المغتربين بالاردن وخصوصا أربد

[إستبرق]

اهلين حبيبتي كوين العفو ولو واليوم سألنا محد عرف بس بسألج راعيه البيت يمكن تعرف
عاد اليوم رحت سوق كله امر فيه بس ما فريته عدل نفس نظام السالميه الشارعين ولا انصدم محل تايوران روووعه تعرفين لما نفانيف قصار وفوقهم جاكيتات وجاكيتات وتنانير قصار او بنطلونات وشغل ذرررب وراقي يهبلون خذيت لي اثنين للعيد ويحلف الريال ان نفس محله الفرع الثاني بعمان دبل السعر ونفس البضاعه بالسوليتير بلبنان يقول دبلات السعر يقول والله اذا رحتوا لبنان ادليكم وشوفوا

 

[queen2007]

رد : المغتربين بالاردن وخصوصا أربد

الله يهينج فيهم يارب وتقطعينهم بالعافية بس ماقلتي شسم المحل وشسم الشارع لاني اليك اند هذا بنمر اربد ان شاء الله بروح للريال اللي قلتلج عنه مال الظهر.

احنا رحنا العقبة والبتراء تونس غيرنا جو شوي كسرنا الروتين البترا حلوةحلوة ذكرتني برحلات النمسا تونس بس بنتي ملللتني بصراحه

اي والله حبيبتي اذا تقدرين ترديلي خبر قبل لا اروح لاربد واذا مادلتي ميخالف

اليوم رحت قصيت شعري صالوناتهم لوعه ويية يا الكويت ياحلاتها وياحلات صالوناتها .

ورحت لدايسو مالهم احلا من اللي عندنا بواااايد شريت تبرويرات للنش بوكس مقسم شحلاته للحضانه خميت شكثر يونسووووون .

ورحت لتك تك شريت رين كوت لبنتي ارخص من الكويت حصلته .


وشكرا حبيبتي

 

[nadoo]

لو انج بعمان احسنلج من اربد ترى اربد ما فيها شي غير المدينه الرياضيه والمجمعات اما عمان فيها كل شي وديري بالك من البرد اشتري هدوووم حق البرد وان شاء الله ترجعين للوطن سالمين

 

[queen2007]

رد : المغتربين بالاردن وخصوصا أربد

نادو انتي وين بالاردن ؟؟؟؟

 

[إستبرق]

كوين امين يارب ويعافي قلبج اسم المحل والله ما اعرفه بس بسوق شارع الحصن جنه كرته عند ذوجي باجر باذن الله اذا عنده الكرت اكتبه لج وترى البشوت الس عطيتج رقمه رخيص وخوش واحد وقلت له عليج
وزين سويتي غيرتي الجو واليهال لويه الله يحفظهم احنا رحنا قلعه صلاح الدين وحتى مو ماله يهال تعب عليهم فقلت على يوم بخليهم بالبيت واروح لانها قريبه عندنا مانطول وباجر باذن الله بنروح محميه غزلان اودي بنتي
والصالونات ما اغامر ولا ودي اعدل قصتي بس اخاف انا رحت على حواجبي لعبوا فيهم بدور لي صالون لحواجبي ارفت
وبالعافيه الغراض وين صاير تك تك عندهم تدرين حتى دبي كان ارخص من الكويت
ولي ييتي اربد وحصلج خل نشوفج *

 

[إستبرق]

نادو اي الكل يقول عمان غير بس يالله خيره من الله
وناطرين البرد انا كثرت هدوم البرد وللحين ماشفناه 

 

[إستبرق]

عاد اليوم واخيرا لقينا مطعم سنع
من اول مايينا شفنا مطعم على شكل هرم واسمه الهرم يبون يفتحونه اليوم رحنا ولا فاتح وذزب ومرتب واكله حلو والي يشتغلون فيه حبوبين

 

[queen2007]

رد : المغتربين بالاردن وخصوصا أربد

هلا حبيبتي شكرا لج ايوصلني المسج اليوم بعد قلبي

تك تك بستي مول فوق

وحصلتلج مطعم مشاوي اليوم مو صج تطلبين يقصة جدامج ويسوية يهبل لذيذ

اسمه مطعم عمان الكبري لايطوفج

وين محمية الغزلان هذي ؟؟؟

انا قاللي عن نادي الفروسية يونس لليهال يركبون بوني ويلعبونه علية بس والله ليما اللحين ماويتها بس اول مرة اسمع بالغزلان هذي

 

[إستبرق]

العفو ولو حبيبتي
وانا ترى مو اكيله مشاوي انا كان قصدي يعني تبولتهم وحمصهم حلو  ولقيت هذا الي قلت لج توه مفتتحينه راقي وحلو بس اذا رحت عمان ان شاءالله اجرب الي قلتي عنه
والمحميه بمنطقه دبين عند جرش رحنا لها اليوم الطريج يهبل بس رعببب يخرع والمحميه عندها الجو يهبل برد لانه بقمه جبل وتلقين عندها فوق كله خيول اذا تبون تركبون

 

[queen2007]

رد : المغتربين بالاردن وخصوصا أربد

تسلمين حبيبتي وشكلنا عزمنا على باجر بنروح لهم ماتقصرين اذا تحبين الحمص وهالسوالف عيل مالج الا مطعم ابو جبارة اذا رحتى عمان يهبل باهلاسوالف

 

[إستبرق]

الله يسهل دربكم يارب واذا تبين زوجي يوصف لكم محل الملابس اتصلي وزوجي يكلمه واذا تبين تفترين على راحتج نزلي البنوته عندي خل تستانس مع استبرق ولي خلصتي اخذيها لان بيتنا قريب عند السوق وترى الجو من امس بااارد ومطر يعني احتمال حتى باجر جذي

 

[queen2007]

رد : المغتربين بالاردن وخصوصا أربد

بعد قلبي انتي ماتقرين ادري بس شناوية علية بنتي وبنتج مع بعض الظاهر ناوية على بيتج بالخراب ههههه
لا صار مطر بعمان وخفنا ننزل لاربد من الطريج وخليناها الويك اند الياي

وصارت خيرة فريت بوسط البلد اللي كان طايح من عيني وطلع منه بغلات شحلاتها ساعات الخوارة والدواعيس تطلع شغلاتحلوة تصدقين


بعد روحي انتيوالله ونستيني لمن كلمتج

 

[إستبرق]

يسلم قلبج حبيبتي ولا والله وربي عادي نزليها وافتري على راحتج وخل يتونسون مع بعض والله حسبه عيالي لا تحاتينها
وحتى كان عندنا مطرر والجو بااارد
واي قلت لج سوق الي عندنا كان طايح من عيني حده الي حصلت فيه ملابس بس والله طلع حلو وفيه شغلات وهذيج المره نزلت نتفه سوق وسط البلد الي عندنا ذكرني بسوق المباركيه مبين يونس بعد
والله الشاهد انا اكثر استانست من مكالمتج اقول لزوجي غميضه لو اهي باربد مو عمان 

 

[queen2007]

رد : المغتربين بالاردن وخصوصا أربد

بعد قلبي من ذوقج حتى انا قلت لزوجي نفس الحجي قال شسوي لج حظج جذية

ان شاء الله نحاول ننزل الويك اند الياي اليوم ياساتر برد برد برد مووت شوفي سويت قرص عقيلي وقاعده اكلة مع جاي ابي اتدفا وماكو فايده تشوفيني دلاغين لابسة وروبي مالي البيت وفوقة شال شكلى يفطس من الضحك بس شسوي ابي العافية مالى خلق الرماتيز يعد

 

[إستبرق]

هلا حبيبتي اي الجو صار باااارد وانا طبعي فالبيت ما احب اللبس شتوي فتلقيني مثلجه بس مصيفه  والله يعينج عاد الروماتيزم بلشه الله يكفيج شره ومتى تحدرون الديره ان شاءالله ؟*

 

[queen2007]

رد : المغتربين بالاردن وخصوصا أربد

على الخميس الياي

وصار لي 3 ايام ماطلعت تخيلي من البرد واااي طقت جبدي صج وشكلى باجر الضحى بدق على سايق نتعامل معاة يودببني اي مكان اتريق انا وبنتي الصبح بفرفش شوي مليت بصراحه

 

[إستبرق]

بالسلامه ان شاءالله احنا باذن الله خلاص يوم الثلاثاء نطلع والله يسهل
وليش قاعده وي لبسي شتوي وطلعي بالعكس وناسه
انا وزوجي كل يوم تقريبا بس بنتي ترد من الحضانه انومها ونلبس ونطلع ويوم الاحد خذيتهم صورنا جم صوره في هني مصور حلو

 

[queen2007]

رد : المغتربين بالاردن وخصوصا أربد

الله يهنيكم يارب ويسهل طريجكم واشوفج ضروري بالكويت ام يعقوب لازم خل بنتج تتعرف علىبنتي

 

[إستبرق]

امين يارب ويسلم قلبج حبيبتي وافا عليج باذن الله اشوفج بالديره

 

[queen2007]

رد : المغتربين بالاردن وخصوصا أربد

شخبارج يا الغالية عيدج مبارك