استفتاء : تقدرين تعيشين بدون خدامه ؟؟

[برونزية رشيقة]

أشجان 2 : هذا هو الرابط :

http://www.q8yat.net/showthread.php?t=306132

 

[كلي جاذبيه وشخصيتي قويه]

اهم شر لا بد منه بس شنسوي لازم خدم بصراحه وانا وحده ما اقر استغني عنهم

 

[Miss sensitive]

والله ما استغني
اقدر اشييل روحي واشتغل بس عاد تعالي شوفي الاعصاب ومالي خلق احد
استنفر ويشيل الدنيا فوق راسي
لاني ما احب شي ينقص واحب الشغل اليومي بالبيت وهذا كله مالي خلقه طبعااا بالاضافه الي مجابل الريل واليهال
افففففففف

 

[أم عبداللطيف]

مشكوره على طرح الموضوع

شوفي حبيبتي بالنسبة لي انا موظفة وما اوصل البيت الا على 3 الا ربع وبنتي أخليها مع امي ولازم معاها الخدامه تدور وراها وتشوفها

فعلا مثل ما قلتي شر لابد منه بس شنو نسوي بالنسبه لي انا اكل كل شئ اسويه في بنتي اوكلها واغسلها وابدلها وانومها معااااي وما اطلع واخليها مع الخدامه بس لازم لانه التنظيف الحمامات والغرف وغسيل المواعين كله عليها انا ما اقدر كفايه تربيه بنتي ومجابله ريلي وطلباتهم هذا دورها اهي لانه لازم معاي لانه فعلا تعب بدونهم اهي مو واقفه بس على الياهل اهو التنظيف والغسيل والكواي والمسح والتجهيز كله مره وحده لا لازم مساعده لو انا مو مشتغله جان عادي طول الوقت بالبيت واسوي براحتي لاكن انا مشتغله واكرف كرف وبعد بالبيت ما اقدر ومرتاحه لانه بنتي عندي على طووووول جتى ماتبي الخدامه تكرهااااا لانه ما احطها عندها ولا أمن عليها

واسفه على الاطاله

 

[برونزيه شقرا]

ما أستغنى عنها
الحمدالله والشكر لك يارب من إنولدنا وأهلنا مدللينا لا ندش مطبخ ولاغيره والخدم من أيام الرسول عليه الصلاة والسلام
وبعدين لاشر ولاشي أصابعج مو سوا بعد إهما بشر وناس ضعفاء مو كلهم شرانيين الخدم أشكال وأنواع فيهم الشين والزين واللي الله كاتبه لنا بيصير راح يصير
والله المستعان

 

[dandooosh]

موضوع حلو وجاء في وقته ،،، أنا شغالتي بتسافر بعد اسبوعين وما بجيب غيرها
وقاعدة أحاتي اشلون بكمل باقي رمضان بدونها ؟؟؟
انا في البداية لما جبتها كنت والدة وفي نفس الوقت ادرس في الجامعة
بس الحين الحمدلله تخرجت وقاعدة في البيت واقدر اسجل ولدي في الحضانة عشان كذا ما بجيب غيرها
وبجرب واشوف

 

[العوضيه نور]

انا كنت موظفه ومن زمان ما عندي خدامه انا وحده اقدر استغني عن الخدامه و انا عندي غسالة موااعين ونشافة ملابس وانا عندي عيالي 6 3 كبار و3 توهم بالابتدائيه و المتوسطه والخدم ما وراهم الا المشاكل وعواار الراس والدووخه انصحكم انكم تفتكوون من هالمرض الخدم وشكرا

 

[~.. المياسة ..~]

انا فاظيه ما عندي شغله ولا مشغله

بس مليت من الشغل خلاص دام تعلمت الشغل والطبخ وكل شي

ما فيها شي لو جبنا خدامه وخصوصا في اوقات العزايم والحفلات حييييل تحتاجينها

تساعدج في اشياء كثيره .. يارب نجيب خدامه سنعه

 

[أم كادي]

انا وحده كنت اقول مستحييييييييييييل اييب خدامع مع اني كنت ببيت اهلي الدلوعه اللي ماتييب حتى قلاص ماي لكن كنت مفكره مابي خدامه وظليت لما يبت بنتي اكبرت معاناة ونفسية وكراف وعقب ماكو وقت حق الريل سوو يبت خدامه وصج الله يخلي الخدم عامليهم عدل بيكونو سنعيين انا بس مخليتها حق شغل البيت اما بنتي فانا اجابلها

 

[bnt_kwt]

رد : استفتاء : تقدرين تعيشين بدون خدامه ؟؟

واي لا ما اقدر بصراحه
انا موظفه وماعندي عيال
و7 سنين كنت اكرف واشتغل بروحي لين طقت جبدي
ماعندي وقت حق شي حتى حق ريلي
اما الحين فالوضع تغير

اهي عليها تجهيز شغلي حق الغدا ارجع من الدوام اطبخ وما احاتي عقب الغدا غسيل المواعين
ما اخليها تطبخ لانه ريلي ما ياكل من طباخها مع اني علمتها بس لازم يعذرب فقلت اشلي بعوار الراس دام كل شي مقصص وجاهر انا اطبخ

اذا بطلع العصاري ولا المغرب ما احاتي غسيل الملابس وكويهم ( كابوووس )

غسيل الحمامات واي مساح الصاله والغرف يعني بصراحه بس كافي يا الوقت اللي ارتاح فيه

 

[shai5at al3arab]

لا ما اقدر

 

[%فتون الليل%]

رد : استفتاء : تقدرين تعيشين بدون خدامه ؟؟

تبين الصراحه,,الخدامه بالنسبه لي برستيج,,لا أكثر ولا أقل,,,
بس عشان لا يقولون الناس ياحرام زوجها جاعمها ماجاب لها خدامه,,,
صح إنها مريحتني من شغل البيت ,,,بس تمر علي أيام أخليها عند الوالده,,والله اعيش يومي عادي ماأحتاس,,,
يعني لو ينقطعون عن الديره اكمل مسيرة حياتي عادي ما أوقف,,,,

 

[kaboOOOOOOOOsa]

نووووووووووووووو وي لاء ماسات ما اقدر

 

[::كيك وعسل::]

مااقدر
....

 

[الحرير]

الخادمه اصبحت ضروريه في البيت

ولكن مانقدر نموت عادي نعيش من دونهم

 

[dnyay_mll]

رد : استفتاء : تقدرين تعيشين بدون خدامه ؟؟

بطاليه لا شغله ولا مشغله وماشاءالله كلا قاعده بالبيت

وودي افتك من الملقوفه اللي عندي وااااي من وصلت وانا حياتي جحيييييم من لقافتها وملاقتها ومياعتها بس شسوي مجبوووووره لانها تموووت على عيالي يااارب دوم

وعيالي محد يتحملهم الصراحه

 

[اطياب طيبه.أم عبدالله]

وجودهم مهم برايي
بس مو ضروره حتميه

قعدت اول 3 سنوات من زواجي بدون خدامه وكان عندي ياهلين وكانوا من اروع سنين زواجي

الخدم لوعه ومشاكل ومرات تلوع جبدج منها

عيالي بلشوا يكبرون خلال سنتين يمكن استغني عن الخدم للأبددددد

طبعا انا مو موظفه بس ادير بزنس خاص فيني من بيتي

 

[a woman on top]

موضوع روعه
انا الحين مسافرة فترة طويلة علاج لولدي الله يشفيه و يشفي مرضى المسلمين
بدون خدامه والله كراف و تعب بس راحة بال و فربت لعيالي اكثر
ممكن اعيش بدون خدامه لما يكبرون اليهال و يصير عمر الصغير فيهم 3 سنين فما فوق

 

[آنهار]

تقدرين تعيشين بدون خدامه ؟

اممممم يعني احس اقدر وما اقدر حسبي يالله على خدامتنا انحاشت وامي محتاسه بالبيت

قاعدة احاول اساعدها لانه عندي دورات


هل انت طالبة ولا موظفة ؟

قاعده انطر الوظيفة


دام شرهم اكثر من خيرهم ليش ما نستغني عنهم ؟

تعودنا علييييييهم وكافي يشيلون عنا تنظيف البيت كله ولا الغدا والعشا كله على امي الله يخليها لنا

لانها ما تحب الخدم يحطون ايدهم باللي نأكله

وعلى انه بيتنا شغله خفيف وصغييير ماكو فائدة ينحاشون ويتنرفزون ووايد طيبين مع الخدم

مادري شيبوون اكثر


وشكرا ع الموضوع يالغلا

 

[روحي زوجي]

نو وي

ما استغنى عنها عيال ومدارس وزوج ومن غير خدامه يبيله طبخ وغسيل وكوي وتنظيف وترتيب

حيل صعبه بالنسبه لي