المدارس الخاصه بالكويت

[Dancing^Queen]

مشاركة: المدارس الخاصه بالكويت

انا شبهه قررت بدخل عيالي يا اسرار القبندي يا انجلش بلاي قروب

 

[جوريه]

مشاركة: المدارس الخاصه بالكويت

اذا انجلش بلي قروب احتمال ادخل ولدي معاج كوكوووو

 

[جنوية]

بنات اللي عندها اولاد بالمدارس تدخل

السلام عليكم ، بنات حبيت أسأل عن مدرسة أجيال بمنطقة الرقعي أو الأكاديميه الإنجليزية بنفس المنطقة ، اشلون الأسعار حق اولى روضة و ثانية و اشلون مناهجهم و مدرساتهم و متى التسجيل

 

[jolie_q8]

مشاركة: المدارس الخاصه بالكويت

انا ما قررت

انا اجبرت ..بدخل ولدي اسرار القبندي .. ولد حماتي فيها .. ورخيصه وبنت حلال (صج انتي ما احب الجمعيه

الثقافيه)

لان عندي ظروف ومو قادره ادور على المدارس

خل يقزر الروضه فيها..على الابتدائي يصير خير !!

 

[jolie_q8]

مشاركة: المدارس الخاصه بالكويت

واللي اسألت عن الانجلش سكول اللي بسلوى (هذي توب وايد قويه)

انا سألت عنها بالتعليم الخاص قالولي

احسن مدارس انجليزيه على مستوى الكويت

- كويت انجلش سكول اللي بسلوى (ورا بيت سعاد الحميضي)
- البريطانيه (بسلوى)
-نيو انجلش سكور (بالجابريه)

واحسن مدرسه امريكيه

-يونيفيرسال (اللي بسلوى)

واحسن ثنائيه

- البيان

هالكلام على ذمه واحد نعرفه بالتعليم الخاص

وشكرا

 

[jolie_q8]

مشاركة: المدارس الخاصه بالكويت

السلام عليكم

اليوم الله هداني ومريت البيان (الجابريه)

الله لا يوريكم... انا رحت بالـ12 حزه طلعه الروضه

يما يالزحمه ....شي عجيب

المهم ..سفطت في الباركينج مال الموظفات

والا اليهال اللي بالابتدائي متعلقين على السور و يحذفون تراب وصخر على السيارات << خوش مدرسه خاصه

المهم رحت الاداره وسألتهم عن التسجيل حق الروضه .. جان تقولي خلص !!

احنا كل سنه شهر 2 نفتح التسجيل لـ 30 مقعد بس !! << الله يالجذب ... انا شفت ألوف اليهال عندهم

المهم .. جان اعلمها عن اليهال اللي متعلقين.. وقلت لها ترى سياراتكم ر احت من التحذف بالصخر

طبعا عادي ولا اهتمت... جان اقول ديزلهم احد تلاقينهم موجودين !!

المهم عطتي الورقه مالتهم .. ورحت سيارتي والا مدفونه من الرمل...بس ياربي يهال شقول لهم !!

قلت الحين المدرسه بتيي تعاقبكم .. طبعا ولا همهم

بس صراحه اللي شفته اليوم ما يسوى الاسعار والخبه اللي مسوينها على البيان !!

يعني شكلها مدرسه عاديه وفوضى واصله الشارع ... هذا غير كل ما مر عليهم واحد..سبوه ذيج السبه اللي شكبرها

اصلا.. ولا راح افكر فيها


والاسعار حق اللي يبيها :

100 << عند التسجيل

الحضانه : 1405

اولى روضه : 1555

ثانيه روضه : 1570

الابتدائي(1-4): 2410

المتوسط(5-8) : 2530

الثانوي(9-12) : 2735


وتلفونهم : 5315125

وسلامتكم

 

[jolie_q8]

مشاركة: المدارس الخاصه بالكويت

اليوم انا وريلي مسوين جوله على المدارس

اهوا مر مدرسه اسرا القبندي

يقول مبناها قديم شويه

اسعارها :

الروضه : 761 تسجيل+ الكتب

الابتدائي: 950 التسجيل + الكتب

وتلفونهم : 2572561

تدريسهم قوي ..هذا اللي سمعناه عنها والله اعلم

ولد حماتي بالروضه .. وشاطر ماشاءالله عليه

وتسجيلهم يبدي شهر 3

وباجر بحاول امر التكامل والرؤيه.... واعطيكم آخر الاخبار

 

[jolie_q8]

مشاركة: المدارس الخاصه بالكويت

طبعا رحت التكامل (بصباح السالم) مدرسه مرتبه

بس وايد وايد بعيده على بيتي !!

ومريت مدرسه دسمان- مبناها قديم وايد وفيها بس لي صف تاسع..بس راح يكملون الصفوف

بصراحه مو وايد ارتحت لها .. مادري ليش

وسمعت والعهده على الراوي .. انه مستواها ضعيف... يعني الطلبه اللي ما يمشون بمدارس ثانيه

يمشون بهالمدرسه (والله اعلم)

ومريت نيو انجلش (بالجابريه) ... اعجبتني حسيتها صج مدرسه... وعريقه بهالمجال

واسعارها ما تختلف عن الباجي

قدمت عليها.. بس كلشي يعتمد على المقابله الشخصيه

واللي تبي تستفسر عن الاسعار.... تقولي واكتب لها اسعار المدرسه اللي تبيها

 

[Dancing^Queen]

مشاركة: المدارس الخاصه بالكويت

الرؤيه يطقون اليهال المدرسه حاذفه ولد اختي بقطوي كلينكس بغا يشيل عينه
مانصحج فيها
مري روض الصالحين




واسرار انا مريتها مايزلتي الصفوف كلشششششششششششش قرعه قرعه قرعه مافيها ولاشي يجذب الياهل نهائيا

 

[jolie_q8]

مشاركة: المدارس الخاصه بالكويت

اصلا انا لي تحفظ على الرؤيه كوين

خاصه ان اللي ماسكينها اتجاهم ديني... ما اعرف فكرهم

ومابي احد يزرع فكره بعيالي

 

[Dancing^Queen]

مشاركة: المدارس الخاصه بالكويت

توني كلمت غلف برتش اكاديمي
بالسالميه سامعين عنها قاعده اقز بسايتات المدارس الخاصه جان اطيح عليه سايتهم شكله اندر كونستركشن بس كلمتهم يازتلي
وفيه ابوننغ وسعرهم معقول
ومنهجهم من اكسفورد
ويدرسسون عربي ودين
والروضه ب 825

 

[طوق البنفسج]

مشاركة: المدارس الخاصه بالكويت

الي تبي ال كويت انجلش سكول الي بسلوى وااايد زينه وقويه انا اختي فيها و اهي مختلطه كل المراحل بس غاليه

روض الصالحين خالتي كانت مدخله اعيالها فيها واايد تمدحها زينه بس تدريسهم قوي بنتها ب ثانيه ابتداني تاخذ الحيوانات البرمائيه و لدها برابعه ابتدائي يعطونهم تقاسيم الشعر الي انا ماخذيتها الا بالجامعه واايد قويه و الحين طلعتهم وده الولد النجاه الخيريه و البنت القطوف

 

[dmutawa]

مشاركة: المدارس الخاصه بالكويت

السلام عليكم
في احد سامع عن "انجلو اراب اكاديمي" Anglo Arab Academy بحولي , اشلون مستوى المدرسة. و اشلون نوعية الطلبة الي فيها.

 

[jolie_q8]

مشاركة: المدارس الخاصه بالكويت

Dancing^Queen

اللي اعرفه انها يديده يمكن صارلها سنتين

بس مو شايفتها .. واصلا بعيده علي ... وطريجها زحمه بالنسبه لي


طوق البنفسج

صاجه ..كويت انجلش اللي بسلوى..تعتبر من المدارس التوب في ا لكويت

هذا كلام .. اداره التعليم الخاص


dmutawa

مو سامعه عنها بصراحه ...يمكن البنات يفيدونج

 

[BlackRose]

مشاركة: المدارس الخاصه بالكويت

انا امس بنات اتصلت على النيو انجلش اللي بالجابرية وكويت انجلش اللي بسلوى.....وايد مغلين اسعارهم اشدعوه....انا ولدي بثالثة ابتدائي....بالنيو 1900 بالسنة وراح تغلى لي السنة الياية....وبكويت انجلش 2065 بالسنة هذا غير الكتب...وبصراحة السعر انا حسيته وايد....فجان زين اللي عندها خبره بمدرسة كويسة وسعرها مناسب تفيدني بليز

 

[xxx]

مشاركة: المدارس الخاصه بالكويت

BlackRose

صاجه كل المدارس زايدين أسعارهم

صايرين نار وشرار

والمدارس الانجليزيه أغلى شي وعقبها الأمريكيه

 

[dmutawa]

مشاركة: المدارس الخاصه بالكويت

السلام عليكم
بغيت أعرف أسامي مسؤولين في مدرسة روض الصالحين سواءا رجال أو نساء لأني ابي أسجل ولدي و قالو أكتمل العدد ، يمكن الاقي واسطة عشان اسجله.

 

[lolo77]

مشاركة: المدارس الخاصه بالكويت

بنات ارجوووووووكم
محد سامع عن مدرسة الفحيحيل النموذجيه؟؟
هذ ي المدرسة اللي يمي بالمنطقة العاشرة
؟؟
واسعارها زينه مو غاليه

 

[jolie_q8]

مشاركة: المدارس الخاصه بالكويت

والله ماعندي فكره

 

[أوركيد]

مشاركة: المدارس الخاصه بالكويت

اللي سألت عن مسؤول بروض الصالحين ...

مديرتهم غنيمة السنان ....

صرااحة لاعت جبدي منهم ...3سنوات احاول اسجل عيالي ...وكله عالويتنغ ليست ..

ويقصون علي بعد ...انتوا اول الطلبة اللي راح نسجلهم ...وماكو شي ..

شدعوة ...ليش جذي ؟؟؟؟

::::::::::::::::::::::::::::

البلي قروب ...اغلب رفيجاتي حاطين عيالهم فيها ..

حلوة وتقوي الاطفال بالنجليزي والكتابة ...

:::::::::::::::::::::::::::::::::

جولي ...

الرؤية ..عيالي كانوا فيها قبل وطلعتهم ...

جو المدرسة حلو ...وتابعة لجمعية الاصلاح وماسكتها نسيبة المطوع ..

منهج العربي والقرآن والرؤية ...حلو ولا يعلى عليه .......لكن تبين الانجلش والساينس ....ميح مو عارفين شي

هذا وولدي كان طالع الاول عالمرحلة .....امبيييه خواااره المواد الانجلش عندهم ...