بنتي المراهقه جننتني

[بنت الدلال]

انا 15 حفيت وزمنكم غير عن زمننا لاتقولين انا حفيت لمه تزوجت شوفي السنه الي تزوجتي فيها وشوفي سنتها هذي وبتعرفين الفرق


!!! وامي ماقالتلي شي كنت باولى ثانوي

 

[WHO CARES!]

سويلها تنضيف مو الا حف يعني رتبيهم مافيها شي وشخباري كل شي لكن تتزوج يعني واذا الوحده ما تزوجت شنو ما تحف لدنيا تغيرت وتشوف كل اللي حواليها حفو الا اهيا حتى ثقتها بنفسها راح تقل انتي حاولي معاها بالاقناع واذا مارضت مثل ما قتلج سويلها تنضيف وصدقيني اذا قلتبلها لا بتعاند ومن وراج بتشتريلها ملقط وبتلعب بحواجبها وبالاخير انتي امها وانتي ادرى بمصلحتها

 

[أم سالـمـين]

عادي حبيبتي .. كلنا حفينا من الثانوويه .. شغله عاديه بما انها مراهقه وتبي تهتم بنفسها

 

[إنسانه بكل حالاتي]

شقري لها حواجبها أحسن بس لا تحفهم وأحس إنها توها صغيره الله يعينج

 

[كل الأسامي مأخوذة ليش؟]

ما اقدر اعطي رايي لاني حفيت بنفس سنها
الله يعينج على التربية

 

[ㄨعلويه ㄨ]

السلام عليكم

اول شي يا قلبي لا تحفين لها لان الحف حرآآم
قولي لها هالشي اما ان كنتي انتي تحفين اكيد ماراح تقتنع
وحتى قص الحواجب حرآآآم اما التشقير عآدي شقري لها
وحسافه تصبغ شعرها لانه بتاثر على شعرها واحس التشقير والصبغ للبنات الصغار
مو حلو يخربهم وما يخلي فيهم براءه خصوصا لانها توها صغيره
احسن شي لما تتجوز تسوي كل شي علشان تطلع بلوك جديد اما ان سوت كل هالاشياء
من اللحين ان تزوجت ان شاء الله ما راح يكون فيها شي جديد >انا يوم كنت سنها اقتنعت بالهطريقه

 

[Mi$$ RoRo]

الحــف حـراام والتنظــيف بعـد حــراام

انــا اقوول خليهـا تشقرر وتصبغ ما فيهــا شيء كلنا نصبغ

وانـا الحمد لله امي مخليتني اسوووي كل شي بس هااه يكون بحدود الحـــلاال

وبالتوفيق

 

[زهرااا]

مشكورين حبايبي على الردود
بس على فكره اهيا بأخر سنه متوسطه مو ثانوي

 

[MrmoOora]

انا اقول وديها الصالون ختسوي تنظيف .. انا عمري 18 و للحين مآ حفيت بس مسويهـ تنظيف و شكلي زقرت و شغل عدل


و على شعرهآ قوليلهآ الصبغ مو زين حق شعرج .. مو كل شي الناآإس تسويهـ نسويهـ ورآهمـ .. و بس :$

 

[Eng.shosha]

والله صاجه بنتج
ىنا بالممتوسط واشوف وااااااااايد بنات حافين حواجبهم

بس آنا مقتنعه اني ما أحف حواجي الا بيوم عرسي

 

[مطيريه ميه ميه_]

يووووووووووووووووووه لاتحسسين بنتج انها صغيره بعدين بتحس بنقص

صدقيني اخذيها مني هذول المراهقات تحب تبين انها كبرت وبعدين شفيها اذا اهتمت بعمرها (( بس الحف حرام

خليها تشقر لووول اسمحيلي بنتج معاها حق انتي ترا حيل قديمه لووول خلاص بينيلها انها كبرت وعامليها على جذي صدقيني بتكسبينها



خل تستانس مافيها شي بتصبغ خل تصبغ ترا كل البنات بعمرها جذي لاتحسسينها بالنقص

 

[Mawazi]

انا عمري 17 سنه .!
امي ما ترضى احف ..! على فكره امي تحف ..! بس اقولج ترا العب بحواجبي من وراها ... لي متى يعني كل البنا يسوون الا انا ما يصير ..!
بس ترا بنتج صغيره !! يعني انا اوكي عمري 17 غير عن 15 احس توها بالغه !! P:
كلميها قولييلها اسويييلج اللي تبينه اللا هالشي ..!

أنا نفسج بالضبط بس عمري 16 ونص امي ما ترضي تقول بعدني صغيره بس العب فيهم لعب من وراها للاسف

 

[المستشارة النفسية]

السلام عليكم ورحمتة الله وبركاتة
اختى الغاليه
لقد قرات الموضوع واود ان اعطيك رائى البسيط

عند حديثنا عن اى موضوع من المواضيع يجب وضح جميع الاطر والنظر الى جميع الزوايا بغض النظر عن التجارب الشخصية
لاننى قرات بعض ردود الزميلات جزاهم الله خير الجزاء
واعتقد انك قراتها كذلك ولاحظتى اختلاف التجارب الشخصية لديهن
وذلك بسبب اختلاف الشخصيات والاعمار والبيئات والتجارب الشخصية ؟

غاليتى
اولا لدينا الاطار الشرعى :
وهو ان نمص الحواجب مخالف للشرع وهذا امر واضح لا يختلف عليه اثنان لذلك يجب تغير المفهوم لدى هذة المراهقه
الى تنظيف الحواجب او تشقير الحواجب

ثانيا :
نحن نتعامل مع فتاة مراهقه
ومن ميزات الفتاة المراهقه هى العناد والتشبث بالراى والمطالبة به
وهذا شئ فسيلوجى وسييكلوجى واضح
لان فتره المراهقه هى فترة اثبات الذات والثقه بالنفس
وهى فترة تكوين الشخصية الرزينة لدى الفتيات
ونحن فى جميع الحالات لا نريد ان نقوم بخسارة هذة المراهقه او العمل على تثبيت الامور السلبية
او الاعتقادات باننا من عصر مختلف او تفكير مختلف لان هذة الكلمة هى قمة الخطورة وتدل على التمرد ووجود حواجز كبيرة بينك وبينها
وهذا من اخطر الامور التى يمر بها المراهق مع والديه
لذلك عليك مجموعه من الامور

اولا:
الجلوس مع الفتاة والحوار معها بطريقه ايجابية ومعرفه الاسباب وراء طلبها هذا الامر هل هو مجرد تقليد لصديقاتها ام ان هناك امور اكبر ومثلها تعرضها للسخريه واهتزاز ثقتها بذاتها

ثانيا :
الله سبحانة وتعالى دعى الى الجمال والتجمل وهذا شئ ايجابى ان الفنتاة تريد الاهتمام بنفسها وهذا من السمات الايجابية وان فعلا ابنتك تمر بصحة نفسية وايجابية ولم تخرج عن الاطر النفسية لكن هذا كله فى حدود الشرع والعادات والتقاليد
لذلك دعيها تتجمل وتفتخر بما انعم الله عليها حتى تحقق ذاتها


ثالثا :

اكسرى الحواجز بينكما حتى تكونان صديقتان حميمتان تتشاركان بكل شئ
حاولى ان تستمعى لها ؟ اكسبيها ؟
حضرى لها مفاجئة معينة
حاولى ان تنزلى لمستواها العقلى

من الخطاء القول ان امهاتنا و و و والى اخرة من هذة الامور
لان الزمن تغير فعلا شئنا ام ابينا
والخطورة زادت ذلك علينا الحذر ثم الحذر على بناتنا فى هذا العمر
لان الضرب او الصراخ يؤدى الى نتيجة عكسية
واكبر دليل
انها لم تخف منك
( وقلت لك انك من عصر مختلف )

فلا تقومى بالمقارنه ولكن قومى بحل الموقف الموجود حاليا

ثالثا :
لدى سؤال ؟
هل انتى تقومين بالحف ؟؟ ام لا؟؟
لانك فى النهايه انتى القدوه لها




وشكرا
لكم ​

​

 

[Miss-Madry]

الله يعنيج

احنا المراهقااات انرفز واطلع طوور الواحد لوووووووووووووووووول >>اعترف

امي ماترضى احف حواجبي لو امووت لان حرام وبعدين حواجبي حلوين ومرتبين واذا حق مناسبه ولا عرس الله يعافي الاضاءه والعجينه

قوليلها انه حرام عشان تفهم

والصبغ ممنووع لين اتزوج>>اي هين لووووووووووووووووووووول

انا امي حبيبتي معطتني كل شي ابيه تلفوون ولابتوب وامبي 3 وكل شي ابيه مو مخليه بخاطري شي..فديتها والله

ولازم نحترم رايهم والي يبوون>>مو مصدقه انا اتكلم جذي لوول:dddds:

 

[Super_Star]

انا من راي البنات خليها تحف تنظيف بس و تصبغ شعرها عالخفيف بني غامج كستنائي جذي و بس !! والله لي سوتها بتططططخ !!

وانا مع هالراي :eh_s(6):

 

[بنت اكابر]

اولا حف الحواجب حراام
خليها تشقر بنتج عمرها 15 باولى ثانوي يعني تشوف نفسها كبيرة وتبي تتزين وتتكشخ لاتحرمينها
والصبغ قولي لها اذا صارت عندنا مناسبة او اذا تفوقتي اوديج تصبغين
لا تفشلينها تلاقينها شايفة اللي معاها بالمدرسة شحلاتهم ومتكشخات وتبي تصير حلوة مثلهم

 

[زهرااا]

انا احف
بس سؤالي انه هل من الطبيعي انه بنت بالمتوسط تحف !
و معقوله في امهات يخلون بناتهم يحفون و اهما بالمتوسط ؟!
بليييز فهموني لاني مو راضيه اقتنع !

 

[amoOoNA Al_mazyoNa]

وااااي ذكرتيني نفس حااالتي بالضبططط انا حنيييييييت عالحواجب عمري كان 14 أمي ماااارضت 15 خلتني أحف بس اللي فووووق اللي تحت موراااضيه وكانت توقف يم اللي تحفلي لووووووووووووووووول وعلى شعري مااكانت راضيه أصبغه حتى بني غاامج موراضيه فكنت أحط حنه علشان يصبغ ههههه،، فانا من رايي ان اتخلينها اتشقر حواجبها وتحط بشعرها حنه، حرااام اتخلين شي بخاطرهاا وفي بدائل يعني يسوون نفس الغرض، وانا امجربه هالشعور اللي اهي فيه موووووشي والله

 

[بنوتة رقيقة]

الله يعييينج عليييها بس حبييت اقووولج انه الحف حرااام حتى التنظيييف بس عادي تصبغ شعرها اتقصه كيييفها بس الحفففف حرااااااااام واللي يحف تخيلي ملعووووون مطرود من رحمة الله ومطرود من الجنه وااي ف احد مايبي الجنه نتمنى انكون من اهلها والله يعينج ويهدي الجمييييييع ياااارب وتقبلي مرووري

 

[أم حوور]

جيل ينخاف منه الحين بس الاهل باسلوبهم ومعاملتهم للعيال ممكن يصير تفاهم واقناع




يعني لا تاخذين كل شي بالنرفزة والصراخ والعناد بالعكس كلميها بكل تفاهم واسلوب حلو وفهميها الصح من الغلط


وانشاءالله تقتنع بنوتج