تجربتي الخاصة مع حضانة(رينبو)اللهم قد بلغت اللهم فاشهد.

[PuPa^^SWeeT]

ادري فيييج يا قلبي


ملزلزة


انا ماعرفج الا من النت



بس والله حسيييت انج مثلي حريييصة على ولدج


وهذا الشي لو بيقولون عنه شيين

الا انه هذا الهدف من وجوودنا بهالدنيا


الحرص على راحة و سلامة عيالنا و بيتنا و ازواجنا



وماعلييج من الحجي اللي ماخووذ خييره


يعني تجربتج انتي ممكن مو حادثة مع غيرج


بس همن ماننكر انها حادثة وياج




المهم تخيري الحضاانة الاحسن لولدج


وانشالله ربي يحفظه لج و يحفظ عيالنا

 

[Melazlaza]

الواضح جدا من ردج مستواج و اسلوبج!!!! وهذا آخر رد لي.*

الحمدلله ان ردودي بالمنتدى مبينة مستواي وبشهادة كل الي يعرفوني وتشرفت بصداقتهم

وادري اخر رد لانج مشغولة بالتجارة

زين تسوين اخر رد عطيي مجال للبنات يردون

اسعدني تسجيلج

 

[Melazlaza]

بوبا حياتي نورتي موضوعي ووالله انا لي الشرف بمعرفة وحدة نفسج حريصة على بيتها وعيالها
وعيالنا امانة نتحاسب عليها

وبالنسبة للرد
فانا فرحت فيه والله
لانه دليل اني نبهتهم وان شاءالله يعدلون سياستهم بالحضانة او يبطلون مشروع غيرها

 

[++MesK++]

لا حول ولا قوة الا بالله !!

حدث العاقل بما يعقل! مشتركه بالمنتدا عشان تكتب ٣ ردود تدافع فيها عن الحضانه و تمشي و عبالها ما نفهم !!

مشكلة وايد ناس ياخذون كل الامور مسألة ربح و تجارة و ينسون ضميرهم و رب العالمين

و يدخلون يسوون دعايات و كل همهم الربح

انزين سنعي حضانتج و خليها كامله من كل النواحي و عقبها راح تشوفين الياهل بدال لا يقعد عندج شهر يقعد سنه و سنتين!!

حسبي الله و نعم الوكيل عبالكم عيالنا تجارة تمارسونها بغرض الربح!

و ملزلزه لو خليت خربت في وايد حضانات محترمه همهم الاول هو الطفل بعدين الربح

 

[Melazlaza]

^^^^
شفتي مسك!!!!!

بذمتج هذا اسلوب يعني حسبالهم جذي بيكسبون زباين!!

والله لو الحضانة سنعة ماراح تحصلين مكان لولدج تسجلينه مو ايساحلونج مساحل عشان تسجلين!!

وعدل كلامج والله ادري لو خليت خربت
وانا دشيت حضانة عقبها وصج شفت فررررق

بس بصراحة خلاص اقضب ولدي لين يدش كي جي بمدرسة ولا اقعد جذي احاتي ويلعبون فيه من وراي

والله مسك ما حملنا وولدنا وربينا وتعبنا عشان نقط ضنانا عند هالخدم

والا جان يبت خدم وخليته عندهم وبكامرات بعد

مو جذي لا حسيب ولا رقيب وفوق شينهم قواة عينهم!!



نورتي حبي

 

[Om 3zo0oz_2011]

وااااااي قلبي عورني حبيبي ولدج

100% يطقونه تري الياهل مايبجي ويتنافض الا شايف شي منهم

انا ولدي بعد جم يوم يكمل السنه وكل ما يشوف ولد اختي يبجي ومايبيه يدزه لان ولد اختي يطق ولدي

اشلون ولدج حبيبي فاهم

حسبي الله عليهم اليهال امانه برقبتهم من اسمها حضانه ليش جذي ماكو رقابه
اكيد قاطينهم علي الفلبن ومشغولين بالزباين بس همهم الفلووووووس

والله رفيجتي مسجله ولدها بحضانه اسرار القبندي ماشالله صج صج اهتمام ولمن شافت ولدها ما ياكل دقت على الاخصائيه وخلت خدامتين يراقبون ولدها وكل بين فتره والثانيه تدش عليهم علي غفله اهتمام مو طبيعي


انا فكرت احطه من هالشهر الياي بس الصراحه من عقب موضوعج ماقمت اثق بحد كلش

 

[Melazlaza]

ام عزوووز

كلامج عين العقل
انا ولدي جذي خدامة اهلي تحبه يمووووووت فيها يت خدامة غيرها لانها تأذيه ينحاش منها يروح حق هذيج هذا طبعا جدام عيني
الطفل صاااااااااادق جدا جدا
مايعرف يخش شي
الي يحسه يطلعه ما يمثل

الله يحفظلج وليدج ولا تاخذينها قاعدة اكيد في حضانات سنعة

بس ركزي ان صاحبة الحضانة تراقب مو يايبه خدم وماتدري عنهم

نفس صاحبتنا هذي

لا وتدش تدافع ولسانها طويل!!

 

[نحوله عسوله]

حسبي الله ونعم الوكيل فيهم


لووووزه الله يعينج ويصبر قلبج هذولا ناااس حراميه مايعرفووون الله مغريتهم الدنيااا


وانا ما افكر احط احد من عيالي بحضانه احطهم بالبيت عند اي احد من اهلي او اهل ريلي احسن لي


الله يعين البنات اللي ما عندهم احد صج اهم يتأذووون


بس انسب عمر لياهل عمر اربع سنوات ع الاقل يكون فاهم ويعرف يتكلم ويشتكي لما يشوووف الغلط



زين سويتي لووووزه وحطيتي الموضوع وكشفتيهم اللي ما يخااافون الله

 

[.،:"$الـعـوبــــة$":،.]

ملزلزه وبكل امانه دايم الاحظ ردودها انسانه حيل شفافه وحيل تحب تنصح ،،

وانا وربي نوعيتي الاحظ العضوه من ردودها ،،

ومتاكده انك ماتكلمتي من فراغ ،،

بالعكس الله يجزيك كل خير لانك ماقلتي اللهم نفسي وطلعتي ولدك وطنشتي ،،

سويتي موضوع كتحذير للامهات وانتي منتي خسرانه شي ان سجلوا او ماسجلوا بالحضانه ،،

وعسى الله يخلي لك وليدك ويعطيك على نياتك ،،

ويحفظ عيالنا من كل شر اللهم امين ،،​

 

[hooryah q8]

حسبي الله و نعم الوكيل فيهم
راعية الحضانه اشكره قصدها الربح وبس لا اهتمام بالياهل ولا شي
عورتي قلبي والله الله يحفظ اوليدج ..زين سويتي كتبتي هالموضوع وان شاءالله الاماهات الي امدخلين اعيالهم هالحضانه التعبانه يقرونه و ينتبهون

هذيل يهال اماااانه برقبتج و حاطتهم مع هالفلبن خافي ربج وراج احساااااب
هالايام الناس تركض ورا الفلووووس ماكو ضميييير
وراج قبر اشماخذه من الدنيا
والله اليهال يعورون القلب

حبيبتي ملزلزه كل يووووم رفعي الموضوع خلي الكل يقراه

 

[Melazlaza]

نحولة قلبي يزاج الله خير
وانا نفسج والله والاهل مايقصروووون يشيلون وليدي شيل واهوا ولدهم مايرضون عليه

بس انا قلت دامه متملل ويبيله يهال وماعندنا يهال يلعب معاهم قلت ادخله نادي العصر يستانس
بس تووووووووووووبة
والحمدلله ربي كشفهم

مشكووورة حياتي عالرد

 

[Melazlaza]

يا بعد عمري(العوبة)
كلج ذووووووق وما علييييج زوووود ياقلبي
وانتي من اكثر العضوات المميزات بالمنتدى وكلامج شهااادة اعتز فيها

والله صاجة انا شاستفيد من الموضوع
بس ربي يشهد ان ماهان علي عيال الناس

باجر ربي يحاسبني شفت شي بعيني وسكت!!!

نورتي موضوعي والله

 

[Melazlaza]

حورية
حبيبتي مااااقصرتي بعد عمري

وعدل كلامج كلنا ورانا حسااااااب لا تغرنا الدنيا بملذاتها باجر لا وقفنا بين ايدين الي عينه ماتنام شبنقول؟!!

وسبحان الله

ربي جعلني سبب عشان ينكشف امر هالحضانة!!

الله يفتح اعيون الامهات والله اليهال يقطعوووووون القلب

تدرون من يوم السالفة ليومكم ولدي مريييييض
مطلعينهم بهالبرد بالليل بالحووووش

امس طول الليل يكح ويرجع
بس الحمدلله نفسيته احسن بواااااااايد

 

[عشق الدلال]

امبيه شهالحضانه الفاشله ،، حسبي الله عليهم صج ماكو اهتمام بعيال الناس .. اختى ماكو الا اهلج او اهل زوجج حطي ولدج عندهم .. انا اروح الصبح اقط ولدي على بيتنا واروح دوامي ولا اقعد افكر واوسوس طول اليوم .. هذه نصيحتي وانتي كيفج ..
موفقه باذن الله

 

[Hello_kitty]

ملزله حبيبتي لا تعبين عمرج وتردين عليها بالعكس خليها ترد وتعصب اكثر ردودها اكبر شاهد عليهم

الله قاعد يفضحهم .. الناس حاطه فلذات كبدها ومأمنه عليهم ودافعه فلوس وتتعنى يوميا توصيل ومشوار

تبي اعيالها يستفيدون ويستانسون واخر شي يعاملونهم بهالطريقه

حسبي الله ونعم الوكيل فيهم انتي خذيتي اجر بهالأطفال جزاك الله كل خير

 

[Melazlaza]

عشق الدلال تسلمين ياقلبي

شوفي انا تركت وظيفتي عشان ولدي

بس انا كنت بدخله لانه تملل ويحس بالوحدة وماعندنا اطفال من سنه
وقام كله يقول مليت

بس هذا درس حقي

وهم ربي جعلني سبب عشان تنكشف هالحضاااانة

والله يوفقج بصراحة عين العقل مافي مثل اهلنا على عيالنا

 

[Melazlaza]

هلا هلا بكيتي حياتي ولدي كل مايشووووف صورتج يستاااااانس ماما كيتي كيتي لووووول

دخلتي الفرحة على قلبه


والحمدلله ربي سلطني عليهم والا جان محد يدري عن خماجيرهم
وصح كلامج الرد اثبات انهم مادين كل همهم الفلوس

 

[PuPa^^SWeeT]

ملزلزة


حبيبتي


ساعات الاهل مايلاحظوون اموور اما للوية التوصيل و الاحضار او لأنهم مو متوقعين انه هالشي يصير


فا لما رمييتي بموضوعج اخترعووو

طبعا انا ماتكلم عن ام ناصر مادري شسمها


بس اللي صدمتييهم اللي يقولون انها احسن حضاانة

بالعكس احنا نبي اللي تفضح الحضانات السيئة السمعة



وهذا شي زيين

 

[Melazlaza]

هلا بوبا

حبيبتي محد قال عنها زينة!!
غير ام ناصر

مادري اذا قروا وما علقوا فالله اعلم

بس انا ربي يشهد علي ماكتبت هالموضوع الا رأفة بالاطفال قطعوا قلبي وفي وحدة ماااافارقت بالي توها تمشي حياتي وكل مادش اشوفها تبجي بس حزة الطلعه يلعبونها وايد عشان تنسى ومايبين عليها
بعد عمري ليتني قدرت اقول حق امها

وليت الامهات الي عيالهم هناك يقرون موضوعي

 

[PuPa^^SWeeT]

الحمدلله انه منتدانا معرووف


وماراح يضيع موضوعج


سيددة انشالله يقروونه
ويطلعوون عيالهم منها باسرع وقت


عيال الناس امانة