المغتربين بالاردن وخصوصا أربد

[إستبرق]

هلا والله حبيبتي اخباري بخير الحمدالله وعلينا وعليج يتبارك
رديتوا الاردن ؟

 

[إستبرق]

هلا والله حبيبتي اخباري بخير الحمدالله وعلينا وعليج يتبارك
رديتوا الاردن ؟

 

[queen2007]

رد : المغتربين بالاردن وخصوصا أربد

لا والله ليما اللحين بالكويت سكتي بنتي تنومت بالمستشفي ثلاث ايام وحالتي حالة بس

انتوا وينكم رديتوا ولا لا

 

[إستبرق]

وي بعد قلبي عسى ماشر الحمدالله على سلامتها
واحنا امس ردينا الاردن

 

[queen2007]

رد : المغتربين بالاردن وخصوصا أربد

الله يسلمج وحمد الله على السلامه برد الاردن صح؟؟

شلون عيالج شخبارهم

 

[إستبرق]

لا والله مو وايد برد انصدمنا كنا متوقعين بررررد
وعيالي والله مرضى الله يشافيهم
شلون بنتج الحين ان شاءالله زينه*

 

[queen2007]

رد : المغتربين بالاردن وخصوصا أربد

الحمد الله اشوا بس هم حرصي على عيالج وخصوصا البنت ممكن تروح الحضانه على ابو انه ماكوبرد ويهب فجاة ويصفقها هوا

يقول زوجي امس عندكم رطوبة شوي

 

[إستبرق]

بنتي هالجم يوم ماوديتها لانها مريضه واليوم رد البرررد وعيل انتي متى تيين

 

[queen2007]

رد : المغتربين بالاردن وخصوصا أربد

لا انا شوي بعد لين تطيب بنتي مرة وحده ما ابي ارد وتنتكس على هناك صعبة شوي بروحي

 

[إستبرق]

ماتشوف شر اهي شفيها سلامتها

 

[queen2007]

رد : المغتربين بالاردن وخصوصا أربد

سويت لها جراحه بفخذهاا وانطر لين الجرح يتسكر وارد

 

[اختكم بالله]

ماتشوف شر بنيتج كوكه

والله يوفقكم كلكم اللي بالاردن ويردكم ديرتكم سالمين ان شاءالله

 

[إستبرق]

وي يقلبي عليها ماتشوف شر ليش شفيها


اختكم حبيبتي ماتقصرين وامين يارب

 

[queen2007]

رد : المغتربين بالاردن وخصوصا أربد

الشر ماييكم كلكم الله يسلمكم

واسفة استبرق على التاخير بالرد شلونج مع الثلج قبل امس عجيب هااا

 

[اختكم بالله]

كوين شلونج فقدناج بالديوانيه

 

[marwaaa]

رد : المغتربين بالاردن وخصوصا أربد

مرحبا كيفكم
شو اخباركم
هون ملتقى كويتيات بالاردن
بس انا حبيت اتطفل عليكم شوي معلش
انا اردنيه وعايشه بالكويت يعني عكس بعضنا
كيف شفتولي الاردن ان شاء الله عجبتكم
راح علي منظر الثلج والمطر
يالله شو مشتهيه طعم البرد ههههههه
متى بترجعوااا الكويت
انا برجع للأردن شهر7
ان شاء الله ما اكون ازعجتكم

 

[إستبرق]

اهلين كوين وين هالغيبه وشلون البنت ان شاءالله بخير والثلج وااي نزل بعجلون واهي قريبه عندنا بس ماتوقعت انه جذي نزل ومارحنا ولا ثاني يوم اهل البيت رايحين ومسويين بوانيت رجل ثلج ويايبينه قلت لزوجي بنروح ثاني يوم ولا الصبح شمس وكله ذايب 




مروى هلا حبيبتي والله الكويت ما ادري متى انزل لها الله يسهل وانتي من وين بالاردن

 

[mona78]

رد : المغتربين بالاردن وخصوصا أربد

سلام حبيابي مغتربات الأردن كلكم .. استبرق حبيبتي .. حسيت بمعاناتج عدل
آنا ريلي يدرس بالأردن و تحديدا في أربد و صارله الحين اربع سنوات طبعا من ولدت بنتي ( 4 سنوات ) و اهو يروح و يرد و آنا اهني طبعا جربت رحتله جم مرة و قعدت عنده اهناك مرة اسبوعين و مرات بالأيام و الصيف اللي طاااف رحتله شهر سبعة كله و صااااجة حد ضيقة الخلق عمان نوعا ما اونس تحسين قريب الكويت شوية بس اربد شوية ضيقة خلق خصوصا اني قاعدة طوووول الوقت بالشقة و كنا شوي بس نتمشى بره بشارع الجامعة و اربد موول اللي عبارة عن سوبر ماركت اصلا و زييين انتي على الأقل لحقتي الحين على اربيلا مووول ارقى مجمع عندهم حاليا باربد و لا كان ماكو شي كلش ..الله يعينج بس على قولة البنات الواحد يتأقلم بس يبيله احد يهون عليج و اهناك خرمس ماكو ريحة كويتين صراحة ما شفنه احد نهائيا شوية بس ربعه السعودين مرة مرتين بس شفت حريمهم يحليلهم حليوات بس انا لاني ما كنت مستقرة اهناك و اهو مو قاعد قريب منهم فما صااار وايد روحات و ييات على العموم انشاء الله اتعرف عليج اكثر لأني هاليومين مفكرة اروح اكمل هالسنة اللي باقية وياااه و نرجع النفسية مابي أقولج تحت الصفر و للحديث بقية اشوفج على خير

 

[إستبرق]

منى حبيبتي الله يرجع لج زوجج سالم يارب ويعينج
وصاجه باربد قمه الملل نطلع كل يوم ولا يومين نفس المكان حتى الي يشتغلون حفظونا
وانا كل ما ابي اسلي عمري بشي يصعب
وعمان يربي ماحبيت اجوائها من الزحمه بس اكيد احسن من اربد الف مره عالاقل فيها اسوقه سنعه
ويالله خل نشوفج اذا حصلج وييتي هني
انا حتى ما اعرف احد تعرفت على سعوديه كانت جدامي خوش وحده حبوبه بس زوجها خلص دراسته وراحوا
وصج ملل وطلعه روووح حتى بنتي صج بحضانه ووايد مستانسه الحمدالله بس كل يووم تقولنا بروح الكويت وتعدلي واحد واحد من اهلي وعيالهم
تخيلي اسم الله عليها هذيج المره اصدمتنا بسؤالها البسها للحضانه ولا تقول ماما احنا ليش جينا الاردن واااي عورت قلبي اقولها حلوه وتروحين حضانه تقول لا ابي بيتنا اول
وكله بصوب ويوم عيد ميلادها بصوب بجتني فيه متضايقه وتقولي ابي هبي بيرثدي فبيت جدو
الله كريم ويهون وفرصه سعيده

 

[أماني الورد]

يالله حبايبي كله يهون ان شاءالله


والتعب منسي انا كنت بالاردن ثلاث شهور

علاج وكانت صج صعبة بس عدت

كنت بعمان بس كنت مشتركه بنادي صحي

والعصر طلعات وروحات وبالاعياد انا وزوجي

كنا نحجز فندق كتغير

والحين حاجزة للاردن طيارتي يوم اليمعه

شلون الاجواء بعمان برد