تجربتي الخاصة مع حضانة(رينبو)اللهم قد بلغت اللهم فاشهد.

[Melazlaza]

سن شاين
مشكورة عالرد حبيبتي ماكتبت تجربتي الا عشان انبه الاهل

مس يو كي
حياج حبيبتي وماااااااقصرتي بالعكس كلامج كله عدل واحييج والله قمنا نفتقد الامهات الي نفسج
الله يحفظلج عيالج ويحرسهم بعينه الي ماتنام
وانا مفكرة بالمدارس الاجنبية وتجارب خواتي معاهم روعة اهتمام من قلب مو نفس ربعنا خذوه فغلوه

 

[كتكوته22]

مس يو كي ما عليج امر شسم حضانه عيالج لان بدخل بنتي ووايد متررده منو الزين ومنو الشين خايفه من تجربة صاحبة الموضوع

 

[sunshine22]

هههههههههههههههههههههه


شر البليه ما يضحك

قريت الموضوع كله

ام ناصر واضح انها صاحبه الحضانه او اختهاااا
وااااااااااااااااضح وضوووح الشمس

وتاريخ الرد وعدد المشاركات ترا تفضح

موافق ليوم الموضوع

 

[مشتطـه]

أمبيه احتريت حيييل !!!!

 

[لولوه أخت دانه]

حسبنا الله ونعم الوكيل

الله يعطيج العافيه على التنبيه

الله ينتقم منهم

 

[miss_uk]

كتكوته للأسف حظانه عيالي ببريطانيا
بس برجع الكويت قريب ومع بحثي الدقيق لقيت حظانه الشمس المشرقه تابعه للمدرسه البريطانيه بسلوى سجلت عيالي فيها الحمداللع

 

[Melazlaza]

سن شاين
شفتي المشكلة ربنا يكشف الانسان سبحانه الله

مشتطة
عيل محد يلومني قعدت اسابيع ماقدر انام من حرتي علي وليدي

لولوة
ونعم بالله اهوا حسبنا ووكيلنا

 

[Melazlaza]

مس يو كي
اختي ببريطانيا توصفلي الحضانات حتي ربعها ماعندنا هني
هناك اهم شي الطفل هني اهم شي الفلوووووووس مع ان احنا المسلمين الي ديننا منع الغش والغلط

بسإلج الشمس المشرقة وين بالضبط وتابعة لمدرسة بريطانية والا نظامها بس بريطاني

 

[سوسو حبيبتى]

تتدورن ايش الى ضحكني

اني من اسبوع تقريبا كنت بتفرج على تلفزيون الكويت ولقيت برنامج عن الحضانات وجايبين الدكتوره

كاكككككككككككك قاعدة تكدب على نفسها صراحه :d

الحمدلله المنتدي مشهور ومعروف والسالفه وصلت للكويت كلهاااا حتي ع الواتس اب وصلت

ويادكتوورة احب اقول لك ان الباطل مش بيدووووم

وان شاء الله ربنا هاينصر الحق

 

[q8 knosha]

كنت بنطر على ولدي جم شهر يكبر شوي و اوديه حضانه

مو عشان شي بس عشان يلعب مع اليهال ويستانس

ولا انا قاعده بلبيت اجابله بس ودي يلعب ويستانس مع اليهال

بس تجربتج خرعتني الصراحه

بروحي كنت احاتي هل شغله

وقريت موضوعج وكل الصفحات والردود

والصراحه هذي ماتستحي فوق شينها قوات عينها

استغفرالله

 

[Melazlaza]

شفتي سوسو
لوووول والله طالعت لقاءها ضحكت بس ما استغربت كلهم يصفصفون حجي والصج غييييير


كنوشاا
انا نفسج بالضبط كنت ابيه يستانس والا انا قاعدة بالبيت بس قلت خل يختلط واهوا اجتماعي ويدور اليهال دوارة بس خذت درس معتبر
ديري بالج خلي وليدج لحضنج باجر يكبر يدخل كي جي عالاقل بيقولج لو احد أذاه
الله يحفظه لج

 

[سوسو حبيبتى]

كنوشه لو عندك جيران والا اهلك اتجمعوا ولعبوا العيال مرتين ف الاسبوع ع الاقل

انا بعمل كدا حاليا وربنا يقدرنا

ووديه الالعاب الى بتكون ف الحدائق

بس اوعي تحطيه ف حضانه الا لما يكبر ويفهم ويعرف يشتكي ويحكي

لحسن بعيد الشر يقعد فى ايد واحدة زي الدكتورة امنا الغوله هههههههه

 

[q8 knosha]

لوووول ايه لا بس هونت من موضوع الاخت والله

 

[Melazlaza]

اي والله صاجة سوسو

كنوشة اخذي عبرة مني
باجر يكبر وتيبيله اخو يترس عليه البيت

 

[ملاك الغيد]

ياعمري ياوليدج قطع قلبي قاعد يتئاذى منهم ولا يعرف يعبر

الصراحه انا ولدي عنون وراي دوام وقاعده افكر ادخله حظانه بس عقب موضوعج عووع يمه تخرعت يعني فليبينيه بتصير احن على ولدي مني

انا لما اروح الصالون اتضايق من الفلبن لماىيسوولي بدي كير والمني كير لما تطلعلي وحده قشرى شلون جاهل ياعمري عمره مابيده حيله

 

[أإلع ـشق دلع ـهـأإ]

عور قلبي ولدج

ماقصرتي نبهتي البناات انصحج تدزين كلامج برودكااست

 

[Melazlaza]

ملاك الغيد حبيبتي صاجة الفلبن مابقلوبهم رحمة بس العتب عالي خط خدامة فلبينية بحضانته وقال مدرسة من متى الخدم صاروا ابلات!!!
ديري بالج علي وليدج عيالنا امانة والله

 

[Melazlaza]

عور قلبي ولدج

ماقصرتي نبهتي البناات انصحج تدزين كلامج برودكااست

مشكورة عالمرور حبيبتي
وبالفعل الموضوع انتشر بكل الوسائل ولو اعرف بعد وسائل تحذير جان اتبعتها
بس الحمدلله واااايد ناس طلعوا عيالهم منها ووايد السالفة انتشرت
الله يجعل هالتحذير دفعة بلا عن عيالي يارب*

 

[Melazlaza]

للأسف لازال ولدي متأثر من هالتجربة المرة
امس يقولي ماما ليش وديتيني رينبو الحرمة صرخت علي قالتلي اكتب وانا خفت واهيا تصرخ علي
خنقتني العبرة قتله انا اسفة قال مابي اروح رينبو مرة ثانية انا اخاف منها وبجيت حيل لنا خليتيني عندها

الزبدة بنات عفية ديروا باااالكم علي عيالكم هالفترة الاولي من الطفولة جداًمهمة

للعلم من يومها ولدي رجع للحفاظة ورافض رفض تام ان يروح الحمام
علي الرغم من ان حزتها كان يروح الحمام
تعبي كله راح هدر
حسبي الله ونعم الوكيل
وربي ياخذ حق ولدي عاجلاً غير اجل
والي حاب يبطل مشروع تجاري خل يبتعد عن الاطفال
خياطة الدراريع والقمصان مربحة جداً
ومن غير لا تغير الستاف اهي نفسها الفلبينية بدل لا تقولون ابله قلبوها خياطة

 

[PuPa^^SWeeT]

وااااااي لزلز للحييين ولدج متعقد منها


حسبي الله علييها