بدور (الحب الحقيقي)

[زينة الأب]

سوري بنات بس تعبت ما أقدر أكتب زيادة لأني اذا تميت على شي مدة أخبرة لوووول....

 

[MeeMeeYoo_2]

لوووووول حبيبتي يعطيج العافيه

 

[ms_5ajoola]

يعطيييج العاافية بس لا اطولييين بليييز حاولي تحطين البارتات كلها قبل الاحد الياي عشان قبل لا يبدي دوااامي ويعطيج العااافية

 

[kity]

اف ماحب هدى

مصيبه قطو ام رووحين مرتين كانت تبي تموت وما ماتت

اف


اكرها يارب خالد يطلقها

اكرهااااا اف

يارب تنقرض من القصه

 

[zqertya]

حبيبتي يسلمووووووووووووو عالبارت الله يعطيج العافيه

ناطرينج اخذي راحتج

 

[Shine~Flower]

@@@قويه الحين اكيد بتصك هووشة بالعايلة ...
ناطرين البارت الياي على احر من الجمر لا طولين

 

[Shine~Flower]

حبيت اسئلج جم بارت بقى على القصة العجيبة ؟؟:s142:

 

[kity]

^^^^^^^^^^^^^^

نفس سؤااالي

بس يارب النهاايه انقراااض هدى من الوجووووده اكرهااااااااااااااااااااااااااااااااااااااااااااااااااااااااااااااا كره

 

[Shine~Flower]

حرام عليج كتي هدى ما سوت شي

 

[زينة الأب]

حبيباتي شكرا على ردودكم العجيبة و الحين على سؤالكم جم بارت بقى... أنا الحين قاعدة أكتب بارت 22 و اخر بارت 30 يعني باقي قولوا 8 بارتات و تخلص القصة...
و اللي يكره هدى... ترا اهية مسكينة مالها حظ مع خالد... كلة مشاكل معا و أخيرا حبها و دخلت بدور حياتها مرة ثانية و خالد طبعا انولع حبة القديم لها... و بنفس الوقت هدى غلطت و تصرفت بغيرة و حقد شوي.... بس شتسوي تغار على خالد لأنها تعشقة بس اهوة ما يبادلها هالشعور... شيصير فيكم لو تحبون أحد بس اهوة ما يحبكم...
المهم ترا أنا الحين قاعدة أكتب و انشالله أنزل جزء من بارت 22

 

[MeeMeeYoo_2]

ناطريين

 

[ms_5ajoola]

:bbbiu:naaaaaaaaaaa6reeeeeeeeeeeeeeeeeeeeeeeen

 

[زينة الأب]

هذي بارت لعيونكم الحلوة يا صبورين... ووايد استانس ليمن أشوف ردودكم أحس صرتوا رفيجاتي لووول.... وانشالله باجر البارت يكون كامل و أحاول بالويكند أنزل بارت 22 و إذا قدرت (بس ما أعتقد إني راح أقدر) بارت 24. بس ادعولي إن كل شي سهالة لأني همن بالويكند بدرس... كيماياااااااا لووول... بسي قرقة و هاكم جزء من البارت 22​

:dddds:

الجزء الثانية و العشرون
نزلت هدى الصالة و دخلت على خالد و بدور و ناصر اللي كانوا ميتين ضحك....
اااخ يا خالد.... من يت بدور رديت مثل ما كنت.... بس معاي انسان كئيب و حزين... بس أنا أوريك فيها...
مرت هدى صوب خالد بس ما قعدت يمة.... كملت ليه بدور و قعدت يمها...
استغرب خالد من تعابير هدى بس ما اهتم للشي لأن حسة شي مو مهم...
......
حطت هدى ريل على ريل و ريحت إيدها اللي فيها ساعت بدور على ركبتها...
هدى: عيل بدور بتصيرين عمة... مبرووك...
تذكرت بدور حمال سارة و بطنها دلدغها من الوناسة: الله يبارك فيج... حدي مستانسة و متشوقة...
تنرفزت هدى لأنها كانت تبي بدور تشوف الساعة و تشوف تعابير ويها...
و ياتها فكرة
هدى: بدور ساعتج حلوة.... من وين؟
بدور: مادري والله أيام الملجة شكثر أغراض خمينــــ
و شافت بدور الساعة اللي كانت لابستها هدى...
هدى بقلبها.... أخيرا... صدتج يا بدور....
هدى بخبث: شرايج بساعتي بدور؟
حطت بدور عينها بعين هدى و عرفت إنها تدري.... تدري إنها كانت تحب خالد... و عقبها ناظرت ناصر... شبتسوي هدى؟ بتقول لناصر... بس يمكن صدفة مو ساعتي... ليه هالدرجة خالد مهمل ما تخلص منها...
بدور بخوف: تصدقين كان عندي ساعة نفسها....
فصخت هدى الساعة و حطتها بإيد بدور...
قلبت بدور الساعة: بس أنا ساعتي فيها حرف الـــ
شافت بدور حرفها يبرق بالليت... لا لا مستحيل...
قامت بدور مخترعة و قطت الساعة بحضن هدى... مسحت إيدها على ملابسها كأنها جاست شي وسخ ...
شاف خالد ويه مرتة و حس إن في شي غلط...
ناصر قام من مكانة و راح لبدور: بدور حبيبتي شفيج.... ويهج أصفر...
خالد قام و راح لهم: شفيها ناصر.... تعبانة؟ نوديها المستشفى...
خافت بدور و طالعت هدى اللي قامت وويها أحمر من العصبية...
هدى: أنا بعرف انت ما تستحي على ويهك؟ أنا مرتك و ما اهتميت فيني هالكثر...
خالد بغضب: هدى!! شهالكلام... شفيج؟
هدى: أنت حسبت إني غبية ما أفهم؟ حسبت إني ما أشوف؟ ما اشوف نظراتك لها!!!
ناصر انصدم من اللي قاعد يصير... شقصدها هدى...
مسكت بدور إيد ناصر... كانت خايفة... قلبها قام يعورها... بيصير شي...
ضغط ناصر على إيدها بحب...
خالد: شقصدج؟
هدى قامت تضحك مثل المينونة: تكفا يا خالد لا تسوي نفسك بريء... انت و الزبالة اللي يمك مو بريئين... و بالأخير أنا و ناصر اللي نضيع...
هدى خلاص تعبت من هالدنيا و من خالد اللي كل مرا مشاعرا تتغير...اهية تدري إن اهوة يحبها بس بنفس الوقت كان مبين إن ليلحين يحب بدور... شلون تشوف خالد حبيب قلبها جدامها يسوي جذي... عقب كل اللي مروا في من مشاكل...
بدور: ناصر...
ما سمعها ناصر... كان مركز بكلام هدى...
خالد: هدى قصري حسج وامشي معاي فوق نتفاهم...
هدى فيها لعانة: و ليش ما راح تقول لأخوك الصج؟ ليش ما كنت راضي على زواجة من بدور؟ قولة يا خالد قولة...
ناصر ليلحينة ماسك إيد بدور: شنو قصدها خالد...
سكت خالد واهوة مستحي من نفسة... شقولة.... شسويتي يا هدى...
بدور: ناصر...
هدى تطالع بدور: شرايج إنتي تقولينلة... قوليلة يا بدور... قوليلة شلون انتي و خالد كنتوا تحبون بعض و شلون كنتوا حبايب... شلون انقهرتي ليمن خذاني خالد بالأخير و قطاج مثل ما انتي... زبالة.... قولي الصج جم واحد حبيتي قبل ناصر....
خالد فقد أعصابة... طلعت هدى عن طورها و لسانها مثل السجين المرطب بالسم....
عطاها طراق يشلع الويه: جااااب... يا قليلة أدب!!
ناصر حس إن الدنيا قامت تطيح فوق راسة... حس في ضغط بقلبة ... لا مو ضغط ألم!!!
طالع بدور بعيون مو مصدقة...
ناصر: بدور هالكلام صج؟ تكفين قوليلي إن مو صج...
بدور بقلبها... ااااخ يا قلبي ما تهنيت فيك والله ما تهنيت... شسويتي يا هدى حرام عليج... ما سويتلج شي...
طاحت دمعة من عينها... اااخ يا ناصر والله ما تستاهل... خسرت زوجتك شوق و عقبها بسنين أخيرا تزوجت و خذيت وحدة ما تستاهلك... خذيتني أنا...
من نظراتها فهم ناصر إن كل اللي قالتة هدى صج... استوعب إن كان ماسك إيد بدور و تركها بسرعة....
طالع إيدة بحزن... اااخ يا ربي ما أتهنى بدنيتي؟ كنت متوقع إن بيصير شي... مستحيل أتم مستانس...
خالد قام يحاتي أخو.... ما تستاهل يا نصور: ناصر خلني أفهمك..
ناصر: شتفهمني!! إنك كنت تحب مرتي... كنت تكلمها مو جذي؟ تقولون لبعض كلام حب؟ قولوا تحجوا!!
ما قدر يتكلم... بدور قامت تبجي بحراق..... كل شي اخترب...
هدى ليلحين كانت على الارض حاطة إيدها على خدها.... تستاهلون... طول هالفترة مسويين نفسكم بريئين...طول هالفترة خالد يجذب علي..
............
قمت تحذف هدى كل اللي تقدر عليه بجنطة... من ملابسها و ملابس عيالها...
دخل خالد و هدى كانت طالعة و تنادي خدامتها...
هدى: لااتي لاااتي...
لاتي: نأم ماما..
هدى واهية تبجي... كل شي أخيرا استوعبتة عدل...
هدى: لاتي ييبي فهود و ريون السيارة الحين...
خالد: وانتي يا حضرتج وين رايحة علالله!!!!
هدى لفت عليه واهية ميتة حرة: و انت شكو!!! انت اااخر من يتكلم.... جذاااب و خاااين و و و و جذاااااااااب!!!
ما عرفت شتقول بعد... كانت واصلة حدها...
خالد: لا والله... عقب اللي سويتي انتي ااخر من يتكلم... حرام عليج يا هدى... توهم رادين من شهر العسل... ما كملوا شهر مع بعض الا انتي تخربين بينهم!!!
هدى: يا سلام يا خالد... حتن الحين تدافع عنها.... يعني اهية ما خربت شهر عسلنا؟ ما خربت حياتي... ما تهنيت بالسعادة إلا اهية تدخل حياتنا مرة ثانية و تخرب كل شي...
خالد: هذا مني أنا يا هدى بدور مالها شغل... من تزوجتج ما كان في أي اتصال بينة... بس انتي حقيرة و حقودة و حسودة رحتي سويتي فتنة بين أخوي و مرتة....
هدى قطعها قلبها من اللي قالة خالد: و حتى الحين خالد ما توقف معاي...
خالد: شلون أوقف معاج واللي سويتي الله ما يرضى عليه...
مسحت هدى دموعها: على العموم يا خالد أنا رايحة بيت اهلي... و باجر تطلقني!!
نزلت الدري واهية تترك حياتها وراها...
خالد لحقها لية السكة واهوة يصارخ...
خالد: روحي انتي باللعنة بس عيالي ما تاخذينهم!!!
هدى بحقد واهية تركب السيارة: بلا باخذهم وانت مالك اي حق فيهم...
مشت و خلت خالد مكسور بدون زوجة ولا عيال....
........
ناصر: حرام عليج يا بدور حرام عليج تسوين فيني جذي... جان رفضتيني من أول شي.. بس لا، فشلتيني جدام اخوي و زوجتة و الحين بفتشل من أهلي ليمن يدرون...
بدور واهية ميتة بجي: يا ناصر والله ما كان قصدي أجرحك والله العظيم...
لف عليها ناصر و الشر كلة بعيونة و كل شوي يقرب منها...
ناصر: عيل تكفين فهميني شكان قصدج!!!! عفية يا بدور ابي أفهم...
بدور قامت من على الفراش و بعدت عن ناصر شوي... ما كانت متوقعة يمد إيدة بس لازم تكون حذرة...
بدور: ناصر والله كنت خايفة من هالشي و خايفة من خالد أخوك... و شلون راح يكون عيشتنا... بس ناصر والله إني أحبك... تحديت كل مخاوفي عشان آخضك...سلمت نفسي لك عشان تنسيني الخوف... و فعلا ناصر والله معاك ما أخاف من شي... بس الحين كل شي اخترب...
قلبة يصرخ..." أنا مسامحج حبيبتي بدور، ما يهمني" بس مخة " شلون اتم معاها واهية كانت في علاقة مع أخوك... أخوك يا ناصر!!"
ناصر والدم يصب من قلبة: صح... كل شي اخترب...
........
خالد كان مع ناصر أخو يحاول يتفاهم معا..
خالد: ناصر تكفا شبيقولون الناس... اهية مالها ذنب يا ناصر
ناصر: ما أقدر يا خالد... جرحتوني... والله جرحتوني عدل...
خالد: عفية يا ناصر... انت قلبك طيب أدري... على الأقل خلها عندنا شوي لا تستعيل... ما لازم تكلمها بس عفية لا تبين شي حق أهلنا ولا أهلها... عشانها يا ناصر...
حتى الحين خالد كان خايف على بدور.... و ناصر حس بهالشي وانقهر زيادة...
ناصر قرب ويها من أخو: شوف يا خالد!! أنا بخليها الحين عشان الناس ما يتكلمون... بس انت من اليوم و رايح مالك شغل فيها!! فاهم؟! على الأقل انطر ليمن نتطلق بعدين سو اللي تبي تسوي ما يهمني... بس الحين أنا عندي كرامة و كافي تجريح منك..
اكتفا خالد بهالكلام... ما حب يضغط أخو زيادة ماردة بيسامحني... انشالله
.........
هدى واهية تبجي: تكفى يا خالد طلقني... بس خالد ماني قادرة... انت بتموتني... طلقني ووالله ماني قايلة حق ولا أحد السبب..
خالد ليلحين كان محتر من اللي سوتة هدى... كل هذا يطلع منج...
حس إن اللي جدامة وحدة ما تعرفة... من البداية كان مغصوب عليها... و حسب إن مع الأيام اقترب منها و حبها... بس الظاهر كان غلطان..
خالد: تحلفين إنج ما تقولين حق أحد؟ مابي ينقص ويهي جدام أهلي مثل ما انص ويهي جدام اخوي و مرتة...
خلاص داس على قلبها الدوسة الأخيرة... ولا هامة فراقي...
هدى بصوت يقطع القلب: اقسم بالله إني ماني متحجية... بس ريحني...
خالد تنهد:هدى... انتي طالق
........
يتبع​

 

[زينة الأب]

uuuuuuuuuuuuuup

 

[zqertya]

الباااااااااااااااااااارت عجييييييييييييييييييييييييييب حده كملي عفيه

 

[ms_5ajoola]

فكككككككككككككة منهاااااااا الحقيييرة

 

[ms_5ajoola]

والمثل يقووووووووول كما تدين تدااان شوفي شلوون حاولت تفرق بين بدور وناااصر الحين الله فرقها عن زوجها

 

[kity]

افففففففف
الله يااخذ هدى

مو كافي انه اهوو مغصوووب عليها

قطيعه اكرها هالجيكره >> شدرااج

المهم هاذي اذا ما موتيها بالقصه انا بموتها

تحر ترفع الضغط شتبي قبيحه



حدي حدي منقهره منها


يارب تتطلق

8
8
8
8

موجنه تطلقت ؟؟

مخلي ضرب

بليز حطي لنه بااجر باارت نسهر عليه ونبي طويييييييييييل حيااتي

 

[kity]

مخلي = مخي

 

[kity]

مس خجووله

واخيرا لقيت وحده تكره هدى >>>>>>>>>> جماعه الأشرارا نياهاهاهاهاهاها (6)