استفتاء : تقدرين تعيشين بدون خدامه ؟؟

[eq-65]

الله يكفينا شرهم قوت شوكتهم كل القوانين والحقوق لهم واحنا لنا الله بس انا تقاعدت وقعدت بدون خدامه الحركه بركه منها العيال ما يكونون اتكاليين ومنها رياضه وبسنا يا جماعه فراره خنجابل البيت والعيال شنو الخدم صاروا اصحاب البيت والله حرام.

 

[^^ام ميمي^^]

انا موظفة وعندي خدامه وماعندي عيال خدامتي اقعدت عندي سنتين وسافرت 3 شهوور قعدت بدون خدامه صج اني كنت اقدر اعيش بدونها وعادي حياتي انا انظف واطبخ واغسل وكل شيء بس شغلات وايد استغنيت عنها يعني ادوور وقت عشان ارتاح فيه او انام وفووق هذا كله يتني دورة العصر وكليت هوا دوام صبح وعصر وماكو خدامه

اتوقع اقدر اعيش بدون الخدامه حاليا بس اذا صار عندي عيال مستحيل اقدر استغنى عنها

 

[&رعبوووبه&]

انا موظفه وريلي لو قاعد بارتب مكان بالعالم بدقيقه يعفس الدنيا

وما اقدر اعيش بدون خدامه نهائيا

 

[مشغوله و محتاسه]

لا للعيشه بدون خدامه طالما انا موظفه ..

بس لو اني بطاليه .. اتخيل ممكن ليش لا ..

غسالة مواعين .. غساله فل اوتوماتيك .. و يالله لك الحمد .. صج شغل البيت وايد .. بس بالنسبة لربة البيت مو شي مستحيل ..

و هم قعدت فترة بدون شغاله و عدت الفتره على خير الحمدلله .. بس كانت تعب

 

[همس الورود]

موضوع رووووووووووووعة يعطيج الف عافية اختي علي الطرح
من زمان ابي احد يايدني علي الاستغناء عن الخدم
اكرههم كره العمي عيونهم علي كل شئ ويحسدونج وعيونهم مبققة حتي لو جبتي خبزه
وعلي قولت الخوات كل ما قلت لاحدما ابي خدامة قال انتي مو صاحية
قلت حق زوجي هدي اخر خدامة لي ما ابي خلاص
بس تدرون خايفة من شئ واحد ان زوجي يقول تحوس بالبيت مو فاضيتلي

 

[خليج***]

انا طالبة واقدر استغني عنهم

 

[المقصد]

انا كنت طالبه بس طلعت اللحين بطاليه قاعده بالبيت
مستحيييييييييييييييل استغنى عنهااا
بعدين موكلهم شرهم اكثر من خيرهم

 

[حب الرّمان]

أنـــــــــــا مــــــــن تــــــــزوجت عـــــــــادي اغســـــــــل وأطــــــــــبخ ،ولمـــــــــن يبت عيالي قعت

أربـــــع تشهــــــــرمن غيـــــــــر خــــــــدامه يــــــــــعني عـــــــــــادي بس عــــــــقب العمليتين القيصريه مالت

الــــــــــولاده مــــــــااستغنى علشان صحتي ’’’’ ولا عـــــــــــــاد اغســــــــــل واســـــــــوي كــــــــل شي

انـــــا نفسج قبل لمن اقولهم ماعندي خدامه يضحكون ونفس الوقت اكســـــــر خاطرهم شلون توائم ومافي خــــدامه

 

[جاي الضحى]

الله بالخير كيفانيه،

أنا موظفه وعايشه بدون خدم.

إقري هالموضوع يمكن يعجبج ويعطيج أراء من البنات إلي ردو عليه.

http://www.q8yat.net/showthread.php?t=246788&highlight=%D5%D1%E4%C7+%CE%C7%CA%E3

تسلمين عسوله على طرح القضيه.​

 

[روقاء]

مالج امل استغنى بيت بروحي ودوام واربع صبيان وشطانه وابو الشباب وطلباته واطباق متنوعه وموعين شكثر يعنى ضرووري خدامه

 

[الشامريه]

اكييييييييييييييد ماااقدر خاااصة اذا عيالي صغار
لو انا بروووحي افكر؟

وبعدين الخدم من ايام الرسول وقبل احنا بنجي نغير هالشي؟؟؟؟

 

[-_-hayoona-_-]

صراحه أنا ما أقدر أستغني عنهم

و أنا طالبه و موقادره أستغني عن الخدامه عيل شتسوي المسكينه اللي عندها عيال

 

[*ملكة*]

الصراحه على حسب الظروف

والله المستتعان

 

[ع ــندك / خ ــبر]

لا طبعا صعب ..

 

[قلبي معاك]

ما اقدر صعبه

 

[F.A]

صرااااااااااااااااااااااحه
أهم شر لابد منه

 

[**(فـيـلا دانـتـيـل)**]

خوووووووووش موضوع والله..
انا صارلي 3 شهور منحاشة خدامتي وهاذي موضة يديدة طايحين فيهاا مالت عليهم
(حاليا انا بإجازة امومة ) صج تعبت من الشغل لان وقتي كله مع اليهال الله يحفظهم3 فوق بعض اكبرهم 4 واصغرهم 3شهور
بس والله اني مرتاحة نفسيا
ماعندي احد يراقبني بالبيت
الله ياخذهم الخدم بس يقعدون يخزونج تكرهين حياتج
خصوصا بعد إذا كنتي قاعدة مع زوجج @@ خطر ادش عليج الغرفة من اللقافة
((والله الديرة لو توفر لنا خدم بالساعه او باليومية جان حلينا مشاكلنا ووفرنا فلوسنا ))
الحين تطلبين الخدامة ب 400 واتحملينها مع انها زفت:eh_s(14): وآخرتها تنحاش وتسجلين تغيب بالمخفر وانتي تدفعين تذكرتها وتسفرينها على كفوف الراحة
(( عساها تسافر العمر كله وماترد انشالله )) <<< مقهورة

 

[MADEMOiSELLE LaFoshia]

انا طالبة وموظفه طبعا ما اقدر اعيش بدون الخدامه لووول ماينفع بيت مافيه خدامه صارت شي اساسي بحياتي الحين الخدمه

 

[QASHQOOOOSHA]

حلو الموضوع
انا عشت بدون خدامه 5 شهور ، صج تعب وعندي يهال اثنين 3 و 4 سنوات كليت تبن بالتنظيف
بس اريحلج قلب من الصيحه والحنه عليها ، بس شنسوي ما تقدرين تطلعين مكان واليهال نايمين عند منو تخلينهم والمشاوير
الي بعد الدوام لازم تحكرين الريل بالبيت معاهم . الله يعينه عليهم شنسوي

 

[شيوخ ذلتهم عيونى]

مستحيل استغنى عنها الله لايحرمنااااااااا الخدامات