تجمع أولياء أمور مدرسة التكامل(صباح السالم)للعام الدراسي2009-2010

[manarah]

السلام عليكم ...

جولي صج فقدناج ما تشوفون شر انشالله والحمدلله على سلامه ولدج وابوكم ..

مس تايقر العمر يا توقفينه عالثلاثين يا انج تردين 29 .. الزياده ما تمشي عندنا يعني مو تزيدين كل سنتين بسنه .. لأ ... خلاص حفظي اعيالج رقم ولا تغيرينه ..

بشوشه .. انا اشتغل باداره التصميم راح اتفق وياج عالخاص اذا داومت واشوفج انشالله ... الاسلاميه هالاسبوع سوره الاخلاص ودرسين من الكتاب بس نسيتهم شنو اهم وكاتبين ملاحظه اخر الجدول ان الياهل لازم يسمع تلاوه ويراجع الدروس السابقه ..

 

[jolie_q8]

وعليكم السلام ,, هلا مناره

الشر ما ايج حبيبتي ,, شلون ريولج؟ عسى اشوه

 

[نواره الحلوة]

جولي
ماتشوفون شر ان شاء الله واحتسبي الأجر والله يعينج

 

[jolie_q8]

ما تقصرين نواره ,, الشر ما ايج ,,

والله ياجرنا يارب

 

[كويتيه ذربه]

والله غصبن عني اعري شوي ماحسها سيده بس بحاول باذن الله .. مشكوره وتسلمن وماتقصرين .. ترى ما قلتيلنا وين تشتغلين والعمر لا خليه بيني وبينج اذا شفتج يكفي فضايح اهني ههههههههه

ماتشوفين شر
انا اشتغل بوزاره الداخليه
والعمر:eh_s(1):

 

[كويتيه ذربه]

جولي ماتشوفون شر واجر وعافيه انشاءالله

 

[كويتيه ذربه]

والله ليلحين ok الانجليزي والماث بس بالعربي يبيله بعد مجابل اشوي ومخرب عليه انه شيطان بالصف والظاهر المدرس مو بالعه علشان جذي كل ساع يقول خلاني اوقف ورا مع انه بالأملاء يايب كله درجات كاملة ويحل بروحه بس ما أدري شنو مشكلته بالضبط

حتى ليش يوقفونه
كلميه قوليله كلما شيطنت راح يعاقبونك وماتداوم

 

[manarah]

وعليكم السلام ,, هلا مناره

الشر ما ايج حبيبتي ,, شلون ريولج؟ عسى اشوه

الف الحمدلله كل يوم عن يوم تتحسن ...

كويتيه ذربه اشفيج قلنا ما نبي انييب طاري العمر خلاص كلنا 30

 

[بشوشه]

السلام عليكم ...

جولي صج فقدناج ما تشوفون شر انشالله والحمدلله على سلامه ولدج وابوكم ..

مس تايقر العمر يا توقفينه عالثلاثين يا انج تردين 29 .. الزياده ما تمشي عندنا يعني مو تزيدين كل سنتين بسنه .. لأ ... خلاص حفظي اعيالج رقم ولا تغيرينه ..

بشوشه .. انا اشتغل باداره التصميم راح اتفق وياج عالخاص اذا داومت واشوفج انشالله ... الاسلاميه هالاسبوع سوره الاخلاص ودرسين من الكتاب بس نسيتهم شنو اهم وكاتبين ملاحظه اخر الجدول ان الياهل لازم يسمع تلاوه ويراجع الدروس السابقه ..

ويييييييييييييييييييييييي يا حسرتي انا شسويت قلبت المواجع على العمر لووووووووووووووووول

انشالله حبيبتي نلتقي بالدوام اول ما تداومين دزيلي عالخاص ما تشوفين شر يا عمري

 

[كويتيه ذربه]

الف الحمدلله كل يوم عن يوم تتحسن ...

كويتيه ذربه اشفيج قلنا ما نبي انييب طاري العمر خلاص كلنا 30

اوكي خلاص كلنا 30

 

[Miss_Tiger79]

جولي
سلامات انشالله
اجر وعافيه يا رب
والحمدلله على سلامت ولدج وسلامة ريلج
وما تشوفون شر انشالله
عاد شكلج اليوم حدج تعبانه ....
ميخالف الحين الجو كله فلونزا ولا تحاتين


خلاص صرتو كلكم 30
ماشالله متفقين على مواليد 79

 

[كويتيه ذربه]

تايجر اي وقف العداد على 30
بس انا بعده بشوي مو وايد

 

[رفرف]

شلونكم امهات ؟؟؟

جولي المفقودة سلامتكم ما تشوفون شر الجو يمرض الله يكافينا الشر ..

باقي البنات شخباركم ؟؟

احنا بنيتنا ما داومت اليوم .. امس طول الليل مادري شفيها تكرمون اترجع .. بس ماكو اي اعراض اخرى ..
الصبح صارت زينة بس انا قلت خل اتطمن اكثر اخاف اوديها وتتعب عليهم ..
صكيته عرضي وماداومنا احنا ال2 ..
صارت الساعة 10 ونص تمللنا جان اقول وعليه بناتي كله محكورين خل اطلعهم ,. ونروح الافينيوز والعبهم واونسهم وادلعهم من زمان ما طلعنا جذي ويالله 5 المغرب ردينا كانت خووش طلعة وجابلنا الواجبات وتونا مخلصين الحمدلله ..

 

[كويتيه ذربه]

رفرف
ماتشوف شر اشلونها الحين
زين سويتي طلعتيهم يغيرون جو

 

[Miss_Tiger79]

سلامتها صبويه
ماتشوف شر

وزين سويتي

 

[باونتى]

أمهات التكامل شلونكم وشلون عيالكم مع الدراسه .. بصراحه ودى يجدموون دوام الكى جى 1 ولدى زهق من قعدت البيت وكله هواش مع أخته ويدقون على بالدوام بجى وصراخ على الاقل خلا يداوم ويستفيد

 

[بشوشه]

اليوم الحمدالله واااااايد الهومورك خفيف بس كلمة الى بدع فيها و مو عارف شنو معنى اشارت يقول اعرف يعني الاشاره الحمرا ؟؟؟؟؟؟؟؟؟
الله يعني قاعد يفكر و الله يحليلهم اليهال اللي يقعد معاهم يحس انه ياهل و ترد طفولته

احس اكثر وحده مستانسه اني قاعده ادرس اهي الماما تقول و اخيرا صرتي ام
يا شماتت ابله طازه فيه

 

[manarah]

رفرف .. سلامتها صبويه ما تشوف شر وزين سويتوا على هالطلعه تغيير

بشوشه الحين اشوف ولدي قام يخربط اكثر واكثر بالهمزات بس قاعدع احاول اعلمه الفرق بين أ و إ ومساكين صج امضيعين انا اقول حق ولدي حط السكون يقوولي ايه الزيرو

باونتي .. شخبارج واشلون ولدج .. والله حالي من حالج انا بنتي طقت جبدها من قعدت البيت وطول اليوم اهواش مع اخوها اللي المفروض حضانه وهم امعطل حتى اول العطله كنت شاده حيلي وياها ومعلمتها الاحرف والارقام والاشكال الحين مليت ماقمت اراجعلها وشكلها نست بس صج مسكينه كل يوم تسأل متى اروح التكامل جان زين يجدمون الدوام .

 

[نواره الحلوة]

أمهات التكامل شلونكم وشلون عيالكم مع الدراسه .. بصراحه ودى يجدموون دوام الكى جى 1 ولدى زهق من قعدت البيت وكله هواش مع أخته ويدقون على بالدوام بجى وصراخ على الاقل خلا يداوم ويستفيد

اي والله باونتي ولدي الصغير يعيش حياة البطالة وكلنا نطلع عنه الصبح وأرد من الدوام وأجابل الكبيرعلى الواجبات مسكين أحس انه مهتمة فيه وايد لأن ما عندي له وقت وايد أحسن لو يداومون

 

[jolie_q8]

مشكورين حبايبي ما تقصرون

مس تايقر: اي والله تعبانه ,, اسمحيلي حبيبتي ماكنت مركزه كلش كنت حدي محتره من ولدي لانه منطرني صارلي شكثر ,,

رفرف : ما تشوف شر صبويه ,, وزين سويتي رفهتوا عن روحكم

طبعا ولدي اللي بثانيه ,, راح يخليني انهار امس ينيت وقعدت

اول شي ,, قالي ما عطتنا الابله الاملاء (العربي) مع انها قالت لي انها بتعيده له

وثاني شي ,, كاتب لي مدرس الاسلاميه ملاحظه انه مو حافظ الجزء الثاني من العاديات ,, واهم شي انه خاش الورقه مايبيني اشوفها

انا هذا اللي حرني اكثر شي

المهم واجابله امس واقعد احفظه العاديات + الزلزله طبعا الحفظ نص ونص ,, انا مادري ليش ما يحفظونهم جماعي ,, انا ماذكر واحنا صغار امهاتنا يحفظونا !!

عاد اليوم الصبح رحت حق ابله العربي ,, والا تقولي انها يمعت الغايبين علشان يعيدون واهوا طلع البريك !!!!

واي ماصدقت انه ولدي جذيه سوالفه ,, عاد قلت لها ميخالف عيديه له اليوم ,, مابي شي يطوفه

ورحت حق مدرس الدين وقلت له انه كان غايب الاسبوع اللي طاف ,, وما حفظ ,, والحين حافظ ياليت تسمع له

وبس ,, والسؤال اللي يطرح نفسه !! هذا بثانيه ابتدائي وانا قلبي مشلوع شلون لي صار بالمتوسط !!

ماظنتي بظل صاحيه