بنتي المراهقه جننتني

[Q8.Bee]

خليها تلعب بشعرها مثل ماتبي
و حواجبها تشقرهم و سمعيها محاضرات عن لعنة النامصه
الله يخليها لج و يحفظها يارب

 

[colorfull]

الله يعينك

 

[زهرااا]

خلاص حبايبي مشكورين و ما قصرتوا
وديتها حفوا لها .. بس ما خليتهم يشيلون وايد

 

[ريماا]

الله يخليلها لج وتشوفينها بمكاانة تشرف
الامهات ماقصروا ومااراح اضيف شى جديد وارد واقول معااهم ذكريها انها اذا سوت جذى معناة اهى مطروووودة من رحمة الله
والبديل التشقير
البنت بالعمر هذا تصاحبينها وتفهمينها مافى شى يجى بالعنااد والعصبية كل شى بالتفااهم

 

[malak_alroo7]

لا تخلينها تحف ما يجوز و لا تسمعين كلام البنات اللي يقولون الزمن تغير لا حول و لا قوة الا بالله ..هذا حجي بالله؟

و ربي يخليها و يهديها لج يارب

 

[المحيلبية]

حبيبتي ترى والله عادي جذي بنات هل الايام ^^ عطيها للاخر حف ماكو و كل ماتكلمج بهل موضوع زفيها لان الحف حرام لو تصبغ شعرها وايد احسن

 

[zoya_m]

الله يهديها بس والله مو منها ... من الي تشوفه مسيكينه

مادري شقول والله بس إذا انتي كنتي اتحفين اكيد تبي بعد وبتقول لو حرام او عيب جان امي ماسوت هالشي
فأنا اقول لو تشقرين لها حواجبها يمكن اهون اشوي

 

[لبيه لكن!]

ليش مكبرين السالفه

عاااااااادي ما اشوف فيها اي شي

وربي ان اختي من عمرها 15 سنه وانا بنفسي ماخذتها ومسويه حواجبهااا على الرسمه اللي هي اطلبتها

بس مو حف!! قص وتشقير

ترى طبيعي بهالسن البنت تحب تحورف بعمرها وتحب تكون مرتبه حراااام ليش نردهااا ؟؟

ولو تبي تضبغ شعرها اصبغي لها لون هادي وغامج من ويللا << ما يضر الشعر ولونه حلو وطبيعي


بس قوليلها اشقر الوان قويه مااااله داعي
شي بسيط وعلىى سنج اووووووووووكي

دام نفسها بهالشي لا تحسسينها انها اقل من غيرهاااااا

 

[Gatwa]

امبيه بنتج كبري انا اذا ابي شي وماسوو لي قلبت الدنيا وقعدت اتبجبج وازعل واسويه بروحي

اي صج حرام خليها تستانس وتسوي الي بخاطرها يمكن باجر تتزوج واحد يمنعها ويحرمها خل تعيش حياتها حسسيها بأنوثتها

والله يخليج لها ويخليها لج

 

[عنزية والهيبه وايليه]

انا عمري 17 واحف من يوم كان عمري 15 ؟؟ عادي كل البنات جذي

 

[عنزية والهيبه وايليه]

انزييين اذا ماتبين تحفيلها سويلها تشقير وقص

واذا ع الحراام الحين كل شي حرام :eh_s(1):

 

[ktc0o0ta]

لاتحسسينها انها اقل من البنات ولا تحرمينها من شي وديها معاج الصالونات وخليها تهتم بنفسها بس بحدود المعقول يعني خليها تختار بنفسها من بين الصبغات الهادية وإذا بخاطرها تحف قوليلها مسموحلج التشقير مثلا وقولي للي تسويلها تخلي قصة الحاجب عريضة يعني مو تضعفهم حيل بس بدون ماتسمعج او تحس بنتج

 

[بنت الدلال]

واذا ع الحراام الحين كل شي حرام :eh_s(1):

عنزيه هالحرام مو البنات الي مـألفينه استغفر الله ياربي هذا شرع الله وسنه رسوله


ادري تناقض بردودي لاني احف بـس مانكر انه حرام !! وياربي اقدر اوخر عن هالطريج

 

[جداوية سعودية]

انا عمري 17 واحف من يوم كان عمري 15 ؟؟ عادي كل البنات جذي

مشاء الله عليك
شوفي كم لعنة أخذتيها خلال سنتين كم صلاة صليتيها وردت
الله يهنيك بدنيا

 

[غير كل الناس]

الله يهديها ويسخرها لش يارب

علميها ان الحف حرام وهذا اهم شي
ثانيا تحف او تشقر اذا تزوجت والا شلون يتغير وجه البنت

ومالها شغل في البنات وعلميها ماتقلد اي شي تشوفه وان لازم يكون لها شخصيه مستقله وفكيها من البنات اللي ماترتاحين لهم وخليها تحت ظلش وعينش والله يطرح فيها البركه

 

[زهرااا]

مشكورين حبايبي على المرور

 

[مجنونة نوال]

انا عمري 16 بصراحه انا كنت نفسها بالضبط ولازم اسوي حواجبي
بس ما حفيتهم مره وحده شقرتهمعن"الحلال والحرام"وانا تعبت لين امي صج
طقت جبدها مني وخلتني لان الصراحه الشكل يتغير وكل البنات يحفون يعني
بنتج مو غلطانه وخصوصن اصلن الحين صار اللي ما تحف ترى ياهل
تطلع وكل البنات يعايرونها بالمدرسه يعني خليها ع راحتها بس مو حف تشقير والله
نصيحتي روحي انتي وقفي على راسها بالصالون وخليها تشقر بس بدون قص
لان اذا ما سوتيها ترى بتسوي بروحها بالبيت بعد مثل رفيجتي وخربت حواجبها
لين امها ودت الصالون تعدلهم هذا اللي رح يصير اذا ما خلتيها تسوي
ونصيحتي تسوي بس تشقيرررررررررر مو حف وصبغ لا حرام يعني يعطيها اكبر من عمرها
مو زين واصلن يطيح الشعر خليها ع التشقير والله يخليها لانج وانا حاسه بشعور بنتج
لان انا يوم كنت 15 سويت حواجبي واذا امي ما رضت رح اسويهم يعني اسويهم لو شنو

 

[Om 3bdulr7mann]

شوفي اخيييتييي..اول شي من رايي قوليلها حبيبتي كل شي وله وقته نطري سنتين تكونين كبرتي طلتي و تحفين و اصبغلج شعرج بعد و تصيرين نيو لوك..ونسيينها سايسييها حسسيها انج فاهمتها يعني..لا تحسسينها انج امها و اواامر لا خلج صديقتها عطيها رايج .. قوليثلها تدرين الصبغ يقطع الشعر انا اقول صبغيه على الاقل لا صار عمرج 18 الا طالعه موضات احلى شعرج يتحمل و يكون اقوى..هالعمر ما يفهمون لوول الفي عليها عاد انتي..