المدارس الخاصه بالكويت

[**فلونه**]

مشاركة: المدارس الخاصه بالكويت

التكامل ترى مستواهم عادي بالابتدائي عن تجربه حماتي ولدها فيها وقبلها كان بالامريكيه العالميه تقول فرق كبير ....

عيالي اول سنه روضه ب Bsk البريطانيه مشاء الله وااااايد زينه ومتابعه قويه بكل صغيره وكبيره مع الياهل و يلج الياهل متعلم الاحرف والارقام بسرعه لان الهيئه التدريسيه كلها بريطانين.......وبعدها يمكن ادخلهم الغانم وايد يمدحونها ثنائية اللغه ونصيحه أسسي الياهل بمدرسه انجليزيه 100% بالروضه و بعدين ثنائية اللغه

 

[jolie_q8]

مشاركة: المدارس الخاصه بالكويت

رفرف

علشان جذيه انا ودي امرهم ..علشان اعرف شنو ماهيتهم !!

وشنو فكرهم !!

بس للحين التكامل براسي ... وبمرهم بعد

 

[jolie_q8]

مشاركة: المدارس الخاصه بالكويت

البرتش ..وايد احسن من الاميريكان

بس انا ما افضل اجنبيه 100%

مشكوره فلونه

ابي معلومات عن البيان بليز

 

[بنت الشمالي]

مشاركة: المدارس الخاصه بالكويت

انا مدخله ولدي بمدرسه باكستانيه واهو الحين باولى روضه بس ماشاء الله عليهم صج يتعبون عالتدريس وفرق بين الحكومه والخاص

بنتي الحين بثانيه ابتدائي حكومه وموستزها لاباس به بس ولدي اشطر منها واللي يعطونه حقه نفس اللي يعطونه حق اولى ابتدائي حكومه
وناويه اخلي يكمل البتدائي عندهم والمتوسط ادخله حكومه لان اهم شي التاسيس

ونظامهم على 3 كورسات وكل كورس 60 دينار يابلاش

بس تدرون انا متحسفه على بنتي واحس تجاهه باذنب لاني مادخلتها خاص بس شسوي ما خطر على بالي
الله يوفقها ويوفق عيالكم ان شاء الله اميييييييين

 

[jolie_q8]

مشاركة: المدارس الخاصه بالكويت

مشكوره بنت الشمالي

اي مدرسه مدخلته ؟

 

[بنت الشمالي]

مشاركة: المدارس الخاصه بالكويت

العفو حبيبتي
الله يسلمج انا مدخلته الباكستانيه اللي بالمنقف واسمها الهدف المنير وشهر 12 راح ينقلون مقرها بالحمدي لان بنيان مدرسته يخرع وقديييييم حييييييييل جنه سجن طلحه

 

[jolie_q8]

مشاركة: المدارس الخاصه بالكويت

اها

بس المشكله الاكسنت هندي !!

المدرسات شنو جنسيتهم ؟

 

[قهوة عربية]

مشاركة: المدارس الخاصه بالكويت

اختي رفرف

الرؤية تابعة لنسيبة المطوع ...مالت ساعد أخاك المسلم

ولست تابعة للبيادر

التكامل ..تابعة لإبراهيم الخليفي

الإبداع تابعة لطارق السويدان

 

[بنت الشمالي]

مشاركة: المدارس الخاصه بالكويت

مدرساتهم كلهم مسلمات وانا سالتهم وتاكدت لانه ماحب ولدي يتعلم مع كفار وياخذ عاداتهم وعكس الدرسه الهنديه انا رحت لهم ومثل مادخلت طلعت فوضى حده المسلمين مع المسيح والسيك والكفار اي شي
وبعدين الباكستانيه وايد يمدحونه بس لوما ملابسهم ههههههههه تضحك جنها ملابس اراجوز خخخخخخخ

ابوي يتلقاه من الصبح ويتطنز عليه وكله يقوله يلا سولنه كوكسه ونط جم نطه خخخخخخخخخ

القميص ابيض مع شورت مبكر وكرفته وصديري

وشنو الاكسنت الهندي مافهمته العفو

 

[رفرف]

مشاركة: المدارس الخاصه بالكويت

مشكورة قهوة عربية

 

[jolie_q8]

مشاركة: المدارس الخاصه بالكويت

قهوة عربية

اللي اعرفه ان الابداع ..تركها طارق السويدان !! من فتره

والتكامل .. حق ماضي الخميس !!

اذا انا مو غلطانه!

 

[jolie_q8]

مشاركة: المدارس الخاصه بالكويت

بنت الشمالي

اقصد الاكسنت ... يعني ......اكسنت لوووول

لا قصدي تعرفين لما الهنود يتكلمون انجلش ؟؟ في نغمه خاصه بالهنود!! عرفتيها ؟؟

وهم في نغمه خاصه بالانجليز ... ونغمه خاصه بالامريكان !!

فهمتيني ؟

 

[قهوة عربية]

مشاركة: المدارس الخاصه بالكويت

مشكورة جولي

ومنكم نستفيد

أثاري أنا عتيقة وما أدري عن التغييرات

مشكورة مرة ثانية

 

[bnt q8 in usa]

مشاركة: المدارس الخاصه بالكويت

بنات والله خلكم علي التكامل سنعه وقاعده اشوف شكثر يطلعون عيالهم ويدخلونهم التكامل
وحتي بي اس كي بس غاليه مالت فيرا المطوع وقويه حيل صج تطلع لج انسان فاهم صح

وانشالله باذن الله بدخل عيالي عقب مانخلص من امريكا للحين التكامل

 

[bnt q8 in usa]

مشاركة: المدارس الخاصه بالكويت

تذكرت شي احلي شي ودايما ركوزا عليه انه تكون المدرسه الي بتدخلون عيالكم فيها لي الثانوي عشان ماتتوهقون تالي
وتعالي دوري مدرسه ثناويه عرفتوا

 

[keeka]

مشاركة: المدارس الخاصه بالكويت

جولي وديه البريطانيه اول بعدين التكامل اذا تبين انا قلت لج التكامل وايد زينه بس عاد مادري اذا تيووز لج روحي مري عليهم وقوليلهم باخذ فره بالمدرسه وعادي يودونج صوب الصفوف ويورونج بس صراحه وايد زينه وحيل مرتبه وسنعه ونظيفه

 

[xxx]

مشاركة: المدارس الخاصه بالكويت

رفيجتي مدخله بنتها بمدرسة الشمس المشرقة (باكستانيه)

تمدحهاااااااااااااا

ماشاءالله باولى روضه وبالانجليزي أحسن من الي بالابتدائي

وحتى بالعربي مو مقصرين

 

[jolie_q8]

مشاركة: المدارس الخاصه بالكويت

مشكورين ... على النصايح

وانا اكيد لازم اشوف بعيني

وفعلا نقطه الثناويه وايد مهمه

لان انا ببالي دسمان..اقرب وحده بالنسبه لي...بس ما فيها ثانوي!!

وبنوته

الشمس المشرقه بأي منطقه ؟

 

[سيدة الكويت]

مشاركة: المدارس الخاصه بالكويت

احس المدارس الهنديه والباكستانيه وايد زحمه بالفصل وفيها غير كويتين كثير

واتوقع المبانى عتيجه اعرف وحده طلعت بنتها تقول يطقون ويقرصون بس

 

[jolie_q8]

مشاركة: المدارس الخاصه بالكويت

تصحيح للمعلومه

التكامل << حق ابراهيم الخليفي

اجيال (الرقعي) حق ماضي الخميس