المدارس الخاصه بالكويت

[xxx]

مشاركة: المدارس الخاصه بالكويت

هلا جولي

الشمس المشرقة

بحولي وناظرتهم بنت مال الله

 

[b6o6a]

مشاركة: المدارس الخاصه بالكويت

الابداع زينه
وGulf english school
والي عندها بنات المدرسه الامريكيه وايد زينه اهيا بس حق بنات

 

[سيدة الكويت]

مشاركة: المدارس الخاصه بالكويت

يمدحون المدرسه الباكستانيه الى بالجابريه وتقول وحده لحد 5 ابتداءى

ورخيصه ولا تدرسين عيالج كلا عليهم من كلام وحده انا ما ادرى عنها صراحه


انا ودى متوسط زينه واسعار مناسبه

 

[xxx]

مشاركة: المدارس الخاصه بالكويت

سيدة الكويت

مافي الباكستانية بالجابريه !!!!!!!!!!!!!!!!!!!!!

 

[سيدة الكويت]

مشاركة: المدارس الخاصه بالكويت

والله ما ادرى يمكن الهنديه راح اتاكد

 

[xxx]

مشاركة: المدارس الخاصه بالكويت

اي والله ياسيدة الكويت نبي الخبر اليقين

 

[jolie_q8]

مشاركة: المدارس الخاصه بالكويت

تدرون متى التسجيل ؟؟ جنه شهر 3 ؟؟

وانا للحين ما قررت.. محتاره بين التكامل والبيان ... انا ولدي راح يكون روضه

التكامل ..بصباح السالم

والبيان ..بحولي

وبيتي بالشاميه... اشرايكم ؟

وسمعتوا عن دسمان ؟

 

[jolie_q8]

مشاركة: المدارس الخاصه بالكويت

افا !! محد رد علي

 

[Miss_Tiger79]

مشاركة: المدارس الخاصه بالكويت

والله اذا ما تبين زحمه روحى التكامل بس انا احس انها البيان احسن
انا الحمدلله بيتنا بصباح السالم ومادرى ابى رايكم بين الرؤية ثنائية اللغه والتكامل يعنى بدشش اعيالى من الروضه عندهم
والى اتعرف اسعار التكامل اتقولى
ومشكورين

 

[jolie_q8]

مشاركة: المدارس الخاصه بالكويت

مشكوره على الرد

بالنسبه للرؤيه اللي اعرفه ... انها لها توجه اسلامي اكثر

ومديرتها .. (تبع لجنه ساعد اخاك المسلم)

وللحين يمدحونها

والاسعار ماعندي فكره..بس كلشي شاب ضو

 

[xxx]

مشاركة: المدارس الخاصه بالكويت

جولي

ترى التسجيل بدى من اول 2 لحقي سجلي ولدج

وانا عندي البيان أفضل من التكامل وأقوى >>> هذا اذا لقيتي مكان



مس تايقر

الرؤية قويه بالاسلامية بس يقولون بالانجليزي عادي

 

[jolie_q8]

مشاركة: المدارس الخاصه بالكويت

مشكوره بنوته

وكتبت رد شطوله وانمسح

بقولكم عن افضل المدارس لول

 

[BlackRose]

مشاركة: المدارس الخاصه بالكويت

خبر المدرسنة الباكستانية اللي بالسالمية عندي وانا بوهندي

لان ولدي فيها من الحضانة لي الحين اللي اهوا بثانية ابتدائي.....يعني تقريبا كمل 4 سنوات فيها

اول شي رسوم المدرسة......240 بالسنة حق الابتدائي ويندفعون على الاقساط.....يعني صج الواحد مايحس فيهم

ثانيا:المناهج.....جدا جدا جدا قوية.....تخيلوا صف ثانية ابتدائي يعطون الولد بالعلوم عن الحيوانات البرمائية

اللغة العربية منهج قوي ونفس الحكومة وايضا التربية الاسلامية

الرياضيات وما ادراك بالرياضيات آآآآآآآآآآآآآآآآآخ يا قلبي جدول الضرب كااااااااااااااااامل حفظ بالاضافة الى ضرب عددين يعني مثلا 89*4=؟؟؟؟؟
هذا غير المسائل اللفظية وخلافوووووووووووو والمصيبة بخلافووووووو

اللغة الفرنسية.....وطبعا انا مااعرف باللغة الفرنسية غير بونجور ومرسي...يعني لازم مدرسة خصوصية

يعني باختصار المنهج جدا قوي

المدرسات لطيفات...الاكسنت وايد حلو مو انجليزي باكستاني لا والله حلو الاكسنت مالهم....في رحلات بين فترة وفترة....والحين يايبين لهم اطول رجل بالعالم واقصر رجل علشان يصورون معاهم

يعني على فلوسها بصراحة واااااااااااااااااااااااايد تسوى

عيبها انها جد وايد....مافي حفلات.....مافي هوايات.....ما في انشطة....ماكو موسيقى....ولا رسم....حصة واحدة تربية بدنية بالاسبوع ومو ذاك الزود الاهتمام فيها

المبني مع انه جديد بس اهوا مو ذاك الزود

بالفرصة زالهده يصير المكان فوضى

مدرساتهم والطلبة اغلبهم وافدين من العرب وماادراك برائحة العرق وبصراحة علشان جذي ودي انقل ولدي الى مدرسة ثانية ذات منهج بريطاني وبسعر لا يزيد عن 1500 بالسنة

وودي اعرف شنو الزين؟؟؟؟؟اشرايكم بكويت انجلش سكول او new english school اللي بالجابرية

خبروني وبصروني بنات بليز

 

[lolo77]

مشاركة: المدارس الخاصه بالكويت

في مدرسة الفحيحيل النموذجيه
رحت سالت عنها
فيها روضة وابتدائي
والمبنى عجيب وايد حلووو
وفيها صالة العاب ولاب كمبيوتر
وحمام سباحه و كراتيه للصبيان

يعني وايد عجبتني المدرسة
والمدرسات فلسطينيات وفيه اجانب

وسعرها زين 525 او 550 بهالحدود بس بالسنه
حتى ولدي كان معاي استانس عليها
احسن من مدرسته الكحيانه الباكستانية اللي مافيها ولا نتفتة لعبة

بس انا ناطرة رد ابونا
يقولي اذا بندخل اليهال اثنينهم يبينا 100 دينار صعبة الصراحه؟؟
يالله الحين والمعاش حده حده

بس صج خووش مدرسة ويديده

 

[BlackRose]

مشاركة: المدارس الخاصه بالكويت

امبيه موضوعي فيه وايد بدلييييييييييييييييييييياااااااااااااااااااااااااااااات

عادي طوفوهم بليز لاني بعد اسبوع بولد وثاني شي قاعدة اكتب على ضوء الاباجورة....يعني بجو شاعري

ونسيت اقولكم عن الباص.....17 دينار بالشهر....والباصات مكيفة

وفي مرة ابلة طقت ولدي....وانا رحت اشتكيت عند الناظر.....وايد اهتم بالموضوع....وفعلا استدعى المدرسة جدامي.....واهتموا وايد بالسالفة

اي ولا انسى....الصف نوعا ما زحمة حوالي 20 طالب

والمدرسة مكيفات مو وحدات او سنترال شخباري كينديشن مال اول!!!!!!

وانشالله اكون فدتكم

وسامحوني على الطوالة

 

[xxx]

مشاركة: المدارس الخاصه بالكويت

بلاك روز

ولدج أي مدرسة فيهم


الباكستانية



ولا


الكويت الباكستانية الإنجليزية

 

[Dancing^Queen]

مشاركة: المدارس الخاصه بالكويت

لولو
شنو هذي مدرسه فحيحيل النموذجيه منو بنته بالضبط؟
باكستانيه هنديهظ انجليزيه؟

 

[معلمه متميزه]

مشاركة: المدارس الخاصه بالكويت

يا جماعه والله مخي قام يعورني من التفكير احترت مع هالمدارس وين احط ولدي

ابي مدرسه زينه فيها حضانه وروضه زينه عشان يبدي معاهم من اول يكون فيها عربي واسلاميه مستواهم قوي وابي سعر زين مو غالي ماقدر على الغلا وين اوديه ؟؟؟؟؟؟؟؟

باكستانيه ناس تمدح وناس تذم وفي الف مدرسه ماني عارفه من انقي ..

خلصت فضفضه

وتسلمون

 

[mooomooo]

مشاركة: المدارس الخاصه بالكويت

السلااام عليكم ورحمة الله وبركاااااااته

بس بسئلج بلاك روز انا ولدي بالباكستانية الانقليزيه اللي بالسالمية
اهوا الحين اولى روضه وشهر 4 يدش ثانيه انشالله ... بس اعرف وحده ولدها اب اولى ابتداائي بطلع ولدها ...
وتقول وااااااااايد صعبه


انا ودي اكمل معاه بس ابيج تقولولي اشلون ولدج اسمالله عليه وياج بالبيت انتي ادرسينه ولا اتييبله مدرسين ؟؟

واذا اتييبله مدرسين حق مناهج الباكستانيه ف بلييييييييييييز عطيني ارقامهم

 

[BlackRose]

مشاركة: المدارس الخاصه بالكويت

السلااام عليكم ورحمة الله وبركاااااااته

هلا والله بنت الكويت

انا ولدي بمدرسة الكويت الباكستانية الانجليزية.....خوش مدرسة لو ال 27 عيب اللي فيها ....لا والله جد زينة المدرسة

واختي مومو المدرسة زينة بس انا حاطة حق ولدي مدرسة خصوصي اللي اهيا مدرسته اللي بالصف.....اوديه عندها كل يوم من الاربع لي ال6 المغرب وتدرسه كل الدروس ماعدا العربي والاسلامية وتاخذ 40 بالشهر

وسلامتكم....واي استفسار انا بالخدمة