تجربتي الخاصة مع حضانة(رينبو)اللهم قد بلغت اللهم فاشهد.

[Melazlaza]

حياتي رنين بعد عمري انتي وايد ردج ريحني


ودعوتج بلسم عالقلب

يحفظلج عيالج ياروحي

 

[نور83]

والله موضوعج يا عل الجرح انا الحين عندي ظروف و مضطرة اودي بنت حضانه و خايفة لانها صغيرة سمله عليها سنة و نص و حيل خايفة عليها لانها ما تتكلم يعني حتى لو في شي مضايقها ما راح تقدر تعبر و تقولي .في ............

و الحضانه اللي بوديها لها من ارقى الحضانات بالديرة رسوموها 100 كل شهر بس هم خايفة و مترددة حيل و موضوعج خوفوني اكثر ............

 

[Melazlaza]

نوره83
حبيبتي لو خليت خربت اكيد في حضانات زينة

انتي حاولي تخلينها عند احد من الاهل
واذا ماقدرتي سجليها بحضانة فيها كامرات تقدرين اتابعينها عن طريق الانترنت وبجذي ماراح يضرونها وانتي بتتطمنين

 

[a7la_7b]

حسبي الله ونعم الوكيييييييييييييييييل فيهم

الله يحفظ ولدج من كل سوووء

 

[Melazlaza]

حسبي الله ونعم الوكيييييييييييييييييل فيهم

الله يحفظ ولدج من كل سوووء

تسلمين عالدعوة الطيبة
حبيبتي
ويحفظ كل عيال المسلمين يارب..

 

[توته شيطونه]

ؤى أنا بنتى شركتها بحصانه وهم طلعت الإبله تطقها وتوقفها تعاقبها ولا ثانى شيء لمن سحبت

أوراق بنتى الإبله دقت وتحلف ماطقيتها بنتى قاعده تمثلى شلون تطقها والياهل

ما يجذب

 

[hneen2]

والله اسم الحضانه الراشد اللي بالعديليه والله هذا شكوه حماي ومرته نغثو منها

استغفر الله

 

[Melazlaza]

توته شيطونة

يا عل ايدهم الكسر
هم حاطين عيالنا بفلوس وهم يعذبونهم
والله ديرتنا صايرة خوارة كل الاماكن نصب واحتيال

انتي عالاقل تعتذرلج انا اقولج سدت الخط بويهي!!

 

[Melazlaza]

حنين بميزان حسناتج ان شالله

خل الامهات ينتبهون

مشكورة حبي

 

[Um Naser]

السلام عليكم اخت ملزلزة. أنا قريت اللي كاتبته و بصراحة أنا منصدمة و مستغربة من اللي صارلج. أنا مسجلة ولدي في حضانة رينبو من حوالي سنة و نصف. بداية كنت مسجلته في نادي العصر لاكثر من سنة و توني صارلي جم شهر حولته الصبح. تجربتي الخاصة مع الحضانة انها ممتازة. بالنسبة للنادي فالمدرسة وفاء و مساعداتها الفليبينيات بصراحة ما قصروا مع ولدي. سلوكياته تعدلت و ماشالله قام يعرف الأحرف والأرقام بالعربي و الانجليزي وسور من القرآن و هذا اللي شجعني لسجله الصبح لان البرنامج التعليمي قوي. بالنسبة للصبح المدرسات أجانب وعرب لا مراهقات ولاشي و بصراحة حسيت ولدي وايد استفاد من الناحية التعليمية و هو كان عنده امتحان قبول في مدرسة للسنة الياية والحمدالله انه نجح الامتحان وهذا دليل على انه اللي تعلمه ساعده في النجاح. اما عن صاحبة الحضانة فانا صج مو قادرة اصدق اللي صارلج لأني اتعاملت معاها وايد و ماشالله عليها أدب و اخلاق و دائماً تسمع لأي ملاحظات و تساعد على قدر الإمكان. وانا عندي صديقات هم مسجلين عيالهم و لهم نفس الراي. هذا رأيي عن تجربة سنة ونصف مو يومين!*

 

[Melazlaza]

السلام عليكم اخت ملزلزة. أنا قريت اللي كاتبته و بصراحة أنا منصدمة و مستغربة من اللي صارلج. أنا مسجلة ولدي في حضانة رينبو من حوالي سنة و نصف. بداية كنت مسجلته في نادي العصر لاكثر من سنة و توني صارلي جم شهر حولته الصبح. تجربتي الخاصة مع الحضانة انها ممتازة. بالنسبة للنادي فالمدرسة وفاء و مساعداتها الفليبينيات بصراحة ما قصروا مع ولدي. سلوكياته تعدلت و ماشالله قام يعرف الأحرف والأرقام بالعربي و الانجليزي وسور من القرآن و هذا اللي شجعني لسجله الصبح لان البرنامج التعليمي قوي. بالنسبة للصبح المدرسات أجانب وعرب لا مراهقات ولاشي و بصراحة حسيت ولدي وايد استفاد من الناحية التعليمية و هو كان عنده امتحان قبول في مدرسة للسنة الياية والحمدالله انه نجح الامتحان وهذا دليل على انه اللي تعلمه ساعده في النجاح. اما عن صاحبة الحضانة فانا صج مو قادرة اصدق اللي صارلج لأني اتعاملت معاها وايد و ماشالله عليها أدب و اخلاق و دائماً تسمع لأي ملاحظات و تساعد على قدر الإمكان. وانا عندي صديقات هم مسجلين عيالهم و لهم نفس الراي. هذا رأيي عن تجربة سنة ونصف مو يومين!*

وعليكم السلام يا ام ناصر(كويتية جديدة)اول رد لج بموضوعي مسجلة بالمنتدى عشان تردين علي وااااو صراحة فرحت بردج هذا دليل اني نبهتكم ولفت انتباه وايد امهات
عاد صاحبة الحضانة تحب تسوي دعاية هني بمنتدانا فدريت انها بتشوف موضوعي وتوقعت انها بترد علي او بتطرش احد يرد بدالها

الشجاعة مو بالرد هني وانا ماكتبت الموضوع للتشهير ربي شاهد مع ان الي سوته معاي صاحبة الحضانة مو شوية وغيري جان شرشحتها بس انا اعرف الادب والحمدلله ان ربي منعم علي بالعقل الي مخليني ما اقط ضناي باي مكان
لانه عيالنا امانة برقبتنا وبنتحاسب عليها

انا بفترض ان عندج ولد صج وعاجبتج هالحضانة
وبقولج عليج بالف عافية
بس شكوتي ماهي شاذة ولا نادرة
انا تكلمت مع كذا ام عن حضانة رينبو وكلهم بلا استثناء قالولي فااااااااااااااااشلة وليش ما سالتينا قبل لا تسجلين ولدج

وحدة من هالامهات من سكان منطقة السلام قالتلي حرام عليج هذي حاطة فلبن ومسويتهم ستاف ولاعبين بعيال الاوادم
وجدامج ماكو احن منهم ومن وراج تعالي شوفي شيسوون
شتفسرين الاطفال ميتين بجي ويبلعون ريجهم ويتنافضون؟؟؟
شتفسرين كلام الدكتورة الي عاجبتج معاي لما اقولها الباب مبطل اليهال ممكن ينحاشون وتقولي حاضر بتشوفين الي يسرج اروح يومين ورا بعض من كلمتها والابواب لازالت مبطلة وطاااااف مو هامهم واليهال بالصالة!!!
شتفسرين لما بدخل ولدي اسلوبها ذرب ولما بطلعه وبتضيع عليها الفلوس مااااااااااتسالني شنو السبب وانا لازم اعرف بحكم ان الاطفال امانة نفس ماقالت اول ماكلمتها لا قااااااامت تتهمني بالحساسية وانها ماتبي زود حجي ورووووحي اخذي فلوسج واقولها انا خايفة على عيال الناس تسده بويهي!!!!!
ماشالله جدا راقية ها؟؟؟؟؟؟؟؟؟؟

مادري شنو عورج وانتي قاعدة تقرين موضوعي بس الاكيد انج ماتاثرتي والدليل ردج
بس انا يكفيني تاثر بنات المنتدى ووقفتهم معاي لانهم يعرفون الحق
والموضوع واضح وضوح الشمس

شوفي رد غيري عن هالحضانة وعلى فكرة مو انا الي قلت مراهقات في عضوة يت ردت على موضوعي وقالت بالفعل ذكرتيني فيهم ستافهم مراهقات ووحدة منهم حاطة خزامة بحلجها!!!

قولي للدكتورة دامج تعرفينها ((خافي الله بعيال الناس وراج رب يحاسبج وان ماشفتيها بالدنيا بتشوفينها بالاخرة)

اسعدني مرورج وتسجيلج عشاني

 

[قبوط ومربين]

لا اله الا الله حسبي الله ونعم الوكيل الله يحفظ عيالنا وعيال المسلمين يارب

 

[Melazlaza]

قبوط ومربين
آمين حبيبتي
ماتقصرين

 

[حبيبة دودي]

ملزلزه حبيبي ولدج عورني قلبي عليه
حسبي الله عليهم وزين كتبتي فيهم موضوع بس ياليتج صورتي ع الاقل الباب وهو مبطل
علشان اللي مثل الاخت ام ناصر تعرف ترد عدل!!
عبالهم مو فاهمين حركاتهم

 

[!الجادل الصعب!]

حسبي الله عليهم
انا لو مكانج اقل شي شكوى بوزارة التربيه
عليهم
اذا مالها خلق تراقب ستافها ليش حاطه نادي العصر
وتسحب فلوس خلق الله!!
وتسكيرتها للتلفون اكبر دليل على مستواها .. والا دكتوره
يفترض عندها لباقه ويهمها تعرف النواقص عشان تكملها

شمسوين بالولد وشمسوين باللي عندهم واهاليهم ياحياتي
مانتبهوا !


والردود الجديده اكبر دليل علا فشل الحضانه

الله يعينج ولا يحطنا بموقفج يارب !!
*

 

[Melazlaza]

ملزلزه حبيبي ولدج عورني قلبي عليه
حسبي الله عليهم وزين كتبتي فيهم موضوع بس ياليتج صورتي ع الاقل الباب وهو مبطل
علشان اللي مثل الاخت ام ناصر تعرف ترد عدل!!
عبالهم مو فاهمين حركاتهم

نورتي ياقلبي
اي سفتي الردوداليديدة حسبالها بنات المنتدى اغبيا
بس هذي نقطة ضدها
وسبحانه ربي يبي يكشفها
وحياتي انا بذيج اللحظة وين اصور عالي صار بولدي قمت اتنافض من المنظر الي شفته
بس الحمدلله انكم شفتوا موضوعي وان شالله يتنبهون الامهات الي قروه

بالنسبة لام ناصر ترئ فرحت بردها هذا دليل يثبت كلامي ان هالحضانة فاااااااااشلة والحمدلله ربي يبي يظهر الحق

 

[Melazlaza]

حسبي الله عليهم
انا لو مكانج اقل شي شكوى بوزارة التربيه
عليهم
اذا مالها خلق تراقب ستافها ليش حاطه نادي العصر
وتسحب فلوس خلق الله!!
وتسكيرتها للتلفون اكبر دليل على مستواها .. والا دكتوره
يفترض عندها لباقه ويهمها تعرف النواقص عشان تكملها

شمسوين بالولد وشمسوين باللي عندهم واهاليهم ياحياتي
مانتبهوا !


والردود الجديده اكبر دليل علا فشل الحضانه

الله يعينج ولا يحطنا بموقفج يارب !!
*

حياتي ردج نورني
صج ما اتمني الي صارلي يمر على اي مسلم
بالنسبة للشكوى خلينا نخلي امرها غامض حبيبتي عدل


اما عن الدكتورة الي مادري منو عطاها هالشهادة على اخلاقها فانا ترفعت عن الرد عليها لاني ماحب انزل لهالمستوى

وبالنسبة للردود او المشاركة الوحيدة الي بموضوعي ماشالله مسجلة عشاني
فانا سعيدة وهذي ادانة للحضانة
وياريت اي وحدة عندها شك واحد بالامية بكلامي خل تروح الحضانة على غفلة

وياريت ترجع تكتبلنا انطباعها

انا الي علي سويته
وردودكم هونت علي وايد وانتوا خواتي الي صج تستاهلون انبهكم وعيالنا كلنا غلاتهم وحدة
صج اني طلعت ولدي بس ماهانوا علي عيال غيري

 

[Um Naser]

السلام عليكم. صح كلامج انه هذي اول مشاركة لي في المنتدى لكني المستغربتله مرة ثانية انج مباشرة قررتي انه ردي له علاقة بصاحبة الحضانة!! لكل موضوع طرفين انتي وصفتي تجربتك و أنا هم لي الحق اني اوصف تجربتي. ومو معناه انه تجربتي ما تتفق مع تجربتج انج تتهميني!! انا ام دافعة الرسوم مثلي مثل غيري ولي الحق في الكلام و كلامي له نفس اهمية كلامج. معقولة اتهام الناس من غير حتى ما تعرفينهم صار بهلسهولة؟ انتي منو تحسبين نفسج تكلميني بهالطريقة؟؟! خافوا ربكم. أنا ما شفت من الحضانة الا كل خير و حبيت ابري ذمتي واللهم اني بلغت. وانا راح اكلم الدكتورة و ابلغها عن اللي كاتبته.*

 

[Melazlaza]

^^^^
منو احسب نفسي؟؟

ام ناجحة وكويتية أمينة وانسانة محترمة ..

عرفتي منو احسب نفسي؟؟

اعرف ارد عليج باسلوبج بس مو تربيتي ولا اخلاقي

ادري شتحسين فيه وشعورج واصلني مو بس انا كل الي قروا موضوعي وصلهم شعورج
وايد خفتي تفقدين (روس) قصدي زباين
مو انتي جذي تشوفينها بالروس الاطفال احباب الله غنم عندج
حاطتلهم خدامات مجرمات ومسويتهم ستاف
مالج خلق اتدورين غيرهم

حبيبتي في الف مشروع تجاري ممكن تنجحين فيه بس رجاءاً بعدي عن الاطفال هذيلا لا حول ولا قوة وعقاب رب العالمين مو سهل

انصحج سكري الحضانة وخلي الفلبينيات اهما نفسهم عشان تتأذين تدورين عمالة
وخليهم يخيطون دراعات استقبال ترى مشروووووووع ناجح جداً


بس اذا احد ماعجبه شغلج مو تدشين بنك يديد وتهاجمين ترى مكشووووووووووفة


ان شاءالله بس اشوف دورة في حسن التعامل ببلغج عشان لا تفشلين بالمشروع اليديد نفس الحضانة!!!

 

[Um Naser]

الواضح جدا من ردج مستواج و اسلوبج!!!! وهذا آخر رد لي.*