السلام عليكم اخت ملزلزة. أنا قريت اللي كاتبته و بصراحة أنا منصدمة و مستغربة من اللي صارلج. أنا مسجلة ولدي في حضانة رينبو من حوالي سنة و نصف. بداية كنت مسجلته في نادي العصر لاكثر من سنة و توني صارلي جم شهر حولته الصبح. تجربتي الخاصة مع الحضانة انها ممتازة. بالنسبة للنادي فالمدرسة وفاء و مساعداتها الفليبينيات بصراحة ما قصروا مع ولدي. سلوكياته تعدلت و ماشالله قام يعرف الأحرف والأرقام بالعربي و الانجليزي وسور من القرآن و هذا اللي شجعني لسجله الصبح لان البرنامج التعليمي قوي. بالنسبة للصبح المدرسات أجانب وعرب لا مراهقات ولاشي و بصراحة حسيت ولدي وايد استفاد من الناحية التعليمية و هو كان عنده امتحان قبول في مدرسة للسنة الياية والحمدالله انه نجح الامتحان وهذا دليل على انه اللي تعلمه ساعده في النجاح. اما عن صاحبة الحضانة فانا صج مو قادرة اصدق اللي صارلج لأني اتعاملت معاها وايد و ماشالله عليها أدب و اخلاق و دائماً تسمع لأي ملاحظات و تساعد على قدر الإمكان. وانا عندي صديقات هم مسجلين عيالهم و لهم نفس الراي. هذا رأيي عن تجربة سنة ونصف مو يومين!*
يا المنافقه بدال لا ترفعين وتمدحين بحضانتج وتشهرين فيها ذكري ان لج رب فوقج يحاسبج على كل شيء .
شلون تنامين على المخده ودريتي ان خدمج يطقون اليهال ومعاملتهم خايسه ؟
شلون تنامين ووحده موراضيه عليج !
بدال لا تتأسفين لها وتقولين مايصير خاطرج الا طيب راح أطرد إلي أذنت ولدج تروحين تهددين وترفعين بحضانتج ؟
صج ناس غريبه
ترى اليهال أمانه برقبتج باجر تتحاسبين علي هالشي انتي يمكن ماتدرين قاعده علي مكتبج روحي شوفي شصير داخل
ولدها ماشالله عليه اجتماعي زيحب يلعب ليش كرهه حضانتج الي علي قولتهم تعليمهم زين ومعاملتهم حلوه
خافوا الله قبل لا تخافون من خساره الزباين
