تجربتي الخاصة مع حضانة(رينبو)اللهم قد بلغت اللهم فاشهد.

[عسل مرت قيمر]

متابعه الموضوع

 

[ام ناصر 2009]

جزاج الله الف خير على تنبيه الموضوع عاد انا كنت بسجل ولدي بحضانه بعد موضوعج تراجعت اخليه عندي تحت عيني اريح لي وله تو صغير لبى قلبه ماكمل ثلاث السنين الله يعينج من اللي شفتيه لو اانا مكانج اقلب الحضانه على راسهم\
بس ربي حب يكشفهم عن طريقج وماشاءالله عليج قويه ربي ينتقم منهم عاد انا حيل وسواسيه واحاتي
الله يجعله في ميزان اعمالج مشكوره حوبي

 

[red_virgin]

Up
احسن حضانة حق الياهل بالعمر بيتة الصراحه

 

[Melazlaza]

بسم الله الرحمن الرحيم
خواتي كويتيات اشكر وقفتكم معاي ومواساتكم لي وهذا العشم فيكم طبعاً واعتذر عن تأخري بالرد عليكم بسبب انشغالي مؤخراً..

اعتقاداً مني بضرورة احقاق الحق
وايماناً مني بصدق وجدية موقفي
وتثبيتاً لمدى الألم الذي استشعرته من تجربتي المذكورة وحرصاً مني اني ابلغكم بجميع تطورات الحدث
حابة ابلغكم بالي حصل..
امس يوم الاثنين رحت انا وزوجي لمحامي مُقرب و اثق فيه شخصياً وبعد جلستنا ونقاشنا بالموضوع الي حصل لابني ومس اسرتنا الصغيرة قررنا الآتي:

1-سوف نقوم برفع قضية تعويض بالضرر .

2-سأذهب لجريدة الراي لعرض الحدث في الصفحة الأخيرة.

3-اتصلت بخط المحامي خالد العبدالجليل وانتظر رد طاقم العمل بعمل حلقة من برنامج تو الليل على قناة الوطن عن الحضانة المذكورة

4-سأتقدم بشكوى لوزارة التربية والتعليم ضد الحضانة وسنقوم بمتابعتها عن كثب واذا تبين لنا اهمالها او التقاعس في اتخاذ الاجراءات اللازمة سأقوم برفع قضية على وزارة التربية

ادعولي بالتوفيق حبيباتي
لكم الفضل بعد الله في التخفيف علي وماراح انسى وقفتكم معاي
تابعوا اخر التطورات عبر هالموضوع..

 

[.،:"$الـعـوبــــة$":،.]

عسى الله يوفقك وييسر امورك ويستر عليكم من اللي مايخافون الله ،،

والله لو كل وحده فينا شافت شي غلط وصلته للناس وخلت الجهات المسؤوله تحاسبهم ،،

كان ماشفتوا كل من هب ودب قام يتجرا علينا ،،

بكل شي مو بس بخصوص الحضانه ،،

بس الاغلب مالهم خلق ومزاج عالشوشره والطواله مايدرون انهم بهالطريقه ظلموا نفسهم ومل من تعرض لنفس تجربتهم من بعدهم !!

مااقول الا عساك عالقوه وعسى الله يوفقك يارب ويستر على وليدك اللهم امين ،،

​

 

[Melazlaza]

العوبة حبيبتي مشكوورة عالدعوة الطيبة
ولج بالمثل ان شاءالله

انا قلتها وبعيدها

((الساكت عن الحق شيطان أخرس))

وانا شفت شي بعيوني وما حبيت اسكت

حبيبتي تشرفني ردودج

 

[عسل مرت قيمر]

ملزلزه قلت حق ريلي السالفه وانصدم انها داقه على ريلج تقوله هلكلام

وهلحجي امس


عاد توه دازلي برودكاست بنفس موضوعج هذا

قلتله ماشاءالله الموضوع انتشر بسرعه


وزين تسوين عشان حتى باقي الحضانات يعتبرون

 

[Melazlaza]

عسولة والله عيالنا مايستاهلون هالمعاملة

وقراراتي الاخيرة يت من باب تثبيت اني على حق
عقب ما جذبوني اصحاب الحضانة واتهموني باني ظالمة وكل كلامي افتراء!!!

 

[hooryah q8]

ملزلزه موضوع وصلتني برودكاااااست
والله زين اتسوين فيها راعية الحضانه هزئتيها عدل ههه
عشان مره ثانيه اتخاف على اعيال الناس مو بس اتفكر بالفلوس

 

[بتبوتااا]

قريت الموضوع والردود وبصراحه شي يعور القلب ويضيق الخلق

وما الومج لانج ماتدرين وعلى نياتج حبيبتي والي سويتيه مو غلط بالعكس صح تبين تونسين ولدج

وحياتي ماعليه الي عليج سويتيه وكانت تجربه فاشله والاهم انه ولدج الحمدلله نسى والله يشفيه ياقلبي

اذا تبين تونسينه وديه الحدايق العامه مع اليهال والالعاب مرتين او ثلاث مرات بالاسبوع والحين فبراير ومهرجانات بيستانس اكثر

وعلى صاحبه الحضانه بدال ما تكتب جذي المفروض تعتذر منج او تحل المشكله وتتفاهم مثل الاوادم بس الي توضح لنا انها ما اهتمت عالولد كثر ما اهتمت على الفلوس والسمعه

وجزاج ربي كل خير انج نبهتي لو كل وحده تسوي مثلج جان الكل خاف واهتم اكثر

 

[مقمش لولو]

بصراحه انا قبل يومين تقريبا وصلنى على الوتس اب عن نفس الحضانه اعتقد ان هالحضانه

تتعرض لحمله لغرض ما؟؟؟؟؟؟؟؟؟؟؟؟؟

بالنسبه لى دايما احب استمع للطرفين ماحب اسمع لطرف واحد حتى تتبين الحقائق ماحب احكم بهالطريقه واتعاطف مع اى طرف

اللى مضايقنى بالدرجه الاولى فقط الاطفال اذا صحيح هالكلام ذنبهم برقبتها والمفروض محد يسكت عن هالشي

اما اذا كان العكس لمجرد التشهير بسببموقف ما فربنا مايرضي وحرام اللى قاعد يصير عموما

ناطرين الحلقه وجريدة الراي لمعرفة اخر التطورات

عسي الله يحفظ عيالنا وعيالكم وعيال المسلمين

 

[hano0oda]

حسبي الله ونعم الوكيل فيهم
ملزلزه انا ملاحضتج مشاءالله عليج شلون تخافين على ولدج وحريصه عليه الله يتمم عليج ولا يعوقج بشر وبالعكس هذا شي زين
مو معناتة انج وسواسيه او حساسه اهي ماقالتلج هالكلام الا لانها فاقده هالصفه الي عندج والدليل انها ماسالت حتى الولد شفيه او شنو الي صار هالياهال امانه برقبتها من يدخلون باب الحضانه لين يطلعون المفروض اهي تشرف عليهم واذا اهي مو قد المسؤاليه تفتح لها مشروع ثاني ماله شغل بالياهال الي لا حول ولا قوه والستمري كلنا معاج زين تسوين فيهم

 

[Melazlaza]

ملزلزه موضوع وصلتني برودكاااااست
والله زين اتسوين فيها راعية الحضانه هزئتيها عدل ههه
عشان مره ثانيه اتخاف على اعيال الناس مو بس اتفكر بالفلوس

حبيبتي حشا ماكان غرضي التهزيء ولا اهو من تربيتي او اخلاقي

حصل معاي موقف وتجربة مرة حبيت اعرضها واحذر الغافلين والغافلات من اولياء الامور

نورتي حبي

 

[Melazlaza]

بتبوتاا
حبيبتي تسلمين عالكلام الطيب
وانا ماصدمني الا ردة الفعل حسيت ان جد ولدي ماله اي اهمية
اهم شي السمعة ما تخترب!!!
للعلم توني رادة من المستشفى ولدي من يوم الحضانة مريض بسبب طلعتهم بالحوش بهالبرد القارس بالليل
حرارته٣٩وكحة وترجيع وصارله ثلاث ايام ما ياكل ابداً

ادعوله بنات والله نفسيتي تعبانة احاتيه واحس بتانيب الضمير
انا غلطانة المفروض ما اثق باي احد
قدر الله وماشاء فعل

 

[!الجادل الصعب!]

ملزلزه .. شي غريب عجيب تصرف صآحبة الحضآنه صرآحه
واهم شي لا تشبكين الساعه 4 .....!

لو لتلاحظين قلت لج من البدايه قدمي شكوى .. لان في ناس تخاف ماتستحي ..
خصوصآ اهل وزآرة التربيه بعضهم اعووذ بـ الله .. مايمشي الا بالعين الحمرآ

keep up متابعينج ..!

 

[Melazlaza]

مقمش لولو
مشاركتج اسعدتني
ماشاءالله كلامج منطقي وانا معاج بكل كلمة كتبتيها من الغلط ان نحكم على قضية من طرف واحد
لكن للعلم الطرف الثاني دش هني بنك يديد وابدى رايه ولكن للاسف متخفي بس اعتقد الحقيقة بانت للعضوات واكتشفوا من الرد غير جذي بالاتصال الي وصل لزوجي صاحبة الحضانة ابدت ضيقتها من اني رديت عليها رد ماعجبها بالموضوع يعني اعتراف ان النك هذا لها!!

وللمعلومية بس حبيت انكم تدشون هاللنك وتشوفين هالنك هذا كل مشاركاته عن شنو؟؟!!
http://www.q8yat.com/search.php?searchid=9919801

شوفي حبيبتي عشان اثبت صدق مبتغاي واهو اني ماااااقصدت التشهير حشا لله فانا ادعوا الطرف الثاني لمناقشتي هني بهالموضوع وعرض رايها واذا كنت غلطانة اتعهد بالاعتذار لكن اذا اتضح انهم اهما الغلطانين منو يعتذرلي انا وابني البريء الي كل ذنبه ان حظه قطه عند فلبينية ماتخاف ربها!!

اقسم بالله العلي العظيم اني نقلت تجربتي الخاصة دون زيادة او نقصان وربي يشهد بكل حرف طلع مني
وياريت تراجعين مواضيعي بتلاقيني مستفسرة عن الحضانات قبل لا اتعرض لهالتجربة وهم راجعي ردودي وشوفي جم مرة استفسرت عن حضانات


حبيبتي القطوة لو احد قرب من ضناها تاكله
شلوووون انا البشر؟؟!!
حطي نفسج مكاني وراجعي كلامي واتمنى تتضحلج الصورة

نورتيني قلبي*

 

[Melazlaza]

هنوده

ماقصرتي ياقلبي وهذا واجبنا تجاه عيالنا وبعدين شعوري تجاه ابني طبيعي وكل ام نفسي بس في مشاغل الحياة تلهيهم عن اعيالهم والله يعينهم

انا فخورة بحبي لابني وعسى ربي يجازيني ويرزقني بره لي كبر انا وابوه

 

[spanish Guitar]

حبيبتي الطاقم كله مراهقات وهشي شفته بعيني قبل رمضان يهالو ومراهقات حته زوجي الي ماله شغل بشي يقول ياهل بتعلم اعيالنا لا ماتدخلين ينتج بهلحضانه.

 

[Melazlaza]

ملزلزه .. شي غريب عجيب تصرف صآحبة الحضآنه صرآحه
واهم شي لا تشبكين الساعه 4 .....!

لو لتلاحظين قلت لج من البدايه قدمي شكوى .. لان في ناس تخاف ماتستحي ..
خصوصآ اهل وزآرة التربيه بعضهم اعووذ بـ الله .. مايمشي الا بالعين الحمرآ

keep up متابعينج ..!

اشكر متابعتج لموضوعي حبيبتي
وعدل كلامج انا اكثر وحدة اعرف شنوووو التربية عشان جذي لو ما اتخذوا اللازم فانا واثقة ان قضائنا عادل وبياخذ حقي حتى من التربية نفسها

 

[Melazlaza]

حبيبتي الطاقم كله مراهقات وهشي شفته بعيني قبل رمضان يهالو ومراهقات حته زوجي الي ماله شغل بشي يقول ياهل بتعلم اعيالنا لا ماتدخلين ينتج بهلحضانه.

وهذي شهادة اخت اثق فيها

عدل كلامج اللهم مدرسة العربي اردنية الشهادة لله الحرمة محترمة ومو عاجبها تصرف هالفلبن بس ساكتة عشان اللقمة

كلامج عور قلبي وضميري قام يانبني اكثر
صج انا مادري شلون تسرعت جذي وسجلته واي وليدي حبيبي صاير حساس اليوم يشوف السستر فلبينية قام يتنافض ويقول ماما لحقيني قبل كان يتغشمر مع النيرسات ويحبهم