بنتي المراهقه جننتني

[دنيا رديه]

خليها تصبغ وتنظف حواجبهااا بس من نفسهااا بس لاتحف حف

 

[دنيا الحسايف]

اذا فاتحتج بموضوع الحف قوليلها اوكي بس على شرط اتشقرين
وانا من رايي انج اتشقرين حواجبها وخليهم اعراض لاتضعفينهم

ونصيحه شعرها لاتصبغينه توو الناس ع الصبغ

وترى الدنيا تغيرت ومعى الفضائيات تفتحت اعقول البنات وصاروو ايدورون اي شي يخليهم حلوات عشان يرضون ع انفسهم

وكافي المدرسه بعد اكيد بتحط أبالها ان البنات مو احسن منها فعشان جذي شقريلها بس هذا مو معناه انج اتسويلها كل شي تبيه كل شي بحدوود وسلاااااااااام​

 

[نووووونا]

الله يعينج المراهقه سن وايد صعب


بس ياليت تصادقينها وتوصلين لها الكلام بطريقه حلوه ,,,,

 

[بوران]

بنات اخر زمن
حبيبتي انتي شكلج مرخية لها الحبل
لي قالت لج بحف قوليلها حق منو بتحفين المرة ما تحف الا حق ريلها
و ترا الشباب ما يمز ريجهم الا على البنت المقشرة و زاهبة على قولت امي
و امي مرة قالت لي كلمة عقب ما انا تزوجت كلمتها عشان تخلى اختي تشيل شيرة كان تقولي انه البنت هذا اللي يكسر البنت و يخليها تستحي
صج عاد اذكر لما كنت بالمتوسط و الثانوي البنات بالهدة كانوا يمشون و يرفعون نفانيفهم و يطلعون سيقانهم جدام الشباب و انا لو كنت اشيل و احف جان سويت مثلهم خو مراهقة و تبي تقلد

 

[زهرااا]

وييييييييي
اصلن اهيا تشيل شيره من سنتين .
و الله ما اقدر عليها حناا طول اليوم
و شكلي بسوي مثل ما قالت ♥ ســ q8 ـــاره ♥ ..
مشكووورين حبايبي كلكم على المرور

 

[زهرااا]

ماااااااااااااا تبي تشقيييييييير
تبي تحفهم .. تشيلهم مره وحده !!!

 

[حبيبته آنا]

اذا كنتي من النوع اللي تحفين حواجبج وفكرتي تقولين لها انه حرام بتقولج عيل ليش انتي حافه
شوفي انا مو ام علشان جذي صعبه انصحج باي شي لكن تذكري ان هالجيل غير عن جيلج واذا كانت حواجبها حيل مخربه شكلها فما اشوف فيها مشكله انها تنظفهم على الخفيف او تشقرهم بطريقه مرتبه

 

[احبج يا الكويت]

لا والله منتي غلطانه حقريها وعلميها ان هالسوالف عيب اذا الحين بتحف لي وصلت العشرين شبتسوي؟ ماعليج منها هاوشيها

 

[يــاغربـــالي]

كلام ساارونه عجبني //

دخليها الصالون قوليلها ماكو شي يغلا عليج يالغاليه سوي اللي تبينه ماراح اقولج لأ مادامج انتي مفكره بالموضوع ومقتنعه .. سوي اللي تبينه مــــــــــن ... إلــــــــــى // بس وخري عن الحرام حتى لو انج مو مقتنعه لأن ربج اذا أمرنا بشي مانجادله ونناقشه له السمع والطاعه بس ..

تعاليلها من الجانب الديني اكثر وبيني لها الاسباب اللي تخليج ترفظين ..

قوليلها ناقشيني وياتقنعيني او اقنعج .. وصدقيني ماراح امنعج من شي مامدام ربج راضي عنه وهو بمصلحتج

ولاتنسين انج اذا ناقشتيها او كلمتيها خلي بالج كله عندها ولاتنشغلين بشي غيرها وخلي اسلوبج حلو .. واذا في مجال تطلعين انتي وياها تروحون سوق مثلا وتسوين نفسج تبين جم شغله وقوليلها اللي يعجبج اخذيه وهاتيلها جم شغله قولي هذي لايقه عليج يوم شفتها قلت مايلبسها الا انتي ..وكلميها بمطعم او كوفي شوب وتناقشوا عدل - لأن ساعتها بتفكر تقول امي لو كانت تكرهني جان ماطلعتني جان زفتني وماعتني مجال اتكلم وياها او اناقشها


الله يوفقج ويهدي بنتج لطريق الخير ..-- انا قلتلج هالكلام لأن احس عمري مقارب لعمرها وصدقيني هالطريقه اهي اللي بتظبط معاها وبس

ولاتنسين تبلغينا باللي يصير ..

 

[يــاغربـــالي]

لاتسن تشغلينها بأشياء لاتخلين لها وقت فراغ .. ولاتحسسينها ان رفايجها كل شي بحياتها

< تو تذكرت خخخ

 

[sweet.sweet]

الزمن تغير وايد ومهما بتكلمين الكلام ماراح يقنعها بالنسبه للحف خليها تنظف لها يعني مو تشيلهم جنها عروس وموضوع الصبغ خل تصبغ عادي خليها تختار الالوان الطبيعيه وشجعيها على انها ما تقلد لا تسوي الشي اللي يتلاءم مع بشرتها وعمرها افضل

 

[● ταʝ ɨʟ ʀοοѕ ●]

انا عمري 17 سنه .!
امي ما ترضى احف ..! على فكره امي تحف ..! بس اقولج ترا العب بحواجبي من وراها ... لي متى يعني كل البنا يسوون الا انا ما يصير ..!
بس ترا بنتج صغيره !! يعني انا اوكي عمري 17 غير عن 15 احس توها بالغه !! P:
كلميها قولييلها اسويييلج اللي تبينه اللا هالشي ..!

 

[بنت شرق]

نفس مشكلتى انا بنتى عمرها 14 سنه يت ذاك اليوم تقول ابى احف حواجبى ورفيجتها معيبه عليها بالمدرسه انها ما تحف طبعا اول قلت لها ان هالشى حرام وانا امج ما احف وقلت لها قولى حق رفيجتج ان امى ما تحف وما ترضى وبعدين قلت لها لا تمشين مع هالطالبه لانها قاعده تعلمج اشياء مو زينه وبعدين مو كل شى يسون البنات اروح اسوى نفسهم فاقتنعت بالحجى وما قامت اتيب طارى هالموضوع لان اذا الحين بهالسن مشت كلامها وسويتيلها كل شى عيل لما يصير عمرها 20 سنه ما تقدرين ترفضين لهااى طلب

 

[زهرااا]

لا و ابشركم
ترا للحين ما دشت ال15
لول ... صج جيل مستعجل
الله يعيني عليها

 

[sweet barbi]

حبيبتى عادى مراهقه وصراحه ماتنلام تشوف الى معها هل بنات صايرين كهن وحثق وكل وحده اكبر من عمرها

وبعدين انه الله جميل يحب الجمال يبه نظفى حوجبها لاتحفين لها نظفيهم على لأقل وسايريها

 

[The Boutique]

لاتعودينها كل شي تبينه تسويه وتحن
عطيها عمر معين وقوليهلها بهل عمر بتحفين وغيره لأ
وفهميمها هذيله بنات مهيتين من هالعمر يحفون خلف الله علي بالجامعه لا ويمكن 3 سنه اذا مو 4

 

[ام كتكوت]

قوليلها حسافه بتخربين المفاجأه مالت العرس
بيوم عرسج يوم تحفين بتطلعييييييين رووعه وغير يعني صج عروسه نيو لوووووك
وشكلج بيتغير على الكل 360 درجه
الله يهديها ويحفظها لج...... اخذيها بالمسايس ولاتضغطين عليها واقدري ظروف سنها

 

[ملاك بين البشر]

حبيبتي فهميها ان الحف حرااام بدون اي صراخ ونجره وان اذا تبي التشقير خل تنطر شوي وفي وايد اشياء تقدر تسويها وتبين انها مو من العصر الحجري بلبسها وقصه شعرها والله يعينج انا بعد اختي ساعات تييها افكار غريبه من بنات المدرسه اللي جنهم اهم الامرين الناهين على اهلهم بالبيت والله يعين ان شاء الله وحاولي تتقربين منها اكثر

 

[iTaLiyA]

15 سنه و بتحف @@
والله الجيل تغير قبل لما كنا بعمر 15 ما كنا نفكر بهالسوالف كلش !!
لا تقوليلها الحف حرام اذا انتي تحفين بتقولج حرام علي و حلال عليج ...
خليها تنظفهم لا تضعفهم حرام يختربون و ترا اذا انتي ما وديتيها اهي بتسويهم بروحها ===> نفسي

 

[Pwincess]

لووووووووول ذكرتيني ايام انا هولت بعمري اضعف حاجب كنت خخخخخخخ بالمدرسه وصابغه شعري وما خليت شي بنفسي ما سويته مع انه امي كانت مناشب وياي بس صدقيني اذا انتي ما عطتيها بالطيب راح تسويه بالغصب خذيها مني يعني انا كنت مفكرة لو انه امي ما ودتني احف واصبغ كنت بتصرف بروحي واسوي هالشي واحطهم جدام الامر الواقع ...فلا تخلينها تصدمج باجر انها سوت هالشي غصبن عليج يعني قبل والله لمن كانت امي تحن لا سوين جذي لا ضعفين حواجبج لا صغين شعرج كنت اعاند وابي هالشي باصرار بس والله يوم خلتني اسوي كل الي ابيييه والله انه صار العكس الحين قاعده اسعى اعرض حواجبي وشعري خليته اسود ما ابي اصباغ مليت ترى جد كل ممنوع مرغوب ..وبعدين ما تنلام الصراحه الي اصغر منها حف بس انتي لا تخلينها تحف مرة وحده خل تنضف شي بسيط بس خل تحس انه شكلها تغير لانه صدقيني100% انه بنات المدرسه اهم الي قايلين لها ليش ما تحفين ويحرجونها سأليني قبل كان معانا وحده ما تحف ولا شيل شواربها كنا نقول لها ليش ما تحفين تقول امي ما ترضى وتفتشل وكل البنات عياب عليها يسمونها ام شوارب خضر:krkrkr: وام حواجب
والله جد الزمن تغير ولازم نواكبه يعني كلش كلش عن الحرام والحلال سوي لها تشقير عشان لا تحس بنقص وحرمان وباجر تكرهج وتقول ليش انا مو نفسهم وتتمرد باجر عليكم ...يعني عامليها بالمعقول مسكي العصا من النص

ايييييييييي عدل كلامج .. ذكرتووني بالبلاوي اللي سويتها لوووووووووووووول
امي ما كانت ترضى و انا سويت سالفه ما خليت احد ما يتدخل و يكلم امي اهي حااااااااااطه ببالها ماكو حف لمن تتزوجييين .. قمت اقزرها انا العب بحواجبي و شوهت شكلهم لول لمنننننننننن يا يوم و حطيتها امام الامر الواقع و حفيت لوووووووول كان عمري 17 جنه.. طبعا عصبت حدها بس ثاني يوم نست لوووول نصييحه لا تحفين لها بس خل تشقر الحين او مجرد تنظيف قليلها ترا حتى التنظيف يغيرهم و يطلع شكلج حلو لول لان صج شدعوه 15 سنه و حف