تجمع أولياء أمور مدرسة التكامل(صباح السالم)للعام الدراسي2009-2010

[كويتيه ذربه]

والله من كثر ماعذبنا عيالنا بالواجبات
بنتي مريضه وانا كل يوم اخليها تكتب الهوم ورك
تقول ابي ارتاح وانا مستلمتها

صج عقدناهم من الحين

 

[manarah]

كويتيه يعني الحين تداوم والا بالبيت .. ومسكينه شتسوون بعد حاسه بمعاناتكم مع الواجبات خليها تخلص شوي شوي لا يتكود عليكم بعدين وتتوهقون ...

رفرف لبس الميرميد من وين ؟ طالبينه من ديزني ؟ واااي الكوستيوم اللي عندهم شي مو طبيعي انا بنتي طالبتها سندريللا بكامل ملحقاته وشي اينن والحين تبي سليبنغ بيوتي وتبي سنو وايت !! وبعدين خلي البرنسس صبويه تلبس على كيفها فرصه يرفهون عن نفسهم ... انا عزوز من قلتله واهو كل شوي يقترح على لبس اخر شي قلتله خلاص احطلك جنطه افصخ والبس على كيفك قام يضحك على يقوللي شنو زواره ؟ هههههههه

 

[كويتيه ذربه]

هلا والله مناره
والله غيبتها امس واليوم
بس باجر انشاءالله بوديها قاعده تطوفها الدروس ولمن ييت اشرحلها بالبيت حسيت اني ضعتها معاي
الحمدلله الحين راحت الحراره والحمدلله مافيها نشله ولا شي

 

[بشوشه]

اليوم من كثر الواجبات و قاعده اهياه للامتحانات اللي للخميس ما حفظته الايه ما كان في مجال
العربي وااااااااااااااايد مصخوها الاستاد اللي يوم يانا البيت قال مستحيل قبل لا يعلمونهم الاحرف كبدايه على طول جمل و املاء وايد عليهم جدي الطفل راح يحفظ فقط شكل بدون ما يحس بمعنى الحرف
يا جماعه انا مليت

 

[بشوشه]

انا ملاحظه شي
موجنه احنا قاعدين ندرسهم بالبيت اكثر من ما يدرسون بالمدرسه؟
جنهم معتمدين على تدريس البيت اكثر
و الله ودي ادور مدرسه احسن منهالتكامل

 

[Miss_Tiger79]

مناره
اي وصلت لنا الورقه
وماني عارفه شلبسه شكلي بقوله يتفق مع رفيحه يلبسون نفس الشي .... والا شرايج رفرف نلبسهم معرس وعروسه شرايج بالتونز
والا اخاف جولي ما ترضى لانه مخطوبه حق ولدها

كويتيه ذربه
انشالله بنتج ما فيها الا العافيه
والحين وقت الاحتقان والحراره
انا توني خافه عني الحراره والاحتقان بس كانت على خفيفه

 

[manarah]

بشوشه ترى هذا حال كل المدارس يعني انا اعرف وايد بمدارس مختلفه وكلهم نفس الحاله وترى اعيالنا هم بالمدرسه مكروفين .. وطريقه تعليم الكلمات بالعربي قبل الاحرف هذي حتى الحكومه تدريسهم جذي الحين .. بس انا ودي انهم كانوا بكي جي 2 يخلصون وياهم كل الاحرف بالعربي لانهم ماكملوهم والمفروض الحين يبدون وياهم الاحرف وبعدين التشكيل جذي كان راح يسهل عليهم تعلم الكلمات مو الحين يحفظون بس شكل الكلمه وعسى يتذكرونها بالاملاء

 

[حصه2007]

تكفون بنات فيدوني شكلي توهقت.؟؟؟

مرحبا كويتيات انا مسجله ولدي بالتكامل وسوله الاختبار والمقابله الشخصيه ونجح والاختبار ما كان سهل ولدي يروح كي جي 1 بس عقب ما سجلته كل من قام يذم بالمدرسه والاداره وانهم خواره فيدوني تكفون​

 

[Miss_Tiger79]

رد: تكفون بنات فيدوني شكلي توهقت.؟؟؟

مبروك القبول
وبالعكس المدرسه مستواها وايد زين وقويه بعد
انا عيالي بالمدرسه وما شفت منها شي

 

[حصه2007]

رد: تكفون بنات فيدوني شكلي توهقت.؟؟؟

مبروك القبول
وبالعكس المدرسه مستواها وايد زين وقويه بعد
انا عيالي بالمدرسه وما شفت منها شي

مشكوره ياحياتي بس بغيت اسال منو احس مدرسه ل كي جي 1 ابي قويه وتهتم بالطفل وتركز عليه​

 

[رفرف]

شلونكم بنات ؟؟؟


تايقر لالالالا معرس وعروسة لا باجر تعشق الولد احنا قلنا ننطر نشوف اللي يطلع ولدها احلى واوسم واغنى وشهادته اعلى ناخذه ..
وتعالي مبارك رفيج ولدج ؟؟ امبيه نززززغة على قلة ادب وعاشق بنتي ملوع جبدها تقولي انا بقول حق المس تغير صفي مابي معاه بصفه .. اقولها يطقج ؟ تقول لا ايحبني ايأذيني كله يعطيني اكله وغصب يبيني اكله .. هذا الحب الغصب ..

مناره ..
الميرميد شريته من امريكا من ديزني اينن يزوووووق وباجي الكستيومز الصراحة ماخذتلها من فانتسي وورلد كل الشخصيات مره سوو عليهم سيل الاميرة صغيرة جنها باربي ولبسها حق البنوتة يميع جنه ب 6 مادري 7 وطووول اليوم لابستهم ماعليهم حسافة ..
واذا تبين دراريع البيت ملوت ديزني اشحلااااتهم شيفونات وكشاكش هذول صج يهبلون بناتي طول اليوم يحوسون فيهم ما يبدلونهم الا حزة النوم الود ودهم يطلعون فيهم بعد ..
والحين الهبه اليديدة تبي نفنوف عروسة قلت ماكو الا مجمع الكشاكش والتنفش النمران اللي بالفروانية افصل لها اقدع نفنوف عروسة ..

بشوشه ..
لا بالعكس ترا الرك كله على المدرسة انا عن نفسي ما ادرس بس اتابع حل الواجبات وبالانجليزي احسها وايد زينة والماث بعد يعني تدريس الانجلش كلش ما يطول عندي ..
بس واجبات العربي بروحها تشلع القلب واحس تأسيسهم زين ايام الروضة علموهم الحروف شوي شوي بس صج حسافة ما كملوهم .. و منهج العربي بكبره كارثة مو عاجبني ملوع جبدي .. وقلت احفظ بنتي كلمات الاملاء قامت تكتب الكلمات بالعربي بدون نقط بدون حركات والنقط والهمزات والحركات تالي توزعهم على كيفها شي فوق شي تحت .. ماكو فايدة شكلها مليون بالمية بتخبص بالاملاء انا فشلت ما قدرت احفظها ..


تايقر ..
شكلها اعتزلت المنتدى من عقب تدريس أمس ..


ذربة ..
اذا مافيها شي وديها لا يطوفها شي تالي ما تلحق

 

[Miss_Tiger79]

حصه
يمدحون مس باتريشيا بس انا جربت مس لورين وشفتها زينه وايد معاهم

رفرف
مو اعتزلت المنتدى الا اعتزلت الفن بكبره
لا والله ما استغني عنكم والله
اي رفيجه مبارك ملوع جبدي .. يلعبون مع بعض وبعدين يحط البلشه بولدي وولدي يسوي فيه نفس الشي
هذاك اليوم يناديني (ام عبدالله) وانا ادور الا هذا يحليله
رفرف عفيه تعرفين شنو الطريقه حق حل واجب امس وقبل امس ولدي مخه مقفل والا انا ادرسه غلط
ابي طريقه منج شلون واذا ما قهمت انطرج بالهده اليوم وقوليلي لاني كل الطرق قتله وما فهمني

 

[رفرف]

اي تايقر قصدج الماث ؟؟
سهل اشرحلج اياه اذا مافهمتي اشوفج ع الطبيعة واقولج ..
انا اقولها اول شي تعد المربعات طبعا يطلعون كلهم 9 او 10 او على حسب الرقم اللي يبونه ..
اقولها لوني كور سود بكل مربع كره كيفج بعدد الكور .. 3 .. 4 .. كيفج ..
تالي تعد الكور السود .. وتعد الكور البيض وتكتب جم زائد جم بيطلع يساوي العدد اللي اهمه محددينه ..

 

[manarah]

رفرف طريقتج اللي قلتيها للماث انا امس بالليل استوعبتها والا كنت امعقده الولد وأبيه يألف من مخه الرقم !! علبالي فيثاغورث وعقدته .. الظاهر مس تايقر انتي عقدتي الولد نفسي
رفرف دراريع ديزني طالبينهم افا عليج صج صج شي اينن ونطري الكوليكشن الشتوي وشوفيهم شينزلون بعد اهي مخامل اهي شيفونات زووووووغه لو في كبري جان خذيتلي ونفنوف العروسه الحمدلله احنا افتجت عقدتنا من ناحيته لانها لبسته يوم حفله تخرج الحضانه ... يحليلهم البنات نفس الأحلام

 

[بشوشه]

واي احس ان السنه اليايه مالي خلق ادرس بنتي من كثر المجهود اللي قاعده اسوي مع هالولد

بنات يمكن انا اكثر شي اعانيه كلمات املاء الانجليزي وايد اتعب معاه يمكن عشان اهو اصغر من اليهال الباقين بس بليز عطوني طريقه كل ما ينسخ صفحه او صفحتين ارد اعيد له الكلمه يطالعني و يخاف يكتب غلط و اشجعه بعدين يكتب حرف او حرفين و يوقف

 

[نواره الحلوة]

بنات بسألكم باجر في تدريس وحصص والا بس لبس غير اليونيفورم ويقعدون يوم عادي ؟

 

[رفرف]

بشوشه ..

لا تحفظينه الكلمة .. لازم يعرف الحروف اول كل حرف وصوته ..
ويعرف صوت نطق ال i , o , a , e لما يكونون بنص الكلمة ..
بعدين يصير سهل لما تملينه الكلمة يتهجاها ويعرف يكتبها بروحه مو لازم يحفظ حفظ ..
ولا تنسخينه ماكو فايدة النسخ يتعب وهم ما يحفظون ..
اذا اهوه مو شاطر بالحروف حاولي اتييبين له كروت وبطاقات المهم يحفظ صوت كل حرف وطريقة كتابته تالي ترتاحيييييين ..

 

[manarah]

نواره شخبارج ... اكيد فيه تدريس واملائين وهاللبس مجرد نشاط جانبي .

 

[نواره الحلوة]

وااااااي كنت حاسبه حساب ما أراجع واياه إملاء العربي لأنه شالع قلبي

 

[كويتيه ذربه]

نواره ولدج منو يدرسه عربي ؟
ابله اسيا