المغتربين بالاردن وخصوصا أربد

[إستبرق]

قوووه حلوين

سوري انا قطعت رحت للكويت ولهيت وصارلي جم يوم راده



هلا حبيبه قلبي كوين شخبارج وربي شغلتي بالي وينج وين ارضج الحين انتي بالكويت ولا الاردن وانا وعيالي الحمدالله بخير عاد من فتره زوجي كان بيروح عمان عنده شغل كنت مفكره ايي اشوفج بس انتي غطيتي وشخبار بنتج وعمليتها ان شاءالله بخير




كرستال هلا والله حبيبتي شخبارج وشنو تسوين بالاردن انا غميضه باربد ما اقدر اشوفج ولا فرصه سعيده لي

 

[باربية الكوووويت]

بنات الاردن غاليه اسعارها ؟

يعني اقامه ودراسه ومواصلات ؟؟

بالكورس جم تكلف الدراسه فيها ؟

 

[باربية الكوووويت]

رررررررررررررررررفع

يا جماعه

 

[باربية الكوووويت]

رررفع

 

[إستبرق]

هلا حبيبتي اعذريني توني اشوف سؤالج
شوفي الدراسه ع حسب الجامعه يعني جامعه زوجي اربد الاهليه لا زينه مو غاليه بس الي كان اول شي قبوله فيها عمان الاهليه غاليه لانها هااي عندهم
التكاسي ع حسب اذا حوالينج رخيص بس اذا مشوار شوي بعيد يعتبر غالي البانزين طبعا غااالي عندهم
احنا بحكم منطقتنا مافيها شي بعيد لانها صغيره فما نصرف بانزين وايد الا اذا طلعنا على عمان او اماكن ثانيه
والمصرف عليج انتي من واحد للثاني يفرق

 

[باربية الكوووويت]

مشكوره استبرق

بس حياتي ياريت تحددين بسعر يعني جم يدفع زوجج بالكورس للجامعه ؟ جامعة اربد الي الحين هو فيها وجامعته القديمه الغاليه ؟

يعني لو تعرفين اكثر الماده الوحده بجم عطيني سعر ؟

 

[إستبرق]

هلا حبيبتي العفو ولو شوفي اول كورس كان ٩٠٠ لان رسوم تسجيل وهالسوالف
بس هالكورس لا بحدود ٣٠٠
بس الجامعه الي بعمان كانت الكورس بحدود ٩٠٠ وهالطقه وباجر باذن الله اتاكد من زوجي اكثر وابلغج

 

[سويت غاليري]

السلام عليكم
أنا قطرية وحبيت أشارك معكم
أنا كنت في الأردن قبل سنتين وقعدت فيها 3 سنين وبأرجع السنة الجاية يعني شهر 9
عمان حلوة وهادية بس عيالي ماحبوها لأنهم متعودين على الناس والجمعات

والحين أبي أشوف المدارس الزينة عشان نسجلهم
أنا كنت ساكنة الجبيهة وغالبا بنرجع نسكن فيها
اللي تحب تستفسر عن شيء في عمّان أنا حاضرة

 

[باربية الكوووويت]

مشكوره استبرق بعد قلبي ماتقصرين واي معلومه عندج لا تبخلين علي فيها وربي يوفقج انتي وزوجج وعيالج

 

[ام يوسف2011]

انا بروح مع زوجي الاردن وبنقعد سنتين وانا توني متزوجه .. بنات تكفون شسوي اخاف الدوله ممله
وانا نوعيتي مااتاقلم بسرعه ..
ابي اتواصل مع الكويتيات الي بالاردن .. بغيت اسالكم اقدر اكمل دبلوم بالاردن ؟؟
انا كنت ادرس بمعهد التجاري وفصلوني والحين ابي اسافر مع زوجي اقدر آخذ دبلوم بالاردن ؟؟
تكفون الي تقدر تساعدني لاتقصر معاي ..

 

[ام يوسف2011]

اب
اب
اب
تكفون ردوا علي

 

[سويت غاليري]

أم يوسف تقدرين تكملين بالأردن وبالراحة بعد
الجامعات كثيرة جدا
وتقدرين تكملين على الساعات اللي خذتيها في المعهد حتى لو كنتي مفصولة..ويحسبونها لك حتى لو كانت 20 ساعة.. وتاخذين بكالوريوس لو بغيتي مو دبلوم
وهذا عندهم اسمه نظام التجسير

الجامعات الخاصة لا تعد ولا تحصى.. منها الإسراء والزيتونة وسمية والعلوم التطبيقية وفيلادلفيا وكلها مليانة خليجيين

وبالنسبة للبلد يمكن تحسين بالملل شوي في البداية بس بعدين بتتأقلمين مع البلد
البلد بصراحة حلوة وهادية
وفي الربيع واول الصيف الجو يجنن وطلعة الجبال ترد الروح.. بس فترة البرد هي اللي تصير مملة
لأنه الجو بارد جدا وماتقدرين تطلعين إلا مجمعات وبس
والمشكلة إنه فترة البرد طويلة تأخذ لها خمس شهور تقريبا..
وقتها روحي مكة مول
مجمع مكة مول أحسن وأكبر مجمع في عمان..

وحياك الله أم يوسف
ومبروك يا عروس..

 

[ام يوسف2011]

مشكوره حبيبتي على الرد ..
والله يبارك فيج حبيبتي ..

انا مابي ادرس بالجامعه لان جذي بقعد 4 سنين والمشكله ان ريلي بس بيكمل بكالوريوس يعني بس سنتين بيقعد فعشان جذي ابي معهد وآخذ دبلوم عشان اخلص بسنتين مع ريلي ..

بس بغيت اسأل في دبلوم بالاردن ؟؟
وهل موثق ؟ يعني لو ادرس وآخذ الشهاده يقبلونها الكويت ؟؟

تكفووون ردوا .

 

[سويت غاليري]

غلاتي أم يوسف
الأردن فيها كل شيء يطري على بالك في الدراسة
فيه دبلوم ونفس الشيء ممكن تكملين على ساعاتك اللي خذتيها في الكويت

أنا ما أعرف النظام عندكم في الكويت..عشان كذا الأحسن إنك تسألين التعليم العالي عندكم شنو المعاهد والكليات المعتمدة عندكم
أنا سمعت إنه إذا كانت الكلية معتمدة من حكومة الأردن إنها تنقبل في الكويت بس أنا ماني متأكدة
وغالبا مافيه معهد أو جامعة تنفتح إلا تكون معتمدة من دولتها

وحياك الله

 

[ام يوسف2011]

مشكوووره حبيبتي ماتقصيرين على الرد ..
خلاص ماكو الا اسأل التعليم العالي عندنا ان شاءالله اقدر اخلص الدبلوم .

 

[إستبرق]

اعذروني مادخلت الموضوع السموحه


باربيه حبيبتي امين يارب واجمعين ماتقصرين وسالت زوجي يقولي الماده تقريبا 50 دينار كويتي والكورس يعني يكلف اقل من 300 وجامعه عمان الاهليه دبلات ومحد نصحه فيها يقولون كلها صياااعه وشي حده ارف وحياج ربي واي سؤال امريني بس



سويت اهلين حبيبتي عاد عمان فيها مجمعات زينه بس لليهال لا لاحظت العابهم مو مثل الكويت يعني وربي يسهل عليج حبيبتي

 

[إستبرق]

ام يوسف حياج ربي حبيبتي وانا مثلج كنت احاتي وايد ومنطقتي مافيها شي واكيد تمر ايام حيييل اتضايق وامل بس تمر الحمدالله يعني كل جم شهر اذا عطله نروح للكويت وانتي اهون عليج لان ماعندكم يهال فتقدرون بين فتره وفتره تنزلون للديره
وع الدبلوم انا كنت بكمل بس بمنطقتي طلع معهد واحد بس في وما يعترفون بالكل لا تودينها للملحق الثقافي ويشوفون يقبلونج ولا لا ولازم كورس اول مو ثاني فانتي سألي وربي يسهل عليج واذا كنتي بمنطقتي لي الشرف اتعرف عليج بس انا ع الكورس الثاني ان شاءالله السنه اليايه ارد للديره اكمل دراستي وزوجي باذن الله يتخرج

 

[سويت غاليري]

الله يعينك استبرق.. أسمع دايم إن إربد كئيبة
أكيد الإلعاب عندنا بالخليج أحسن.. أنا يوم جيت عندكم في الكويت عيالي انبسطوا في ألعاب الأفينيوز قعدوا 3 ساعات فيها.

خلينا في عمان.. أنا لي منها سنتين.. بس مكة مول ألعابها حلوة.. وفيها أكثر من مكان للالعاب في الطابق الثاني والثالث
الاستقلال مول بعد العابه حليوه..

انا اعرف ان اللي في اربد لازم كل ويك اند في عمان..
لكن انا انصحك لو يوم في نص الاسبوع زوجك ماعنده دوام تجون عمان من صبح وترجعون بعد العصر عشان الزحمة

 

[اليتيمه للأبد]

لاتنسون مجمع سيتي مول وحلوه العاب الاطفال فيه انا عندي احلى من مكه

<<< توها راجعه من عمان

 

[سويت غاليري]

هلا اليتيمة.. شأخبار عمان.. هالأيام أحلى جو فيها ....شهر 3 و4 أجواء ربيعية روعة
على خبري ياقلبي.. ألعاب سيتي مول صغيرونة .. كورنر مسور ينفع للصغيرين بس.. بنتي كانت تحبها..
غيروها وإلا بعدها نفسها؟؟