تجمع أولياء أمور مدرسة التكامل(صباح السالم)للعام الدراسي2009-2010

[كويتيه ذربه]

رفرف الله يهديهم انشاءالله ويوفقهم يارب

 

[بشوشه]

بنات اختارو يوم نروح فيه مطعم مثلا ابل بيز مشرف شي يكون بالنص عشان نقدر نتجمع من 7 و نص عشان ننوم اليهال و نقز نتعرف على بعض و نستانس

اول شي خل نعرف اعمار بعض (ادري لقافه بس حب استطلاع ) ووين تشتغل

انا 27
اشتغل بوزارة الكهرباء و الماء

 

[Miss_Tiger79]

كويتيه ذربه
لا الحارس يكون على الاقل واقف واقوله بروح حق الكيجي يدخلني عادي وانطر الثاني بالساحه

بشوشه
ليش الاحراج
يعني العمر لازم ؟؟؟ لا اتغشمر

العمر30 توني مكملتها .... اهون على نفسي يعني مو كبيره
واشتغل بوزارة المواصلات

وفكرتج خوش فكره والله

 

[رفرف]

هههه وصلتو للعمر ؟؟ انا ليلحين ما كملت 30 باقيلي شهر اسمالله علي يعني اصغر منج تايقر
بس انا ساكنة بآخر الدنيا ويني وين الطلعات لا وتدريس بس من ينامون بناتي يصير بس ودي انسدح وماسوي ولاااااا شي (طبعا ماقدر اسويها) ومعتزلة العالم الخارجي والحياة الاجتماعية ليييين اتيي العطلة يعني زين مني اذا شفتوني بالمدرسة وعيني بقمة راسي بعد ..

 

[كويتيه ذربه]

مس تايجر اذا حق الكيجي يمكن عادي بس حق الابتدائي مايرضى

بشوشه وي طلعت انا اكبر وحده

 

[manarah]

لأ لأ لأ لأ ما اتفأناش على كده :dddds: وليييييش العمر يعني ... بشوشه التعارف ما يصير الا بالعمر مو لازم ...
كويتيه ذربه دونت ووري احتمال انا اكبر منج لاني انا بعد فوق الثلاثين بس انا اقولكم ترى الواحد كل ما يكبر يحلى (مشوها انتوا عاد ) ..

بشووووووشه انا وياج نعمل في نفس المكان يللا قوليلي انتي اي قسم عشان انا اقولج _03BA:

رفرف خلاص عيل علشانج نتيمع عندكم بالاحمدي ترى انا من عشاق هالمنطقه احبهااااا عاد وين نتيمع ماكو الا الحديقه :dddds:

 

[كويتيه ذربه]

مناره اشلونج
واشلون ريلج الحين

 

[manarah]

هلا كويتيه .. الحمدلله ريلي احسن بس اذا مشيت وايد تعورني بس يقولون عادي يبيلها وقت انشالله

 

[كويتيه ذربه]

مناره الحمدلله بس لمن تمشين خلي مشيتج سيده لاتحاولين تعرين انا لمن انكسرت ريلي قالوا لي امشي سيدي لان العظمه تلتئم بعد المشي
وكثري من الجيلي

 

[manarah]

والله غصبن عني اعري شوي ماحسها سيده بس بحاول باذن الله .. مشكوره وتسلمن وماتقصرين .. ترى ما قلتيلنا وين تشتغلين والعمر لا خليه بيني وبينج اذا شفتج يكفي فضايح اهني ههههههههه

 

[نواره الحلوة]

العمر يالهوي ....... آنا فوق الثلاثين بشرطه واحده
مناره
تكفييين لا تقولين انتيمع بالأحمدي لأني ماأصدق اتصير الساعة ثلاث وأطلع منها لأني اشتغل بشركة النفط فلا اتقولين اطق الدرب مرة ثانية مستحيييييييييل بس والله أنصحكم بهالجو اتمشون فيها لأنهم بادين يزرعون ويعدلون فيها وطبعا الأحمدي بالشتا تصير موصج

 

[نواره الحلوة]

نواره اشلونج مع تدريس ولدج الكبير للحين الحمدلله كل شي اوكي
بس الله يعيننا اذا زادت الكلمات

والله ليلحين Ok الانجليزي والماث بس بالعربي يبيله بعد مجابل اشوي ومخرب عليه انه شيطان بالصف والظاهر المدرس مو بالعه علشان جذي كل ساع يقول خلاني اوقف ورا مع انه بالأملاء يايب كله درجات كاملة ويحل بروحه بس ما أدري شنو مشكلته بالضبط

 

[نواره الحلوة]

بنات
بسألكم يتكم الورقة مالت فحص النظر ؟ اشرايكم آنا أقول أسويه بره جدام عيوني أحسن ؟؟؟؟ اشرايكم

 

[بشوشه]

لأ لأ لأ لأ ما اتفأناش على كده :dddds: وليييييش العمر يعني ... بشوشه التعارف ما يصير الا بالعمر مو لازم ...
كويتيه ذربه دونت ووري احتمال انا اكبر منج لاني انا بعد فوق الثلاثين بس انا اقولكم ترى الواحد كل ما يكبر يحلى (مشوها انتوا عاد ) ..

بشووووووشه انا وياج نعمل في نفس المكان يللا قوليلي انتي اي قسم عشان انا اقولج _03ba:

رفرف خلاص عيل علشانج نتيمع عندكم بالاحمدي ترى انا من عشاق هالمنطقه احبهااااا عاد وين نتيمع ماكو الا الحديقه :dddds:

انا بشئون المستهلكين يالله مريني و انتي ؟

 

[Miss_Tiger79]

نواره
اي وصلتلنا فحص النظر
حتى ريلي قال اسويه بره احسن
بس انا اقول انهم لما يسوونه بالمدرسه يسوونه على اساس انه يشوف اللوحه او شي جذي

كويتيه ذربه - مناره - نواره
ها اشوفكم جاوبتو بس ما كتبتو العمر ؟؟؟ يالله نبي الفضايح

رفرف
يعني بتهونين على عمرج لا خلاص صرنا 30 وخلاص
بس اتفقت ان كل سنه ازيد نص سنه يعني عقب سنتين يصير عمري 31
وكل عام وانتي بخير مقدما

 

[بشوشه]

الظاهر صج احنا العرب اتفقنا ان لا نتفق ها ما قررتو ؟؟؟؟؟؟؟؟؟؟؟؟؟
حبيباتي تصدقون مرات الواحد يحب ناس ما شافهم و لا عرفهم و اذا حابين نكتفي بالنت ترى هم وناسه كافي ان اللي جمعنا اغلى شي بالدنيا اللي اهما عيالنا

 

[رفرف]

تايقر انا محفظة بنتي ان عمري 22 !! كيفي واختي اللي اكبر مني 23 هم كيفنا ههههه لأن عيالنا يتسلطون بالزوارة انا امي عمرها مادري جم جدام النسبا فضايح

 

[Miss_Tiger79]

بشوشه
اي انا ابي يمعه بس وين ما ندري
انا اقترح ااجر باص وامركم وحده وحده ..شرايكم ؟؟

خلاص اتفقو على مكان بين الاحمدي ومشرف .. شرايكم بالمطاعم الي قبل كويت ماجيك
عشان نرضى جميع الاطراف

رفرف
اليهال احراااااااااااااج جم مره يسألون ابوهم جم عمر امي واهوه يقولهم الصج وانا اقول 25 يجكوني

 

[jolie_q8]

صباح الخير بنات

انا غطيت غطه ,, ادش المنتدى بالبوقه ,,

صارت لي ظروف الاسبوع اللي طاف الله لا يعيدها

اول شي دقو علي المدرسه علشن اخذ ولدي(اللي بثانيه) لانه فيه حراره ورحت خذيته والا حراره والعصر ابوه وداه الطبيب

والا البلاعيم ملتهبه وعطوه مضاد وثاني يوم من الصبح كلمت دكتور بالاميري ,, وقالي خل ايني افحصه واخذ له مسحه من بلعومه وخشمه

علشان يعرفون اذا فايرس الخنازير او لا ,, ,, وطبعا قالي عزليه ,, لانه خطر علي وعلى ولدي الصغير يقول اللي فوق 5 سنوات ماعليهم شر !! عاد شوفوا عبالي مع العزل ,,, واااااااااي هذي بروحها مأساه

والمسحه خذوها الاربعا الصبح قالولي 24 ساعه ,, وقالي الطبيب لا تحاتين ,, بس انتي ابدي معاه المضاد ,, لانه يحتاج حق بلعومه

وطبعا ما طلعت النتيجه الا اليمعه الصبح ,, الحمدلله مو فايروس الخنازير ,,

والخميس ريلي تعبت ودخلوه المستشفى ,, واهنيه انا صج اعتفست والحمدلله عدت الازمه على خير ,, واهوا الحين بالبيت الف الحمدلله

بس امس جسمه متكسر وشكله ماخذ برد ,, مسكين من شي لي شي

------
المهم ولدي داوم امس وبالهده قابلت ابلته العربي ,, تلوع الجبد نفس خايسه واتكلم من طرف خشمها ,, واكلمها تقص سالفتي وتكلم ابو ثاني !!

انا اهنيه تعوذت من ابليس ,, ونطرتها تخلص كلامها ,, وقلت لها اشلون على الاملاء ,, اهوا ما قدمه الخميس !! ترفع لي جتوفها يعني شتسوي !!!!
انا اهنيه خلاص العداد وصل حده , قلت لها شلون يعني ,, اهوا عنده اجازه من الطبيب وكان فيه انفلونزا !! جاه تقول ايه انفلونزا خلاص باجر
,, قلت له خير ومشيت ,, بس كلش انطباعي مو شي عنها ,,

بشوف اليوم اذا سوته له او لا ,, اذا لا باجر بروح اشتكي عليها !! شنو هالمعامله

على قوله ريلي ,, احنا ندفع فلوس حالنا حال الكل ,, اذا في ناس يدفعون اكثر منا خل يقولون لنا علشان ندفع

عاد انا ينيي عدم الاحترام ,,

قرقت عليكم ,,

 

[بشوشه]

بشوشه
اي انا ابي يمعه بس وين ما ندري
انا اقترح ااجر باص وامركم وحده وحده ..شرايكم ؟؟

خلاص اتفقو على مكان بين الاحمدي ومشرف .. شرايكم بالمطاعم الي قبل كويت ماجيك
عشان نرضى جميع الاطراف

رفرف
اليهال احراااااااااااااج جم مره يسألون ابوهم جم عمر امي واهوه يقولهم الصج وانا اقول 25 يجكوني

يا قلبي اللي تامرون فيه انا اقترحت الفكره و انتو عليكم تاشرون عالمكان
عاد العمر ما يهم انا خواتي و الله مستحيل احد يقول انهم 30 وقفو عند 28 ما شاء الله ترى الروح تعكس عالوجه عاد خلي روحج مرحه

امس ما عطونا ورقة الاسلاميه شنو فيها شعندهم هالاسبوع جريد 1؟؟؟؟