المدارس الخاصه بالكويت

[xxx]

مشاركة: المدارس الخاصه بالكويت

العفو حبيبتي

والله جاااااااان زين نلقى مدرسه جذي

 

[سيدة الكويت]

مشاركة: المدارس الخاصه بالكويت

بنت الكويت عيالج اى مدرسه واى مرحله؟؟

 

[xxx]

مشاركة: المدارس الخاصه بالكويت

عيالي توهم صغار

بنتي السنة اليايه تدش الروضه ان شاءالله

 

[قهوة عربية]

مشاركة: المدارس الخاصه بالكويت

السلام عليكم يابنات وعيدكم مبارك

أنا عن تجربة أقولكم ..أنا عيالي الأثنين الكبار كنت مدخلتهم القطوف

مدرسة أكثر من روعة ...واهتمام كبير باللغة العربية والدين ..وعندهم حصة تجويد مرتين بالأسبوع ..

والمدرسة مقسمة جزءين ...جزء للبنات ..وجزء للأولاد ...يعني حتى ساحة المدرسة مقسمة ما فيه إختلاط حتى بالفرصة
تشوفون الطابور ..الكل مع بعض ..بس صفوف الأولاد بروح ...وصفوف البنات بروح

وأسعارهم وايد مريحة ...تقريباً 300 دينار للطفل ..ويقسمون لكم على فترتين ...
ماأدري الحين غيروا أسعارهم والا لأ ...هذا الحجي من زمان ...أول ما انفتحت

وما شاء الله عليهم ....حتى باب الهدة ....مايخلونه اختلاط
مخلين باب الأباء بروح ....وباب الأمهات بروح

وأذكر مرة أيام كانت الناظرة مريم السعيد جزاها الله خير ...
شافت وحدة من الأمهات لبسها ...يعني شوي ضيق وجاية من باب الأباء ...جان تمسكها وتقول لها ...لو تكرمتي ...لاتحضرين المدرسة مرة ثانية بهذا اللبس ...ولو سمحت إذا بتاخذين عيالج من باب الأمهات ...وأغلب الإداريات كويتيات

ومدرسات اللغة العربية أغلبهم من سوريا ...والمدرسة فعلا..فعلاً قوية ....وكنت أتعب وأنا أدرس عيالي حتى يوصلون للإمتياز

والصف كان فيه وايد منافسة ...كانت بنتي مسكينة ..تموت وتهلك وأنا أدرسها وبعدين تاخذ 98% ويكون ترتيبها العاشرة أو الحادية عشر بالصف!!

وبعدين عيالي الصغار دخلتهم مدارس حكومية والحمد لله كلهم ماشين وامتيازات ..بتسألوني ليش مادخلتهم مدارس خاصة وطلعت إخوانهم منهاوكملوا بالحكومة ؟؟


عشان شرينا البيت ..ومانقدر على الرسوم للمدارس الخاصة

وأذكر مرة كنت أدرس بنتي الكبيرة ( اللي درست بالقطوف ) درس في اللغة العربية ..وقريت لها الكلمة بتشكيل خطأ ...جان تصلح لي القراءة ..وتنطقها بالتشكيل الصحيح ..وهي بسم الله ماشاء الله بثانية ابتدائي ...وانا انحررررررجت

ودائماً يوم راحت المدرسة الحكومية تشترك بمسابقات الشعر وبالإذاعة ...وينادونها من الصف أحياناً لقراءة القرآن الكريم إذا فيه ندوة أو محاضرة بالمدرسة .

 

[xxx]

مشاركة: المدارس الخاصه بالكويت

هلا قهوة عربيه

مشكوووووووووووورة على المشاركة المفيده

رفيجتي بالدوام مدخله بنتها القطوف ووايد تمدحهاااااااااااااااااااااااااااااا

 

[سيدة الكويت]

مشاركة: المدارس الخاصه بالكويت

بس نبى اللغه انجليزيه شلونهاااااااااااااااااااا؟؟القطوف

 

[قهوة عربية]

مشاركة: المدارس الخاصه بالكويت

اللغة الانجليزية نفس منهج الحكومة وهي عموماً بكل شي نفس مناهج الحكومة ..بس مافيه موسيقى ..وبدل منها تجويد

 

[xxx]

مشاركة: المدارس الخاصه بالكويت

مشكوووووووورة قهوة عربية على هالمعلومات المفيده عن القطوف

يعطيج العافيه

 

[سيدة الكويت]

مشاركة: المدارس الخاصه بالكويت

ابى مدرسه زينه ................اجنبيه وتهتم بالدين وتدرس الطفل مو على الأهل

وسعرها ما يزيد عن 1500 ابتدائى

 

[xxx]

مشاركة: المدارس الخاصه بالكويت

الرؤية + روض الصالحين

ثنائية اللغه ووايد يركزون على الدين

بس مادري يدرسون كل شي بالمدرسه ولا لا

 

[jolie_q8]

مشاركة: المدارس الخاصه بالكويت

عندي سؤال !!

القطوف تابعه لبيادر السلام ؟؟ أو لأ ؟

 

[سيدة الكويت]

مشاركة: المدارس الخاصه بالكويت

مشكوره بنت الكويت بس يقلون لازم الياهل حافظ جزء عمه كله بأولى؟؟


تعب تراولى

 

[xxx]

مشاركة: المدارس الخاصه بالكويت

جولي

أسالج اليوم ان شاءالله


سيدة الكويت

الياهل وهو صغير مخه متفتح ولو تعب عليه ماحفظ

 

[لووولوو]

مشاركة: رد : المدارس الخاصه بالكويت

مشكوووووووووورة كيكة ماقصرتي على الرقم

بدق عليهم بشوف الرسوم لان رفيج ريلي مدخل عياله بالباكيتانيه الي بحولي يم اكاديمية الابداع

وناس يمدحون الي بالسالميه ،، وناس يمدحون الي بخيطان

احترنااااااااا

أختي

أنه اللي اعرف ان الباكستانية اللي بخيطان واايد زينه لليهال في الروضه تعاملهم واايد زين ويعلمون اليهال انجليزي وعربي وما تكلف وايد ...

وحاولي تسالين عنهم أكثر وأكثر

 

[قهوة عربية]

مشاركة: المدارس الخاصه بالكويت

جولي

صح ترى القطوف تابعة لبيادر السلام

 

[jolie_q8]

مشاركة: المدارس الخاصه بالكويت

مشكوره قهوه عربيه

انا بيادر ما احبهم .. ومابي افكارهم يغرسونها بعيالي ..بصراحه ... حتى لو المدرسه (اسعارها رخيصه)

الاسبوع الياي ..بمر التكامل والرؤيه ... ويمكن البيان

بس ياليت نبي شويه تفاصيل عن البيان .. من ناحيه المستوى- المصاريف- المدرسات

اللي اعرفه ان الروضه والابتدائي بالجابريه

والمتوسط والثانوي بحولي

ياليت تعطونا تفاصيل اكثر

الله يعافيكم

 

[keeka]

مشاركة: المدارس الخاصه بالكويت

انا انصح وايد بمدرسة التكامل صراحه وايد وايد زينه بس مو حق الروضه لاء من الابتدائي احس مستوى الروضه عادي مو موزين بس احسه عادي يعني اوكي بس الابتدائي صراحه روعه واللي يقدر على تكاليفها انصح يروح التكامل

 

[jolie_q8]

مشاركة: المدارس الخاصه بالكويت

كيكه

انا ودي ادخل ولدي من اول شي

شنو تنصحيني فيه !!

اهوا السنه الياي روضه ... وباخذ لفه على المدارس علشان اسجله من الحين

اننا افضل مدارس ثنائيه اللغه .. ومن بعدها الانجليزيه

مع اني مابي ادخله مدرسه اجنبيه 100%

متخوفه شويه

 

[jolie_q8]

مشاركة: المدارس الخاصه بالكويت

؟؟؟؟

 

[رفرف]

مشاركة: المدارس الخاصه بالكويت

انزين الرؤية تابعة لوين ؟
انا سامعة انها لبيادر السلام وانا نفس وجهة نظر جولي ماحب البيادر