حبيبتي كيتي
أنا مسجله بناتي الثنتين هناك وصار لي سنتين ناشفا كل هذا ولعلمك أنا ويواسيه حتى النخاع ورفيجاتي دخلوا عيالهم لأنهم يثقون في اختياري وهم ما اشتكوا وبناتي ما يصدقون علي الله يقومون الصبح عشان يراوحون الحضانة وحتي الدكتوراه في منتهي الرقي ولعلمك اذا شافت اي وحده من الستاف مقصر تطرده وما تهمها الفلوس وهذي الحقيقة وتقبليها
اولا اسمي ملزلزة
ثانياً اذا انتي وسواسية ليش حاطة بناتج عند فلبينيات ابيت مافيه مراقبة ولا كامرات؟؟!!
اكيييد بس يبون يروحون تدرين ليش
عندهم سياسة
الياهل او ما ايي يخلونه يلعب بالالعاب مدة عشان لا يبجي او يتضايق وهم قبل لا تستلمون عيالكم يخلونهم يلعبون بالالعاب عشان ينسون الي صارلهم
انا ولدي جذي يدش عادي عنده ولا يبجي وهم اول يوم لما لقيتهم حاطينهم بالحوش يلعبون بهالبرد كان يلعب الطفل ذاكرته محدودة واللعب ينسيه الي ضايقه
شوفي انا اتقبل الاراء المختلفة لكن رايج يشككني لان لو كلامج صحيح!!
متى غيرت من الستاف؟؟ شفتي بعينج؟؟
ولو صح كلامج كا صارتلي مشكلة مااااااااا سألتني كلش شصاير والله انصدمت لما بسجل ولدي قالتلي اي شي قوليلي اغيرلج الستاف اذا مو عاجبج ولما بطلعه تسد الخط بويهي!!
اهيا خل تحصل ستاف متخصص عشان تغير الي عندها
تري نعرف شغل التجارة وندري ان العمالة صارت غالية ونادرة
اذا صج بناتج هناك دشي عليهم عقب نص ساعة او قبل نهاية الدوام بساعة وشوووووفي الي بيصير فيج
ما اتكلم عن موقف مع ولدي بس
انا شفت كذا طفل قاعد يتعرض لضغط جدام عيني
وحابة اقول معلومة مهمة
لما عصبت عليهم فيه وحدة اردنية تمسك الكبار تدرس عربي طلعتلي وقالتلي مدام قولي للادارة عالي بتعملوا مع الاطفال!!
ها للحين واثقة؟؟
لو الدكتورة عارفة انها على حق و ان ستافها ماغلط جان مادزتلي مسج استلم الفلوس نص الدوام عشان لا اصادف ولي او ولية امر وينفضح امرهم!!
اخيراً
كل منا مسؤول عن رعيته اذا حاسه ان عيالج الي تحبينهم بأمان عليج بالعافية هالحضانة،،
