استفتاء : تقدرين تعيشين بدون خدامه ؟؟

[كيفانية من قدي]

تقدروين تعيشين بدون خدامه ؟


هل انت طالبة ولا موظفة ؟



دام شرهم اكثر من خيرهم ليش ما نستغني عنهم ؟



ابي رايكم بكل امانه خل نستفيد....

 

[بنوتة كول]

اول شي انا طالبة و اقدر استغني عنها شدعوة بموت من دونهم مو مهم انا بعض الاحيان اغسل ملابسي و انظف البيت يعني مو مهمة

 

[خذاني الشوق]

انا موظفه مع وقف التنفيذ ..تبين الصراحه انا سافرت اربع ايام من غير خدامتى بغيت اموت ووخصوصا اللي عندها عيال

 

[عسولة الكويت]

انا موظفه وبوضعي الحالي مااقدر استغني عنها لوتبي عيوني اعطيهم لها هههههههههههههههههه
عندي اعيالي اسم الله عليهم ورا بعض موقادرين عليهم شياطين حيل وهي تساعدني عليهم

 

[ام _خلودي]

اناا موظفة وعندى يهال اثنين تحت بعض
ومااقدر استغنى عن الخدامه نهائيااااا

 

[om-HaSsoOon]

وااااااااي طالبه وهم ماقدر استغنى عنها صراحه اجذب عليكم اذا قلت اي اقدر

 

[84 Miss Chocolate]

انا موظفه و هالفتره ما عندي خدامه رات حسبي الله عليها و البيت و العيال و الدوام واااااااااااااااي بموت والله تعبت حييييييييييل الله كريم

 

[ام الغالين]

مستحيل اتخلا عن خدامه م اقدر لاني 24 ساعه بره البيت منو بشوف طلباتي بالبيت وبره وطلباتي عيالي بعد

 

[مرت راشد]

اقدر بس احتاج راحه استجمام بعدين برد الحين الي عندي نظام استاجار مره اقول بردها ومره اقول لا تعب مالي خلق غسيل وعيالي متعبين كل اشوي تغيير بريح كم شهر وبعدين طول عمري بدونها يعني اقدر اذا ربي عطاني الصحه والله انهم خساير بس شسوي معاد احد يرحم حتي عيالج

 

[منوووووله]

مااااااا اقدر استغنى عنهاااااااااااااااااا

 

[Little Things]

انا مو بطالية بس عندي بنوتة .. يتني خدامة شهرين و قامت تدلع ماتبي تشتغل بعدين لما رديتها ضاق خلقي و قلت شلون بعيش بدون خدامة بس لما جربت و الله عادي الحياة تمشي يعني بس صج تعبت الحين ابي خدامة هههههههههه قلت قصة حياتي

 

[نطوووعه]

انا موظفه

واقدر استغني عن اخدامه بس ماراح تكووون حيااتي مستقره و مرتااحه نفس احين بيصير لووبه و حووسه و بتعب

 

[أحلى همبه كويتية]

الحمد لله صار لي 4 سنوات تقريبا بدون المصيبة اللي يسمونها
:krkrkr:
خدامة

عندي بنت ووولد الله يحفظهم وموظفة وارجع البيت الساعة 3.30
جربت 6 خدامات ووحدة منهم سوت لي سحر بغيت انشل بسبتها
والله ارتحت منهم
صج تعب بس ما أفكر ولا أحاتي شتسوي الخدامة من مصايب

ولا أفكر أدخل أي خادمة بعد في بيتي:eh_s(1):

 

[Gap Junior]

الصج ما اقدر استغني عنها :/

هذا و انا طالبة

عيل الموظفات و اللي عندهم عيال شلون

الله يعيينهم والله :/

 

[م فطومه]

امممم موضوع مهم وحلو


شوفي يالغاليه الوحدة منا تقدر تستغنى عن الخدامة لما يكون زوجها عنده استعداد ان يساعدها بكل شي يعني يتعاون معاها حتى بتنظيف البيت اما الريال الكويتي شايل ايدة من كل شي .. يعني المرة اهيا الريال والمرة بنفس الوقت فشي اكيد انها بتستعين باحد يساعدها ( الخدامة)


والشي الثاني اول حريم لكويت ماعندهم خدم لييييييييييييييييييييش؟؟؟ مو لانهم اقويا لاااا لان في بيت حمولة والكل يشيل الثاني مو الحين الخالة تشتغل واليدة تشتغل وين انخلي عيالنااااااااا؟؟ ( قلبها متروسة )



انا موظفة وعندي عيال بالمدرسة والحضانة يعني ماكو احد بالبيت فترة الدوام فلما ارد البيت ابي الى يهتم باليهال لاني تعبانة من الدوام





افففف عليهم هالخدم

 

[كيفانية من قدي]

أول شي احب اشكركم كلكم على التفاعل مع الموضوع

ثاني شي احترم راي كل وحده فيكم

ثالث شي كنت ابي اعرف اذا في بنات مثلي مستغنين عن الخدم ؟؟ والحمد الله لقيت لان كل ما اقول لاحد ان ما عندي خدامه يتهموني بالجنون

اشكركم من كل قلبي

الله يحفظكم ويحفظ عيالكم من شر الخدم

ودمتم لي يا اغلى ناس

 

[الفرحه السجينه]

انا ما استغني عن تلفوني سوني اريكسون ولا عن خدامتي :dddds::dddds:

 

[ريم الخبر]

انا ماعندي خدامه وعيالي اربعه الله يحفظهم ثنين مراهقين وثنين صغار
ومنظمه وقتي ...اهم شي القومه بدري ..
اذا طلعوا عيالي للمدرسه ارتب البيت ترتيب بسيط ..بعدين
اسوي ذيك القهوه اللي يحبها قلبك واجلس على النت الى الساعه
12 ظ ...بعدها ابدا بالشغل من تنظيف وترتيب ومسح وتغسيل وغداء
بس ترا عندي غسالة مواعيين وماخذه نص الشغل ...
الساعه 3العصر ..اريح شوي ياانا انام او اتمدد ...بعدين
اشوف العيال وابوهم وامور البيت بعد العشاء ارد اجلس على النت
الى الساعه 11 في الليل او 12 بعدها انام ...
والحمدلله مرتاحه كثير ..اذا عندي شغل كايد مثل تنظيف مخازن غسل حوش
او عندي عزيمه اجيب من هالخدامات اللي يأجرونهم باليوميه ..
المهم ,,,انا مااستغني عن غسالة مواعيني ولا عن تلفوني سوني اريكسون :dddds:

 

[سلمى الخير]

والله صعبه

خصوصا اذا بتزورين احد ماتقدرين تخلينهم بالبيت بروحهم ولاتقدرين تاخذينهم الناس مايتحملون يهال والكل بينتقدج

وقبل كانت دورهم شنو الله يخليج زوليه وكاشي ينمسح كل صبح

والغدا مشترك بين العايله دوريه

والريوق جباتي من المطعم

والعشا خفايف وكلهم مع بعض مو بروح بروح

يعني ظروف الحياة تغيرت

 

[طير الحب]

لا ما اقدر موظفه وعندى عيال جربت شهر بدونها تعبت وايد