استفتاء : تقدرين تعيشين بدون خدامه ؟؟

[keeka]

والله عشت 11 سنه بدون خدامه بحكم دراسه ريلي برا وييت الكويت عيالي كبار وشايليين روحهم ما يبتها الا لما يبت بنوتي اسم الله عليها لاني موظفه وصراحه فرق الوضع معاي وايد ممكن استغني عنها مممم صعب ممكن لي صارت حليوه بنتي شوي وادخلها حضانه عادي يصير

 

[فرح العجرف]

اي نعم اقدر استغني عنهااااا@@@@:ada:

لما كنت موظفه كنت اطبخ غداي نص طبخه بالليل ولما ارجع من الدوام اكمل طبختي وبعد الغدا اتفضي للبيت لين الساعه 4 العصر:ggdw:

اريح ثلاث ساعات كنت حامل حزتهااا وماشيه اموري بدون الخدامه وحتي بعد ولادتي لين يومج هذاا ولدي عمره 4 اسنين ماشفت الخدامه الا 4 اشهور وطردتهاااا لانهاا مالها لزمه انا قايمه بشغلي.._03BA:..بس شخص زايد وعله بعد@@​

 

[محبة الاستغفار]

اقدر بس راح اتعب فليش اتعب نفسي الخدامه تساعدني مع اني مو حاطه رجل على رجل اطبخ واهتم بكل شي لعيالي

واغسل ملابسي وملابس زوجي والخدامه حق البيت وملابس عيالي الله يحفظهم

خوش موضوع وانا مثلج قبل ما عندى خدامه والكل لما يعرف يستغرب او يلومني الناس ما تخلي احد في حاله

 

[<< أزيان >>]

جربت سنه بدونها ارتحت نفسيا بس تعبت جسديا ههههههههههاهه حلوه كان عمر بنتي سنه وعنيده وعسره وكل الطبايع الشينه فيها الله يصلحها

يارب والي عندها دوام تتعب تطلع من تعب وتدخل بتعب ياريت الحكومه تصرف علينا ونجابل عيالنا بالبيت او يوفرون لنا خدم لآليين لن ملين

من تحلطمهم ومذلتهم ولاشرايكم

 

[طوايف زوجها]

قبل كانت الحياة بسيطة الحين تعقدت قبل اليهال مبهدلين عادى كان محد يتطنز الحين يصيرون مسخرة مع امهم

 

[مطيريه ماركه]

لا ماقدر

بيتنا مجمع خدم كل دور له خدامة

 

[قمر ضاوي33]

اذا ما كنت موظفة

عادي بدون خدامة اصلاً اريح

 

[كيفانية من قدي]

الله يوفقكم اجمعين ويصلح لكم عيالكم يا رب

 

[MyLittleBerry]

انا ام وعندي عيال

وماعندي خدامه


وانشاءالله دوم

اذا اعلم عيالي كل واحد يسوي شغله ويرتب داره ماعتقد راح احتاج

 

[أم هـجـرس]

مستحييييييييييييييييل والسبب لان تعودنا على الخدم

يمكن لو سائلتني هالسؤال وانا ماجربت الخدم جان قلت لج اي

 

[همسة ورد]

اذا على تربيه الياهل وغسيل الملابس والطباخ . فهذي مسؤوليتي وهذا اللي اقووم فيه مع ان عندي خدامه ..

بس صراحه الاوتي يكسر الظهر وغسيل المواعين .. انا جربت جم شهر بدون خدامه الحمدلله مشت اموري بس الاوتي خدامه اهلي تسويهم ..

الحياه مو متوقفه على الخدم .. بس الحياه بهالوقت تتطلب وجودهم .. لان الريال بهالوقت يبي المره تجابله وتشووف طلباته وغير تزقرت

وتلمع .. واذا اهي بتغسل وتكوي متى يشوفها يقعد معاها .. واذا سوت شغل البيت قام يخونها ويقوول لاهيه عني بالبيت

 

[أغلى حبيبه]

انا بطاليه

شوفي انا اغسل الملابس وانا اطبخ وبمساعدتي انظف معاها الغرف

اقدر استغنى بس اتعب من الشغل بروحي

ماشاءالله خواتي اثنين صارلهم سنييين مستغنيين عن الخدم مع انهم بيوت مو شقق

يعني الشغل دبل وغييييييييييييييييير الحوش

الله يعيييينا

 

[أم عساف الكويت]

مستحيل اقدر استغنى عنة

 

[شهدQ]

والله عندي خدامه

وكنت قاعده بدونها 6 سنوات

بس الحين بيت وداخل وطالع واطلع اقضي شغلي فلازم خدامه

الطبخ علي

غرفتي علي

ملابس زوجي علي

عيالي علي

اهيا تنظيف وغسيل

الله المستعان

 

[مضاوي..]

ودي استغنى عنها

بس خايفه من المسؤليه

 

[الوردة المكنونة]

انا ربة بيت ومن يوم ما تزوجت وانا من غير خدامه وعندي بنتين تحت بعض يعني عيني طالعه لوووول

بصراحه واااايد تعبانه بس شسوي مجبر اخاك لا بطل يعني لو بيدي احط 2 مو وحده بس شقتي صغيره وعندي خاله شرانيه ما ترضى احط خدامه لاني قاعده في بيتها

 

[عاشقة^زوجها]

انا طالبه وريلي لما تزوجنا كان طالب بعد والحين الحمدلله توظف وقاعدين بشقه بروحنا بس اقدر اعيش بدون خدامه لأن ماعندي عيال ويمكن حتى لوصار عندي ان شاء الله ما راح اييب لأنهم يخرعووون وتوه وحده اتصيرلي خدامتها انتحرت مسكينه اللي تصيرلي نفسيتها تعبت وااايد ،، ترى مافيها شي لو تساعدتي انتي وريلج وحاولتو انكم تنظفون أول بأول يعني لا تخلين الاشياء تتراكم على بعض ،، وغسيل الهدوم مره او مرتين بالاسبوع ،، وتنظمين وقتج يعني تحاولين ماتنامين الا وكل شي مرتب ونظيف واتمنى اكون فدتج

 

[منارة الإيمان]

والله حبيبتى موضوع الخدامات

يعتمد على وضع الأسرة أو الشخص نفسه وأحتياجات الأسرة

من أمكانيات .. وحجم الشغل .. وحجم البيت .. وعدد أفراد الأسرة ... والتعاون بين الأسرة .. وعلى صحة رب الأسرة وأشيااااء كثيييرة

يعني لا تقوليين بييت كبيير وعايلة كبيييرة ما تحتاج خدامة ... لا ... ألا أذا كانوا جميييع أفراد الأسرة متعاونيين ويساعدون بعضهم البعض ..

تقولين أسرة صغييرة وقاعدين بشقة .. فى أمكانية الأستغناء عن الخادمة .. بترتيب الأمور ..أقولج نعم ممكن ليش لا ..

بالنسبة لي ماعندي خدامة صار لي 4 سنوات بدش بالخامسة .. يعني من بتدت بلاوي الخدم تزيد وأنا ما عندي ..

تعبااانة جسمانيا .. ولكن نفسيا أفضل لما تكون عندي خدامة ... فى الوقت الحالي تراعييين الله فيهم ولا ماتراعين مشكلتهم مشكلة وما تعرفين الخدامة هدفها من الأشتغااال .. لأنه صاار ناادر يجون علشان الماادة .. وأستغفر الله كله علشان بابا أو ولد البيت ..

فاحبيبتى .. عندي غسااالة فل اتوماتيك .. نشافة ملابس .. جلاية صحون أجمع فيها ساعات ليومين وبعدين أشغلها لما تنترس ..
ما عندي دووووس .. مرتبة أموري .. يوم للغسيل .. يوم للتنظيف .. حتى الطباخ .. أطبخ ساعات ليومين .. وأرتبه باواني خااصة للميكروييف .. وتصخنييين على طول .. ولساعات الحرجة أسوي سندويتشات باااردة وأغلفها وأرصها بالثلاجة عند الحاجة .. أو الوجبات السريعة بالطلب ..
وإن شاء الله تمشي الأمور ... بالخااارج والأجاانب عايشيين بدون خدم .. حتى العجوز عندهم تخدم روحها بروحها .. الفرق بينا وبينهم هم شغلهم خفيف بالنسبة للأكل والشغل والتنظيف .. مو نفسنا شغلنا ثقيييل .. أمهاتنا وجداتنا .. أشلون عاشوا بالقديم بدون خادم .. أحنا مكبرين موضوع الخادمة بمخنا وخليناها أساسية بحياتنا ..

التنظيييييم ثم التنظيييم مهم للي ما عندهم خدم .. الله يوفقج ..

 

[ام كتكوت]

اي والله العظيم اقدر

وجربت هالشي فتره طويله رغم اني كنت تعبانه بس انكسرت اريولي وزوجي ياب هذي الحاليه ومارديتها بعد ....

 

[لانـــــه]

والله موضوع حلوو

انا ماانقهر الا يوم شفت الامريكاان

الام والاب يشتغلووون ومعهم اولادهم 4 او 3 او 2

وماشاء الله ماشين بدون شغالات وماايغرفوونهم

صدق طبعناا اقشر
مدلعين ارواحناا
والي يقهرني
زوود مشااكلهم
قولوا ميين
الله يحفظنا من شرهم