تجربتي الخاصة مع حضانة(رينبو)اللهم قد بلغت اللهم فاشهد.

[ورود كويتيه]

حسبي الله ونعم الوكيل فيهم ...


الوحده وين تحط عيالها مثلا اذا مداومه وتخاف عليه من الخدامه ؟؟؟

والله مشكله هالحضانات

 

[Melazlaza]

ورود كويتيه

حبيبتي اكيد في حضانات زينة ماحب اعمم
بس نصيحتي عقب تجربتي واااااي محد يحن عالضنا كثر الاهل
واذا لااابد من الدوام
خليه عند امج
خالتج
اختج
اي احد ومعاه خدامته

واذا كلش مقفلة السالفة

لازم حضانة فيها كامرات مراقبة موووو هدد
اعتقد انقرصنا من العمالة بما فيه الكفاية

 

[فوفتي 2007]

حسبي الله عليهم

زين ماسويتي ارفعي عليها قضية ... ناس تحب الفساد في الارض أسأل الله ان يورينا فيهم عجائب قدرته


خيتو والله لو منك مايبرد حرتي الا اني اضرب الفلبينية والغبية الراس الكبير والمدبر ....

بس ماشاء الله عليك صبرتي وان شاء الله الفرج وفضيحتهم قريبه الله معك وقلوبنا معااااااااااااك

 

[ام الحوراء زينب]

مزمز زين سويتي رفعتي قضيه الله ينصرج ياااااارب وتاخذين حقج وحق ولدج حبيبي الله يحفظه لج يارب

 

[Melazlaza]

فوفتي٢٠٠٧

حبيبتي نورتي وتسلمين



ام الحوراء
حبيبتي ماقصرتي حياج الله

 

[hneen2]

والله خوش قرارات

عشان يعرفون شغله وحده بس



ان عيال الناس مو لعبه


يعطيج الف عافيه وعساج عالقوه


وبنتظار التطورات ان شالله

 

[عسل مرت قيمر]

ملزلزه عاد خالد العبدالجليل قال ان الحلقه اليليه اخر حلقه ان شاءالله تلحقين عليه

 

[PuPa^^SWeeT]

زييين سوييتي



يستاهلوون


عيالنا عيل لاقينهم بالشارع


؟؟؟؟؟


حسبي الله عليهم

 

[Australia girl]

موفقه حبيبتي بالموضوع وحقج لاتنازلين عنه عشان غيرها يحطون الف حساب لسالفة الحضانه ومايفكرون بس بالماده

 

[Melazlaza]

حنين

عسل

بوبا

استراليا قيرل

حياتي كلكم نورتوا الموضوع وماقصرتوا

عسل انتوا ادعووولي بس وعسى اموري تتسهل والحق انفذ كل الي براسي

 

[toto84]

والله كسر خاطري مسكين...بس انا من الاول لمن شفتي الوضع جذي المفروض ما تسجلينه..
انا امدحولي حضانه و كل الي اعرفهم مدخلين عيالهم والله اني يوم رحت لقيت نفس الوضع الباب امبطل و اليهال فوق بعض نايمين و الارض وصخه...لاعت جبدي و طلعت...الحين سجلته بحضانه اجنبيه والله انه يبجي اذا بغيت اخذه ما يبي يرجع البيت من كثر ما يحب ابلاته...

 

[Melazlaza]

توتو عدل كلامج انا غلطانة بس ربي جعلني سبب والله
والا جان محد يدري شالطبخة

 

[toto84]

ايه والله صاجه....واااااااااااااااااااااااي انا كنت بسجل فيها اشوه انه بيتي بعيد
والله الواحد لما الظروف الي فيها ما يدخل عياله...انا احس الحضانات الاجنيبه ممتازه الصراحه صج انها غاليه بس لمن اشوف ولدي مستانس ارتاح...
انا بعد وسواس هههههههههههههههههههه كنت اطب عليهم عليهم بكل وقت ما عمري دشيت لقيته يبجي كله يناقز,.... الحمدالله
و عساج على القوه يا رب...
مادري شلون هالاشكال صارت عندهم دكتوراه....

 

[Melazlaza]

توتو
الله يحفظه لج ويا عساه دووووم مستانس وفرحان
وربي يبعد الي صارلي عن كل ام
ما اتمناه حتى لعدوتي

 

[raneen]

حبيبتي لزلوزه .....
الله يوقف معاج دامج على حق وحطي اصبعج ابعين اكبر واحد ولاتخافين دامج على حق ....
والله يمسح على قلب ولدج حبيبي ويشافيه ويعافيه وينسيه الي صار ... ويرد مثل قبل واحسن باذن الله

الله يعينج ان شاءالله ... ويقوف معاج قلبي انتي

 

[كويتيه مذهله 87]

الله يسهل امورج وينصرج

وعلشان غيرها يكون له درس ويتعضون

 

[Om_Ksha]

والله زين تسوين الله يقويج يريت كل الحريم مثلج ،، كذا وحده تذكر تجربتها مع حضانه معينه وماتذكر اسمها ،، اي ليش لازم تذكر عشان الكل يستفيد وعشان اصحاب الحضانه يعدلون نفسهم عشان سمعتهم ،،

انتي ماقصرتي نبهتي البنات و احسن شي انج ترفعين قضيه عليهم

والله يوفقج ،، ويحفظ وليدج *

 

[om MaRyooM]

واااي يما الواحد صاير حتى بالحضانات ما يأمن

والله مافي بعد الحضانات البريطانية والامريكية .. بس شنسوي هذيلة ناار وشرار صراحة





بس اشوا الحمدلله انا حاطة بنتي بحضانة النموذجية الرميثية بقطعة4 تهبل تهبل صج انها متواااظعه
بس الابلات يهبلون شوي عليهم

 

[om MaRyooM]

وييييه الله يعييينج الموضووع كبر


بصرااحه هذي انساانه مااديه ودااقه بكل ثقه تبي اعتذار خخخخخخ صج اللي استحوا ماتوا

بدل ماهي تعتذر وتغير ستافها الفااشل بسسس دين تسوييين والله يوفقج ويعطيج ع قد نيتج

عدل

 

[سوسو حبيبتى]

عشنا وشفنا صحيح الى اختشوا ماتوا :rgewrg:

وكمان بتقراء كلامنا


طيب انا من منبري هذا احب اقول لها


حسبي الله ونعم الوكيل فييييييييييييييييييكي

اقري كداااا عدل يمكن ضميرك يصحي


ان شاء الله ربنا هاينصرك ياملزلزة

وتكون الحضانه والاخت عبره لمن لا يعتبر

وتاخدي تعويض كبير وتفتحي بيه حضانه

احنا معاكي للاخر حبيبتي