بدور (الحب الحقيقي)

[fatmaq8]

زيون متى بتنزلين البارت

 

[اشجان الروح]

واااااااااااااااااااو روعه ومتى بتنزلين البارت اللي بعدوه

 

[اشجان الروح]

مرحبا صبايا بقولكم شي واخذ رايكم فيه انا اكتب وودي انزل القصص والخواطر اللي اكتبه وان شاء الله بكره اول قصه بكتبها وان شاء الله تنال اعجابكم

 

[نبض الجود]

يسلموووو

 

[Shine~Flower]

زينة ناطرين البارت ... متى بتنزلينه ..؟

 

[Shine~Flower]

الووو زينة وينج ؟؟

 

[kity]

وينج حبيبتي

ليش البارت قصير

 

[زينة الأب]

هاي بنات البارت ترا قصير لأن مو بارت كامل جزء من بارت... و الحين أنزلكم الباجي... بس عطوني فرصة بعدل شي

 

[زينة الأب]

بنات هذا تكلمة لبارت 23 يعني الحين بس باقيلنا 7 بارتات انشالله نخلصهم هالسبوع

.........................
ناصر دق على بدور... خلاص صار يومين ينام من غيرها بس ما يقدر... حتن لو بترفض ما راح يسمع كلامها... كان مشتاق لها موت
ناصر: الو السلام عليكم..
بدور: و عليكم السلام...
ناصر ما عرف شيقول...
بدور: ناصر حبيبي بغيت شي؟
ناصر: بدور أنا بعد شوي بيي أمرج زهبي ملابسج...
ضاق خلقها... ما كانت تبي ترجع للعيشة و الجو الكئيب فبيت بو ناصر...
بدور: بس ناصر...
ما خلاهة تكمل: لا بس ولا شي... أنا بيي أمرج الحين تزهبي... مع السلامة..
بدور بضيق: مع السلامة...
سارة: بدور شفيج؟
بدور: ناصر ياي ياخذني...
سارة: بعد هذا الصح... لازم تكونين فبيت ريلج... ميخالف صيري قوية و تحملي
بدور: بس شكلة كان معصب... مادري شفي.... لا يكون معصب علي...
سارة: لا ما أظن...
دخل محمد بنفس الوقت...
محمد @ سوير شحقة شايلة هالجياس؟!!! جم مرة يقولج الدكتور لازم ما تشيلين شي ثقيل...
سارة الحين بتدخل الشهر الرابع وليلحين مو متعودة على هالأشياء...
سارة: اوهوووو ترا والله مو ثقال...
خذا محمد الجياس منها: وانتي يا بدور ما تزفينها... تعبت و أنا أعلمها بس ألف ويهي إلا اهية رايحة شايلة شي ثقيل ولا رايحة ماشيتلي ليه السيارة والله ما تركد مكانها...
بدور: هههه مو بعض المرات أنسى إنها حامل...
سارة عفست ويها: شلون تنسين و أنا مكرشة جذي...
قعدوا يضحكون... و بعد 5 دقايق وصل ناصر...
........
ركبت بدور السيارة واهية خايفة...ناصر كان عافس ويهة و حست إن معصب عليها...
بدور بصوت واطي واهية تسكر الباب: السلام عليكم
ناصر: و عليكم السلام
هدوووء
بدور أخيرا يمعت جرأتها: ناصر انت زعلان مني...
لف ناصر ويهة عليها بسرعة و اهوة منصدم
ناصر: لا حبيبتي مو زعلان منج؟!
ارتاحت بدور شوي: عيل ليش زعلان؟
ناصر: امبلا زعلان منج شوي
بدور: لييش!!!
ناصر: شلون تتحملين تبعدين عني يومين؟ لا و تبين تطولينها زيادة بعد...
ابتسمت بدور براحة... عبالي شي جايد...قامت تضحك..
ناصر: أنا قلت شي يضحك؟
قامت تضحك زيادة: ناصر والله أول ما سمعت صوتك بالتلفون و شفت ويهك عبالي فيك شي... عبالي...
بس ما قدرت قامت تضحك من الراحة
قام ناصر يضحك معاها
.......
دخلت بدور البيت و حست بالجو المتوتر... أم ناصر طلعت من المستشفى و كانوا حاطين لها سرير تحت..
بدور: السلام عليكم...
هبة و أم ناصر طالعوا بدور بحقد... بس ناصر كان مكلم الكل قبل لا يمر بدور...
الكل: و عليكم السلام...
بدور راحت لأم ناصر و باستها على راسها..
بدور: الحمدالله على السلامة خالتي... ما تشوفين شر
أم ناصر من غير ما تطالعها: الله يسلمج
ما حبت تطول بدور معاهم زيادة... كانت حاسة إنهم مغصوبين و مو بالعينها كلش...
عطى ناصر أمة و اختة نظرة تعني "عيب عليكم"
و صعد مع بدور جناحهم..
طبعا ناصر اللي كان ميت شوق لبدور ما خلاها بحالها... بس بنفس الوقت اهية كانت مشتاقتلة بعد وايد...
.....
الأشهر مرت و بدور على نفس الحال.... أم ناصر و هبة ما يكلمونها إلا وقت الضرورة... و بدور بالبداية كانت تاخذ خاطرها عليهم بس الحين تعودت....و سارة اقترب موعد ولادتها...دخلت الشهر التاسع واهية مسكينة غصب تشيل نفسها... كان فيها صبي و قرروا إن يسمونة جاسم (طبعا)... خالد بين كل فترة و الثانية اليهال يصيرون عندة عشان يشوفهم و ينامون عندهم.... أم ناصر واايد كانت تتشوق لهالأيام و بالرغم لعدم محبتها لبدور كانت ناطرة اليوم اللي تحمل في بدور عشان ترد لهالبيت السعادة... بس للأسف هاليوم مو راضي إيي...
أم ناصر كانت قاعدة بروحها مع ولدها ناصر.... ما كانت تتحرك وايد ،عقب طيحتها بالمستشفى ما ردت مثل قبل...صارت بسرعة تتعب و تدوخ و ريولها تعورها إذا مشت عليهم وايد...
أم ناصر: ناصر حبيبي... ما حملت بدور؟
هالموضوع كان واايد حساس بالنسبة لناصر خاصة إن بدور كل يوم تبجي على هالموضوع... تذكر اخر روحة لهم للمستشفى
بدور كانت تبجي...
ناصر بتوتر: يعني شنو ما تحمل كلش؟!
الدكتورة: اللي رحمهم على شكل حرف ال t نادرا يحملون... يعني 5% ... و المشكلة بعد إن الزيجوت مو راضي يثبت على الرحم... يعني حتن لو حملت ما راح يتم ، و يطيح الجنين...
بدور بصوت متكسر: يعني في أمل؟
الدكتورة كان صعب عليها تخبرهم هالخبر... اهوة أغلب الأحيان مستحيل الحمال... بس ما حبت تحبطتهم زيادة
الدكتورة: في أمل صغير واايد...
فهمت بدور من نظرات الدكتورة إن مستحيل... عمري ما راح أصير أم.... و ناصر المسكين حلم حياتة إن يصير أبو و أنا الحين حرمتة من هالشي...
الخبر هذا كان صدمة لناصر و بدور... كلش ما توقعوا هالشي...
رجع ناصر للواقع وعيونة تلمع...
ناصر: لا يما ما حملت...
أم ناصر: وليدي ناصر ترا أنت الحين عمرك 33 تراك قاعد تكبر... و يبيلك عيال يحاوطونك و ييبونلك السعادة...
شقصدها أمي... اهية عارفة عدل إن بدور ما تقدر تحمل..
بلعت أم ناصر و كملت...
أم ناصر: ناصر... أنا لقيتلك خوش وحدة تييبلك عيال و عن طريقهم الساعدة التامة انشالله...
بقق ناصر عيونة: شنو!؟ أتزوج على بدور!
أم ناصر: وليدي ما فيها شي و الإسلام حللك 4 بدال 1
ناصر: يما مستحيل أتزوج على بدور... ما تستاهل... بروحها مارة بشاكل دهر... اللي محد بعمرها شافها بهالفترة القصيرة...
أم ناصر: بس يا وليدي انت هدف زواجك بالأساس إنك تييب عيال، أنا عارفتك عدل يما لا تخش علي... شي طبيعي إنك تبي عيال... لا ترد علي الحين بس قولي إنك تفكر بالموضوع...
ما عرف شيقول... كلامها كان صح... اهوة شكثر مشتاق حق العيال... و الحين اتضح إن هالشي مستحيل مع بدور.... اهوة صج يحبها و يموتها فيها بس مو غلط إن يتزوج عليها عشان عيال...
ناصر و اهوة سرحان: أفكر
ارتاحت أم ناصر... على الأقل بيفكر بالموضوع...
بدور كانت واقفة عند الدري منصدمة من الليق اعدة تسمعة.... ناصر يتزوج علي؟
.................
بدور كانت زايرة أمها
بدور: بس يما خلاص هالشي مستحيل..
أم جاسم: لا يما مافي شي مستحيل كل شي بإيد الله عزوجل....
بدور: ادري يما...
و تذكرت كلام أم ناصر لناصر... من الحين تبي تفتك مني و تدور مرة حق ناصر... بدور فار دمها...
أم جاسم بحزن: انشالله الله يرزقج بالعيال...
بدور تبتسم: انشالله...
دخلت سارة واهية غصب تمشي: السلام عليكم
بدور و أم جاسم: و عليكم السلام..
قعدت سارة ببطء على الغنفة: يالله.... اففف خلاص خل يطلع هالياهل شكثر بيتم بعد...
بدور: ههههه حرام عليج تو الناس... موعدة سبوع الياي مو؟
سارة: للأسف... جان زين أمس...
بدور: يا حظت يا سوير بييلج بيبي و بتصيرين أم...
سارة كانت تدري إن بدور ما تقدر تييب عيال...
سارة: ايي و شعليج بتصيرين عمة... يووو والله كبرنا...
بدور:اي والله الأيام بسرعة تطير...
........
معقولة ناصر يفكر يتزوج علي؟... كان فيها غصة مؤلمة... مو قادرة تتحمل هالفكرة.... حبيب قلبي ياخذ وحدة علي... أنا توني شباب...
مرسحت دموعها يوم سمعت ناصر يصعد الدري...
............​

 

[Shine~Flower]

مسيكنة بدوور ماتييب عيال ..... بس اكيد اخر القصة اتخلينها تحمل p;
على العموم مشكورة على البارت

 

[MeeMeeYoo_2]

حرااااااااااااااااام

يعطيج العافيه

 

[زينة الأب]

الله يعافيكم حبيباتي لوووول احتمال تحمل احتمال لا ما أدري ليلحين ما قررت ما ودي أصير نفس باجي القصص

 

[زينة الأب]

ااااااب

 

[fatmaq8]

واااي البارت حده عجيب زيون متى البارت الثاني

 

[Shine~Flower]

زينة متى البارت الياي اليوم بليل ولا باجر ...؟

 

[kity]

وييييييييييي هاذي ام نااصر مليقه اكرها

اهيه شكووو باليهااال اخاف اهيه الي بتصير امهم سليحط


وناصر اذا فكر يتزوجها يطلع اكبر مليق بالدنيااا

وبدوووور تطلع اكبر غبيه اذا اهيه تمت معاااه اذا مجرد تفكير انه يتزوج عليها


وننطرج حياتي

 

[zqertya]

ناطرييييييييييييييينج

 

[ms_5ajoola]

مشكوووووووووووورة وناطرييينج لا تبطييييييييين

 

[Shine~Flower]

زينة متى بتنزلين البارت..؟ ناطرييييين

 

[زينة الأب]

هااايب ناات سوري بس مثل ما انتوا مضغوطين بالدوامات حتن أنا مضغوطة بس الحين خلصت جزء من دراستي و بقعد أكتب... وانشالله تعجبكم بارتاتي صج اني مستعيلة بس قاعدة أحاول اني ما اخربط واايد و انشالله قصتي ما تصير مليقة.... ترقبوا البارت اليديد و يالله أخليكم عشان أكتب