استفتاء : تقدرين تعيشين بدون خدامه ؟؟

[الشاعره@جفا الحب@]

موضوعكم حلو خخخخخخخخخ ياحليلك ياريم الخبر ضحكتيني بالاخير
اما انا فطالبة وبصرحة مااخفي عليكم من انا وصغيرة ومتعودة على وجودهم لان احنا اصغار والماما كانت تدرس بس الله يطول بعمرها ماما من بديت اكبر واهي تحاول تخليني اعتمد على نفسي خصوصا من صارت الغرفة لي ولااختي ماعادت تحب تخلي الخادمة تنظف واقنعتنا بهالفكرة وصرت انا واختي ننظف غرفتنا ولا بعد صرت مااحب يدخلونها وفي اشيا معينه خاصه فيني ماخليهم يلموسنها بس انا اللي اعملها بس بصراحة يعتمد عدم وجود الخدامة على حسب الظروف والكل مايبغاهم بس الشكوى لله الله لايحوجنا لهم

 

[ro3ah]

ماقدر استغنى عنها صعب صعب الله يكافينا شرهم

 

[داريني]

ممكن اذا في حالات التاليه
الزوج يساعد
واشتراك المصبغه والكواي
بس طبعا ملابس البيت والداخليه مقدرين عليهم

جلايه صحون
طباخ بس بالويك اند
واليهال من يدشون سنه ونص يدشون الحضانه

لو هذا يصير مابيهم
بس وقت الصجيه يمكن غير خخخخخخخ

 

[نهاير]

لالالالالالالالالالا مااقدر اعيش بدونها ........صراحة بناتي اللة يخليهم لي شياطين .بس خدامتي تروح تتغدى او تتسبح اموووت معاهم .

 

[memy-08]

ماااااااااااااااااااقدر استغنى موظفه وعندي طفل

 

[ريماا]

انا عندى ثلاث صبيان وجربت اقعد من غير خدامة لمدة اسبوعين تقريبا بس ماكنت اداوم كلة طبيات وبيتى دورين والله التنظيف سهل والكوى والغسيل سهل بس ماكنت اطبخ
اللى تعبنى ولدى الصغير اغيرلة والبسة وانومة بس كنت مستمتعة بالمسؤلية
والحين مفكرة وان شالله بس يكبر اصغر طفل عندى ويصير عمرة 4سنوات ماااااكو خدم بحطلى طبااخ وخلاااص واعتمد على نفسى وعلى شركات التنظيف بالاسبوع مرة
والحين كل شى سهل من غسالة اتوماتيك وجلاااية واكواية بخار وممسحة العجيبة وغيرها من الامور اللى خلت التنظيف شى سهل

 

[زوجي غرامي]

اقسم بالله انا ودي اليوم قبل باجر اقلعها بس ريلي الله يهديه كل يوم يقولي اليوم وباجر


اوووووووووووووووووف قطيعه خصوصا هذه اللي عندي الحين مااواطنها بعيشة الله ,,,,
ويوميه اتهاوش معاها مو بالعتها ياربي راح تيبلي الضغط والسكر والجلطه وتشيبني يارررررررررررررررررربي

وبصراحه حاليا ابي استغنى عنها وارتاح
مع العلم عندي ثلاث بنات ينانوه

 

[((جود))]

انا عشت بخدامه وبدون خدامه يعني الوضع عادي .........لكن مادام ابو الشباب مقتدر ليش مايجيب الراحه حلوه

 

[شانيل نمبر 5]

ا
نا بصراحه سافرت 4 اشهر لندن

مع زوجي وبنتي ولدي

من غيرررررررررررررررررررررررررررررر

خادمه

بس بصراحه عادي تحملت

وماشاءالله شقتي نظيفه وكل يوم اسوي غدا وعشاء

والحمدالله عيالي علي طول كشخه ومرتبين

ولا بعد بليل اقعد اطلع التليفزيون مع زوجي بعد ماينامون عيالي

ولحد اللحين انا مستغربه........لو بالكويت ماتحملت يوم واحد

يمكن الجو يساعد يعطيني نشاط وطاقه وحيويه

انا اتوقع الجو يلعب دور

 

[بطة رشيقة]

انا موظفه وعندى ولد عمره 3سنوات وما عندى خدامه من بدايه زواجى اول شى كان صعب بس الحين احس انى قدرت اسيطر الحمدلله وا الحين ولدى اسم الله عليه شال روحه واقول ربى يتمم على وعسانى ما احتاجها صج تعب وكراااف بس اريح ...

 

[QUMAR]

أنا ما عندي خدامه ) ":
وما أقولج مرتاحه لا والله تعبانه وهلكانه
من شغل بيت من يهال من كل شئ
بس شسوي ...

 

[MassComm]

لا والله ما اقدر استغنى

 

[Bnt.Azmer]

انا صارلي 3 ايام بدون خدامة لانها سافرت خلصت السنتين وخدامتي اليديدة بطول شهر وشوي!! احس صرت قريبة من عيالي حتى اهم كل شوي ماما نحبج انتي حلوة!! يمكن صرت اجابلهم اكثر معن مو متعودة على الشغل وناوية اشتغل بالبيت ودي اعتمد على نفسي مع ان اقدر ايب وحدة مؤقت!!! بس خايفة الاسبوع الياي بداية مدارس عيالي دوام المدارس الخاصة يبلش يعني بقوم 6الصبح اكيد بتعب..امبي قرقة سوري خلاص!!

 

[أم الغاااالية]

طبعا بلا شك لاااااااااااااااااااااااااااااااااااا لا

 

[غير كل الناس]

موظفه وعيال وبيت وخدامتين وربي لك الحمد
تري الخدم نعمه
الف حمد وشكر لك يارب

 

[miamy]

ماااااااااااااا اقدر استغني عنها

مستحيييييييييل

 

[ام الفيصل]

ما اتوقع نهائيا اني اعيش من خدامه حتي لو الخدامه ماتفهم

الحين عندي خدامه ماعندها اسنعداد تتعلم بس هم ما اتوقع نفسي بدونها هههههههههه

العوض ولا القطيعه ....

الله يعين تعودنا عليهم بس والله انه موزين لنا

 

[SUN SHAINE]

اي والله ما نقدر انعيش بدونهم...
مع ان اللي عندي غاثتني بس شنسوي موظفه وعندي يهال اثنين وما تلحقين ما تدرين اتجابلين اليهال ولا البيت خاصتا اذا كانوا اليهال صغار يعني لو كبار يعتمدون على عمرهم ينظفون مكانهم ويساعدونج يمكن نستغنى عن الخدم...
يعني لازم اتييبين لج عله على قلبج (يامن شراله من حلاله عله)...

 

[N.springflawer]

بصراحه شر ولا بد منه ..........كلللش ما اقدر استغني عنهم

 

[مسك الغرام]

شر لا بد منهم..........