تجمع أولياء أمور مدرسة التكامل(صباح السالم)للعام الدراسي2009-2010

[Miss_Tiger79]

ورد وردي
المدرسه انا اشوفها زينه
وهم من ناحيه الدين هم مهتمين بس مو الي وايد بس يحفظون السور الصغار
وترى مافيها تمهيدي



بنات مافي وحده عيالها بكي جي2d عند مس كارين؟؟؟؟؟؟؟؟؟؟

 

[رفرف]

شلونكم بنات ؟؟


تايقر ..
صبوية تقول انا كاشخة وأم عبود ما شافتني !!! بس على قولتها شوووفي كل الناس يقولون انا حلوة وأميرة ونفنوفي حلو (مغرورة هالبنية) اقولها منو قالج ؟ تقول كل الناس اللي اعرفهم ولي ما اعرفهم .. بس والله مستانسة ..

مناره ..
يختي حلاته اي قالتلي عزوز قالي انتي لابسة أميرة تقول قلتله لا ميرميد بس اهوه مقتنع انها اميره ..


باقي البنات .. شلونكم ؟

نواره
اي والله سواها زوارة .. انا لما رحت ماشفت اليهال لابسين كستيومز قلت يمكن يضيق خلقها ماشوف الا البنية تشققت تقول احسن علشان بس انا اصير الاميرة ..

 

[Miss_Tiger79]

وينكم
صخه
شكلكم ما صدقتو الويك اند ايي تخففون الضغط الي نشوفه ايام الاسبوع

 

[رفرف]

تايقر ...
مريحين شوي ..
نطري علينا اليوم تحوشنا الحالة اللي كل وحدة اتدش تشكي حالتها اللي تمجع شعرها واللي يحوشها انهيار عصبي واللي تنام ع الغنفة واللي تسوي سبا وتبجي (كلش ما اتكلم عنكم) ...

 

[Miss_Tiger79]

رفرف
والله ضحكتيني
تصدقين ليش يصير جذي مادري
مع انه لو تفكرين فيها تقولين احنا ليش نحرق اعصابنا يعني الشغله عاديه بس احس قلوبنا حاره عشان جذي

 

[manarah]

تايقر ...
مريحين شوي ..
نطري علينا اليوم تحوشنا الحالة اللي كل وحدة اتدش تشكي حالتها اللي تمجع شعرها واللي يحوشها انهيار عصبي واللي تنام ع الغنفة واللي تسوي سبا وتبجي (كلش ما اتكلم عنكم) ...

:dddds: ضحكتيني والله اللي تنام عالغنفه هذي اعرفها عدل لا والمشكله بعد التدريس احس جسمي متكسر خلاص ليييييييش راكضه ؟
مس تايقر بس يبدي الويك اند خلاص ننسى الموضوع صج نحس انه افراج من بعد ضغط الاسبوع لا وعلى قولتج اصلا شي ما يسوى بس احنا اللي نبيهم فطاحله .. مساكين امعورين قلبي .

 

[بشوشه]

السللام
اهلين و سهلين وااااااااااي يا حلات الويكند وايد استانست صج اشتغلنا عالخفيف بالاحرف عشان ما ينسى بس وناسه مو قعده ساعتين
انا بس اقول الله يعين اليهال

تصدقون ولهت على حياتي الاوليه بدون التزامات لمن كان وليدي بالروضه وناسه اطلع معاه السوق و الالعاب و عادي و انا و ريلي مو متنشنين الحين اعصاب جباريت

 

[كويتيه ذربه]

السلام
اشلونكم بعد البريك انشاءالله ريحتوا اعصابكم
عشان نبدي اليوم نكمل مشوار التعب

 

[بشوشه]

تكفون نبي تفاعلكم اول باول انا بدرسه و احط الابتوب يمي يمكن احتاج سؤال او تحتاجون سؤال

 

[بشوشه]

رفرف
والله ضحكتيني
تصدقين ليش يصير جذي مادري
مع انه لو تفكرين فيها تقولين احنا ليش نحرق اعصابنا يعني الشغله عاديه بس احس قلوبنا حاره عشان جذي

مره سمعت د. فوزيه الدريع تقول ان المراه الكويتيه دائما على اعصابها لانها تحب كل شي يصير بيرفكت ( كامل )
و الظاهر مع الايام اكتشفت اني كويتيه لوووووووووووووووووووووووول

صرت لحد يحيجيني يوم الاربعاء لان وراي املاء

 

[رفرف]

انا بالعكس مابي بنتي تصير بيرفكت عادي يعني بس يهمني الهوموورك يخلص وللأسف ما يخلص الا بشلعة قلب ما تحل بطييييئة تقعد ساعتين على ورقة وحدة ماعندها مشكلة وان هديتها ورحت مكان القاها متفننة بالورقة مسطرتها ومشخبطتها وتارستها ستيكرز ظيييييم فأتعذب وانا مجابلتها لين تخلص ..

غير جذي ماعندي مشاكل

 

[بشوشه]

انا بالعكس مابي بنتي تصير بيرفكت عادي يعني بس يهمني الهوموورك يخلص وللأسف ما يخلص الا بشلعة قلب ما تحل بطييييئة تقعد ساعتين على ورقة وحدة ماعندها مشكلة وان هديتها ورحت مكان القاها متفننة بالورقة مسطرتها ومشخبطتها وتارستها ستيكرز ظيييييم فأتعذب وانا مجابلتها لين تخلص ..

غير جذي ماعندي مشاكل

الله يبعد عنج المشاكل و يهديلج بنوتحج و الله يا حلات البنات انا بنتي اللي بالروضه زوووووووووووغه ربي يحفضها اهي اللي مدلعتني بس الولد مدلعته موت و مو فايد
بس ربي يحفضه وايد شاد حيله و قام ياخذ الامور جد و مرات البيرفكت شعور حلو يحسس المدرسه بمدى دور الام و اهتمامها باعيالها .
نصيحه خلي بنتج بطيئه احسن من انها تستعجل بس عشان تخلص و بالنهايه تكون مو مركزه
و في بريطانيه قالت لي ساعه في اليوم لحل الواجبات بشكل مختصر يحفوز الطفل للدراسه ثاني يوم بس اذا زادت تتحول الى روتين و الطفل ما يحب الروتين
و الله ما عرفنا شنسوي مع هاليهال ربي يحفظهم
ترى جد يبيله يوم ينامون و نتجمع في اي مطعم نتسامر عنهم

 

[نواره الحلوة]

بشوشه
إي والله صاجه لأن مس آن مدرسة ولدي اتقول إذا طول الولد أكثر من ساعة وحدة في حل الواجبات يعني عنده مشكلة والله وكيلج احنا الساعة اتصير ساعات مع استراحات مع لعب مع أكل والله مرات نوصل لي وقت أنا أوكله العشا وهو يكتب من كثر ما يضيع الوقت

 

[كويتيه ذربه]

نواره اشلونج مع تدريس ولدج الكبير للحين الحمدلله كل شي اوكي
بس الله يعيننا اذا زادت الكلمات

 

[رفرف]

بشوشه المشكلة ما تخلص بالمدرسة الابلات يشتكون واتيي تخلصه بالبيت .. غير واجبات البيت ..
يعني حرام اهيه خطها زين بس لازم تسرع شوي ..
اهيه عموما بطييئة بكل شي باللبس بالاكل بالمشي حدها دلوووعة لي رحنا مطعم اول من نطلبله اهيه يوصل طلبها حتى قبل لا نطلب واحنا نقوم وهي ما خلصت اكلها ..
الحين شوي احسن لأن قامت تحس ان اليوم يروح عليها وهي ماسوت شي غير مجابل الواجب بس طبعا لازم انا فوق راسها واحن يالله ويالله علشان اتخلص ..

انا مابقى كتاب تربية ولا تدريس ولا علم نفس ما قريته وهم احس مو قادرة ومو عارفة مع اني مدرسة واعرف اتعامل مع البنات اللي ادرسهم بس اوصل لي بنتي وادوس بريك ابي احد يعلمني ...

 

[كويتيه ذربه]

بشوشه المشكلة ما تخلص بالمدرسة الابلات يشتكون واتيي تخلصه بالبيت .. غير واجبات البيت ..
يعني حرام اهيه خطها زين بس لازم تسرع شوي ..
اهيه عموما بطييئة بكل شي باللبس بالاكل بالمشي حدها دلوووعة لي رحنا مطعم اول من نطلبله اهيه يوصل طلبها حتى قبل لا نطلب واحنا نقوم وهي ما خلصت اكلها ..
الحين شوي احسن لأن قامت تحس ان اليوم يروح عليها وهي ماسوت شي غير مجابل الواجب بس طبعا لازم انا فوق راسها واحن يالله ويالله علشان اتخلص ..

انا مابقى كتاب تربية ولا تدريس ولا علم نفس ما قريته وهم احس مو قادرة ومو عارفة مع اني مدرسة واعرف اتعامل مع البنات اللي ادرسهم بس اوصل لي بنتي وادوس بريك ابي احد يعلمني ...

والله نفس الحاله
بنتي نفس الشي بطيئه بكل شي ساعه علما تبدل وساعه علما تاكل واذا يينا نطلع اخر وحده تركب السياره واخر وحده تنزل

وبالمدرسه نفس الشي ماتلحق عليهم
اليوم كلمت ابلتها العربي تقول حرام بطئها قاعد يخرب عليها ماتلحق تكتب ومستواها ينزل خاصه بالاملاء احنا نبدي بكلمه ثانيه وهي للحين تكتب طبعا وتسولف بالحصه مع انها شاطره بس تعبتني
مع انها مرتبه وخطها حلو

عكسي انا احب خلص شغلي بسرعه وبكل شي سريعه
ومن كثر ما:ada: دايما اطيح

 

[Miss_Tiger79]

بشوشه
اي والله صاجه يبيلنا يمعه وشرط تكون مو بالمدرسه .... (عاد انا حق الطلعات زاهبه)
وصاجه والله حتى بنتي اهيه مدلعتني بس الشباب الله يحفظهم مدلعتهم ومافي فايده
الله يصلحهم انشالله

مناره
الله يعينا ويعينج انشالله

كويتيه دربه
شخبارج

نواره الحلوه
حرام عليج لين العشا واهوه يدرس ..مو جنه وايد

رفرف
تدرين صبويه كل ما اشوفها تتكلم تذكرني بنفسي
ترى انا كل شي اسويه بطيييييييء وترى مو عن قصد انا عندي اني عاديه بس الكل يقولي انتي بطييييئه
وتدرين ليش تكعين بريك لما توصلين حق بنتج ... لانها بنتج
قلب الام
الله يحفظها



انا اليوم شنو تنرفزت .... رحت عند باب كي جي2 اخذ ولدي والا الحارس مسكر الباب وناطر لين الساعه2.20
وقلت ماكو الا اروح عند باب القريد1 وعلى ما وصلت الا زحمه السيارات ..حتى شفتج رفرف
حدي تنرفزت اليوم بروحي طالعه من الدوام ابجر عشان الزحمه

جولي
وينج من زمان
؟؟؟؟؟؟؟؟؟؟؟؟

 

[manarah]

شالاخبار ... ترى الخميس املاء عربي قلت ابشركم اخاف ما تقرون الورقه ... يللا عندكم هالاسبوع كلمة أشارت وكلمه إلى هذوله يدد شدوا الحيل .. واشلونكم مع كلمات الانجليزي .. دخلنا بالكلمات ذوات الأربع احرف والله يعينا .
احنا اليوم بدينا هووم وورك متأخر يعني عالأربع ونص وخلصنا 6 انا اشوفه زين لان الهووم ورك اصلا شويه وهالطواله كلها كانت منه مو من الهووم وورك ...

 

[كويتيه ذربه]

هلا والله مس تايجر انا بخير الحمدلله انتي اشلونج

باب الكي جي 2 صايرين مايبطلونه الا 2:20 عكس العام طول اليوم مبطل
وانا اوقف يم الباب عشان بس يبطلون انطلق اول وحده تذكرت ايام المدرسه هــــــــــده

 

[رفرف]

ذربة ..

وي طلع كل الجيل جذي ؟؟ بالضبط جنج تتكلمين عن بنتي انا اوصل باب المدرسة وهي ليلحين ما نزلت من السيارة هذا وجنطتها معاي مادري شتنطر ..
بس عسى مو بالاملاء جذي انا ماشفت ابلتهم العربي ولا مرة ولا كلمتها بس مس نافيدا مرة سألتها اذا بنتي وايد بطيئة ولا لا لأن كل مدرساتها بكل المراحل كانو يقولون شاطرة ومرتبة بس بطيئة بس قالتلي لا عادي قاعدة تخلص شغلها ..


مناره ..
احنا واجبنا وايد طلع عندنا جم صفحة بكتاب العربي مو حالينها من زود الدوخان والابلة كاتبتلنا نوت (الله يالفشلة وانا شادة حيلي بالتسطير والستيكرز والتلوين واخرتها 3 صفحات سقطت سهوا) .. وااااااااااااااي ما بغينا نخلص ..


تايقر ..
والله ما شفتج اليوم بس شفت جولي .. اكيد تلقونها حايسه مع عيالها الله يعينها احنا 1 وطالعة عينا .. اللي عندهم قريد1 و2 ماجوريييين انشالله .. انا مادري ليش كلمن يقول ييبي عيالج ورا بعض الربا واحد والتدريس واحد !!!! الا شلعة القلب دبل اسمالله عليهم الله يحفظهم ..


نواره ..
بالراحة لي العشا وايد .. انا والله الغدا صار فينا جذي اقولها كتبي كلمة واكلي لقمة .. وحرتني مو ماكلة ولا عود بالمدرسة حتى العصير والماي مو شاربتهم ..