المغتربين بالاردن وخصوصا أربد

[اليتيمه للأبد]

هلا بج اختي

والله انا لما تعدل الجو وصار حلو رجعت الكويت

شكل زوجي يبيني اعيش بردهم عشان اكرهه الروحه هناك هههههههههههه

الا ستي مول فوق في العاب حلوه وواسعه انا هذا اللي شفته لما رحت العب بنتي

حتى انا ركبت معها لعبه ولعبت

انتي اللحين بالاردن زوجي امس كلمني يقول برد بالليل وبالنهار الجو حلوو

 

[سويت غاليري]

هلا يتيمة والله
لا ياقلبي أنا الحين في الدوحة... أنا قطرية مو كويتية
واحتمال أرجع عمّان شهر 9.. أنا صار لي سنتين تاركة عمّان..
فعلا الجو الحين في عمان روعة.. وطلعات الجبال خيال وما تتنفوت.. خصوصا المحميات اللي فوق على طريق جرش..
إلا تعالي.. أنا أذكر مافيه كارفور إلا واحد إلا في سيتي مول... يقولون الحين فيه واحد جديد في صحاري مول في بو نصير..
هذا جديد.. أشلون هالمجمع؟؟

 

[اليتيمه للأبد]

هلا باهل الدوحه

انا رايحه على شهر عشره اذا الله احيانا هناك ..

والله انا مارحت صحاري مول ومادري فيه كارفور ولا لا

صحيح نفس اليوم اللي مشينا وحنا رايحين للمطار الخضار والجو يهبل كان ودي اقعد مابي ارجع

بس كان عنده شغل بالكويت ورجعنا ..

ليش انتي تروحين للاردن دراسه ولا شغل؟؟

انا عن نفسي زوجي يدرس هناااااك الله يعين

 

[سويت غاليري]

أدرس ياقلبي
كم عندك عيال يتيمة؟؟
انا عندي ثلاثة ولدين وبنت\وكم قاعدين في لاردن

 

[اليتيمه للأبد]

الله يوفقك اختي

والدراسه صعبه شلون وفقتي بين الدراسه والعيال

والله يخليهم لج يارب ويطرح فيه البركه

عندي بس بنوتتين وحده 3 سنوات والثانيه 11 شهر

زوجي له سنتين يدرس بس انا كنت حمل وولاده فلما صارت بنوتي 8 شهور رحت معاه

قعدت هناك بس شهرين وتوني قبل اسبوعين رجعت

بس لي رجعه بعد رمضان بأذن الله ...

 

[إستبرق]

قوه حلوين شخباركم

سويت حبيبتي تدرين انا قبل كنت ابي عمان بسكن فيها بحكم انها العاصمه بس لما سكنت اربد صج بس مجمع واحد الي شوي زين بس حبيت انها هدوء اكثر من عمان وان ليش انها صغيره الناس عرفونا واحنا عرفناهم يعني بالاسوقه وشارعنا خلاص يعرفونا واجوائها انظف من عمان هني شوي ناسها عاداتهم اكثر من عمان فارتحت وع بنتي لا هني بمجمع ارابيلا فوق دور العاب كامل حلو لها تحبه ونظيف وفوق السي فوي هم في العاب ومستانسه ع الحضانه حتى نوديها عمان العابهم تحب الي هني اكثر بس بنروح يوم ع حديقه الجبيهه وانا شهر ٣ طلعنا ع لبنان والزبداني كان ثلج والجو زووووغه وكل فتره نسوي لنا برنامج يعني ككل شوي نقزر الوقت بس يبقى شعور الغربه والله كريم

 

[إستبرق]

اهلين يتيمه ربي يسهل عليكن ويعينكم
وصاجه ستي مول فوق دور للالعاب بس مكانهم احسن غمته
والجو تبارك الرحمن زوجي يقول متى صيفهم يعني للحين بدون تكييف ننام بس نبطل الدرايش وللحين الجو ايام باااارد
وعاد احنا حجزنا نروح الكويت ان شاءالله ٢-٨ ونرجع ٢٩-٩ للاردن يمكن تكونين معاي بالطياره 

 

[إستبرق]

وع كارفور قالوا يبطل كارفور بعمان واحد ثاني بس وين ما ادري

 

[حلمي الرشاقه]

السلام
شخباركم بنات
انا بحرينية وادرس باربد صدق ممله بس تعودت عليها وصرت اذا ارجع بالاجازات اشتاق لها وهذي سنة رابعة
واي خدمة حاضرين

 

[إستبرق]

هلا والله حبيبتي واخيراااا وحده ساكنه باربد حياج ربي حبيبتي وموفقه شنو تدرسين واي جامعه ؟ ووين ساكنه خل اتعرف عليج

 

[حلمي الرشاقه]

الله يحيش حبيبتي
اربد اكثر شي بحرينين وعمانين
جامعة اليرموك وساكنه بشارع الجامعه ولي الشرف اتعرف عليش

 

[إستبرق]

حبيبتي الشرف لي وانا صادفت وايد سعودييت وعمانيين والحين ادز لج رقمي

 

[سحر الشرق@]

اب اب اب
بنات أنا بروح الأردن بإذن الله
زوجي بيكمل دراسته
تكفون ابي فكره عن احسن المدارس
بنتي بدش اولى ابتدائي

 

[إستبرق]

سحر هلا حبيبتي ربي يسهل عليكم
اذا عمان فيها مدارس وايد بس شنو الاحسن ما اعرف
واربد فيها مدرسه الكويتيين كلهم يدخلون عيالهم فيها وانا مدخله بنتي حضانه وفيها بعد مدرسه صج الشكل مو وااو بس الصراحه نظامهم ومعاملتهم رووووعه صاحبه الحضانه والمدرسه اجنبيه

 

[سحر الشرق@]

حبيبتي جامعة اربد فيها اختصاص هندسه؟
زوجي بيكمل هندسه
ناوي على عمان الاهليه بس غاليه
والسكن حبيبتي عطيني فكرة عن السكن والايجارات باربد
ومشكووووووورة فديتج

 

[سحر الشرق@]

واذا عندج فكرة وين في اختصاص هندسه بجامعات اربد
لان اربد الاهليه اعتقد ماكو هندسه
والصراحه فررررق الكورس 900 بعمان الاهليه و300 عندكم فرق
بس ابي جامعات معترف عليها بالكويت
ادري اسئلتي وااايد بس شنسوي مالنا غيرج ولج الاجر ياقلبي

 

[سويت غاليري]

هلا استبرق هلا بصاحبة الدار
سوري حبيبتي قطعنا غصبا عنا.. شالأخبار؟؟ كيف الصغار؟؟ بأربد الحين؟؟ أو الكويت؟؟

سحر الشرق عمان الأهلية في عمّان مو أربد.. إذا تبون جامعات خاصة زينة ومليانة خليجين فيه عندك العلوم التطبيقية في شفا بدران وفيلادلفيا على طريق جرش وكلها في عمّان

أما عن المدارس شوفي هالموقع فيه كل المدارس الخاصة حتى أسعارهم بتلاقينها

http://www.guide2jordan.com/schools.htm

أنا بعد السنة الجاية أبي أدخل عيالي ومابعد قررت.. يمكن ندخلهم سوا
فيه ناس امدحو لي أكاديمية ساندز وأكاديمية عمان كلها في منطقة خلدا قريبة من الجبيهة لو بتسكنون هناك
لأنه أغلب الخليجيين يسكنون هناك

أنا عندي بنت يمكن بسن بنتك بس بأدخلها تمهيدي لأنها دلوعة وماتعلمت شيء لين الحين
وعندي ولد بصف ثاني

بالنسبة للأسعار أربد أكيد أرخص من عمان.. أنا بأقول لك عن عمان الأسعار في الجبيهة مثلا الشقة المفروشة مابين 300دينار ل500 على حسب حجمها
وعلى فكرة عمّان تعتبر غالية واجد.. أغلى من الكويت حتى

يتيمة وينك غاطة؟؟ أكيد بحر الكويت.. أشلون الأجواء عندكم؟؟
عندنا في الدوحة مرت أيام حر موووووووت بس هاليومين في الليل شوي هواء

 

[سحر الشرق@]

هلا حبيبتي سويت
اي ادري ان الجامعه بعمان
حبيبتي أنا حاطه فيالي ٣٠٠ الايجار
ودي أخذ مو مفروش وأفرش بنفسي بس احس صعب ومكلف
عشان جذي ابي مفروش بس نضييييف ومو اقل من 3غرف وصاله ودور ارضي
انتي شلون وضع شقتج بجم ماخذتها وجم مساحتها جم غرفه وحمام
وبالنسبه للمدرسه امدحولي المدرسه الاسلاميه مدري سمعتي عنها وشرايج فيها
وان شالله عيالنا يكونون سوا

 

[سويت غاليري]

حبيبتي سحر
بالمواصفات اللي تبينها ماراح تلقين بـ 300 إلا لو تاخذين في عمّان الشرقية يعني منطقة طبربور مثلا
لكن في مناطق عمّان الغربية صعبة جدا إلا لو خذتي في صويلح ..صويلح مو بعيدة عن الجبيهة بس منطقة شعبية شوي

بالنسبة للمدرسة الإسلامية يمكن تقصدين الكلية العلمية الإسلامية أنا سمعتهم يمدحونها بعد وتراها في الجبيهة بعد

أنا غلاتي في الدوحة مابعد رحت عمّان
بس أنا خلصت ماستر في عمّان عشان كذا أعرفها عدل
وبأرجع الحين للدكتوارة وهالمرة بنأخذ بيت مو شقة لأنه عايلتي كبيرة وبعدين أنا بعثة تساعدني في المصاريف شوي
أنتو الله يعينكم على التكاليف

وإن شاء الله يكونون عيالنا سوا.. أنا أول بسوي لفة على المدارس قبل أدخل عيالي
وهلا والله

 

[سحر الشرق@]

حبيبتي سحر
بالمواصفات اللي تبينها ماراح تلقين بـ 300 إلا لو تاخذين في عمّان الشرقية يعني منطقة طبربور مثلا
لكن في مناطق عمّان الغربية صعبة جدا إلا لو خذتي في صويلح ..صويلح مو بعيدة عن الجبيهة بس منطقة شعبية شوي

بالنسبة للمدرسة الإسلامية يمكن تقصدين الكلية العلمية الإسلامية أنا سمعتهم يمدحونها بعد وتراها في الجبيهة بعد

أنا غلاتي في الدوحة مابعد رحت عمّان
بس أنا خلصت ماستر في عمّان عشان كذا أعرفها عدل
وبأرجع الحين للدكتوارة وهالمرة بنأخذ بيت مو شقة لأنه عايلتي كبيرة وبعدين أنا بعثة تساعدني في المصاريف شوي
أنتو الله يعينكم على التكاليف

وإن شاء الله يكونون عيالنا سوا.. أنا أول بسوي لفة على المدارس قبل أدخل عيالي
وهلا والله

هلا حبيبتي
فديييتج مشكوره عالمعلومات
المدرسه دشيت موقعها تكاليفها سنويا 2000دينار احس واجد
وفي مدرسة الأرقم الاسلاميه موو متأكده من الاسم
وبالمناسبه أنا حاطة فبالي اكمل ماستر هناك بس يقولون لازم توفل
صج وشرايج صعب ولا عادي بحكم البيت والعيال والمسؤليه اختصاصي أدب عربي
اي بغيت أسالك تلاع العلي وين بعيدة عن عمان الاهليه
لان معروضا علي شقه بمواصفات حلوة وفرش جديد غرفتين وصاله وبلكونه ومطبخ وحمام ب 350 دينار