تجربتي الخاصة مع حضانة(رينبو)اللهم قد بلغت اللهم فاشهد.

[Melazlaza]

حبايبي بنات كلكم والله ربي يشهد وقفتكم معاي وكلامكم هون علي حيل وكل ما اقرى ردودكم ارتاح

انا ولدي تعب ونام بالمستشفى حسبي الله ونعم الوكيل

لكن الحين تحسن وان شاءالله مستمرة في اجراءاتي
واشكركم من كل قلبي على دعمكم لي وتشجيعكم

سوسو مت ضحك على تعليقج والله انا مو قد الحضانة ولا افكر افتحها مع اني تربوية واحب الاطفال لهالسبب مابي افتح حضانة لاني احبهم واخاف اغفل عنهم واقصر في حقهم
هذي امانة بس وين الي يفهم

حبيباتي قبلاتي لكم

 

[Computer-ENG]

نبي up date وين وصلتي وشنو صار حبيبتي ؟
انا من المتابعات للموضوع لاني جربت الحضانه التعيسه

 

[دانة بعين بحاري]

حسبي الله ونعم الوكيل ناس ماتخاف ربها
بس تيمع بهالفلوس
وماهمها عيال الناس

انا بصراحه كنت بدخل ولدي ولما دقيت استفسر ردت علي وحده اتكلمني بنفسيه
عاد قلت اذا هاذي اولها ينعاف تاليها

 

[Melazlaza]

نبي up date وين وصلتي وشنو صار حبيبتي ؟
انا من المتابعات للموضوع لاني جربت الحضانه التعيسه

مشكورة حبيبتي عالمتابعة انا ولدي طاح مريض الله يبعد الشر عن عيالج فلهيت معاه بالمستشفى

اي تطور بالموضوع بكتبه هني ان شاءالله بس كل شي يبيله وقت وربي يوفقنا يارب

اشوا انج شاهدة عليهم وحاسة بالي انا مريت فيه ولو اني مادري شنو تجربتج معاهم
نورتيني قلبي

 

[Melazlaza]

حسبي الله ونعم الوكيل ناس ماتخاف ربها
بس تيمع بهالفلوس
وماهمها عيال الناس

انا بصراحه كنت بدخل ولدي ولما دقيت استفسر ردت علي وحده اتكلمني بنفسيه
عاد قلت اذا هاذي اولها ينعاف تاليها

مادري اذا قصدج نفس الحضانة
بس نصيحة عيالنا محد يخاف عليهم كثرنا وان كان لابد نغيب ععنهم فمافي احن من بيت يدهم عليهم مهما كان هذا لحمهم ودمهم ومايرضون بالغلط

انا خذت درس واعتبرت من الي صارلي وماودي احد ينحط مكاني
ربي حفظ وليدي بس عيال الناس مو لعبة عند هالحضانات وفي رب فوقنا لازم اي احد بيبطل مشروع يتذكر رب العالمين بصير واذا غش البشر ربهم بينورهم

 

[ام الحوراء زينب]

مزمز طمنينا شنو صار

 

[hooryah q8]

شنو اخر التطورات

 

[Computer-ENG]

الحضانه كانت مسببه رعب حق ولدي ، اسم الله عليه ذاكرته قويه الظاهر مثبت عالطريج كل يوم الصبح بس نوصل عند الدوار اللي يم المدرسه يقعد يبجي يقول ماما مابي سكول !
واهو طبعه اجتماعي ووايد يحب اليهال بس مادري شنو يسوون فيه هناك اللي ويهه وعيونه حمرا من البجي لما ايي اخذه ، عبالي الوضع طبيعي لانه متعلق فيني ، وعدل كلامج غرفة النوم مالتهم تلوع الجبد جنها محكر حمام ودايما اشوف يهال نايمين عالقنفه بالصاله اللي اهي رسبشن بنفس الوقت يعني الباب انسي ينقفل !!
لما قريت موضوعج حسيت بتأنيب الضمير لاني استمريت ووديته لمدة شهرين ٦ و ٧ ... حبيبي كسر خاطري
والحين وديته حضانه my small world بالجابريه اسحبه سحب للسياره ما يبي يرجع معاي وااايد مستانس والستاف روعه كويتيات واجانب مافي احلى منهم اخلاق ونفسيه حلوه ..

 

[صفاءء]

واي من صجهم احنه الحمدلله عيالنه في حضانه صن فلاور مشاءالله مشاءالله خووووش حضانه

 

[!! شوق !!]

ياربي تجربتج اعجز اعلق عليها


بس نصيحتي وديه للحضانه التابعه لمبره طريق الايمان عندكم بالسلام ق2
اللي ماسكينها بنات كويتيات وباشراف نبيل العوضي
تحطينه وترقدين وتامنين عليه

 

[Melazlaza]

حبايبي بنات كلكم
اشكركم عالمتابعة والله ماتقصرووووون بعد عمري
ومهندسة كمبيوتر
والله قلبي عورني على وليدج حبيبي عساه ينساهم انا ولدي شوي بدا ينسى بس لازال اذا عصب يقوللي اوديج رينبو؟
تخيلي يهددني فيهم يعني شمسويله!!




بالنسبة لاخر التطورات
الدكتورة مخلية محامي يتصل باهلي!
ويطلب اني اعتذر والا بيرفعون علي قضية!!

اعتقد كل ردودي واضحة جدامكم موضوعي ذكر تجربة فقط لاغير والفاظي منتقاة بدقة
وللعلم عندي اثباتات طبية رسمية على كلامي تؤكد كل ماذكرته في تجربتي هذي
وربنا يظهر الحق دائماً

حبيباتي اشكركم على وقفتكم معاي
وعذروني عندي بعض التحفظ على خطواتي يتطلبه موقفي

 

[PuPa^^SWeeT]

ملزلزة



موفقة في خطواتج


وربي ينور دربج




و يكتبلج كل خير

 

[جنون أنثى]

Up
خل كل الناس تعرفهم على حقيقتهم

 

[om_3azoz]

حسبي الله ونعم الوكيل ,, جذي يسون باليهال

 

[عسل مرت قيمر]

ملزلزه

الحمدلله طلع حتى بنات غيرج مجربين وذكرو تجاربهم الفاشله

مو بس انتي


مو معقوله كل هلبنات غلط والحضانه اهيا الصح

عموما ربج شايف وعارف


وبنهايه مايصح الا الصحيح


عاد قوليلنا شيصير بلأخير

وربي يوفقج ياارب

 

[PuPa^^SWeeT]

مبرووووك عسل


عضوية التاجرة

 

[Melazlaza]

مشكورين حبايبي كلكم نورتوا الموضوع
اتمني الكل يستفيد من تجربتي

 

[sunshine22]

اذا كلامج صج


عسى الله يقطع رزقها هي ويالفلبن



انا اكره الفلبينيات شريراااااااااااااااااااااااااااااااااااااااات
ومافيهم حنااااااااااااااااااااااااااااااااااااااااااااااااااااااان


حدهم تنظيف البيت او خياطات

ااما تمسك عيالي لااااااااااااااااا

 

[miss_uk]

مشكورة على هالتنبيه اتوقع تجربتج مهمه

انا من قريت فلبينيات قلت على الدنيا السلام،، مو عيبا بالاصل لكن خلنا واقعين فلبينيات يعني راتب قليل يعني تجاري،، يابت فلبن لانهم يتكلمون انجليزي انزين انا اييب وحدة بس حق ولدي خاصه بايت ليش اوديه
هذا واحد
ثانيا يهال بالريسيبشن والباب مفتوح هذي كلش ما ينسكت عنه كلش مو بروفيشينال

للأسف اغلب الحظانات بالكويت تجاريه
انا مو ضد الحظانات كلش بالعكس انا اعتقد وجود الطفل في بيئه تعليميه محفزة مهم لتنميه عقله
لكن في شروط ومن اهمها
1 مؤهلات الستاف : متخصصين بالتعليم المبكر " مو بس شهادة تربيه" لاااا نبي تعليم مبكر لانهم ابخص بالتعامل مع الاطفال بغظ النظر عن الجنسيه .

وبالنسبه للي مسجلين عشان يردون وحتى ما كلفوا نفسهم انهم يتعاطفون مه الام المقهورة فهذا واضح انهم لهم علاقه قويه مع صاحبه الحظانه
وملزلزه ام مقهورة على ولدها سواء معاها حق او لا

حبيبتي احتوي ولدج هالفترة ونصيحه سجليه بالمدارس المتخصصه اللي الستاف مالهم متخصص ويدفعون رواتب سنعه بس عشان عيالنا يحصلون بيئه امنه وسليمه،، خلي عنج الحظانات التجاريه
انصحج بالمدارس البريطانيه التوب بالكويت ،، تعليمهم يشهد عليه الكل ،،
دبلزززززز امهات ركزوووووووو وين تخلون عيالكم ومنو ولاحظو تاثيرهم

شي طبيعي الولد يبجي اول شي بس مو مرعوب

 

[miss_uk]

امبيييه توني اكمل الردود وقريت اسلوب صاحبة الحظانه
كلش مو راقيه

الله يهديها ان شاء الله

بس ودي اقول شغله في ناس ضروفهم لازم حظانه
وفي حظانات زينه
بالنسبه لي عيالي من عمرهم سنه واقل بعد بالحظانه لاني بالبدايه ما كان عندي خدامه ،، لكن تجربتي الحمدالله ايجابيه والحظانه ساعدتني باشياء
ولدي ما ياكل ،، عندهم ياكل واهتموا بمشكلته بالبدابه وخلوة عندة شعور ايجابي يخلونه يكمل اكله على راحته واهما قالولي شي انا ما قلته لهم انه ولدي مو قليل الاكل لاا ولدي يحتاج وقت اطول من غيرة ويخلونه ويشجعونه
بالنسبه لبنتي كانت اتعض من غيرتها وحلولي المشكله او ساعدوني

بالنسبه للبجي
ولدي خذاله شهر يمكن اكثر يبجي بس اول ما يدش يعني قبل لا نطق الجرس مال المدرسه عاطي من اخليه يبجي ٥ طقايق ولما ارد مستانس
العكس بنتي اسم الله عليها من اول يوم يقولي باي باي
وعندي امثله وايد مو عشان مدرسه عيالي في بمنطقتي وايد حظانات وكلها مراقبه من الحكومه البريطانيه
بس ليش اهما مهمتمين مو لسواد عيني . الاسباب:
المدرسين كللللهم حتى الاداريين لاجظي الاداريين دارسين تعليم مبكر
الحظانه السيفتي عالي وكاميرات ومراقبه من مجلس النظافه
كل ابله لها عدد معين من الاطفال على حسب العمر اقل من سنه حدها طفلين ، سنه ونص حدها اربعه وهكذا
كل هذا ركزت عليه قبل لا اختار الحظانه الللي عيالي بيقعدون فيها اول سنين حياتهم
وغير التقرير الليومي عن عيالي جني وياهم ،، الاهم عندهم الاخلاق والتربيه والنظام


ادري قررت عليكم بس والله انا مثل مازازة حيييييل احاتي عيال الناس ،، والله لو اشوف ياهل متأذي نوعي ابجي بالشارع مستحيل اشوف فلم في جايلد ابيوز*