تجمع أولياء أمور مدرسة التكامل(صباح السالم)للعام الدراسي2009-2010

[كويتيه ذربه]

رفرف ومس تايجر
الشر ماييكم

 

[رفرف]

ألف الحمدلله خلصنا واجب العربي العله (ورقة العمل + صفحتين الكتاب ملوت اليوم + صفحتين اللي امس ماحليناهم) وباقي الماث والبيلينغ والريدينغ بس ..

بنات اتوقع يعني بس توقع ان هالمعاناة ماراح تستمر وايد ..
يعني بنتي كانت تطوووول بواجب العربي نقعد طول اليوم على كلمتين والخط يلوع الجبد وكل شوي نمسح ونعدل .. الحين خطها شوي يعني صار احسن قمت ما امسح لها وايد .. حتى اللي كاتبته بالصف متحلفه فيها انا اذا مو حلو امسحه فأشوفها اليوم كاتبة عدل بس شاده حيلها ومسطرة الصفحة يعني بقلدني ماسحة معالم الصفحة من قلب بالخطوط ..

يعني لي خذت ايدهم تتوقعون نخلص ابجر ؟؟ لأني لما قاعدة اشوف الواجب مو وايد وايد ترا صفحة او صفحتين بس .. المشكلة ان عيالنا يطولووون عن نفسي بنتي وايد بطيئة مو شوي ..

الحين بخليها تحل الماث واوديهم يلعبون بدوارف الممشى ولي ردينا تقرا قصة الريدينغ وبس قرت عيييييننا ..

 

[manarah]

ها بشري رفرف متى خلصتوا ؟
انا وحده اليوم امريحه يحليلي تدرون ليش لان الله يسلمكم من 4 كان عندي موعد بالطبيب وما خلصت الا بال 7 فمهمة التدربس انتقلت عند اختي بريتها والله ولا يصير بخاطرها المهم اختي تقولكم قلبها وياكم لانها جربت المعاناه ... بس عموما انا قبل لا اروح موعدي خلصت وباه الهووم وورك كله وقريته القصه وبقى عليها بس تمليه العربي والانجليزي .. اهي بس تمليه ويننها
شوفي رفرف انا اتوقع ايدهم يبيلها تاخذ عالعربي وانشالله تنحل أزمتنا والله يفكهم من الدلع والتنهوص شوي بعد ياسلااااام ماكو مشاكل والحياة حلوه .

كويتيه ذربه شخبارج واشلون بنتج داومت اليوم ؟

 

[بشوشه]

اليوم بجيت و الله بجيت من قلبي و لنل ادرسه يسالني يما ليش تبجين لا وبعد طقيته طق على كل غلطه
الولد ووااااااااااااااااااااااااااااااااااااايد يتلخبط بالكلمات مو عاف و لا فاهم شنو قاعد يكتب باجر اقولكم شنو سوى بالامتحان اول ما ريرجع
انا تقريبا انهرت بس مو عارفه شلون اكمل وياه الولد متناقظ يتكلم انجليزي فظييييييييييييييييييييييع لغته احسن مني بس بكتابة الكلمات 0%

 

[بشوشه]

بليز ساعدوووووووني اللي تساعدني ما انسالها هالجميل اشلون يتكلم انجليزي روعه بس بالكتابه سيء للغايه مع ان خطه يهبل بس مو عارف شي بالاملاء

انا ادري اني لعوزتكم و مو هدا هدف التجمع بس انا حاسه اني وسط خواتي هلب مييييييييييييييييييييييييي

 

[Miss_Tiger79]

بشوشه
الله يعينج والله
وميخالف صبري نفسج ترى كل ما تعصبين يقفل مخه اكثر .. انا مجربتها
انتي باجر سألي ابلته شنو المفروض تسوينه بالبيت عشان يساعده لانها اكيد بتعرف شنو الي لازم يسويه
وانتي بالبيت حطيله لوحه يم طاولة الدراسه وفيها كل الاحرف وكل ما تشوفينه قاعد قوليله هالحرف شنو الساوند ماله وكل شوي حطيله كلمه صغيره مثل catوقوليله قولها على حسب ساوند الاحرف وشوي شوي
والله يسهل عليه بس ترى اليهال يفهمون بس يسوون روحهم بالبيت جذي

مناره
شفتي شلون عقدته وتعقدت معاه

رفرف
رفرف حسافه اليوم ما لحقت عليج شفتج وانتي طالعه لانه طريجي كله زحمه وما وصلت مبجر بس سألت مس ليالي وقالتلي بالعكس بالصف يعرف وقتلها انزين شنو طريقتكم وقالتلي نفس طريقتج
تدرين انا شنو كنت اعلمه ؟؟ اتوقع نفس مناره .. انه يشوف الناتج ويقولي رقمين يساوون هالناتج ومسكين ما يعرف وانتي شوفي الفشله انه مس ليالي تقولي الطريقه واهوه يقولي اي قتلج جذي بس انتي ما تعرفين
الله يعينا
اليوم صبويه الصبح تسلم علي لما شافتني ومسكينه مستانسه .. تقولي تدرين انا بلبس باجر شنو؟؟ قتلها شنو ؟؟تقولي لبس الحوريه
حياتي مستانسه عليه وقتلها ورينا لبسج باجر خنشوفج وانتي حوريه تضحك يا حلوها



كويتيه ذربه
اتوقع اي في دراسه لانه عندهم املاء



اخباري ...........
ان اليوم خلصنا ابجر من قبل بشويه والحمدلله
ورحت سبا تايم عشان اشيل الضغط الي فيني وارتحت وبجيت بعد ليش مادري ...

 

[كويتيه ذربه]

ها بشري رفرف متى خلصتوا ؟
انا وحده اليوم امريحه يحليلي تدرون ليش لان الله يسلمكم من 4 كان عندي موعد بالطبيب وما خلصت الا بال 7 فمهمة التدربس انتقلت عند اختي بريتها والله ولا يصير بخاطرها المهم اختي تقولكم قلبها وياكم لانها جربت المعاناه ... بس عموما انا قبل لا اروح موعدي خلصت وباه الهووم وورك كله وقريته القصه وبقى عليها بس تمليه العربي والانجليزي .. اهي بس تمليه ويننها
شوفي رفرف انا اتوقع ايدهم يبيلها تاخذ عالعربي وانشالله تنحل أزمتنا والله يفكهم من الدلع والتنهوص شوي بعد ياسلااااام ماكو مشاكل والحياة حلوه .

كويتيه ذربه شخبارج واشلون بنتج داومت اليوم ؟

الحمدلله بخير
والحمدلله بنتي بخير واليوم داومت

انتي اشلونج واشلون ريولج

 

[manarah]

بشوشه هدي بالج .. من صجج طاقه الولد .. مدرسين وطق وزف اشبقي بعد ترى الولد بيتعقد ويقعد خليني اخرعج شوي ... يعني اذا اهو ماشالله محادثته ممتازه معناتها الولد مافيه شي ذكي اسم الله عليه ويفهم بس اهو مو عارف الاحرف بس كل هذي مشكلته .. انزين بعرف مدرسته ماقالتلج شي بعد ما سألتيها الضعف وين فيه بالضبط ؟؟ اذا بس بالسبيلنغ والكتابه معناتها بس بالاحرف وحلها سهل قلنالج اياه .. انسي السبيلينغ تيست الحين وجابليه كل يوم 5 احرف بس ردوا عيدوا وزيدوا فيهم يكتب الحرف ويقول الساوند وتشطبون عليهم يوم ثاني جنج ما تدرين على لعب سأليه واذا متمكن منهم ايدي وياه باحرف ثانيه وهكذا .. وبعدين مو معقوله ما يعرف كل الاحرف اكيد في احرف متمكن منها شدوا حيلكم بالاحرف الباجيه .. شوفي البجي مالومج فيه الواحد من الضغط والمحاتات ممكن ينفجر بس انتي ذكري الله وترى كلها قريد 1 يعني وعليه عليه توه 5 سنين وانتي كرهتيه بعمره الله يهداج .

 

[كويتيه ذربه]

ضحكتيني مس تايقر ليش بجيتي )))) قلبج مترووووووووووووسه

 

[manarah]

كويتيه الف الحمدلله خلاص انجبر الكسر وربي لك الحمد اللي قدرت امشي مره ثانيه صج في ألم بس قاللي عادي شوي شوي وراح يروح والله كريم انشالله

مس تايقر لا حول ولا قوه الا بالله حتى انتي باجيه اليوم .. يعني انتي وبشوشه الظاهر عدوى بالموضوع

 

[Miss_Tiger79]

شفتو شلون
الناس تسوي مساج ترتاح وانا ابجي بس عاد ما بجيت وايد مو عشان المدرسه بس مادري ليش .... بس كسرت خاطرها مسكينه الي تمسج

لا والله الضغط حايشني من كل مكان
الله كريم

 

[رفرف]

بشوشه ..
انا بقولج نفس كلام مناره .. قلنالج الحل وبنعيده .. لا اطقيييييييييييييين الياهل هذا مو حل !! ولا تعقدينه بالمدرسين !! خلاص كافي مدرسين تعبي روحج شوية معاه وطولي بالج وانتي احسن من 1000 مدرس ..
المدرس بيشرحله بساعة .. انتي تقدرين تقوينه طول اليوم بطريقة غير مباشرة .. شوفيلج حل فعلي ..
الحين بس جيكي على الحروف شنو الحروف اللي ما يعرفها .. ركزيها بمخه ..
تالي ركزي على الحروف اللي بالنص .. a , i , o , e واصواتها ..تالي يقدر يركب كلمات من 3 حروف ..
روحي سنتربوينت واشتريله العاب تعليمية للحروف .. في مكعبات حلوة يقدر يركب منها الكلمات يحط 3 مربعات يم بعض ويركب كلمة ..
اشتريله بطاقات ووايت بورد ويثبتها بالمغناطيسات ..
لعبي معاه لا تنسخينه غير الواجبات .. ولي جاوب صح شجعيه وكافئيه ووديه حتى لو الجمعية كل كلمة يتهجاها صح يشتري شي من الجمعية ان تهجى 5 كلمات يشتري 5 اشياء ..
بالسيارة حاولو تقرون اللوحات البسيطة .. او وانتي تسوقين قوليله يالله كلمة cat شلون نكتبها ؟؟ خل يهجيلج الحروف ..
هذا الحل .. مو الطق والاعصاب .. اذا اهوه ضعيف بناحية معينه تقوينه فيها مو تحبطينه وتقللين ثقته بنفسه ويقتنع انه ما يعرف ..
خلاص ابدي غيري من اليوووووم وكلما حسيتي انج تنرفزتي قومي عنه 5 دقايق وتذكري ان تعبج كله بيضيع جذي ..


تايقر ..
اييي قالتلي انها كلمتج .. ناطرة تشوفج اليوم .. واحنا داشين المدرسة شفنا مستر مصطفى مال الp.e وقالها لبسج حلو وشكلج أميره تشققت ع الصبح ما تتحاجى ..

مناره ..
الحمدلله على السلامة وديري بالج من التراب اللي بالمدرسة لا ترد تنكسر .. انا كل يوم اغرز بالرمل اقول شكلها ريلي بتنعفت ولا تنكسر بسبة هالتراب ..

ذربة ونواره .. شلونكم ؟؟

جولي .. مختفية !! كل هذا من التدريس ؟

 

[بشوشه]

الف شكر بنات و اسفه اذا ظايقتكم انا عارفه نفسي حنانه بس كافي وقفتكم هذي ما انساها
انشالله يتغير الحال

مشكورين

 

[رفرف]

لا بشوشه مو حنانه ولا شي بس انا ماحب الياهل ينطق على اي شي خاااصة الدراسة .. باجر يتعومس مستواه لا قدر الله بدون قصد منج ..
ترى اللعب اييب نتيجة احسن والله .. وولدج يحب الدراسة بدال ما يكرها .. انتي جربي منتي خسرانة شي

 

[نواره الحلوة]

هلا والله رقرف
اليوم ولدي خذا معاه جنطة ثانية متروسة لبس تنكري ماخله سبايدر مان على باتمان على هولك ولبس النوادي كلهم يقول بشوف شنو يعجبني وألبسه ما يسوى علينا هاليوم اشحلاتنا كل يوم بالكحلي مريحين نفسنا

 

[بشوشه]

عاد تصدقون انا لبسته تي شيرت عادي ما عبالي السالفه تنكري؟؟؟؟؟؟؟؟؟؟؟؟؟؟؟؟؟؟؟

 

[بشوشه]

امبي لا تقولون اهمه ما قالو تنكري قالو نون يونيفورم يعني لباس غير رسمي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عاد اليوم اشتغل بالدوام و ادعي حق وليدي عبالي بالجامعه

 

[Miss_Tiger79]

بشوشه
لا بالعكس
احنا هني عشان نساعد بعض ونشوف شلي يصلح نسويه حق عيالنا
واليوم مو تنكري .. بس على كيفج لبسيه حتى لو تنكري عادي المهم مو لبس المدرسه
وانا نفسج لبسته قميص وجينز عادي


رفرف
كان ودي اروح اليوم بس عشان اشوف صبويه بس حسافه والله ما قدرت مسكينه قتلها باجر بيي اشوفج زين وستانست بس لانه ولدي الثاني مسخن واحتقان بقعدت حتى الدوام ما رحته اليوم وحست بهالطبيب والحمدلله قالولي بس احتقان بسيط والحراره منه
بغيت ايي الظهر بس كنت طاااااااااافيه

وعبود ولدي اول ما دش واهوه بس يسولف عن نفنوف صبويه
ويشرحلي النفنوف يحليله ويقولي انا اكشخ واحد بالصف

نواره
شكله ولدج يبي يتشيحط جدام ربعه ويوريهم الي عنده

 

[manarah]

شخباركم بنات ..

رفرف الله يسلمج حبيبتي تسلمين وما قصرتي والله يعيني عالمدرسه عاد كنت افكر اقول لازم اروح امبجر عشان اسفط اول البراحه وما اضطر امشي عالرمل وبالنسبه للطلعه انا دوامي يخلص 2 الا ربع يعني هم اوصل امبجر المدرسه انشالله عشان اخذه .. وعزوز قاللي عن صبا اليوم .. يحليلها واسم الله عليها يقوللي لابسه برنسس اقوله ميرميد يقوللي ايه ايه من اللي تحبهم شوشو (اخته ) واهو اليوم لبسته عادي كان يبي تنكري بس والله مستهلكهم كلهم بالبيت لازم كل يوم يسويلنا شو بواحد منهم قلتله اذا بلبسك لازم واحد يديد وماقدر اطلع اشتري اقتنع والحمدلله ان هم بصفه ماكان احد لابس تنكري جان فضحني ..

بشوشه .. شخبارج واشلون ولدج وماقالج اشسوى بالتيست ؟ شوفيني انا .. ترى ولدي من أول الاسبوع أمليه الكلمات واسم الله عليه كلهم صح واليوم بالتيست غلط بوحده ويقوللي يمكن ثنتين !! انزين اشرايج انتحر والا اقط روحي من الدريشه ؟؟ اول شي احتريت وبعدين ذكرت الله وقلت اذا كل شي بعصب عليه ماراح أخلص وبيوقف قلبي امبجر خلاص انا اللي علي سويته عاد اهو شنو ايبدع بالصف كيفه .. وبعدين اذا بعصب بيخاف اكثر وبيرتبك اكثروبيصير عنده رعب من اي تيست ثاني والا اشرايج ؟ وبالنسبه للعربي مره يقوللي ايه خذينا تيست ومره يقوللي لأ وين الصج مادري

نواره يحليل ولدج خذا وياه جنطه يعني صج سواها زواره على قولة ولدي

انا فاقده شانيل نمبر 5 ترى من بدت الدراسه الجد ما بينت ..

 

[ورد وردي]

انا ماعندي بالتكامل بس حبيت اقول الله يعينكم لاني مفكرة ادخل ولدي فيها عندهم روضة تمهيدي ؟؟؟؟ انا ولدي اسم الله عليه الي بعمرة السنة الياية روضة واهو متأخر لان عقب 15 / 3 ؟؟؟؟؟؟؟؟

وتنصحون فيها خاصة من ناحية الدين ؟قوي عندهم؟