاركة: تجمع الامل

شنو قهوة الشعير اول مرة اسمع فيها؟
والله يرزقنا كلنا وعليج بقراءة الرقية الشرعية

 

[سبائك]

مشاركة: تجمع الامل

يااااااااااااااااااااااااااارب ترزق كل وحده فيكم الذريه الصالحه ياااااااااااااااااااااااااارب

أكثروا الأستغفار يا بنات وعسى ربي ما يحرمكم شوفة ذريتكم يالله يا كريم

وربي سبحانه ما يقصر بس يبي الألحاح بالدعاء وأن شاءالله بتشوفون كل خير

 

[أغصان]

مشاركة: تجمع الامل

قوه بنات
الله يرزقنا واياكم بالذريه الصالحه اللهم آمييين

بنات بغيت أسأل عن مستشفى الصباح شلون نسجل عندهم علشان اطفال الانابيب ؟
ومتى يجينا الدور علشان يسوون لنا العمليه ؟ سمعت ان الدور يجينا بعد 4 الى 5 سنين !! صج هالكلام ؟
عفيه بنات قولولي والله هلكتنا الديون علشان عمليات اطفال الانابيب بالمستشفيات الخاصه

والله يرزقنا ويرزق كل محرومه يارب

 

[المرفأ~~]

مشاركة: تجمع الامل

الله يرزقكم ان شاءالله بالذريه الصالحه ...


بنات بالنسبه للمراجعات قبل لاتروحون للدكتور استخيرو ...
وشي ثاني انا سمعت ماشاءالله اشكثر حريم مده طويله ماحملو وراجعو
عند مركز الدكتور منصور العرف والحين ماشاءالله لااله الا الله..

ليش ماتروحون تفحصون عنده...؟؟؟
وطبعا كل شي بيد الله .

وبالتوفيق ان شاءالله وسمحولي على دخوول الموضوع .

وقلبي معاكم ..

 

[bnt_kwt]

مشاركة: تجمع الامل

الله يرزقج ياعمري

صدقيني النفسيه لها دور كبيييييييييييييييير

انا من تسع شهور كنت اول وحده تحط موضوع اسمه ((حلو التفاؤل)) بحواء

والحمدلله حملت بنفس الشهر وبدون علاج ماشالله

بس صج صج كنت متفاءله وحاطه املي كله بالله تعالى


ونصيحه ثانيه

شكثر سمعت عن عصير الاناناس
قصص كثيره اثبتت انه يقوي التبويض ويساعد على الحمل

جربيه وشوفي

اي والله حلو التفاؤل وانا حاطه هالجمله بتوقيعي
شفتها بحوا واعجبتني
مشكوره يا عمري وعسالله يتمم عليج وتولدين بالسلامه ولاده سهله من غير تعب يارب
وانا الحمدلله حاطه املي كله برب العالمين وماراح اخلي نفسيتي تتعب وتاثر علي

 

[bnt_kwt]

مشاركة: تجمع الامل

moorjan
ليش متعبه عمرج جذي حمدي ربج على كل حال
شنو يكون شعورج لا حملتي ووصلتي لي الشهور الاخيره ومات الجنين من غير سبب لا قدر الله
ولا شنو بيكون شعورج لا حملتي وكملتي حملج والله رزقج بطفل مريض ولا معاق او سليم مافيه شي بس عااااق ؟؟ مو الصبر والتوسل برب العالمين احسن
كل شي بوقته ومتى ما الله اذن واراد صدقيني بيصير خلج طبيعيه وتفائلي ترا صج التفاؤل يحيي القلب والله وهالشي انا جربته شخصيا كنت هامله نفسي وحالتي وحياتي كلها بجي ونكد لي درجه انه ريلي قال لي خلاص رحمي حالج ورحميني معاج من سمعت عن وحده حامل فرح لها وبنفس الوقت ابجي كله احس انه فيني نقص بس يوم سلمت امري لله وشلت الفكره من بالي
وقمت اتعالج الحمدلله وايد امور تعدلت معاي حياتي صارت احلى نفسيتي مع ريلي تغيرت والله قمت احس بطعم الحياه ما عليه صحيح ما عندي عيال بس انا ادري انه ربي ماراح ينساني وربي يحب الانسان اللحوح اللي يتوسل فيه فاكثري من الدعاء والستغفار والحمد والشكر على كل حال وما عليج الا العافيه
وربي يرزقنا مع بعض انشالله بالذريه بالقريب العاجل اللهم امين

 

[bnt_kwt]

مشاركة: تجمع الامل

جارة القمر
يا حياتي الله يعينج ويرزقج انشالله
جاره حبيبتي نفس كلامي حق مورجان اوجهه لج بعد ترا النفسيه تلعب دووووووور كبير بالعمليه كلها يعني ممكن انها تأثر على ـاخير الدوره تخربط الهرمونات هذي كلها وساوس من الشيطان
تعوذي من ابليس واستغفري وحمدي وشكري ربج وماراح يخذلنا

وبالنسبه حق العلاج بمستشفى الصباح
اول شي تروحين المستوصف يطلبون منج تحاليل تسوينها وتالي يعطونج تحويل حق المستشفى
واهناك عاد من تروحين يحطون لج موعد ويطلبون عليج تحاليل ثانيه
روحي وشوفي وما عليج الا العافيه انشالله

 

[bnt_kwt]

مشاركة: تجمع الامل

الجـــــادل
هلا حبيبتي
ما اعتقد انهم يطولون هالكثر خاصه اذا كانت اول مره لج عندهم بس اشلون طريقتهم والله ما ادري ما اقدر افيدج فيها روحي واستفسري
احسن واضمن واخذي منهم الكلام الاكيد
وانشالله تفرحينا بالقريب العاجل باخبار حلوه

 

[bnt_kwt]

مشاركة: تجمع الامل

سبائك
الله يسمع منج يا سبوجه يا عمري وعسالله يجزيج كل خير اللهم امين

المرفأ~~
هلا والله وغلا فيج
صاجه الدكتور منصور وايد يمدحونه ومشالله عليه اشهر من النار على العلم
انا اتكلم عن نفسي الحمدلله دكتوري اللي الحين واااااااايد زين وانا متفائله فيه
ومرتاحه نفسيا حق اسلوبه وطريقته بالتعامل معاي
افكر اني اروح خاص مره ثانيه بس ارد واقول صبري الصبر زين وما بعد الضيقه الا الفرج
واول وتالي كل شي بيد رب العالمين

مشكوره حياتي والله يعطيج العافيه

 

[أغلى حبيبه]

مشاركة: تجمع الامل

الله يرزق كل محروم يارب الذريه الصالحه

والصبر مفتاح الفرج ان شاءالله

 

[bnt_kwt]

مشاركة: تجمع الامل

اغلى حبيبه
تسلمين حبيبتي على هالدعوه الطيبه
والله يعطيج العافيه ويقومج بالسلامه انشالله