بنتي المراهقه جننتني

[زهرااا]

السلام عليكم







بدش بالموضوع على طول
بنتي عمرها 15 سنه ..
وصارلها تقريبا شهرين قاعده تحن علي تبي تحف حواجبها ..
اول ما قالتلي زفيتها و قلتلها انتي صغيره على هالحجي و قامت تبجي و سوت مناحه
و قعدت تحن علي تقريبا كل يوم .. و انا ازفها والله مستغربه منها انا ما فكرت بهالسالفه الا لما تزوجت
و امس ردت بطلت الموضوع و قامت تقول لي انه اغلب رفيجاتها يحفون و يصبغون شعورهم
و انه انا من "العصر الحجري " و انا ظالمتها و انا غير باجي الامهات ..
والله حجي يعور القلب !!
المهم ، بنات تكفون فهموني انا الغلطانه يعني !
و شسوي معاها والله تعبت, اخليها تسوي اللي تبيه عشان ما اصير من " العصر الحجري" ؟

 

[ما بقى حي ما خان]

أول شي يا أختي ربي يحفظ لك بنتك ويخليها لك ويفرحك فيها
أما بنسبة لكلامها وطلبها أسمحي لي أنتي طريقة خطأ قبل لا تزفين وقبل لا ترفضين في شي أسمه عقيدة أسلامية حرمت ووضع العنة على كل من تقوم بحف الحواجب أو قصها ((لعن الله النامصة والمتنمصة))
فكان من الأول أن تبيني لأبنتك حكم الشرع في هذه المسألة ومايترتب عليها من العذاب والوعيد في الاخرة ومن عدم الأرتياح وعدم التوفيق في الدنيا فأربعين يوم تصلين بدون أن تقبل صلاتك فأين ستجد الرحة من ذلك..
والنصح والأرشاد بالجانب الديني أكثر تأثير.. ودعواتك لها بالهداية والابتعاد عما يغضب رب العز والجلالة وتذكري انكي مسأولة يوم القيامه عن أبنتك..
(( إنك لا تهدي من أحببت ، ولكن الله يهدي من يشاء ))

 

[لباس التقوىk]

السلام
خليها تصبغ شعرها لو مرة وحدة ردي نفسها اختاري صبغة خفيفة ماتاثر على الشعر
لاتحسسينها بالحرمان مدامها ماتضر احد فهميها انها اول مرة واخر مرة تصبغ شعرها
فيه صبغات طبيعية
حف الحواجب اغلب البنات من عمر 14 بلشوا الزمن صج تغيير بس لاتخلينها تحف خليها تشقر من غير قص

لاتمنعينها انها تستمتع بحدود المعقووول

 

[C'est La Vie]

امبيه جنج قاعده تتكلمين عني يوم كنت صغيرة
اذا حطيت شي ببالي اببييييييه يعني ابييييييه :lkmnkl:
وجنه حياتي كلها تتعطل على هالشي
واذا شفت الناس عندها وانا ما عندي اقط حجي على امي انتي غير الناس والناس متهنين وانتي حارمتني وانتي وانتي
وااااي حبيبتي امي صج صبرت علي :eh_s(2):
سوري ما اقدر انصحج لأني مو ام ولا اعرف شنو احسن تصرف بهالموقف
بس حبيبتي فترة وتعدي
صج اسم مراهقة ياية من الارهااااااااق :j013:
الله يعينج

 

[د.شريفة]

قبل لاتزفينها علميها ان حف الحواجب حرام والله يعينج على هالعمر

 

[سكارف.فوشي]

والله شاقولج يا وخيتي بنات هالوقت من الابتدائي مهولين بعمرهم التاتو بصوب والحواجب خيط وجاينيز وفوق هذا القصات ولصبغات وسوالف مالها اولي ولا تالي مو شي يديد
بس ما تنلام البنات بالمدارس 90% حافين اكيد بتفكر تحف وخصوصا الرفيجات يأثرون حييييييييييل انا لما كنت بالمتوسطه كنت اقلد رفيجاتي بكل شي بلبس وقمت اقلدهم واتمكيج وعلى اقل شي اقلد
انا من رايي سويلها تنضيف بس:eh_s(3):
عن الحلال والحرام:wqedqw:
ولاحقه عالرسم والحركات
جدامج وبرضاج احسن من ماتسوي من وراج وكل يوم تلقط شعره ليما تقرع الحاجب وتنصدمين
ولا شرايكم بنات ؟؟؟؟؟؟؟؟
ما انصحج بالزف والاسلوب الجاف خصوصا بهالعمر عشان لا تتمرد والله انا هالمرحله ماره فيها وعارفه شنو احساسها
لا تشدين الحبل حيل ولا ترخينه على الاخر خليه بين البينين وكسبيها صوبج وخليها تأمن لج عشان لا تخاف تقولج شي وتزفينها ولا تكلمنها بأسلوب جاف خليها صديقتج ولله لما كنت بهالعمر كنت اتمنى امي تكون صديقتي بس للأسف :0bee2e8d89:
الله يخليكم حق بعض​

 

[الغاليه نونو]

شوفي ياقلبي بناتنا الله يحفظهم امانه برقابنا ربي سائلنا عليهم يوم الدين انا عن نفسي لوو بنتي تقول لي بحف والله اكسر ضروسها بحلجها واخليها تتمضمض فيهم
شكو بنت عمرها 15 سنه تبي تحف هذى عيل لي وصل عمرها 16 و17 اشتبي تطلب ؟؟؟؟؟؟؟؟؟

سمعيني يمه مسكيها وعلميها الحلال والحرام وقوليلها حلاة البنت بطبيعتها وانج انتي تشوفينها احلي بنت بالعالم وهذا يكفي ديري بالج عليها لاتخلينها تتأثر بالبنات اللي حولها خلي عينج عليها وشوفي لها صحبه طيبه من البنات السنعات اللي امهاتهم مثلج وشرواج موكل شي يطلبونه بناتنا صح ولا كل شي مفروض علينا نتقبله ونوفره لهم الصح صح والغلط غلط خليج قريبه من بنتج حييييييييل وماعليج منها خليها تبجي ون ماقدرتي عليها علمي عليها ابوها يكلمها

في كتيبات تلاقينها بالمكتبات الاسلاميه اللي بحولي تنفع البنات اللي بعمرها اشتريها لها خل تقراها وتستفيد وديها حلقات القرآن والدروس خليها تشترك باي لجنه مع هالبنات اللي شوفتهم تشرح القلب سنع وعقل وثقل
قوليلها ماكوووووو حف ولا صبغ الا لي عرستي بكيفج بس طالما انتي بعدج بنت غير الشيره ماكووو وسمعي الحجي زين واذا تبيني ارضي عليج لاتفتحيلي هالسالفه مره ثانيه
ربي يهديها لج ويصلحها زيبلغج فيها اللهم آمين يارب العالمين

 

[viva la glam]

خخخ ذكرتيني لما كنت صغيره فصلت على هالسالفه لين امي رضت انضفهم
الله يعينج عليها

 

[tootoo86]

انا رايي من راي سكارف فوشي ولباس التقوى...وبنفس الوقت خوفج اتقولين لها حرام الحف اتقولج انتي ليش اتحفين؟؟؟ سن المراهقه يخوف ونفس ماقالو البنات خوفج كل يوم اتنتف شعره لما يقرعون .....نفس ماسويت انا ولي يومج واحد منهم مو راضي ينبت ويظبط عدل

 

[al7anona]

لاانتي مو غلط اهيا مراهقة تبي كل شي نفس رفيجاتها حاولي تفهمينها بطريقة حلو ةمو بعصبية

اذا بتمشي كلامها اليوم باجر بتمشي كل كلامها وماتقدرين عليها

 

[كويتيه مزيونه....]

انا عمري 17

وبقولج الصراحه

اهيا يمكن تقولج جذي لانها اتشوف البنات جذي انتي فهميها وقوليلها

انه هاذا حرام وهالبنات ما عليج منهم مو اي شي يسونه البنات رحنا سوينا نفسهم

قوليلها لو انا احبج ما اخليج اتسوين الشي اللي الله حرمه

وفهميها انه مو اي ناس يسوي رحنا سوينا نفسهم قوليلها في ناس يموتون نفسهم ومو صاحين
اروح احنا انموت نفسنا لا لازم كل وااحد يكون عنده شخصيه قويه ومو اي شي الناس اتسوي انسسوي خذيها على صوب
وحاجيها بروحها وخلي بينج وبينها وقوليلها والله لاني احبج ومن هالحجي وان شااء الله يارب
تشيل من بالها هالفكره
واذا اخر شي ما ردت عليج وكلش قوليلها حسسيها انها كبيره طبعا اذا ياستي منها
قوليلها انا قلت لج انه حرام وقلت لج كل شي بس اللي تشوفينه صح سوي <<<نفس ما تقولهم امهم لما تياس منهم لووول
هاذا سن المرااهقه وكلهم جذي يبون يقلدون واي شي الناس تهب في يبون يسونا<<<جنها اهيا مو مراهققه لوووووول
وقوليلنا شنو يصير ويااج حبيبتي

الله يوفقج يااارب

 

[كويتيه مزيونه....]

انا عمري 17

وبقولج الصراحه

اهيا يمكن تقولج جذي لانها اتشوف البنات جذي انتي فهميها وقوليلها

انه هاذا حرام وهالبنات ما عليج منهم مو اي شي يسونه البنات رحنا سوينا نفسهم

قوليلها لو انا احبج ما اخليج اتسوين الشي اللي الله حرمه

وفهميها انه مو اي ناس يسوي رحنا سوينا نفسهم قوليلها في ناس يموتون نفسهم ومو صاحين
اروح احنا انموت نفسنا لا لازم كل وااحد يكون عنده شخصيه قويه ومو اي شي الناس اتسوي انسسوي خذيها على صوب
وحاجيها بروحها وخلي بينج وبينها وقوليلها والله لاني احبج ومن هالحجي وان شااء الله يارب
تشيل من بالها هالفكره
واذا اخر شي ما ردت عليج وكلش قوليلها حسسيها انها كبيره طبعا اذا ياستي منها
قوليلها انا قلت لج انه حرام وقلت لج كل شي بس اللي تشوفينه صح سوي <<<نفس ما تقولهم امهم لما تياس منهم لووول
هاذا سن المرااهقه وكلهم جذي يبون يقلدون واي شي الناس تهب في يبون يسونا<<<جنها اهيا مو مراهققه لوووووول
وقوليلنا شنو يصير ويااج حبيبتي

الله يوفقج يااارب

 

[الجوريه الحمراء]

انا مع الغاليه نونو في كل كلمه قالتها

ايه والله البنات الحين مو مثل قبل اي شي يجوفونه لازم يسوونه

اشوى انا ما عندي بنات كلهم اولاد الله يحفظهن

 

[جنان الورد]

شوفي حياتي والله والله بنت اختي بعمرها ونفس سالفتها بالضبط طبعا احنا كلمناها وفهمناها بس اهي معنده وتحن بس دام اهي باااااااااااالها طويل على الحنه انتي لاااااااازم يكون بااااااااااااااااااااالج طويل معاها وتمسكي برايج انا ضد البنات الي يقولون خليها تسوي مع احتراااااااااامي لرايهم بس تاكدي اذا مشت كلمتها الحين باجر بتحن على شغلاات اكبر
اذا كل ما شافت شي بره ولا رفيجاتها سو شي قالت بسوي نفسهم ممكن تتعبين معاها وممكن تسوي شي مايرضيج
انتي لا تحرمينها من المعقول بس الغلط غلط وموووو سنها الحف
انا والله اختي عمرها 19 بالجامعه مو متزوجه ميته تحف حواجبها بس امي لااااااا يعني لااااااااااااا وانتي عارفه ان سنها يسمح بس اهيا احترمت راااي امي وما حفت وقالت لي اتزوجتي حفي الحين لا عيب تخيلي بالجاااااااااامعه

عاد انتي فرضي شخصيتج عليها بس بطريقه حلوه ومو اجباريه داريها رافجيها عطيها المسموح وامنعيها من الغلط بطريقه ذكاء والله التربيه صعبه وانا عندي ولد عمره 11 سنه بس ابي وابي عيال خالته بعمره ولما كانو بعمر 9 سنين عندهم موبايل وكان ولدي يحن ابي مثلهم بس كلمته باسلوب واقتعته ان مو الحين قلت له بس تخلص من خامسه ابتدائي وتروح سادسه لك احلا مو بايل والله يا بعد عمري نطر مع ان كل زواره يشوفهم بس خلاااص اقتنع والحين عنده موبايل واحلا موديل بعد
ادري طولت عليج بس حاااسه فيج لان هالمواقف عندنا بالهبل ((بنات اختي وبنات اخوي ))

 

[q8y-moon]

شحجي شقول والله انا اشوف ردود البنات واحاتي شبسوي فبنتي لي قالتلي بتحف
شكلي بكفخها<<<<<<<<<<<الحنانه ههههههههه
الله يعينج

 

[المقصد]

اول شي فهميها انه حرام هالشي

بعدين ارفضي وقوليلها سبب الرفض انها حرام وانا ماارضه انج تلعنين من دخول الجنه بسبة حواجبج
وشوفي رفيجاتها اكيد يقولون لها ان حواجبج مو حلوه وجذي اثرو فيهاا
فهميها ان البنت الليي تقولج حفي اعرفي انها عدوتج ماتبي لج الخير

 

[روح الدنيا]

السلام
خليها تصبغ شعرها لو مرة وحدة ردي نفسها اختاري صبغة خفيفة ماتاثر على الشعر
لاتحسسينها بالحرمان مدامها ماتضر احد فهميها انها اول مرة واخر مرة تصبغ شعرها
فيه صبغات طبيعية
حف الحواجب اغلب البنات من عمر 14 بلشوا الزمن صج تغيير بس لاتخلينها تحف خليها تشقر من غير قص

لاتمنعينها انها تستمتع بحدود المعقووول

معاها .. لا تمنعينها مدام في حدود مرضاة الله .. الحف حرام بس التشقير لأ .. انا مع لباس التقوى

 

[** باربي **]

لووووووووول ذكرتيني ايام انا هولت بعمري اضعف حاجب كنت خخخخخخخ بالمدرسه وصابغه شعري وما خليت شي بنفسي ما سويته مع انه امي كانت مناشب وياي بس صدقيني اذا انتي ما عطتيها بالطيب راح تسويه بالغصب خذيها مني يعني انا كنت مفكرة لو انه امي ما ودتني احف واصبغ كنت بتصرف بروحي واسوي هالشي واحطهم جدام الامر الواقع ...فلا تخلينها تصدمج باجر انها سوت هالشي غصبن عليج يعني قبل والله لمن كانت امي تحن لا سوين جذي لا ضعفين حواجبج لا صغين شعرج كنت اعاند وابي هالشي باصرار بس والله يوم خلتني اسوي كل الي ابيييه والله انه صار العكس الحين قاعده اسعى اعرض حواجبي وشعري خليته اسود ما ابي اصباغ مليت ترى جد كل ممنوع مرغوب ..وبعدين ما تنلام الصراحه الي اصغر منها حف بس انتي لا تخلينها تحف مرة وحده خل تنضف شي بسيط بس خل تحس انه شكلها تغير لانه صدقيني100% انه بنات المدرسه اهم الي قايلين لها ليش ما تحفين ويحرجونها سأليني قبل كان معانا وحده ما تحف ولا شيل شواربها كنا نقول لها ليش ما تحفين تقول امي ما ترضى وتفتشل وكل البنات عياب عليها يسمونها ام شوارب خضر:krkrkr: وام حواجب
والله جد الزمن تغير ولازم نواكبه يعني كلش كلش عن الحرام والحلال سوي لها تشقير عشان لا تحس بنقص وحرمان وباجر تكرهج وتقول ليش انا مو نفسهم وتتمرد باجر عليكم ...يعني عامليها بالمعقول مسكي العصا من النص

 

[*مارلين_مونرو*]

والله شوفي يا حبيبتي انا بقولج تجربتي..

انا من عمري 14 سنه وانا احن عالشيره لوووول و امي مو راضية و رفيجاتي كلهم شيره و حالتهم حاله .. المهم لما دشيت اولى ثانوي رضت .. بعدين طلعت بسالفة الحاوجب و امي كلللش موووراضيه قومي نوااره_ اخذي الملقط و رووووح حيل بالحواجب و سويتهم 8 يهبلوووون .. و ب ثانيه ثانوي صبغت شعري بعد بني و من اطرافه اشقر خلوني بس على ايام الهلاقة ..
لما وصلت رابعه ثانوي اهني الماما اهيا بروحها قالت روحي حفي حواجبج يلوعون الجبد لوووووووول ..

والله العظيم على اني حفيت و صبغت شعري و سويت كل شي ما حسيت انه شي أثر فيني وكاني الحين كبرت والله العظيم مااشتهي اصبغ شعري ولو اصبغه صبغه خفيفه و بسسسس !!

كل ممنوع مرغوووب و اذا منعتيها بالهعمر بتيننننج ولي كبرت عااد بتحط حررتها بعمرها ذيك الساعه اللي ماتقدرين حيلها !!
والحين والله العظيم اقول وناااسه كل شي سويته بمراهقتي ماخليت شي بخاطري وصج الحين عادي عندي اصبغ ما اصبغ و هالسوالف شي عااادي !!

انا من راي البنات خليها تحف تنظيف بس و تصبغ شعرها عالخفيف بني غامج كستنائي جذي و بس !! والله لي سوتها بتططططخ !!

 

[المبدعة]

الله يعينج والله