بدور (الحب الحقيقي)

[زينة الأب]

الجزء الرابعة و العشرون

دخل ناصر على بدور
ناصر: مساء الخير...ها تعشيتي؟
اااخ يا ناصر... تقدر تاخذ وحدة علي؟ بدور ليلحين منصدمة بكل اللي قاعد يصير لها....
افف شفيني أنا اهوة ما وافق... بس اتفق مع أمة إن يفكر... اااخ يحقلة يا بدور اهوة يستاهل كل خير عقب اللي سويتي في...
بدور تطالع إيدها: لا مو مشتهية...
استغرب ناصر... بدور دايما تبلع... ضحك لنفسة
بدور: شفيك تضحك؟
ناصر واهوة يعلق دشداشتة: مادري بس انتي ما شالله عليج ما تقولين لا للأكل.... فبس مستغرب...
بدور بطتها ضحك بالرغم من كل اللي صاير: هههه لا والله يعني أنا بلاعة...
ناصر بدون اي تردد: اي بلاعة...
بدور: @@ لا والله!!! بس زعلت...
ناصر: لا لا ولا زعل القلب عاد...
ابتسمت ابتسامة مرة... لو تدري شنو فيني...
اخترع ناصر من ويه بدور... لا يكون زعلت صج.... او نصور شسويت الحين... توها تضحك
ناصر: بدور حبيبتي ترا كنت أتغشمر...
بدور ماسكة دموعها: أدري أدري...
ناصر واهوة لام بدور: عيل شفيج؟
بدور: ااخ ناصر... خايفة
ناصر انصدم: من شنو!!! شلون تخافين وأنا معاج
بدور دفنت ويها بصدر ناصر الدافي.... و خلت دموعها تنزل بحرية
بدور: ناصر قولي إن عمرك ما راح تخليني...لا تتركني يا ناصر... ما اقدر أعيش من غيرك...
ناصر: @@ بدور شهالكلام؟!! حبيبتي...
بعدها عن صدرة عشان يشوف ويها عدل... ريجة نشف من شاف دموعها الغالية
ناصر: بدور طالعيني...
رفعت بدور عينها العسلية لعينة السودة
قلبة يرقع من جمالها
ناصر: عمري ما راح أخليج... مافي شي راح يفرقنا عن بعض بهالدنيا غير الموت!!
بدور: وعد؟
ناصر: وعد
ارتاحت بدور من كلامة... بس قلبها ناغزها ...أم ناصر مو هينة و راح تسبب مشاكل...
...........
أم ناصر: بدوووور!! بدوووور!! وينهي هذي؟
هبة: شدراني عنها... أنا مالي شغل فيها
دخلت بدور الصالة ركض... أول مرة تناديها أم ناصر من صارت السالفة....
بدور كانت مستانسة... يمكن سامحتني ..
بدور بأمل: هلا خالتي...
أم ناصر بقلبها... شفيها هذي تتبوسم
أم ناصر: بدور سوي جاي و ييبي... في ناس يايين و هبة لازم تكون موجودة ما تنشغل بهالشغلات....
اختفى أملها... مشغليني خدامة عندهم... بس عشانك يا ناصر كل شي يهون... عشان فرحتك و سعادتك... عشان رضاك بس وأنا عارفة إن هذي أمك... راح أسوي كل اللي أقدر عليه عشان أخلي أمك تسامحني
بدور: انشالله خالتي...
راحت بدور للمطبخ تسوي جاي عشان تقدمة..
هبة: يما اهية تدري منو اللي ياي...
ضحكت أم ناصر: و شحقة تدري؟ اهية مالها شغل...
بدور كسرت خاطر هبة شوية... لو مهما تسوي محد يستاهل يصير في جذي...
هبة: بس يما اللي يايين احتمال يصيرون نسايبنا... يعني شريجة بدور...
أم ناصر: و اذا يعني... أنا وليدي يستاهل كل خير... و ما راح أخلي بدور تخرب حياتة مثل ما خربت حياة خالد...
تذكرت هبة خالد أخوها و هدى رفيجتها اللي الحين اسمها مطلقة... و اختى عاطفتها لبدور اللي كانـــــت رفيجتها....
بما أن أم ناصر تعبانة و ما تقدر تطلع من البيت... اللي تبي تخطبها لناصر ياية مع أهلها بيت بو ناصر عشان تشوفهم و عشان ناصر يشوفها
أم ناصر بقلبها.... اااخ يا بدور باخذ حقي و حق عيالي بإيدي منج... أنا أراويج!
...........
يتبع​

 

[زينة الأب]

شكرا بنات على متابعتكم و تصويتكم و أتمنى من اللي قاعدين يقرون و ما صوتوا يصوتون لأن هذا شي وااايد يساعدني... ثانك يووووووو

 

[Shine~Flower]

الله يعطيج العافية على البارت وسامحيني اذا ضغت عليج بس من كثر ما اني متشوقة على القصة

 

[fatmaq8]

مشكورة على البارت و مي تو سوري اذا ضغظت عليج

 

[zqertya]

يسلمووووووووو بس الباااااااااااارت قصير ؟؟؟

 

[kity]

هاذي ام ناصر لي ماتموت وتفكنا من شرها

فولت منها خلاص مو معقووله شتبي اهيه

~~

مشكورة حبيبي ع الباارت بس في عندي اقترااح وانشالله يعجبكم وانتي ترتااحين بنفس الوقت

يما ان بااقي 7 بارات وتخلص القصه ليش ماتكتبين هالأسبوووع ع رااحتج وتنزلينه يوم الخميس او اليمعه

عشان منها يصير تشويق للبارات اليايه وعشان تكون ويك اند ومانضغط لا عليج ولا على روحنا وجذي حلوووه تصير السالفه ولا انتو شرااايكم بنوتات

 

[kity]

لي = ليييش من الصدمه لووول

 

[kity]

ههههههههههههههههههههههه امبي البدليااات مو صج


يما = بمااا

 

[Shine~Flower]

اي والله معاج حق كتي انا موافقه معاج بالراي

 

[زينة الأب]

انتوا حبيباتي كيفكم تبونهم كلهم بالويكند؟ بس أنا أخاف إن همن ما أخلصهم كلهم هالأسبوع بس راح أحاول ميخالف.... بس انتوا اتفقوا و قولولي و أنا حاضر... اهوة مو ضغط وايد بس مرات ما أقدر أنزل بارت بس عادي كيفكم شنو تبون

 

[kity]

^^^^^^

اممممم مادري خليها بالويك اند احسن ويكونون كلهم مع بعض ويكونون بيوم واحد واممممممممم ومادري انا هاذا رااي والي ينااسبج حبيبتي سويه

 

[زينة الأب]

خلاص عيل... بس إن غيرتوا رايكم ترا أنا موجودة تقريبا كل يوم أشبك عشان أشوف ردودكم الحلوة اللي تبرد القلب ههههه انزين ما تبون باجي هالبارت؟ توني خلصت كتابة جزء منها ولااااا تبونها بالويييكند

 

[MeeMeeYoo_2]

لالالالا
نزليه الحين
لووووووووول

 

[زينة الأب]

لوووووووول هاااا صدكم لوووول من عيوني الحين أنزل لكم بارت هههههه

 

[زينة الأب]

دخلوا الحريم و سلموا على أم ناصر و هبة...
أم ناصر: هلا باللي يانا... تفضلوا حياكم...
أم مشعل: الله يحييج يا وخيتي...
و قعدت على الغنفة اللي اقرب لأم ناصر....
أم ناصر واهية تبتسم: دلال حبيبتي شلونج شخبارج....
دلال: الحمدالله بخير خالتي....
أم ناصر عفست ويها: هبة نادي بدور خل تيييب الجاي...
بدور مو اهية زوجة ناصر؟ استغربت دلال... ما توقعت إن بدور راح تكون موجودة.... يحليلها اكيد وحدة متفهمة
دلال عمرها 27 حلوة بس مو كثر بدور (طبعا) شعرها أسود قصير و عيونها بنية.... ما تزوجت لأنه ما ياها نصيب لأسباب مجهولة... و أم ناصر كانت حاطة عينها عليها من فترة... حتن قبل لا يتزوج ناصر بدور...
أم مشعل: عيل وين وليدي ناصر.... ما يبي يشوف خطيبتة الجديدة؟
ام ناصر توترت.... ما قالت لهم إن ناصر ليلحين ما وافق... خافت إنهم يهونون...
أم ناصر: والله تعرفين أشغال و دوامات... و ناصر وليدي ما يؤمن بشي اسمة إجازة... يكرف نفسة كراف سمالله عليه....
أم مشعل: وي سمالله على قلبة... مبين خوش ريال....
دخلت بدور و بإيدها صينية الجاي....
بدور مبتسمة ابسامتها العجيبة: السلام عليكم...
الكل: و عليكم السلام...
قربت بدور من الحرمتين و عطتهم الجاي.... ما كانت تدري من اهمة و ما حبت تسال لأنها حست إن أم ناصر مو فاضية لها...
أم مشعل: انتي بدور؟
بدور بستغراب: اي نعم...
أم مشعل: يحليلج... مبين عليج خوش وحدة مدام إنج راضية على كل اللي قاعد يصير....
قعدت بدور جدام أم مشعل: ليش شقاعد يصير....
أم ناصر بسرعة: لا بنيتي ما قاعد يصير شي....
خافت أم ناصر لا تخرها أم مشعل.... هذي بتخرب كل...
أم ناصر بتصنع: بنيتي بدور حبيبتي واللي يسلمج ييبيلي قلاص عصير عشان أخذ حبت السكر...
قامت بدور و مخها يفتر.... شفيها قلبت فجأة
بدور: انشالله....
أول ما طلعت بدور من الصالة
أم ناصر: أم مشعل نرا اهية ما تدري...
أم مشعل @@: و ليه ما خبرتوها؟
أم ناصر: تدرين مسجينة و منو اللي بيرضى إن يتزوج عليها ريلها...
أم مشعل: وانتي الصاجة... محد بيرضى بس هذا حق للرجل...مو عيب...
أم ناصر: والله أدري بس انشالله اول ما ايي ناصر كل شي ينحل...
و مثل تعمد... دخل ناصر الصالة...... استغرب أول ما شاف الحريم... الظهر ربع أمي يايين يتحمدون لها بالسلامة....
ناصر: السلام عليكم...
أول ما شافت دلال ناصر ما قدرت تتنفس.... هيبتة صدمها...
الكل إلا دلال: و عليكم السلام
أم ناصر: هلا وليدي هلا بنور عيني... تعالي ما سلم على أمك...
انحرج ناصر و راح لأمة.... باسها على راسسها
و بنفس الوقت دخل خالد
هبة تصرقعت... صارت صاااارت....
أول ما دخل عينة طاحت على وحدة حلوة
خالد باستغراب: السلام عليكم...
أم مشعل استغربت... شالسالفة.... أم ناصر قالت إن بنكون بروحنا...
انصدمت أم ناصر من وجود خالد ولدها... بس عادي شبيسوي يعني...
الكل: و عليكم السلام...
أم ناصر لناصر: ناصر وليدي هذي دلال ال(...)
ناصر: و النعم فيج... يما بغيتي شي.... تراني تعبان بروح أرتاح...
انقهرت أم ناصر.... على الأقل جان كلمها أكثر... ولا اهتم لها
أم ناصر: لا يا وليدي روح ارتاح....
ناصر: إلا وين بدور؟
أم ناصر بدون نفس: بالمطبخ....
طلع ناصر من الصالة و راح المطبخ...
ناصر: هلا بالحب.... هلا بالقمر...
بدور: هلا حبيبي.... متى رديت؟
ناصر: توني راد... تعالي منو اللي بالصالة؟
بدور: والله مادري علبالي رفيجات أمك...
ناصر: مادري والله... المهم امشي صعدي معاي...
بدور: ليش شتبي؟
ناصر: مشتاقلج بعد شنو!
ابتسمت بدور و صعدت مع ناصر و نست الضيوف اللي كانوا عندهم....
.......................
بعد فترة دلال و أم مشعل قاموا عشان يردون البت
أم مشعل: عيل ننطر منكم اتصال...
أم ناصر: أول ما أكلم ناصر و نتفاهم اتصل فيج....
أم مشعل: انشالله.... يالله عيل يا وخيتي مع السلامة...
أم ناصر: الله يسلمج...
دلال لهبة: مع السلامة... و فرصة سعيدة...
هبة: مع السلامة، تسلمين حبيبتي....
ارتاحت هبة لدلال.... خوش بنت مسكينة بس ماكان لها حظ بالنصيب... بس انشالله ناصر اخوي يعوضها عن كل اللي فاتها... انشالله يرضى عاد... عسى ما بدور مسويتلة غسيل مخ....
أم ناصر: والله خوش ناس مو؟
هبة: اي والله يما... و دلال شحلوها.... صج عندج ذوق يا يما....
ابتسمت أم ناصر لنفسها... الحين بس باقي أقنع ناصر...
هبة يما ناديلي بدور....
............​

 

[زينة الأب]

بنات أبي ردودكم و توقعاتكم!!! أهم شي توقعاتكم ههههه

 

[ms_5ajoola]

وييييييييييييييييع اكره ام ناااصر الحيوااانة صج حقيرة وما عندها احساااااااااااااااااااس الله ما يرضى جذي

 

[Shine~Flower]

الله يعطيج العافية ومشكورة على البارت المهم انا اتوقع ان ناصر ماراح يتزوج دلال وراح يظل مع بدور وراح تحمل اخر شي<<<<< هذي توقعاتي :eh_s(20):

 

[Shine~Flower]

زينه بتنزلين البارت اخر الاسبوع ولا كل يوم شوي ... ؟

 

[fatmaq8]

وااااااي اف ام ناصر حدها تقهر حرام كاره خاطري بدور